apxn6kwq7xnp's Profile

又來到呢一間平價食牛嘅打邊爐餐廳啦！呢間餐廳我最鍾意嘅就係壽喜燒湯底，原因係佢會越煮越龍越有肉香嘅味道。佢出邊嘅配菜唔係話特別出色但係都幾健康嘅。入面全部都係蔬菜其實如果間唔中去食下，你會發現佢有某一啲菜品係會有菜式嘅更換嘅，其實以平價色牛打邊爐來講佢嘅肉唔算低質，食落去冇筋。雞肉的話就麻麻啦因為佢煮得比較耐。飲品方面今次因為我唔想飲得太甜所以我將梳打水溝咗汽水淡咗得來又唔會冇氣，雖然我哋今次坐得好入但係職員都會定時幫我哋加湯。平時諗唔到食咩呢個真係10分推薦呀…Read More

今日入咗去屯門朋友屋企玩行過見到呢間餐廳望咗望餐牌都好精神於是就坐入去啦。入邊裝修得幾工業風，我同朋友一人點咗個餐🚗位置：偏遠🍽食飯環境: 工業風,落地玻璃有河景🔺精選頭盤沙律配是日餐湯🔺 沙律係黑醋配沙律麵包，第一次食頭盆咁岀色 餐湯就正常發揮🔺是日廚師發板牛扒配薯菜 🔺牛扒係牛側腹~仲推薦左七成熟係最好-食落去肉香味超級濃，味道順口濃郁，瘦而不柴🔺北海道帶子墨魚汁忌廉扁意粉🔺-墨汁十分之濃厚，上面有2粒帶子同少少魚子，呢個絕對係我見過最濃嘅墨汁食到成個咀都黑左，但係味道就偏淡，加返兩粒鹽會好啲，帶子細嫩柔滑✨✨✨✨✨✨✨✨✨呢間餐廳食晚飯環境一流，快啲過嚟試吓啦…Read More

呢間餐廳可以講係十分之懷舊,如果怕污糟嘅朋友可能就未必適合啦,雖然枱枱櫈櫈好殘舊，但係佢哋嘅枱面冇油漬，入邊嘅枱櫈唔多，入得黎呢啲地方嘅雖然大多數都係附近街坊，而且呢間餐廳開得10分隱蔽，唔係住附近嘅都未必搵到添啊食物嘅味道就正常，小編點左一個牛腩撈麵個面本身已經有味道閂左啲蠔油撈，佢啲面爽口彈牙口感啱啱好啦但係佢牛腩嘅份量唔算少，咬落去肉香味濃，牛腩已經炆到冧哂，絕對係你想食完一次又一次嘅味道。行過路過記住試一試呢間餐廳。…Read More

呢間餐廳喺禾輋商場係新開嘅，作為附近嘅居民當然要試一試新嘅餐廳啦！( ´ ▽ ` )ﾉ佢個位置開得比較隱蔽，位於陳根記舊址對面。餐廳入邊唔算大但係因為新開所有設備都十分之乾淨衛生。令我最驚喜嘅係佢嘅價錢雖然唔係好貴但係又可以嗌到一啲比較冷門啲嘅餐品，例如味菜牛肉脆脆麵，鑊氣十足。由於可能都係事業嘅階段。佢一個餐如果不是外賣$50有找，就算外賣先$51有一個飯餐一個湯仲有一杯飲品。價錢可以話係相當之合乎經濟利益呀…Read More

以前開喺禾輋邨嘅時候成日食嘅陳根記自從佢搬咗之後就冇再去過食啦，近期路過覺得有啲懷念於是就去再試一試，大排檔來講可以講係已經十分之乾淨，但係服務來講啲姐姐串左少少啦，冇得罪佢都會講你兩句咁，自問對服務態度要求唔高，都係嗰句啦大聲唔代表我冇禮貌？😂食物質素方面冇問題份量當然冇以前咁多，Wasabi雞嘅招牌菜式，三個人要例牌已經足夠，雞肉質嫩爽口，個麻辣花螺，麻辣鮮香完全做得到，最後仲有一個酥炸廣島蠔，佢一放落枱面，香味四溢睇落去粒粒飽滿，食落去酥脆可口，外脆內軟，大家可以試一試…Read More

好耐都冇打過邊爐啦！趁疫情嚴重之前就想食一次火鍋放題，行過路過見到中學時候嘅回憶牛摩，望咗望個餐牌發現佢個湯底多咗好多選擇，而且地方闊落，於是就入咗去啦。職員會喺你入去之前叫你揀好個湯底，之後坐低你就可以自己去攞嘢食。食物嘅款式都唔算少自助攞嘢食主要都係蔬菜同埋各式各樣嘅丸，最特別嘅係佢有豆皮結，真係好好味吖佢嘅牛紋路都非常之靚，食落去唔會有筋同韌，肉香味重，牛嘅質素比起以往好咗好多值得讚揚吖！我揀咗壽喜燒湯底，佢會送一隻雞蛋，沾埋充滿蛋汁嘅醬料，真係十分之滿足。價錢合理質素又高，推薦…Read More

好耐都冇食過大喜屋啦今日去咗沙田呢一間嘅大喜屋諗住少人啲，但係入到去發現果然美食係不可辜負嘅好多人趁着夜晚六點之前都食咗個放題。大喜屋嘅嘢食一如既往上菜速度十分之快，沙田呢一間大喜屋佢嘅格局坐得都舒服😌飲品方面最開心係佢有荔枝烏龍茶，唔太甜又可以解膩。叫咗太多嘢食冇一次過影晒但係放題餐廳做到要幾多食幾多係非常之好嘅唔會造成浪費。佢啲選擇亦都比較多。最後食左個壽喜燒牛肉鍋十分之驚喜，一個比較甜口嘅壽喜燒佢啲牛肉一啲都唔肥膩，推薦大家食放題嘅時候都可以試一下其他食物就不用多說了。…Read More

好耐都冇出門口啦，同朋友去咗旺角諗住行下，順便睇吓附近有咩好食，但係行咗好耐好多餐廳都已經關咗門，最後搵到十二味，上到去人不多，我哋晏晝上去，佢有個午市套餐，一盤酸菜魚加白飯都係70幾蚊非常之抵食吖呢個酸菜魚係我食過喺香港最正宗嘅餐廳，而且份量十分之足，魚肉有彈性，夾落去都唔會散開一嚿嚿，除咗有非常多嘅魚片之外，仲有好多唔同嘅配菜，雞髀菇酸菜大量嘅蒜頭如果你鍾意嘅話都可以加埋薯粉添。另外佢最正宗嘅係佢嘅湯頭鮮香味美，唔會太酸，辣嘅程度啱啱好，撈飯非常之合適，不知不覺已經食完一碗飯…Read More

疫情底下出去食飯機會少之又少，今日決定叫網上外賣平台揀咗好耐搵到Shake Shack之前冇食過，原因係覺得佢好貴同普通麥當勞相比好似差唔多嘅感覺，但係身邊好多朋友都話好好食於是決定試一試。外賣一到，感覺佢嘅包裝非常之乾淨，打開見到個漢堡包真係有唔同，個漢堡包非常之大肉香味非常之重，係食肉人嘅快樂，入邊有個超大嘅炸蘑菇，咬落去淡淡都10分Juice，芝士全部流出來，佢嘅芝士薯條都十分之濃郁。但係佢嘅炸雞就有啲乾。食完之後終於明白呢個價錢一啲都唔貴，快餐來講十分之高質吖…Read More

放工係附近行左一陣之後已經5點幾差唔多六點，有啲攰就走咗入去Starbucks。諗住買一杯就走，我揀咗一杯americano 之後咁啱見到有個西蘭花菠菜芝士批，口痕痕忍唔住就買咗，員工好好人佢話距離關門仲有一段時間可以喺度食咗先，所以我就冇外賣啦。當然坐喺度嘅環境係舒服嘅亦都可以比我休息一下，員工服務態度都非常之好，個批芝士味唔重嘅西蘭花偏多，味道就偏淡。咖啡的話就正正常常行完街想抖吓呢度真係一個好地方，推薦…Read More

Subway 係我出到社會工作之後食過最好食嘅包，除咗因為喺晏晝想食個快食之外，對於女性嚟講，梗係要低脂健康，唔想食到咁肥膩啦。呢個就會係我嘅好選擇。食完個包都仲有半個鐘時間可以喺晏晝休息一下。佢裏便嗰啲蔬菜全部都新鮮嘅，而且其實職員十分之友善，如果你同佢哋講要落多少少佢哋都會唔會托手踭。重點係佢哋唔會講廢話，因為有時趕時間起上嚟最緊要快。放工時間都好鍾意同同事一齊過嚟買一個返屋企。健康又好食嘅嘢真係好少，但呢個絕對係萬中其一！…Read More

酸菜魚有好多唔同餐廳但係講到最有氣氛嘅一定係呢一間，一開始睇佢個裝修覺得佢個價錢應該好貴，但係望咗望佢地既嘅餐牌，有個幾抵食嘅二人餐。入到去見到佢哋嘅裝修令人感覺十分之舒適，口水雞非常之濃郁，上面有滿滿花生碎十分之香，但係太凍令到雞皮上面嘅雞油冇辦法發揮得淋漓盡致 。另外佢哋有款小籠包非常之Juice，肉香味重。最後要講佢嘅酸菜魚係我食過咁多間，其中一間數一數二好食嘅。佢個湯非常之濃郁，啲魚片冇食到有骨，處理得非常之好，口感十分之彈牙魚香味十足，線香味美。除咗佢哋嘅甜品之外其他都十分之出色，非常之推薦。…Read More

久違嚟宜家傢俬行一轉，必去嘅一定係佢嘅餐廳，佢嘅經典肉丸配上佢嘅肉汁加上薯蓉簡直係絕配，個餐可以轉飯或者轉意粉其實已經可以好飽肚，如果要食宜家傢俬值得一提嘅就係佢嘅薯餅，入邊有一粒粒嘅薯仔有芝士有西蘭花，味道香濃，啱啱出爐嘅外邊仲脆脆地，點兩件好食到停唔到口吖， 三文魚來講佢都算大份，可惜口感比較柴，環境來講宜家傢俬真係十分之闊落，1600左右去食嘅時候人唔算多，食嘅環境亦都非常之舒服，食完仲去附近嘅商場兜個圈添。…Read More

琴日放工之後有個同事話佢好掛住大陸嘅麻辣火鍋於是我就搵咗呢間川婆婆，平時行過呢間餐廳感覺佢嘅裝修十分之特別已經想食好耐啦，我哋叫咗個鴛鴦鍋，一邊係麻辣另外一邊係椰子雞做湯底同埋平時食火鍋嘅一啲配料，湯底味道麻辣鮮香，令到平時唔食辣嘅我都一啖接着一啖不停食，另外嘅椰子雞湯底料十足十分滋陰，每樣食材煮完之後都有椰子嘅香味，齒頰留香，雖然佢哋好多客人，但係店員嘅服務態度十分之好令我印象深刻，總括嚟講，呢間餐廳川味正宗，值得一試。…Read More

好耐都冇同朋友見過面今日難得一見我哋終於決定去咗呢間餐廳，本身入去諗住淨係識個環境影下相，點知入到去有驚喜，食物方面雖然係普通大排檔都會見到嘅食物，但係味道十分之有質素鑊氣十足，特別係佢嘅手撕雞質嫩爽口，鮮味十足。另外仲嗌左打冷，佢個汁係重點之中，鹹香惹味而且佢嘅魷魚🦑爽口彈牙，店員一擺上枱冇幾耐已經清晒，食完之後可以喺餐廳影啲靚靚又有香港特色嘅相，一次過滿足色香味嘅要求，環境方面因為喺室內燈光比較昏暗，營造左夜晚喺街食大排檔嘅效果，有種返咗去80年代嘅感覺。可以睇得出佢哋喺所有細節方面都做得十分仔細。…Read More