前幾日過西環陪女朋友食飯但又唔知食乜好，行吓行吓見到有間位於電車路嘅潮州打冷舖，咁啱我女朋友又話想食吓打冷，於是就入咗去試吓，入到去坐低睇吓餐單後就點咗幾樣地道潮食，其中有味菜叫燻鴨，我真係食完覺得好好食，老闆話只有佢哋哩度先食到，真心覺得好味。另外叫咗條大眼雞魚，點吓豆醬嚟食真係好鬼鮮甜，老闆話馬由魚更加好食，不過等下一次先再來試，最後叫咗樣甜品反沙芋，因為話即叫即做所以都等咗好耐先食到，不過我覺得又真係幾值得等吓嘅，可能我個人喜歡食甜嘢所以覺得好啱我口味，最後女朋友仲叫多份燻鴨外賣返屋企，本人覺得哩間潮州打冷下次絕對值得再來幫襯，大家不妨試試
…Read More
…Read More
