CarolCheung3007's Profile

朋友生日希望食海鮮，過去幾次去西貢食都覺得水準下降，興記同竹家莊嗰啲又食過，今年就試吓搵間酒樓食。OpenRice見到旺角海鮮酒家，睇相覺得幾有feel，細細間專做海鮮，地點又勁方便喺Moko 5分鐘路程，即管試吓。見到有幾個負評，話蜆有沙同服務差，琴晚嘅體驗真係完全冇喎；服務勁friendly，係有傾有講嗰隻，係一個好開心嘅飯局，所以我都的起心肝寫個食評為佢哋平反吓😆我哋6個大人叫咗6人餐，份量好足夠，味道方面中上，絕對係可以回頭嘅餐廳👍🏻WhatsApp訂位時，我問有冇壽桃同價錢，老闆知道係生日飯就慷慨話贈送，仲要唔係迷你嗰啲，呢啲訂位過程都令我覺得呢間餐廳幾有人情味，唔係連鎖嗰啲機械式操作😇…Read More

食過座銀，對佢哋出品都有信心。今次就試佢哋新開嘅蠔拉麵，鍾意食蠔嘅我即刻安排時間過嚟試吓味道，果然冇令我失望。湯夠香夠熱，掛麵都唔錯，雖然得一粒蠔有少少唔夠喉(如果可以追加就好喇)。由於我當日坐正吧枱位，睇住師傅喺我面前完成碗麵，乾淨之餘仲好貼心提示趁熱先食咗隻蠔先，用餐感覺良好，店員服務都好好，一定會再嚟。P.S. 定價好似有啲進取，不過係值回票價嘅。重口味一定要試白湯底，好味到飲哂啲湯，清湯就正常水準。…Read More

上星期五約咗舊同事聚吓，搵到九龍城呢間新開嘅老爺廚房。(其實招牌仲未拆紅紙，估計試業中)餐廳個名以為食中菜, 原來係西餐, 有意大利雲吞, 意粉, 和牛漢堡飽, 牛扒, 選擇都好適中。我地8個人點咗8樣嘢, 唔係餐嗰D可以要求加錢轉做餐, 幾好夠flexible! 不過我唔記得加幾多錢, 不過一定係合理價, 否則我地都唔加🙊味道方面, 我覺得最好味係和牛漢堡飽, 雖然$228好似貴貴地, 但我地8個人share, 餐廳又主動問我地駛唔駛分8份, 食起好方便。見到隔離枱食斧頭扒好正, 我下次一定試吓。店長同員工服務好nice, 價格中等, 最重要食物好味, 幾張枱唔會好嘈, 一定再幫襯, 值得推介…Read More