myjelly's Profile

下午茶時段想搵啲清清地嘅嘢食，行到霎東街的合和荳品。吸引我坐低的原因是佢夠清新，裝修簡單平實，感覺光猛乾淨。小食拼盤(細)小食拼盤腸粉較乾身，味道不過不失，自己放醬料，放多放少自己揀！魚蛋燒賣唔油膩，清清地，感覺無咁肥。豆腐花 我點了原味，原身糖水味道不太甜，自己再加黃糖粉。豆腐花幾實淨，唔會食食下變成豆漿。豆味一般，滑溜程度尚可！唯一一彈，店員態度一般，年長員工對於下午茶客人坐得耐會有幾大反應，打算坐得耐的朋友請留意。…Read More

中午時間在葵芳新都會廣場搵食的確甚有難度，18少爺在4樓，唔知是否位置問題，較容易被客人遺忘，今天在「不須等候，二人直入」情況下，我去同少爺共度午餐先!我們跟餐牌點了兩份午餐:●印尼炒飯拼串燒炒飯只得兩隻蝦和數粒豆炒，有少少dry，但用上了醬汁，飯甜甜地幾好味，唯有用煎蛋和菠蘿青瓜伴飯食。串燒味道唔錯，可惜只得兩串，「些牙」了一串給朋友後，自己食一串，其實都覺得有唔夠喉既感覺。●海南雞飯配馬來西亞肉骨茶雞肉肉質嫩滑，欣賞佢有一條菜芯伴碟，感覺健康。加錢可拼肉骨茶，馬來西亞和新加坡口味，我們揀了深色，藥材味較重的馬來西亞。若是怕怕藥材味，可以揀新加坡，色淺，用白胡椒清淆成。午餐送飲品，價錢約$100位，食物分量普通。…Read More

和朋友每月一聚，今晚在尖沙咀搵食，得悉最近有150年一隅的藍月亮月蝕出現。恰巧我們想食越南菜，我們笑說「月食」後去睇月蝕。【牛肉沙律】越南菜的牛肉一向揀得較林身，今次也沒有失望，我們最興趣係見到有蝦片，童年炸蝦片的回憶返晒嚟。生洋蔥和菜絲很新鮮，酸汁剌激味蕾，唔係咁食洋蔥嘅朋友就要注意。【超載椰青焗飯】視覺效果一流，我們見隔離枱食緊，吸引到我們都想食。椰汁味濃，香香甜甜，內有滑滑椰青肉，仲有幾隻蝦，夾得幾好食，而且好香。【蒜蓉炒椰菜苗】比想像中或比其他炒菜細碟，可能椰菜苗成本較貴啦。味道普通，沒有留下太特別印象。【Mojito】不過不失的飲品…Read More

等朋友期間需要搵間cafe坐下，消磨時光，在新蒲崗大有街見到這間Green Impression, 正合我心意。。。門鋪樓底很高，空間感足夠，吸引我入嚟的仲有近門口位的幾個櫃，放滿了美美的茶具，咖啡用品。下午茶時間，幾個選擇都吸引，價錢都好大眾化。綠茶窩夫配鮮果及自製花果醬綠茶窩夫新鮮做起，外脆內軟，綠茶味比較淡，但合我口味。鮮果有藍莓和鮮芒果，都落重本，食材不馬虎。自製花果醬，我本人特別喜歡果醬，這個帶點點酸甜感覺，似紅莓又似洛神花味，清清甜甜，塗在窩夫上食，配搭得宜。熱咖啡，奶和咖啡分開上，另有一粒糖粒，我喜歡放奶的藍色杯，影相很好看。咖啡味道偏淡，不溫不火的感覺。連加一$48， 吃完後朋友和太陽伯伯齊齊收工。…Read More

Lunch時間全個德福都爆場，今日約靚女朋友食午飯，我12：45到小王，等左5分鐘就有位，店員很有禮貌地帶我入坐。午餐時段選擇很多，麵食是主打，場內比較多食客揀麵，我們就點了各一。鹽酥雞扒麵雞扒勁大件，大過靚女塊面兩倍，具視覺效果，雞扒炸得很脆，雞肉亦不失軟滑，肉汁保存得很好。麵滑，口感夠彈牙。 台式肉燥香酥雞球飯相比鹽酥雞扒麵，賣相相對是失色左少少，但值得一提是雞皮炸得非常香口，肉燥的味道也是我欣賞的，因為沒有多餘肥肉，咸度也剛剛好，撈飯感覺開胃，的確唔錯呀。…Read More

新森林是朋友仔其中一間他最喜歡餐廳，原因大件夾底食，今晚行開旺角，佢帶我嚟試下。入到去見到是“浸信會愛群。。。”我相信是NGO有份營運的社會企業，感覺良好，覺得自己今晚的幫襯都有少少惠澤社群呢！招牌大隻佬焗飯雜扒飯是也，可揀茄汁，黑椒汁。我們揀了黑椒汁，汁和飯份量都很多，我欣賞佢條脆皮腸，唔太咸，其他扒就厚粉咗少少，轉用煎的話效果更佳。安格斯芝士漢堡/吉烈蝦芝士漢堡主菜是迷你漢堡，自選兩款，對安格斯芝士漢堡有點點期望，但實際上枱時肉質較實，口感有點像鯪魚肉，牛肉感覺和味道都唔重。驚喜位是，咬到中間有芝士喺肉中間，芝士的爆瀉感覺，加上算幾香滑，搶返失去了的收視。芝士焗釀海鮮青口淡口芝士+海鮮碎粒焗青口，味道唔錯，青口也新鮮，焗起來也不太硬身和乾身。二人餐共三隻，啱晒大食嘅朋友。黑咖喱雞翼香口美味，肉質都夠滑，附一兜咖哩汁，甜點濃，點唔點都沒有太大影響。$138包飲品，真心抵食，細食女孩子3個人都夠食，朋友仔無介紹錯。缺點，餐廳內沒有洗手間，想去餐廳洗手間，客人需要拎鎖匙，離開餐廳兜一個大圈到後巷使用，甚為不便。本人當日都有嘗試去後巷尋找，但行到一半已經覺得會幸會米奇，無膽去完成任務，最後餐廳職員細細聲提醒，可以去返女人街前幾個鋪位的威達商業中心地下廁所，最後都順利解決了。…Read More

雲南風味都可說是深水埗地標，當未流行三哥譚哥之時，雲南風味已經好多人食，真係細細個就識得佢。魚蛋豬潤腩肉雞肉炸醬。。就這幾款"膽" ，任顧客"拖"酸辣或甜湯。炸醬魚蛋雞肉炸醬少少咸少少辣，惹味喎！而且肉醬瘦瘦的，唔多肥肉。魚蛋彈牙，清甜，爽喎！4粒大大粒。雞肉軟淋，滑身，唔肥白肉首選。豬腩肉酸辣腩肉肥肉呢家野，喜歡的就會喜歡，不過這腩肉肥瘦分明，少少咸，絕對無臭豬味。酸辣底酸菜酸maymay, 少少咸。襯埋腩肉係好惹味。二味$32，三味$35 價錢很大眾化。下次想十級餓時挑戰全套$45…Read More

約了朋友傾野，唔想飲咖啡， 原來都有其他清怡選擇。我揀左薄荷茶下午飲薄荷茶，有提神作用，飲落涼涼地好舒服。濃濃的秋天感覺。薄荷茶，杯上更環保，感覺上好像更大杯耐喝。…Read More

曾聽說過馬鞍山一帶只係得米線米線和米線……既然係咁，今日就試下恒安邨的米線營，感受一下馬鞍山米線威力下午茶:蕃茄豬扒豆卜米線5時許，有幸趕上下午茶尾班車，這碗蕃茄豬扒豆卜米線賣相普通，而且上枱賣相有點混亂。味道:湯底清清甜甜，不算是濃湯那種。豬扒大塊，食起嚟都幾辛苦，若有碎上就加分。豬扒肉質實淨，有肉味，沒有鬆肉粉感覺。用上大量薑做味，不喜歡薑的朋友請注意。豆卜兩片，乾瘦長方形，咬開沒有白色豆腐，只係兩片黃色豆卜乾.....米線不過不失，不硬不軟。散叫:櫻花蝦肉鬆皮蛋豆腐適合夏天進食，全冷盤。櫻花蝦肉鬆惹味，襯埋甜甜地豉油汁，幾開胃豆腐皮蛋豆腐屬大路牌子，無咩特別。皮蛋約有一隻，幾爽口。下午茶仲包一杯熱飲品，其實算不錯，抵食P.S.米線營是大家樂集團屬下…Read More

店在窩打老道，面向幾間學校，日式舖面裝修，自然舊的門面，有點點日本小店感覺，就姑且入去食碗麵。入到去，感覺是平民小食店，那張啡色摺枱可見，中午時份，大多數中學生光顧。車仔麵式食咩自己圈我點了蕃茄湯底肥牛餐肉拉麵，你當視為普通車仔麵般，質素係綽綽有餘的，麵質正常，不會太林，蕃茄湯底是較清的類型，配菜有粟米和菜，感覺均衡，品算淡口，沒有味精感，食後不口渴，但坦白說就和日式拉麵是兩馬子的事。$29也算合理。…Read More