為食 Ca Ca's Profile

9點仲未食飯但好多店都接近收舖，想起呢間冰室經常好多人排隊不如碰碰運氣。果然即有卡位， 以為執到寶🥹未幫趁過就試啲基本嘢凍奶茶少冰 - 顏色淡淡，味道亦一樣茶味欠奉。算啦，人哋就嚟收工可能啲茶係淡啲嘅。焗蘑菇肉醬意粉 - 賣相無乜唔妥但食落就勁唔掂。醬汁同意粉完全分開，意粉底又乾，啲汁係稀嘅。越食越哽胃，一定無下次😣😣😣友人食嘅焗鮮茄豬扒飯，賣相完全唔對板，睇到就唔想食😓一粒茄都無！咁嘅質素仲咁多人排隊，我真係唔明白大家點解要浪費青春😠…Read More

今天有時間希望可以輕輕鬆鬆去食一個簡單舒服嘅午餐。港鐵尖東站直達而且坐位濶落，不失為一個好地方。自助手機點餐，方便有較率👍🏼 午餐選了古早味三杯雞套餐$88 配黑糖珍珠奶蓋 (+$8)餐飲先到，賣相討好，令人想起老虎堂😋飲落黑糖味出色，珍珠煙靭，不錯。雖然手機點餐沒有少冰、少甜選項，原來不用選就這麼適合我的個人口味😄食物方面也不會馬虎，從前菜、燻蛋、主菜和湯都認真製作。三杯雞的配菜五層塔，姜片，蒜頭都給我吃光，很滿足。 …Read More

今日有事去開觀塘，聽朋友講呢度有一間好大坐得幾舒服嘅茶餐廳，所以就嚟試吓食佢嘅早餐。入到餐廳果然俾佢嚇親，駛唔駛咁大呀😅餐廳環境幾唔錯，餐廳食物種類非常多。員工亦有禮。叫咗早餐B同D，落單唔夠3分鐘就上通粉，果然高效率。早餐份量十足，味道中上，丹麥多士香脆但略嫌薄咗少少，可能食慣厚多士🤣奶茶☕️熱度夠，有茶味，水準之上。這就是香港味道☺️去開觀塘嘅朋友不妨過嚟試試早、午、茶、晚餐，真係要嚟多好多次先試到唔同時段嘅味道。…Read More

今日冬至公司放早，剛好俾我有時間嚟呢間新試業嘅網紅餐廳支持一下。支持係因為知道老闆娘對出品要求高，用料靚，製作認真。下午茶時間唔係咁肚餓就食一碗燉奶睇吓佢嘅質素如何。燉奶款式好多，雖然薑汁係本人至愛，但見到有從未見過嘅紫薯燉鮮奶，一於要點嚟一下。試業期間仲有奶茶送，老闆娘果然慷慨。奶茶味道相當唔錯，茶味香濃，奶嘅份量亦恰到好處。燉鮮奶上枱熱辣辣， 紫薯蓉嘅味道唔甜，啱晒我口味，而且熱度非常夠，燉鮮奶亦好滑。事實上真係無可挑剔😋回頭指數10分👍🏼👍🏼👍🏼…Read More

每年聖誕節前後都會到Cafe Landmark 吃晚餐，指定安排卡座務求吃飯時可細心觀賞聖誕佈置，好有氣氛。可惜麵包無論賣相或味道都欠誠意😔食物方面差不多亦年年如是，但今年心血來潮轉吓唔飲龍蝦湯，試鮮蟹肉帶子周打湯，結果換來像茶記餐湯嘅賣相而味道亦十分之普通😮‍💨友人照例點龍蝦濃湯 - 上枱已聞到濃濃龍蝦味，龍蝦肉亦鮮甜，實在是不二之選👍🏼下次都係唔好咁傻😑波士頓龍蝦意大利幼麵 ．龍蝦忌廉汁 - 本人認為是餐廳最具誠意之作，無得輸，以後都只會點這主菜，否則又後悔。Tiramisu 及 芒果拿破崙靈魂在於自選嘅姜味雪糕，加晒分😊…Read More

一直都很喜歡到東涌喜來登酒店Sunset Grill 吃牛扒，今日週年紀念當然又安排到至愛餐廳慶祝一下。黃昏嚟到景色十分怡人，三五知己餐前坐戶外先飲杯嘢都好享受😍南瓜湯味道不錯，有薯仔碎及杏仁片。主菜今日試咗兩款牛扒Australian Ribeye $340雖然係medium well ，但塊扒都仲係好軟熟唔會柴，牛味重。有陣陣炭燒香味，正！Australian Striploin 300g $310好厚身，medium well 有啲嚡口，但由於我唔鍾意有血水, 所以也可接受。個人比較喜歡ribeye。謝謝餐廳送了小甜品😘Chocolate Lava Cake $80完美的一餐，這就是滿足🥰…Read More

每次去泰國旅行都一定要去Greyhound，喜歡餐廳型格，喜歡餐廳的食物。黑白主題的裝修，年青的侍應，親切的笑容，好有活力。這過江龍已經嚟咗香港好多年，本人亦去過唔少位於香港嘅Greyhound分店，依然十分喜歡。這次放假去到圓方亦唔例外，又嚟食lunch. 泰式豬肉丸湯河粉，穩穩陣陣，不過不失。可能由於人多關係，調味架需要提醒侍應才施施然拿過來。友人叫午餐，蘑菇餐湯只係得三份一碗🙄，而且係暖嘅😵‍💫。好想換，但都係費事。泰式雞肉炒金邊粉 - 味道唔錯，但係啲金邊粉超硬，真係頂唔順，中間仲好似生生哋，唯有請佢再煮過要求煮淋啲。其實呢啲基本野唔應該發生，唯有下次唔再嚟呢間啦。除咗因為食物，侍應冷冰冰的服務也是主要因素😓餐飲泰式凍奶茶仍然是我至愛😍…Read More

天清氣朗的日子來到東涌世茂喜來登酒店，必定要試一試中餐廳。餐廳裝潢不算華麗，簡簡單單坐得舒服。二人點了悅味中午套餐包括湯，4款點心，菜，麵及甜品。另外單點錦鹵雲吞試試。老火湯 - 西洋菜陳腎湯。足料，味道夠同湯好夠熱😊梅菜西班牙黑毛豬义燒腸粉， 味道正常。燒汁和牛包 - 中西合壁， 飽好軟熟，和牛亦好香，賣相靚，有創意。星斑菜苗餃 - 好特別，魚肉算有質感，餃皮唔厚，晶凝通透，值得一試。天鵝酥 - 點呢個只為打卡，大家都知道呢個係芋角，味道唔錯，但有點太油。上枱時有條鵝頸係瞓低咗😅蒜茸炒西蘭花 - 蒜茸好香，味道剛剛好。魚湯香菇泡稻庭麵 - 麵質地普通，唔算滑又唔烟靱，有點失望。魚湯尚算OK反而個菇都幾香滑。另外加點錦鹵雲吞 - 兒時的味道，夠晒傳統，有齊蝦、义燒、魷魚、肉片、菠蘿，很對味，童年回憶返晒黎，雲吞亦香脆。甜品 - 陳皮紅豆沙 + 香蜜蛋散， 雖然唔係我喜歡嘅粒粒紅豆但係煲到起晒沙，少甜，幾好。食埋甜品，完美的句號😘…Read More

一連四天假期選擇入住數碼港艾美酒店兩個晚上，得悉市區酒店這幾天長假期有人流過多問題，慶幸到這遠離市區煩囂的地點鬆一鬆。早餐於 Prompt Bistro, 環境清幽有渡假feel，不怕熱可坐戶外。食物選擇亦不少，服務方面當然不能與五星級酒店相比，員工態度也比較悠閒。有不少果汁、yogurt 、水果、沙律、coldut及麵包選擇。粥品 ， 中式點心（蒸點心不夠熱）還有自選餐牌可order. 法式朱古力班㦸勁甜，奄列有水份不算合格。總的來說，這酒店早餐不錯當然要求也不能太高。如以渡假來講已算不俗。…Read More

見到最近餐廳做緊點心套餐優惠，所以趁慶祝生日晨咁早過嚟試吓😊由於唔想食咁多只點了6款，埋單$398+10%，以點心水準及酒店環境真心覺得超值👍🏼食物有一定質素只係方魚肉碎粥有少許失望，細細碗，唔太熱，普普通通。個人覺得最好味反而係燒賣、腸粉同叉燒包呢啲傳統點心😍餐廳餐單資訊…Read More

疫情關係，餐廳堂食只開放到下午六時。人流明顯較以往少，等候約30分鐘已可入座。Lady M 千層蛋糕不用多介紹，雖價錢稍貴，但賣相精美、味道不太甜，當作下午茶真是人生樂事。順帶一提，堂食及外賣價錢沒有分別。原味，伯爵茶，玫瑰味各有特色，層次分明就是這蛋糕吸引之處😋今天特別品嚐了坊間人氣400次咖啡 Dalgona cooffee，味道勝預期。焦糖同咖啡嘅味道很平均而且甜度適中，值得一試。以後路過都會心思思再試其他味道😊…Read More

Starbucks - 從不喜歡它的咖啡，寧願買支橙汁當租個位坐吓算😢自從第一次到利園三期分店讓我對Starbucks嘅咖啡完全改觀😍今天點了 Coffee Ristretto Bianco $52, 賣相專業，未飲都值得欣賞一吓。 飲落果然咖啡味香濃不會帶酸， 這才是享受 - 嘆咖啡☕️(而不是嘆鮮奶😬)另再點一客Tiramisu Pancake$78 - 不過不失，抵讚係雪糕夠凍👍🏼。班戟味道就一般，但送吓咖啡都係一個唔錯嘅組合😋…Read More

雖然不是韓迷，但絕對欣賞炸雞配啤酒這無敵組合😍已是 Chir Chir Chicken 常客，每隔數星期都心思思要光顧一吓😬自從在首爾食過醬油炸雞，蒜香豉油炸雞$163 已成為每次必點。不辣，醬油味濃，份量多，熱辣辣， 個人認為 Chir Chir 真的做得不錯。配上Hogaarden 啤酒$55，一絕。其實已九成飽，貪心的我再點一個炸彈飯團$28。 黑麻麻但味道唔錯，上枱時紫菜味好香。由於人唔多，可以坐吓傾吓計，唔錯唔錯👍🏼…Read More

由於quota有限，食buffet都希望揀一間食物質素高嘅餐廳。洲際晚餐buffet由6:00-10:00，可以盡情享受👍🏻 唯枱與枱之間實在有點窄。雖然貴位高，但仍算物有所值。食物種類不算是超多，有質素便足夠。服務方面亦十分不錯，收碟快😬甜品款式不少，最愛拿破崙😋大部份食客十分斯文，排隊有序。而整晚只有鵝肝及和牛要排一下，如不介意可待至8:30-9:00後便不用等🤗整體而言，這餐廳將會是隔一陣子便想再訪之一😌…Read More

因公私兩忙，最近都好懶寫食評，但食完呢餐晏要即寫免得過晒氣😑雖然經常去尖沙咀，但呢間樓上餐廳都好難被發現。原來在蘋果店隔離，好方便喎。上到16樓，餐廳裝修及環境令我眼前一亮😍隨便點左兩個餸試試佢先😬泰式滷水豬手配饅頭 $148 - 賣相ok喎，但睇真啲，大約有4，5舊連骨豬手，下面仲墊咗兩件唔入味嘅豆腐。豬手可食部份超少 (但骨超大),食完好似冇食過咁。實在對不起呢個價錢😓泰式雜錦辣炒河粉 $98 - 呢個炒河可以講係我食過所有泰式炒河最差嘅一個。 完全無鑊氣，河粉兩條兩條黐埋，無味，料少，最致命係勁油膩😥價錢貴加上如此質素，豪無誠意，食完快快埋單走人當無嚟過🏃🏽‍♂️🏃🏽‍♀️🏃🏽‍♂️🏃🏽‍♀️…Read More