Kitwcy's Profile

星期日1點左右去到，成間鋪唔得我地得一枱客。坐低就叫左最basic既無辣燉雞同海鮮煎餅，燉雞我地另外加左魚糕，但冇諗過佢所謂既魚糕原來係港式芝士丸同魚蛋仔😂先講講個燉雞，份量的確好大份，完全夠3-4個人share去食。味道方面都係比較甜同咸，得面個浸係有味，咬落去係好鞋既雞肉，冇煮到佢入味。唯一成碟野比較好既係個冬粉，索哂啲汁都算係幾好食。海鮮煎餅，唔知係一貫作風定係失手，一上到枱剩係見到啲蛋，海鮮收埋哂，同平時見外海鮮外露既煎餅樣唔同，可以話似係海鮮蛋餅多過海鮮煎餅。咬落去好重油味，海鮮味幾乎食唔出，ko左大半塊之後頂唔順放棄左。總括嚟講，佢唔係韓國傳統燉雞嘅味道，亦相信佢係為咗迎合香港人味道而有改變。但即使係香港人嘅味道，都唔係好接受到😅…Read More

夜晩係旺角揾咩食個陣，見到有個易拉架寫住有一人火鍋，而且價錢都幾抵，就本住試伏心態去試下😂間野係要上樓既，上到去位置唔算多，而咁啱坐個張枱就望到上落樓梯正一正，基本咩人行過都見到，同埋都比人望住哂食野😰建議店主可以加翻塊門布遮一遮會好啲野食方面，我就叫左胡椒豬肚湯一人火鍋套餐，都包好多配料同埋一碗白飯，但我就加左$5要左個出前一丁。個鍋一黎到等佢滾起左之後就首先飲左啖湯先，點知十分有驚喜！見佢白白地淺色以為冇乜味，點知飲落胡椒味好重，十分夠味，最後煮個面個陣連味精都唔洗落，直接用個湯底都已經好夠咸😂一個人食一個火鍋套餐都已經好夠飽，唔需要點再額外加野。呢個價錢同份量黎講cp值都幾高，建議大家經過可以一試！…Read More

夜晚book左位黎食飯，見到是日dinner並唔係全部都好啱食，所以就叫左一個豬鞍架set，另外再散叫一個黑松露薯條同埋卡邦尼手捲粉。先講黑松露薯條:佢黎到已經覺得怪怪地，望落去一啲都唔脆炸，整體顏色偏白，食落口係軟冧冧。以為係少部分係咁，但食底個啲都係一樣，基本上就似係啱啱解凍出黎冇耐就拎炸，但又炸唔熟透。同侍應反映完之後，佢答我會重新整過份，但唔夠1分鐘就由另外一個侍應拎翻同一份出黎😅真係唔知佢所謂重新整過一份係咪代表由另外一位侍應serve翻比你咁解🙃最後放棄左大半兜卡邦尼手捲粉:等左都幾耐下，味道不過不失，但整體都係偏淡，醬汁偏杰食，只有最開頭熱個陣先好食🫠但食左幾啖已經叫侍應拎支黑胡椒嚟釣吓味先好食翻啲。估唔到最普通既卡邦尼都可以整到唔好食…同行朋友叫既豬鞍架係3樣野食之中最唔錯既，啲豬肉唔會好韌，配埋佢個蘋果醬汁都幾夾，但留意翻佢個醬汁係凍既，但都會係我唯一推介可以叫既野食。總括嚟講，comment啲好評真係參考下好了，可以唔洗黎，而且侍應既服務態度都偏西🙃我相信會有其他更好既餐廳選擇。…Read More

叫左一個黑蒜拉麵，一個期間限定拉麵(咖哩)黑蒜拉麵望落去好深色好濃味既感覺，另外都比左一大堆胡椒粉同黑蒜(?)，但攪勻左之後第一啖食落口已經係冇乜味，味道相對上好淡，可以話唔係點食得出黑蒜味，食到後尾就係一口胡椒粉味，即係死鹹👎🏻期間限定拉麵(咖哩)呢個反而有驚喜，面頭仲放左咖哩味薯片做點綴，咖哩湯底濃度適中，加上帶少少辣，味道相當唔錯👍🏻不過隻溏心蛋就冇乜味，就係一隻好普通既未熟流心蛋2碗都揀左火炙叉燒，每碗都有2大塊既份量，不過燒到偏韌，並唔係相像中一咬就淋個種，都要啲牙力去咬，味道都一般，最後放棄左剩低大半塊😓結論:價錢cp值都ok既，但唔會食第二次…Read More

星期日下午時間去到，叫漢堡冇漢堡，叫薯條冇薯條，但耐何附近都冇乜好食同又好肚餓，所以都叫左兩個意粉黎食。哇，但個所謂焗肉醬意粉一上到黎，我真係以為係7仔意粉換左個兜比我地，肉醬少，又多水，成碟野冇味道可言，個兜係熱呀，但入面係暖，意粉隱約係有啲未熟。個卡邦尼意粉叫做好啲，起碼係即整又熱先，但其實都係乜忌廉味，反而係有浸味精粉味，成餐飯最好係杯咖啡，其他真係…環境係舒服既，不過真係唔洗浪費金錢黎食。…Read More