心情好日子's Profile

今天心血來潮，忽然想食片皮鴨。隨即揸車殺入深井，黎到呢間幾時都有位的大八方開飯。主要來食片皮鴨當然即時叫個一鴨二食啦！二食係涼瓜支竹炆鴨件。今天唔係幾肚餓所以四個人都係加左個冷盤鎮江肴肉、冰鎮豬腳仔同埋一個紅酒糟炒飯。片皮鴨一如既往的好味我相信不用多大介紹，間間都差不多架啦！至於涼瓜支竹炆鴨件(太遲來忘記了影相)今天蚊得唔係幾夠時間，涼瓜爽爽哋，支竹硬硬地，鴨件亦都未夠入味！而那個鎮江肴肉就太少鹹肉，麻麻地！冰鎮豬腳仔就唔錯，夠入味，爽爽地，好味！而這個紅酒糟炒飯就真是大失敗，上邊的炸魚仔乾就真係炸得夠香脆，但是炒飯落得太多紅酒糟，個色好恐怖，食落仲有少少澀味！我估你哋睇相都唔想食啦！整體嚟講今次嚟食飯水準下跌希望之後有所改善！…Read More

明天七一放假，今天又收早，即時call咗阿仔早啲去 pokka cafe 食個tea當晚飯。食tea嚟講，千色店這間pokka cafe 環境好又就腳，又容易搵位，係幾好嘅選擇。呢個餐牌有兩款意粉揀。我同阿仔都係意粉迷，而佢更是明太子愛好者，佢當然會選這個珍珠帶子意粉配明太子汁啦！而我就比較喜歡羅勒所以選擇了這個羅勒醬鮮蝦意粉。這個羅勒醬鮮蝦意粉上面的炸牛蒡絲脆卜卜，撈埋軟林林既意粉一起食，豐富了口感，Good! 這間分店的意粉通常會胖上香草油，我喜歡將意粉加上香草油食落更加美味！唯一一彈的就是那些蝦肉粒實在太細粒喇！至於那個珍珠帶子意粉配明太子汁，望落都覺得好味，明太子醬的味道剛剛好，但不知為何夾雜住少少蟹殼味。兩個意粉都好好味，作為一個早食晚餐，七十幾蚊一位，非常化算！…Read More

天氣好，心情好，又有幾日假孖住放就緊係去遠D鬆一鬆啦！入返轉赤柱行下 relex 下咁係確實幾舒服。 本來冇乜目標，休悠悠咁見到邊間合眼緣就入邊間，點知行到去美利樓，二樓間西班牙菜大大個牌寫住 憑中銀信用卡午餐/晚餐，在主餐牌消費滿400元減100 酒類飲品除外(記住加一係另計架！)。雖然睇落幾底，但是西班牙菜唔係我杯茶，跟手行上三樓的德國菜館，同樣有這個中銀信用卡優惠，本來星期六有自助餐，連埋加一大約300蚊一位，不過計落還是用中銀信用卡散叫價錢比較化算。所以二話不說就入呢間啦！更何況德國咸豬手係我的至愛。我們一行四人，叫了兩隻德國咸豬手、一杯德國麥啤、一杯凍檸蜜、一客欖油蒜子炒意粉、一客蕃茄牛尾千層麵、再加一個甜品。用中銀信用卡找數全單扣了200蚊，實際付款$810。一個字“抵”！德國咸豬手一如以往的外皮脆脆卜卜，食得出係新鮮即炸的，加埋酸菜一起食，冇咁油膩，我鐘意啊！呢個牛番茄牛尾千層麵是我的最愛，先將牛尾蚊淋再起肉，夾在千層面裡邊，啖啖肉超好味！而且個欖油蒜子炒意粉味道就一般普普通通。再加這個甜品90蚊可能貴咗少少但是那個雪糕非常好味，細細份四個人分其實唔係幾夠食。總括來講這個德國餐廳食物水準高，價錢其實唔平，但是有這個優惠叫做相當化算。食午餐可能唔覺平，不過呢個中銀價惠，午市同晚市都用得，吃晚飯都係呢個價就真係無敵喇！…Read More

話說今年情人節呀仔同我地一齊過，所以三人行。因為遲遲都未有 idea 去邊處食，所以拖到情人節前一日先打電話去 Ruby Tuesday 訂位。我第一句就問：請問情人節幾點有枱，佢答我9:00pm。噢！Sunday + 情人節都居然有位，九點就九點啦！搭正九點來到，都唔係等左幾耐，大約五分鐘就有位喇！因為大夜食，所以唔叫咁多野，費事瞓覺唔消化。Fsh & Clips with Shrimp應該唔使點介紹，即叫即炸夠晒脆，唯一彈嘅係D吉列蝦仁，D皮厚左D，如果換左煎蝦仁的話應該會更好味。Grilled Pork Rack有炭燒香味，又有肉汁，幾好。伴陳醋汁和水蜜桃夠清新。尤其鐘意個陳醋汁，拎黎拌Fsh & ClipsD沙律菜好夾。嘻嘻！California Club Quesadilla好有驚喜，超多牛油果加上雞肉粒，外皮脆脆地，正！Mini Cheddar Fries薯條應該唔使點介紹，不過都講小小，要襯熱食，唔係D芝士乾左試唔好味！Mega Mudslide 呢個幾好味！有D Baileys 酒 同雪糕好creamy，不過飲完幾飽。會員Memu 食品/飲品半價，每人二佰蚊超底。…Read More

食評就睇得多喇，寫呢~都係第一次。見到食評話呢間1點前結賬有八折，咪過黎試下係咪底食又好味囉。結果好有驚喜，所以黎同大家分享下。入到黎見環境唔錯，望下個餐牌，一個 full set 意粉都係六十幾，仲有八折，如果好味就真係幾超值。我地兩個人，叫左英式炸魚意大利香草醬松子意大利粉，厚切牛脷香腸熱溶芝士茄醬長通粉，兩份都跟餐湯，另加$10要多一客沙律。個主菜名超長，唔係影左張單都唔方會寫得返出黎！講左張單先，八折冇錯，$126 for 2 超值！不過1點前埋單就唔係人人得喇！我得，所以會再黎！個餐湯唔錯，濃蕃茄味得黎又唔係幾酸，OK！呢個多士就有驚喜喇！係蕃茄包黎架！配沙律醬，好好味！什菜沙律，不過不失。厚切牛脷香腸熱溶芝士茄醬長通粉：牛脷和香腸冇乜特別，芝士茄醬都幾濃，但係冇乜驚喜，不過不失啦！炸魚意大利香草醬松子意大利粉，就好有驚喜喇！炸魚香脆，脆醬應該係用啤酒開嘅！夠正宗！魚肉又滑又多汁，“正”可惜得兩舊好似少左D.....意粉汁甜甜地幾好味，加上香脆松子仁，食完好有滿足感。整體黎講D野食好有水準，再加上精美上菜器皿，心情都唔同D。…Read More