vandachu_73's Profile

想話帶媽咪去佐敦食日本嘢。預先打咗電話去問，我媽咪坐輪椅（不可行走），佐敦舖好似只能樓梯上落，有無升降機直達或者任何辦法可達？男店員話可以從隣近住宅大廈入內搭升降機到一樓（送貨都係咁）、從後門入店面。預早通知，佢哋會先執清通道令輪椅可進。之後，出門時再打多次，女店員就答，唔駛通知隨時都方便到達。我一個女子推住輪椅便按指示到隣近住宅大廈，剛好遇着一個「好心」頂更食蕉，開咗門俾我，叫我一個女子推上6級樓梯（跟本不可行）。見到有斜板，我便開聲要求借用，但（回覆話麻煩）被拒絕。心諗人哋真係無收我錢，又唔係打餐廳工，我都無辦法。咁啱一群街坊落街，夾手夾腳將我媽連人帶椅抬上平台位。我撳𨋢時，仲有好心外藉姐姐仲提醒我一樓無餐廳，hold住成部𨋢嘅人想勸我放棄。衰硬頸！一心諗住搞得掂。又真係去到餐廳後門。放低媽咪喺防煙門前，我入內大叫打探，一位女店員出來，直接叫我推輪椅入內，得個半呎多啲啲空間，點入？可否搬開啲雜物？我媽坐輪椅㗎！頭先都打過嚟㗎！話會搬開啲嘢。佢竟然一句：「妳叫佢自己行入嚟啦！」咩料呀！行到仲要坐輪椅？究竟呢間係咩餐廳？我自問都好有誠意，打過兩次電話問啦！次次都有講過「坐輪椅」，咁都做唔夠？…Read More