auntie_cho's Profile

今日好忙，去左AEON血拼再去D2同仔仔放電，血戰一輪大人經以冇曬電，一上地鐵站見到間日本野冇咩人就入去，行到入去原來地方好細得幾張台，我地5個人座位安排有D尷尬，等左都十幾分鐘先安排到。因為唔想呀仔食太多生野，叫完個蒜香和牛粒飯，叫左D壽司，望住個MENU就有D苦惱，侍應介紹我叫一個MENU冇o既日式牛肉鍋，冇相睇都試下啦。首先黎左幾件壽司，其中一件叫左口魚邊，食落好重魚油，都幾香o既，但如果要我一個食曬4件就會有D漏。至於介辣八爪魚，本身我個人唔太喜歡，因為出面食開D WASABI味好怪，但因為得兩個大人，食唔到噤多又食一舊，食落又好不過不失唔係怪辣味。到牛肉鍋，一見到唔見牛肉既？想投訴原來俾其他料遮住左，都有5片既，叫左個白飯一齊食，好食但菜比較少。到蒜香和牛飯，一黎到已經聞到好香，賣相好吸引，真心好好食，本身唔太食洋蔥但加埋D汁炒埋一齊同飯好夾，於是我老公又叫多左個飯...下次有機會再食，我會叫兩個蒜香和牛粒飯，唔叫牛肉鍋。總結好食，但坐得有D迫，抽住一袋二袋就唔太方便。…Read More

難得放假想食西餐，聽朋友講大角咀埃華街有好多好野食，有一兩間食好西但唔記得個名，於是特登搭車過去搵食，點知一落車一街都係雞煲四川桂林打邊爐。。街頭行到行尾都冇一間西餐。。唔死心情況之下轉到去大全街。見到呢間IL CIBO個名唔識讀（哈哈！😄）細細間幾有FEEL就入左去。我地一行三人叫左3個SET，頭盤沙律/湯，主菜加埋飲品，埋單都係600左右。冇影MENU所以實質菜式名同價錢已經唔太記得，是日餐湯係薯仔湯，唔識食西餐開頭一望覺得好稀，但飲落，食包點少少黎食又好食。沙律揀左個烤雞沙律同燒牛肉沙律，不過不失份量OK。第一次寫食評，掛住食影漏左兩個好好食意粉。😤好似叫意大利海鮮麵，同埋蟹肉意粉，兩個都係炒好香，硬度岩岩好，係多左少少油。最後朋友叫左個牛排配薯角，叫左medium rare，我食左一舊但有D"銀"同偏乾，個人認為唔係煮既問題，係而家平平地買塊豬扒煮黎食都香過牛扒，可能係我唔識食～哈哈😄整體黎講我覺得幾好食行開會再幫趁。…Read More