yingpaula's Profile

之前見到人話外賣好耐，諗住過一排應該好啲掛，望落門口同堂食又唔多人，於是試一試佢，點知。。。真係好耐。我7:52pm 落單，見人唔多，聽號碼，有3個外賣係我前面，諗住20分鐘都得啦掛，等。。。又等。。。等左廿幾分鐘，叫完前面一個號碼，心諗，下個終於到我啦！點知佢唔順序，叫左後我10個既號碼，轉頭又返轉頭叫我前6個🤦🏻‍♀️入去問姐姐完全無理你，最終8:29pm到手。成8個字，望返堂食d人，大部分張枱都係吉，等緊食。。。大家如果趕時間真係要三思。…Read More

因隔離星馬屋無開，所以試下呢間，叫左個魚魚魚酸辣米線，魚旦全部都唔熱，又腥，相信已經煮好左一段時間，亦都冇翻熱，就甘放上去，酸辣湯冇酸辣味。雖然好肚餓，但真係食唔到，最後決定放棄，呢間野真係可一不可再。可能叫碟頭飯，會比較好，我見全場都有好多地盤工人食碟頭飯，他們食得好開心，有個好處係白飯可以叫多飯，我叫個個都叫多飯。朋友叫炸髀飯，都話難食，乾柴炸髀，炸到乾晒，兩個字，難食。好少何去寫食評，但真係唔想再有人中伏，因為真係好耐冇預過一間咁難食嘅餐廳。…Read More

18:33pm 落單，話15-20分鐘有，但到19:12都未有，原因係佢太多單未做，一件都未開始做！店員態度惡劣，發脾氣話佢地太多單落單時應該已知有幾多order, 既然做唔到就唔好亂講時間, 做唔切點解又外賣又速遞又堂食19:21 終於攞到壽司，點知發覺少左2件，要行返轉頭查詢，先知無晒玉子，話退返錢，甘都得？如果我唔check 下咪做左傻仔？😑又唔見刺身多左送多d俾客？PS. 盒刺身仲要無蓋好，d蝦掉晒落膠袋，雖然係優惠價換購，但都應該要注重衛生不會再幫襯…Read More

見到雜誌報導，專程去試下，等位要好耐，超過40分鐘，見到入面有吉枱，但無安排入底，可能呢d就係營銷手法，好似好多人排隊甘。終於安排入座，一睇左order 紙勁花，d字好難睇，唔怪得不停聽到隔離枱話錯單，甘花師傅睇錯都唔出奇。order 後20分鐘有麵食，第一啖梗係試下個湯，自家制湯，較為淡口，已經選左濃味，拉麵無乜特別，正常拉麵。點左個墨汁餃子，但20分鐘後先話無，轉左個豬肉餃子，餃子應該係用炸方式，好多油。總結，有進步空間，湯底應該係自家制，食完無口渴，但較淡口，order方面要改善，成間店運作好亂，餃子用煎方式會較好較香，同無甘油。埋單有問客人意見，亦有提供意見湯底唔夠香濃，暫時唔會再去試，可能過多三個月會俾多一次機會…Read More

一直好中意食三哥既胡辣湯底，不過愈來愈唔香，而且而家d辣度亂黎，我叫到中辣都好似5小辣甘，以前真係有分別架！話說琴晚去到，見到門口勁多人，心諗，死火，要等位？入去又有位剮！叫左兩碗米線，就開始無限既等待。。。。最後足足等左27分鐘碗米線先黎。。。！係等既其間，我check單就有落，所以排除左溜單既情況，望下週圍，全場有一大半人未有得食。其實唔夠人手就請多d人啦，甘樣枱枱等半個中，食半個中，生意仲做少左啦！等到都無晒引，張枱又油淋淋，好污濁，下次都唔再去了。…Read More

印象中mango tree 好好味，新開就去試下。豬手飯ok，咖哩飯都正常，無話超好味但絕對不難食。仲點左個炒粉絲就出事了，等左40分鐘先有，吹左幾次話因為要即炒，但40分鐘我覺得太耐了，趕時間千其唔好點！ 但睇佢個廚房又唔係甘繁忙，黎到得粉絲芽菜同豆腐，無其他料，有點失望。日日甘多人排隊原來係食物出得慢。。。服務員有禮貌，不過全部慢呑呑同混亂。。。基本上午市晚市佢地都只係做一輪客，好surprise!…Read More