evayyysu's Profile

每隔一個週末，都會帶着狗狗，同屋企人嚟呢度食午餐，不知不覺，La Serre已經成為我哋係香港所剩無幾嘅飯堂之一。我哋以前出去餐廳食嘢，從來唔會叫鴨胸，但呢度嘅鴨胸，食完一次之後，變成每次必食。軟殼蟹牛油果墨西哥薄餅，都係每次必食！其他出品，都保持水準，連杯凍檸茶，平時唔飲檸茶嘅我，每次都要飲兩杯。最最最重要係，除咗食物質素高，性價比更高，環境就更加不用多說。嚟咗咁多次，真係欠 La Serre一個中肯嘅食評。…Read More

今天2月5號上午打電話想訂位：我：麻煩幫我訂今日中午一圍枱，共12人。接線生：你自己過嚟Walk-in啦！我：12人呀？點walk-in 呀？接線生：我哋而家好忙，你Walk-in啦！我：我真係未聽過咁樣嘅回覆！！！喂，富軒，如果我兩、三位，當然會Walk-in啦，但12人一圍大枱，我點Walk-in啊？唔怪得香港人而家走晒去北上消費，終於明白，香港咁樣嘅服務態度，除咗令人O嘴，新年流流，真係火都嚟🔥😡最後當然去咗第二度食啦⋯⋯…Read More

作為前龍皇嘅忠實支持者，又在自疊囍居開張兩個星期以來已幫襯五次，本人覺得有資格為疊囍居寫第一份食評，雖然本人好少寫食評。本人之前喜歡龍皇，因為覺得佢個咕嚕肉係全世界最好食嘅，但食完疊囍居，發覺除了咕嚕肉稍遜，其他嘅出品，都比龍皇優勝。龍蝦伊麵嘅伊麵，超級煙靭，極有口感。文昌雞好正，好難得喺香港食到有水準嘅文昌雞。豉油皇虎蝦有意外驚喜，以後唔使去鯉魚門食海鮮了。豉油皇銀芽吊桶仔，超級有鑊氣，又一意外驚喜。頭抽乾炒牛肉河，終於搵到有水準嘅乾炒牛河。蛋白杏仁茶，每次必食。晚餐38蚊一隻嘅冰鎮大鮑魚，誠意滿分。最後講到本人至愛嘅咕嚕肉，味道滿分，只係本人稍嫌脆皮厚咗，口感無以前龍皇咁卜卜脆。…Read More

見到食評好多都話揀A餐已經可以，所以第一次嚟真係揀咗A餐，平日$348再加一。決定咗先發覺原是A餐得四種牛肉可以揀，再加牛舌，而海鮮得蝦同魷魚！牛肉無乜選擇，食下食下真係超無癮。好彩座位算舒服，其他熟食都可以，下次嚟真係要好好揀下食邊個餐，免失望。…Read More

每次來農圃都係乘興而來，敗興而歸！啲服務員對眼好似生係額頭，只會熱情招待熟客，我哋呢啲非熟客，見住服務員對隔離枱乜生乜太，熱情非常，免費糖水及水果主動上齊，而我哋兩個人中午飲茶叫埋鮑魚埋單過千，想食糖水，啲服務員只會遞上甜品紙要我哋自己叫。講真，農圃價格偏貴，食物味道中規中矩，我哋繼續來幫襯，因為我中意佢嘅蘿蔔糕，今年仲訂左六底添！三個星期前嘅星期六，先去囉三底糕送比人，11點半無人飲茶，所以我哋二人有得坐低食完先囉糕！兩個星期前嘅星期六再去囉另外三底糕，同樣時間同樣未有人，但遇到個黑面女服務員話，無位，全部枱訂曬！我話我哋45分鐘可以食完啦，佢堅持無枱比我哋！一個鐘頭後我哋附近食完野返來囉糕，佢都未坐滿客人，我哋就惗極唔明，點解佢哋會有生意都唔做呢？而囉返屋企的蘿蔔糕，雖然足料，但一切就散，食落好削，味道仲好強味精味，與平時堂食的，完全兩回事。…Read More