kate_castiel的個人專頁

今日嚟到食個週末放鬆二人餐 有刺身卷物定食甜品 仲可以出出面自助區度拎嘢食 整體嚟講好豐富 398蚊加一for兩個人其實好抵首先佢嘅刺身非常新鮮 雖然份量唔多 但係所謂貴精不貴多呀嘛 食落凍冰冰 但又好甜 超級refreshing嘅感覺跟住個鰻魚牛蒡炸蝦卷 非常之脆卜卜 味道亦都好濃 成件事非常惹味跟住到主菜啦 個流心熔岩蛋三文魚飯 一眼望落去就知正野 常州飯都係蛋啦三文魚啦 完全蓋住咗啲飯 將佢哋撈勻 食落好creamy外面嘅自助區通唔錯 有好多沙律 冷盤 例如涼拌蓮藕 中華沙律等等 仲有麵豉湯 所有野加加埋埋食完真係飽到傻…查看更多

喺香港想食到美味又唔會過份油膩嘅川菜好難 但原來太子收收埋埋左間好野🤭呢度午市有套餐 好抵食 我地揀左水煮魚 68蚊就有交易 個湯幾甜 有香花椒辣椒味 最重要係魚嘅肉質非常嫩滑 而且明顯好新鮮 味道唔會過份辣 有啲湯 如果唔係太開胃嘅時候送飯一流 😆另外叫左個炒牛肉 上枱幾震撼 因為仲有個小火放下面一路熱住 鍋入面滿佈辣椒 看似勁辣 但食落係香口多過辣 惹味 不錯 而且牛肉都係冧滑的 唔會鞋接住要讚嘅係蒜泥白肉 平日見嘅都唔會咁好心機一層肉一層瓜咁放 呢個就好靚啦 非常有心機 而且雪得夠凍 一個字 正！🤗最後我覺得個黑雞腳好難忘🤪 平日實在太少機會見啦 雖然望落有啲人會接受唔到 但我好中意食黑色嘅野😎 仲要佢口感的確比正常雞腳更彈口 所以中意雞腳嘅朋友一定要試下…查看更多

之前未食過船麵 今日就黎到屋企附近呢間泰式餐廳試下見到有款細船麵好特別 56蚊就可以嘆到3款自己任搭湯底麵底同配料嘅野 上到枱都幾得意 每樣小小地 但又可以試到多種唔同風味 當中我最欣賞嘅係船湯 香港好少食到呢陣味 有幾重嘅香料 所以好有特色 另外鴨血係抵食之選 好新鮮 而泰式魚蛋好彈口 唔錯喎😎然後我覺得呢度嘅串燒勁好食😍 新鮮滾熱辣燒出黎 但最正嘅係個醬汁 其實係沙嗲黎 但個質地好creamy 花生醬嘅味道都幾濃郁 啲肉一點落去就好夾 perfect ar😍最後 佢嘅春卷都很可以 脆卜卜嘅口感 而且以佢嘅價錢黎講係大大份 入面嘅粉絲 木耳 蘿蔔絲全部都係好足料 加上冰梅醬 甜甜酸酸甜平衡番個油炸嘅口感 食落開胃得黎又幾滿足😍呢間整體質素不過 價錢亦大眾化 可以encore 💜…查看更多

今日好難得黎到馬灣 真係人生第一次😝😝 當然要搵下好野食 呢間餐廳喺臨海廣場 真係對都正個海灘 所以個景色好好 加上餐廳裝修用咗落地玻璃 這個感覺好空曠舒服講番野食 午餐有lunch set 黎得pizzeria 當然要食pizza 叫左個pepperoni 餅底做得唔錯 外脆內軟 邊邊唔會太厚 係手工造嘅 所以咬落比較彈牙另外闊條麪都好ok sauce係比較creamy嘅 加上闊條麪唔會煮得太冧 整體口感我好欣賞而我最中意都係小食🤭 薯條配松露醬上枱勁新鮮 熱辣辣 而且夠厚身 咬落好滿足 好少見松露醬完全冇咸味 係單純非常濃烈嘅松露 不過佢亦比左碟茄汁我 然後我發覺2個sauce一齊罔原來係絕配😍 食到停唔到最後有個脆炸辣雞柳 好大碟 啖啖肉 食肉獸食得好高興🤭🤭…查看更多

尖沙咀呢間台式邊爐我非常欣賞 因為知道佢好多材料都係台灣直送 所以一定要黎食加上餐廳食物會不斷更新 呢排仲多左好多時食 例如三色芋圓 醉豬手 水牛芝士條 勁吸引😍因為呢排天氣有少少乾燥 所以湯底要雪梨蘋果豬骨鍋 好足料 入面好多蘋果 粟米 紅棗 杞子浮下浮下咁🤪然後就要講下我最中意嘅食材啦 首先係蟲草花 真係唔多地方有任食 仲要條條好粗碌 咬落好彈牙 有口感 另外係鴨血 平時出街買磗豆腐咁嘅大細都幾十蚊 呢度係任食 真係好抵 然後仲有特色甜品 紅糖糍粑 外皮鬆軟彈牙 入面滿滿嘅紅糖流出黎 我忍唔住叫左幾轉🌝當然打邊邊嘅主角係肉肉😆 我地個set各種靚牛肉都可以試晒 質素好唔錯 全部都油脂分佈均勻 好滑 不過千萬唔好淥太耐 如果唔係會鞋架 唔好浪費啲靚肉😝 …查看更多

近來聽講中環有間steakhouse嘅lunch非常抵食 基本上係自助餐形式 所以就嚟試下飯 湯同外面大枱好多嘅沙律 火腿 芝士等等嘅任食 都係人均158 選擇好多 而且用料都好新鮮如果係食肉獸 就建議好似我地咁 加90蚊可以任食好特別嘅燒肉 共有6款 點樣會將新鮮燒好勁大舊嘅肉 成嚿叉住咁拎出嚟 問你食唔食 食嘅就即場切畀你 要幾多切幾多 仲可以無限次添加 食到你飽為止😎 淨係個排場同氣勢已經值回票價😯當中好欣賞豬腩肉同chicken drummets 肉質勁滑 完全係食到停唔到口最後叫咗一份甜品 brigadeiro 係巴西傳統用朱古力整成嘅甜品 一份兩三個人食都夠 從來未食過朱古力味咁重嘅甜品 勁滿足另外一定要提嘅係店員非常友善 成餐都食得好開心 😁…查看更多

成日見到呢間餐廳門口大排長龍 特別係買外賣嘅人好多 今日經過就入嚟試下首先叫咗佢招牌嘅四寶飯 入面有齊手撕雞 叉燒 紅腸同埋豬手 食肉獸又心多嘅人就一定唔好錯過啦 手撕雞係佢最招牌嘅食物 當然係好好味啦 雞肉質感好滑 上面嘅芝麻同sauce都好夾 然後叉燒係半肥瘦 豬手更係炆得又淋又入味 成個飯都食得好滿足另外試咗個冬菇蝦子撈麵 冬菇係細細粒好香口又彈牙嘅 然後蝦子脆卜卜 整體口感好吸引最後叫咗好多種唔同嘅小食 海蜇燻蹄 無骨鳳爪 雲耳雞腎 各種各樣都冇失手 特別鍾意佢上面灑咗勁多芝麻 不錯呢一餐好豐富 都只係食咗200幾蚊 性價比好高哦…查看更多

今日見到呢間餐廳裝修好特別 勁有舊香港嘅感覺 吸引左我入去試下首先 食左餐廳推介嘅咖喱牛腩飯 牛腩份量好多每嚿都好冧 唔會痴牙 特別欣賞咖喱汁口感有少少creamy 唔會好水嘅感覺 而且好香 用個汁黎撈飯就一流！🤗之後 再試左胡椒豬肚雞湯米線 呢個有驚喜！個湯係煲到有少許膠質嘅 所以應該好足料 可以邊食邊飯湯都唔會覺得有罪惡感或者肥膩 😜😜小食揀左餐廳另一招牌 木碎花生多士 脆卜卜嘅多士上面淋左花生醬同煉奶 上面再灑上一樣咁脆卜卜但又磨得好細滑嘅花生碎 成個組合令口感勁有層次 個樣又好吸引最後要表示佢地嘅菠蘿冰好正 係我飲過入面有最多新鮮菠蘿嘅冰🤣🤣 由於唔係罐頭糖水菠蘿 所以杯野味道唔會太甜 好自然 唔會人工化 加上餐廳價格幾合理 不錯💜…查看更多

嚟尖沙咀食印度菜就最正宗 今日嚟到都有幾耐歷史嘅寶軒 品嚐我其中一款最愛嘅菜 即係印度菜🤣四周圍裝修已經好有印度色彩 各個細節包括裝飾品都感覺到來自印度當地頭先頭盤叫咗炸芝士 印度嘅炸芝士並唔係西方嗰種好用牛奶味嘅 亦唔會好鹹 比較似食緊豆腐渣 但佢呢度係我食過最好食嘅 因為佢個外皮香料落得好足夠 淨係食個香味同炸得夠脆已經贏曬🤩另外亦食咗個印度烤肉捲 係用鐵板嘅形式上枱 每一條肉捲都係純肉嚟嘅 入面包咗好多香草香料 味道比較鹹少少 用嚟送飯就一流主菜亦都叫咗咖哩雞飯 另外叫咗印度薄餅備用 由於我實在係太鍾意食香草香料 所以我都係好欣賞佢落得非常足 而且醬汁好多 兩個人share食完個飯可以食埋份印度薄餅 大滿足另外無論佢係飲品例如mango lassi 定係甜品 都係我食過嘅印度餐廳之中數一數二嘅 一樣失手嘅菜式都冇 表現非常平均同埋出色 值得encore 🤓🤓…查看更多

今日嚟到尖沙咀幾chill嘅一間bar & restaurant 雖然入面空間唔算太大 但係感覺嘅舒服 而且有外面嘅空間可以坐佢呢度有combo set 一個價錢就可以揀曬頭盤 包括沙律或者餐湯 一個主菜 同埋飲品 所以都幾抵食 幾欣賞佢個煙三文魚忌廉汁意粉 個忌廉汁做得好creamy 三文魚嘅份量都唔少 而且佢意粉嘅質感係彈口嘅 唔係嗰啲淋bet bet🤣🤣另外試咗個杜拜燉咖哩牛肉拌飯 咖哩係我鍾意嗰款 有好香嘅香料味 食落勁異國風情喎 而且牛肉一啲都唔係唔黐牙 份量亦係唔少 食得幾滿足🤩最後當然要讚一讚佢嘅cocktail啦 佢個menu非常之廣 有好多第二度見唔到嘅口味佢都有 再加上佢支持客人揀酒精濃度高定低 再去調配 非常之貼心💕💕…查看更多

今日黎到呢間好有格調嘅餐廳 裝修幾有古典風格 坐得幾舒服 食物都睇得出好有特色同好用心肉骨茶湯麪嘅湯專登調得淡少少 唔會搶左其他配料嘅味道 麪嘅質地好彈牙 而其他配料例如豬骨 豆卜 都好足料 食完有養身feel🤩另外食得我地好開心仲有蟹粉蝦仁 份量好多 大大啖食落去好過癮 蟹粉顏色鮮艷 見到都開胃🤪 而且味道鮮甜 有水準哦然後我好欣賞呢間既甜品！滋補喉露上枱時有乾冰 好夢幻嘅感覺 入面有雪梨 陳皮等潤喉滋養嘅材料 食完感覺真係幾舒服💕最後仲有椰絲凍小白兔 真係好香 亦唔會好甜 外面熱辣辣食落真係好爽 🤪🤪…查看更多

今日嚟到呢間望落好舒服嘅西餐廳度食下嘢 入到去樓底好高 坐得舒服 仲要有種好specific嘅西班牙感覺 幾特別但估唔到佢裝修咁靚 lunch set嘅價格又非常抵食 叫咗個泰式青咖哩飯 連餐湯或沙律加頭盤 仲要包埋嘢飲同甜品 120蚊 成個package真係物超所值 個青咖哩好香 茄子同埋肉都蚊到好林滑另外都叫咗個牛扒 店員推介食五成熟 就試試佢 出到嚟都唔會血淋淋 反而好香牛嘅肉鮮味 唔會鞋無筋亦都冇血腥味 配上薯菜 呢set先至125蚊 鍾意食肉嘅朋友就千祈唔好錯過係咁sell嘅地方當然要飲下啤酒 加50蚊就可以大大杯啤一啤佢 抵過happy hour呀🤩另外要讚一讚佢嘅配菜都好認真 餐湯非常之濃嘅蕃茄味 完全真材實料 入面仲有少少通粉 幾有特色喎頭盤嘅雞春捲入面肉餡一啲都唔少 而且外皮非常鬆脆 唔會走曬氣亦唔會炸得太硬最後配埋嘅小甜品亦都係一件有橙味嘅蛋糕仔 但佢唔係隨便放上碟就算㗎 而係整咗精緻嘅伴碟 用果jam整咗花紋 又睇得又食得…查看更多

今日突然間好想瘋狂食肉 就嚟到呢間連名都有個肉字嘅火鍋放題度食下 結果真係食得好滿足 一堆地方坐得好舒適 喺掃 qr code落單 而且仲有一個自助區域 可以自己拎醬阿菜呀丸呀嗰啲我哋揀咗個多啲選項嘅套餐 都唔係貴好多 感覺好抵食 因為肉類真係好多嘢揀 先嚟咗個牛嘅拼盤 牛板腱 牛頭脊 牛小排 各種唔同部位同口感嘅選擇都應有盡有 仲要每款都係精品 紅卜卜好新鮮 油脂分佈平均 絕對唔馬虎 輕輕淥一淥變色 就可以放入口 牛味香濃唔會騷 肉質軟滑另外佢嘅原隻魷魚另外印象好深刻 未見過會真係原隻而且size非常大咁上枱 一啲都唔孤寒菜嗰方面居然有我好鍾意出面又好少見嘅蟲草花 真係食得好過癮食完成餐 仲會有個小甜品附送 今日食到嘅係日式忌廉卷 整體嚟講成個set都好有心思 食得幾開心…查看更多

今日喺返自己地頭附近 突然想食pizza 就嚟呢度試下 餐廳空間好闊落 裝修都幾有異國風情 耐冇去旅行有少少覺得自己身處外國嘅感覺 都幾開心呢度lunch time嘅lunch set好抵食 一個價錢就包咗頭盤或沙律 主菜同嘢飲 我哋一個set叫咗個pizza 不愧為招牌菜 個餅底係好手工feel嘅 煙煙韌韌又脆脆地 滿佈煙肉仲有隻流心蛋 食落口感豐富味道一流另外一個set揀咗蘑菇意粉 唔好諗住佢齋哋就冇驚喜呀 個意粉好彈牙 醬汁亦都好creamy 但又唔會太鹹喎 成個package都唔錯超級鍾意薯條嘅我哋另外叫咗個松露醬薯條 薯條係非常粗切嘅 完全係外脆內軟 額外配嘅松露芝士醬 更加係味道濃烈 口感都好rich 仲要好大份添呀嚟到呢度我非常建議飲佢嘅cocktail 因為呢度嘅調酒師非常犀利 我完全冇畀特別要求佢就調到一個甜度適中 酒嘅濃度亦都好perfect嘅飲料出嚟 😍…查看更多

入到嚟餐廳 見到格局好有feel 感覺都坐得好舒服我哋兩個人揀咗黑肩胛肉眼片餐 可以揀嘅嘢非常多 所以性價比係唔錯嘅 呢度叫得牛駅當然就係一定要食牛肉啦 咁多款牛肉冇一款令人失望 全部望落去鮮紅嘅顏色 配上均勻嘅脂肪雪花 望落就已經口水流 輕輕淥幾十秒 見佢啱啱變熟 拎上嚟直接食落口 有味香濃 肉質細滑 食肉獸一定好滿意其他火鍋配料應有盡有 仲要有我至愛嘅鴨血 非常新鮮值得一提既係湯底都好有心思 例如我哋揀嘅其中一個鳳梨苦瓜豬骨鍋 真係見到一舊舊嘅新鮮鳳梨啦 白苦瓜啦 仲要有豬筒骨添 真係真材實料㗎行到出去自助區域 各種酒類甜品飲品 都隨便可以拎 選擇非常豐富 整體嚟講真係冇得挑剔雖然我哋怕熱氣冇食麻辣鍋 但聽到店員話所有麻辣鍋嘅配料都係四川直送 非常正宗㗎 仲要麻辣小龍蝦同糍粑都可以飲食 清酒梅酒啤酒都係任飲 正呀喂…查看更多