死火's Profile

老婆生日,個女話要訂個蛋糕慶祝,上網搵到呢間cakestory,見佢facebook啲蛋糕真係整得好靚,但好奇怪無乜人提到蛋糕嘅味道,唔通........不過都試吓啦,款式太多,自己慢慢揀,我揀咗個3D 勞蘇,兩磅起,價錢438都幾貴,味道有4種選擇,雜果,黑森林,咖啡同栗子,仲有自選生果,落訂時揀定交收時間地點,終於等到吉日,準時交收盒面放有乾冰保溫,要讚,返到屋企等一時間睇吓個蛋糕,嘩!不得了,真係好靚,仲好香,未食以經覺得438已經值回票價,不過,之後切開個蛋糕都嚇咗一跳,鐘意食忌廉嘅一定好開心,我個黑森林蛋糕差不多有6成係忌廉,不過忌廉入面係有啲啫喱,都幾好味,整體上好滿意,收蛋糕嘅人會好開心…Read More

第三次到呢間酒店食buffet,服務仍然保持水準,照舊早到5分鐘,一去到就安排入坐,坐定定等開餐,第一輪都係生蠔,凍蝦,蟹腳即開生蠔比較細隻,但好新鮮,唔知點解每次嚟呢間buffet,都好似無乜人食生蠔,唔使排隊,真奇怪,蟹腳就多人攞,但補充比較慢成日見到得啲冰喺度,蟹腳同凍蝦都鮮甜,蟹腳唔會好咸,跟住當然係刺身,三文魚,甜蝦同赤貝都係buffet中少見,但甜蝦較細隻,但師父絕不手軟,每次都有8-10隻,熱葷我又無乜興趣,試咗,煙鴨胸,切得太厚,但味道OK,呢期主題情迷龍蝦,點解我淨係見到炒龍蝦鉗,仲有每人送一份上湯龍蝦,味道真係一般,如果為咗龍蝦而嚟肯定劣評甜品唔使講,呢度至出名嘅芒果拿破侖,好多芒果肉真係好正,點樣好食法真係自己試過先知仲有個燕窩白朱古力心太軟,成匙羹燕窩,不過心太軟真係太甜,反而個蛋白杏仁茶幾好,我都飲咗幾碗,其它甜品都可以一試,今次多咗免費任飲橙、蘋果汁,餐後仲有杯飲品…Read More

將軍澳首間酒店自助餐,同大型商場,地鐵站相連,非常方便,shopping 完早咗5分鐘到,諗住早啲入坐去吓toilet準備食餐飽,點知去到reception話要等到6點先安排入坐唯有等,最後等到18:02入場,坐位算闊落,眼見食物種類唔算多,一開始梗係生蠔,魚生,凍蝦先,(蟹腳,翡翠螺都無)生蠔即開,開完每隻沖水起碼5秒鐘,洗得好乾淨入口一啲蠔殼都無,最斃連味道都俾佢沖淡埋,魚生都係果啲,三文魚好似幾新鮮但又係淡而無味,凍蝦呢?一樣!唔知係咪味覺夭失調熱葷,有炸子雞,羊,片皮鴨,田螺,桂花炒粉絲,呢個覺得係全場最好味,蒸扇貝.....,蒸扇貝每次攞得6-8隻出嚟,開頭人少,攞咗兩隻試,唔熱嘅,,見佢無晒都唔理,有佢擺隻吉碟喺度,好在唔好食如果唔係掙餐死,轉戰甜品,都係失望,咖啡木糠布丁可以一試,食完甜品再試多轉,刺身,生蠔,同之前無分別,熱葷,算吧,真係唔吸引,第一次食bnuffet係唔飽肚:(講完食物,講服務,全場唯一態度最差嘅係切刺身果個大哥,見你揸住隻碟埋去,就命令式叫你擺低,切完啲刺身好似(pad)落隻碟度,佢啲語氣同態度佢真係大哥嚟架(呢位大哥好易認,咀下角有粒墨)唔好殺錯良民,收碟速度就真係一般,整體嚟講,呢間酒店嘅服務同食物有好大改善空間,不過都無下次鳥…Read More

一行七個大男人,上到熊場,入到去地方唔錯,比起其它場座位較闊坐得舒服啲,侍應態度都ok,仲提醒我哋會有一客刺身併盤送,可以點住其它食物先,第一客刺身好快到,(記住只係第一客)仲諗住今晚可以食餐飽,真係太天真食完第一轉,等咗足足半個鐘有多,其間點嘅熟食都間中嚟啲,催吓個侍應等多陣,求其攞兩碟刺身嚟乜都有啲,份量真係,第三轉得番一碟,到last order 都係一碟,份量都係唔足,食到騮騮地都唔記得影低啲證據,真係失敗,價錢就收足,份量就打個5折,連加一,二百有多,真係百二都嚴佢貴,呢啲食店都唔預你會返轉頭,下次睇食評都係信啲彈嘅好啲,無謂浪費金錢…Read More

團購優惠$78全包,於晚上0600-0830內任食任飲兩小時,book咗6點,準時到達,完全唔使等,因為無客,得一枱食客兩個人,三款湯底,揀咗鴛鴦鍋,清湯無乜味,沙嗲都係普通,食物選擇比較少,份量一般通常都係6件,味道大致上ok,但火鍋嘅主角牛肉真係唔多掂一碟都係得幾片,就算落單寫住2份都係一樣,真係令人失望,焗住試吓鮮牛肉滑,味道同山竹牛肉一樣,可以一試,值得推介貢丸同粟米,粟米真係超甜,飲品就幾款汽水任飲但唔包啤酒,汽水又係扣分之作,唔夠凍,到臨完場半個鐘有提你完場時間,臨走時都係得6枱客,有3枱係團購,以$78價又住附近都可以試吓,因為食物夠新鮮,不過都係一次咁多,但以原價$108就真係唔使考慮大把選擇仲有個女話厠所好dirty…Read More

KFC、PIZZA、SUSHI外賣速遞都試過,今次試麥當勞麥麥送,上麥記網頁睇有套餐幾低,於是試個二人套餐,另加新出綠茶紅豆新地同蘋果批,落單後約40分鐘送到,(車程只需5分鐘),麥記出品味道當然分別不大,只不過係食物全部係暖,薯條梗加唔使講,杯新地仲恐怖(送貨時見佢有冰舖面),杯新地無乜紅豆,味度一般,麥麥送要正價9.1,如堂食加一蚊可以一試。全個餐只係個蘋果批係熱保持水準,如果真係好想食麥記又懶要外賣速遞話記住唔好叫新地,今次評分只係計麥記速遞後食物水準…Read More

夜晚差唔多8點去到無乜人,同老婆搵位坐低,環境幾好坐得舒服。餐牌好多選擇,見隔離個鐵板餐賣相幾好,於是點個鐵板T骨扒洋汁,落單時阿姐問要幾成熟真係有意外(但係其實無乜分別),於是叫7成熟。鐵板上熱辣辣真係唔錯,T骨扒好大件,跟飯一樣好大碗,包你食唔哂。刀一切,牛扒9成半熟啦,無血,肉拿到淋哂無哂牛肉味,剩番洋汁撈飯都唔錯。老婆叫個豬扒鍋飯,豬扒一樣好淋。仲有杯餐飲凍奶茶同士應招呼都仲可以,兩人賣單一百有多,但牛扒味道比集團式快餐店仲差。…Read More

第一次去板前因人太多所以無等,今晚5點幾去到已經要等位,最後等左大約20分鐘,入到去地方唔算大,試左幾樣壽司~好味！三文魚壽司低食,塊三文魚好大件新鮮,不過d 飯就一舊大一舊細,蟹柳又係好大條,海膽壽司就普通足料喜歡海膽既可一試,仲有A5和牛壽司$30一件d 汁幾好味但無乜肉味,可能唔識食,其他壽司同手卷都OK,不過款式好似比較少,無元綠咁多,最後想試埋山梨土可惜賣哂下次再試。…Read More

今晚首次到青葉食,驚無位於是book定0630pm,去到見地方闊落與之間有足夠空間唔會太迫,去過幾間放題食過,呢間真係坐得最舒服。坐低首先點刺身先,三文魚、赤貝、鮑魚片、甘蝦算新鮮出得幾快,不過三文魚好似有陣生抽味怪怪地。天婦羅即叫即整時間比較耐,麵粉真係幾多。到壽司,飯唔夠實一夾就散,試埋個地獄湯烏冬一人份量細細碗好,不過一都唔辣但幾好味,刺身叫過幾轉份量寫幾多黎幾多唔會少,但係三文魚就細件,火鍋同手卷無試,其他小食一般,服務員落單同收碟幾快,埋單仲快,不過笑容欠奉！由於有張coupon埋單兩人共$236,如正價收$138整體講可以一試。…Read More