jessieyi1002's Profile

今日又送亞女去紅磡分校返學，喺附近搵好嘢食，無意中見到有間食上海麵嘅地方就行咗入去🤭嫩雞煨麵- 一上枱熱辣辣、首先試咗啖湯先好濃郁😝雞肉很嫩滑同菜都很新鮮，麵質相當彈牙，不會太腍，亦都不會太硬。湯底真係好好飲，最重要係飲完唔會覺得口渴🧐如果女士可以叫減少啲份量，因為實在太大碗，六十蚊食到咁嘅質素非常經濟又實惠。紅燒軟排麵- 排骨炆得非常腍、一層肉一層筋，筋入口即溶、樣子望落去平平無奇，但食落口非常驚艷。麵質一樣非常有口感。總括嚟講，麵比起大型嘅連鎖店好食很多。食完你會想再去幫襯亦都食得出佢對食物好有執着有要求都有家的味道😍…Read More

經過兩次覺得環境很好，Walk in行入去食兩次都話要book枱冇位，我就唔忿氣即刻就book咗來食。😌蠔湯-一點也不腥，有蠔鮮味，好味、好creamy👍🏻白酒蜆肉意粉-第一次喺餐廳食蜆肉意粉，蜆肉仲多過意粉，可以一啖蜆肉一啖意粉咁食😍蜆肉新鮮，粒粒都冇沙，如果鍾意食蜆嘅人一定要來試😝卡邦尼意粉-非常正宗、每一啖意粉都有蛋同芝士、非常濃郁。煙肉又不會太鹹、鹹味適中。Flat White -很香的咖啡味、奶份量啱啱好🥳不過沖咖啡時間比較耐等咗半個鐘🧐總括而言，環境不錯，食物質素也好下次都會book枱來食…Read More

今日又喺沙田新城市廣場搵食🤨天氣很熱舒適啲酸酸辣辣嘅嘢，定左目標食泰國嘢😝平時經過以為淨係食泰國奶茶雪糕同外賣奶茶，點知俾佢餐牌$90午餐加飲品吸引住，就入咗去試。安格斯牛肉•牛肉湯河粉~第一時間就試一試個湯底好濃郁嘅牛肉味、跟住在食牛肉很嫩滑一啲都唔奀，小朋友都唔需要剪就食到，同埋配咗泰式辣粉，很有泰國嘅味道。最重要食完之後唔覺得口渴。冬陰功炒飯～很驚喜，從來都未食過，唔會太辣又唔會太酸，蝦🦐又新鮮、出奇地好食👍🏻值得一試最重要包埋嘢飲，仲要凍飲、都係$90 🥹…Read More

今日工作很忙，缺乏咖啡因，又想食個優質嘅下午茶，結果就搵附近嘅咖啡店”Everglow coffee”Cafe的裝修工業風格，環境細細入到去嘅感覺令人舒服😌來到Cafe一定要嘆番杯優質咖啡-我就order了Flat white，因為我本身鍾意咖啡味濃啲。第一啖就有濃郁嘅咖啡味，喺上水好難搵到咁優質嘅咖啡。另再Oder:Crab AVO & egg salad蟹肉醉蛋牛油果配油浸番茄 酸種麵包 牛油果配碎蛋蟹柳蟹肉沙律簡直係絕配好好食，再加上有蕃茄很開胃😍溫馨提示，如果趕時間就唔好來食，因為廚師慢工出細貨，確保食物質素保持良好😆…Read More

今日天氣熱想食魚生，見到有set lunch就入來食🫶🏻第一set 吞拿魚丼飯麵配豉湯同茶碗蒸，個刺身飯有拖羅吞拿魚蓉有赤身，好滿足份量又夠🤭第二set生蠔飯配茶碗蒸沙律麵豉湯超級驚喜，一來到服務員就點火焗8分鐘就食得，唔需要叫服務員熄火，自己8分鐘就會熄火。一打開有陣海鮮的味道飄出來，很新鮮再加埋薑同埋蔥一啲腥味都沒有。很好食😋下次來都一定要食。每日都有不同折扣，我食果日星期二全單85折👍🏻…Read More

住係白石角既居民都知道搵間茶餐廳好難，要行去科學園，所以一聽到開茶餐廳，相當興奮。開張的第二日就急不及待去試。可能好多人同我一樣，所以堂食要等位，我仲見到好多人叫外賣添🫨今日我就叫左常餐沙嗲牛肉麵配丹麥多士炒蛋加熱奶茶，另一個冬陰功海鮮炒飯加熱奶茶🤭沙嗲牛肉麵味道正常，但熱奶茶出奇地好飲，茶味濃，又滑👍🏻冬陰功海鮮炒飯份量非常之足夠，熱辣辣👍🏻我見到有很多都食唔晒要外賣拎走😗我希望水準可以keep住👍🏻埋單$109，相當之抵食😃…Read More

今日天氣突然轉涼🫨所以想揀啲暖胃的麵食🍜就選擇了上水出名醉香雞湯米線 《鳳鳴居》一入到餐廳已經聞到震震嘅酒香味😃當然我就試咗醉香雞湯米線，等緊食物嘅時候就聽到背景音樂播好多廣東歌，大部份都係千禧年代的流行曲🎶🎵餐廳的員工會一齊唱，氣氛很好👍🏻米線來到，有木耳、紅棗同埋雞，我第一啖就試飲湯，果然有淡淡的藥材味同酒香味👍🏻而每一嚿雞都很嫩滑🤪不會煮到過火，食完全身暖笠笠。建議冬天一定要來食🫶🏻…Read More

正斗裝修完之後第一次食，兩大一小去食有卡位坐，坐得很舒服😃今次食咗菜遠牛肉炒河、煎蘿蔔糕、炸兩同豬潤肉丸生滾粥🤭菜遠牛肉炒河：很好味，牛肉很腍，食得出有鑊氣。我哋每人食咗一碗先記得影相😆煎蘿蔔糕：煎到外面很脆，每件蘿蔔糕都很足料👍🏻炸兩：將豉油同醬汁分開上，味道自己調教。炸兩入面油炸鬼都脆卜卜，食得出不是用隔夜油炸鬼。非常香口👏🏻豬潤肉丸生滾粥：米芝連推介的粥品冇得輸，豬潤煮得剛剛好，粥底很綿，粥入面有蔥絲同薑絲，食完很暖胃🥰…Read More

今日在新城市廣場搵間餐廳食中午飯，想搵間唔使排隊、環境又好嘅餐廳不妨可以嚟呢度試吓😄中午set lunch 我地點咗一set炸豬扒擔擔麵、點心（蝦餃同小籠包各一隻）+熱白咖啡。另一set黑松露野菌蒸雞飯、點心（蝦餃同小籠包各一隻）同熱白咖啡。炸豬扒擔擔麵：我叫咗豬扒同麵分湯上，豬扒冇浸腍每一啖都脆卜卜，擔擔麵有花生醬嘅香味、辣度適中👍🏻黑松露野菌蒸雞飯：非常驚喜，即叫即蒸，熱辣辣，每一啖飯都有黑松露，很香，感覺黑松露仲多過飯，雞亦很滑，值得一試🤭…Read More

由上水HOMY CAFE食到沙田老河記，可以話我算得上是粉絲🥳滷蘿蔔芯：每一嚿都炆得很腍很入味，每一嚿都有甜味，最重要係冇渣。之前我好唔鍾意食白蘿蔔，食過你會愛上😍芫荽餃拼墨魚丸河粉/韭菜餃拼滷水雞翼河粉：餃子最重要係皮薄餡靚，老河記的芫荽餃同韭菜餃皮薄，但入邊菜多肉少，我覺得肉份量再加多少少會好食啲🥰湯底一流，有甜味，飲得出沒有味精。滷水雞翼很入味，不會太鹹，亦不會腍到黑色。老闆娘同我哋講滷水雞翼係限購每日賣完即止。…Read More

每次來漢發，我都肥妹鬼上身嗌到成枱都係食物😆因為好多嘢都好食又想食😃今次就叫咗豬潤牛肉公仔麵、豬扒牛肉公仔麵、淨水餃同熱奶茶🤓每塊豬潤都係厚切，豬潤真係煮剛剛好，不會過火。有啲餐廳怕唔熟就會煮好耐變到乾爭爭。漢發煮出來的豬膶係外脆內嫩，很美味😋還有陣陣酒香味，其他地方食唔到的。水餃方面，粒粒都很大粒,每粒水餃入面都有全隻蝦入面，爽口的🤭奶茶沒有苦澀味，可以話香醇滑口，茶同奶嘅份量恰到好處，正👍🏻…Read More

住過上水既人冇可能唔識英記，英記最出名就是班腩😋餐廳十台九台都是食斑腩，你講得出嘅菜式都有，例如：椒鹽斑腩飯，魚香茄子斑腩飯，味菜斑腩飯，咖喱斑腩飯，你講得出嚟，都會煮到給你👏🏻而我今日就叫咗，時菜斑腩湯米粉同熱奶茶☕️班腩即叫即炸，冇魚腥味，脆卜卜，食過會上癮🥺不得不提英記自家製嘅辣菜脯，食麵或食飯加一羹落去即刻將味道昇華，不會太辣👍🏻熱奶茶很香、有茶味、奶的份量掌握得好好，不會有澀味😃…Read More

今年生日係OpenRice搵餐廳食，又想食生蠔🦪又想食牛扒🥩，結果就喺OpenRice book 左枱，餐廳名：Taylor Shellfish Farms🥳餐廳雖然唔大，有分露天同室內嘅座位，亦都有一個位置放了凍櫃有好多不同國家嘅蠔被客人選擇🥰餐廳侍應好耐心地介紹不同國家既蠔，我同佢講我鍾意食法國嘅蠔比較濃味少少，跟住佢就幫我哋選擇另外佢主動推介一款澳洲蠔。結果幫我哋揀咗：澳洲 Coffin Bay Oyster x2法國 La Reserve x2法國 Lambert x2法國 KYS Marine Oyster x2法國 French Pinky Oysrer x2法國金箔皇御蠔 x2 另外我哋叫咗兩杯白酒配生蠔食，每款生蠔都很好食職員冇介紹咗，最後我哋再order多兩隻澳洲coffin bay同法國Lambert🦪很滿足🥰本身我係海鮮控，再叫咗炸蝦🍤非常脆口連殼都可以食。白酒煮馬尼拉蜆配蒜蓉包，非常之新鮮，白酒汁撈蒜蓉包很入味，好好味🤭西冷扒配薯條：order左5成熟，唔韌，有牛味🫶🏻成餐飯都很滿足，食完飯餐廳職員送咗個生日蛋糕給我，還唱生日歌給我聽🎶🎵非常驚喜😃還有經OpenRice訂枱有八五折優惠🤝…Read More

上水想食泰國嘢一定揀泰船，搬咗去新鋪之後第一次嚟🤩味道依舊，老闆娘好好人🫶🏻今次叫咗：泰式酸辣鳳爪：每次來都會叫，酸酸辣辣好開胃，不會太辣，亦不會太酸👍🏻豬頸肉清湯金邊粉：食得出豬頸肉係啱啱燒起，每一嚿都很爽口，但如果豬頸肉分湯上會更加好👏🏻湯底很甜，亦有一嚿白蘿蔔飲完都不覺得口渴🤭正宗牛船麵：神還原泰國街邊食嘅牛船麵，還有專屬嘅船麵嘅醬汁，好多舖頭都冇。如果唔食牛嘅朋友都想食既話可以order豬🤓…Read More

本身我係白石角嘅居民，會喺附近搵吓有冇啲特別嘅餐廳，發現了E+Cafe😄餐廳環境很有歐陸風情，還有露天嘅地方可帶狗狗嚟chill下🐶柱侯汁牛肋肉意粉-好驚喜，從來未食過，出奇地夾，好味😋牛肋肉好冧，唔韌，仲配埋辣椒醬😄份量又夠👍🏻黑松露白汁大蝦意粉-蝦大隻沒有雪藏味，黑松露好香，不過不失紅豆蛋糕-每日都有期間限定嘅蛋糕，今日就係紅豆蛋糕。有一粒粒紅豆喺入邊又不會太甜，值得一試🥰Flat white-有質素的咖啡🤓大家記住逢星期一二休息，有揸車嘅可以同餐廳個老闆娘講有得免費泊車🤩…Read More