aprilbie104's Profile

一個簡單的relax lunch set，令第一次光顧嘅我，意外地感受到平凡生活中的小確幸，當日嘅照燒雞扒don，肉同飯嘅比例恰到好處，雞肉厚身，卻被出奇地煎到外炸內軟，兼juicy，再加上雞蛋嘅陪襯，令呢個非常平凡嘅don，非常有驚喜，喺一間相對寛敞嘅cafe/bistro? 只係承惠$78，絕對係城市驚喜～…Read More

依家喺香港想靜靜地，又唔駛用好多錢，食一餐簡單、好食又健康嘅日本菜，真係唔容易。今日嘅lunch飯局，明道就話我知，我搵到我嘅味蕾綠洲。呢度嘅lunch set，選擇唔算多，但味道ok，性價比高，我哋另外order咗一啲比較少見嘅刺身（活北寄貝、魷魚同埋白蝦），非常有驚喜，經理嘅service亦貼心，相信下次我再嚟試佢哋嘅dinner，應該唔會令我失望，期待中…..…Read More

由幾個年輕韓個人主理嘅家庭式小館，lunch set味道幾好，分量足，選擇亦唔少，有牛、豬同海鮮，主打嘅嫩豆腐鍋，亦有小驚喜，鮮甜足料，唯不吃辣人士，可能要問吓可唔可以做唔辣或少辣，整體嚟講，確實係附近上班族嘅TGIF嘅放鬆開心選擇～…Read More

香港人由細食到大嘅地道美食——-生炸雞髀，竟然有專門店，喺食肆不斷消失嘅情況下，呢間不失為一個小小驚喜，令到追求有質素兒時食品嘅我，十分興奮！地方乾淨簡潔，食物美味，值得一試～…Read More

之前返工經過，已經知道有呢間餐廳喺度，但唔知點解硬係次次諗食飯地方時，諗唔起佢，終於尋日一經過，即刻上Openrice訂位，今日可以去試吓菜，咖喱雞飯，絕對係我食過做得最好嘅，雞皮脆肉嫩，唔油膩，薑黃飯，位位有咬口，又入味。冠軍奶茶，著實令我喜出望外，充滿驚喜，奶同茶嘅平衡度極高，茶一到，香味立即佈滿，成張枱及周圍都聞到。以後又有多間必食餐廳了！…Read More

今次係佢裝修後第一次嚟，環境依舊悠閒舒適，自助式點餐，由每人一卡，改為自付費，食物後上嘅型式，但食物質素依然無變，沙律用料地道正宗兼新鮮，意式Pizza味道，風味依舊，令到鍾情意大利菜嘅我，可以輕鬆感受昔日嘅意大利風情。Wine list嘅選擇雖然唔多，但基本上每款酒，同餐牌上嘅食物都好夾，唔怕錯配。如果真係要講，可以錦上添花嘅地方，就係食物種類方面，可以加多一啲傳統意式甜品，如Cassata，咁就真係Perfect了！…Read More

昨晚咁啱同我嘅至強閨蜜，試到已接近尾聲階段嘅「無國籍料理」菜單，真係充滿驚喜！平時相對比較少喺晚餐時段幫襯，萬萬估唔到，可以喺Cafe Landmark享受到Fine dining級數嘅日本fusion菜。菜式用料全部日本空運，新鮮美味，主廚熊谷喜八先生所設計嘅菜式，不但糅合咗唔同地方菜式嘅精粹，並具有豐富層次感，將食材鮮味進一步提升。當中嘅第二道菜—-辛香料炒龍蝦，著實係不能錯過，龍蝦肉質細嫩，再配上特製香料烹調，真係從來無食過咁特別，咁有創意嘅做法。另外，最後上嘅椰子雪糕配蜜瓜汁，更將味覺提升至另一層次，為我哋嘅晚餐作一個完美嘅收結～作為一間cafe，就能夠以只係$500嘅價錢，帶我哋嘅味蕾，喺舒服嘅環境下，遊走世界國地，真係夫復何求？…Read More

Gala dinner by Kei Kojima係我食過咁多fine dining當中最難忘嘅，餐單嘅編排，不單味蕾對食材有新嘅體驗，更可帶領老饕去到Fushion菜式嘅另一個層次。壓軸主菜藍龍蝦及甜品，更為餐單及主廚Kei Kojima嘅鬼斧神工，畫龍點睛。餐廳經理Andrew嘅貼心服務及精心安排，令整頓晩餐生色不少，錦上添花。…Read More

從之前的Anytime，到現在的奇華茶室，都是我們的飯堂，貼心的服務，美味的食物，無不令我們樂而忘返，好有家的感覺～招牌焗豬扒飯，加了太陽蛋，令本已香酥的豬扒，不單多一份蛋香，飯粒兼有＂金鑲銀＂的口感，真好～蝦多士，外脆內軟，絶不油膩，並非＂萬年油＂產品，很用心的製作～環境優閑舒適，兼富藝術及文化氣息，簡潔而不浮誇，非常吸引～整個而言，現在的奇華茶室，可以說是從前Anytime的改良版，相信在以後，您會帶給我們更多的驚喜～加油💪💪💪！…Read More

朋友話荃灣8咪半，新開有間幾好嘅越南餐廳，叫我有機會去試吓，咁啱我今日要去福來邨影相，如是就走咗去食個lunch。今日佢哋啱啱推出咗個假日優惠套餐，最貴都唔過＄80，仲包一份自選小食同飲品，係幾抵～我叫咗個雞翼撈檬，雞翼外脆內軟，唔油，幾好～我屋企人叫咗豬扒湯粉，豬扒略乾，不過份量足，兼有咬囗，相信只要爐火控制方面，能改變一吓，效果必截然不同。雖然係越南餐廳，但奶茶比好多茶餐廳出色，係今次嘅驚喜～貌似＂鬼口水＂嘅三色拉椰糕，更係我嘅推介～整體表現，包括員工服務態度，新開餐廳來說，算是一間有心嘅小店，下次我會試吓佢哋嘅晚餐。…Read More

咖啡並沒有想像中香濃，拉花打泡做得唔錯，但以$35一杯小小的Cappuccino Mocha，跟我期望的水準有一段距離。Apple Tart嘅份量頗細，味道和温度都可以，Tart上的蘋果並沒有一般太甜太焾的毛病，如果他們能有配上雪糕的選擇提供，定可生色不少。…Read More

跟靚妹在太古睇完戲，便乘地鐵到北角一試雜誌介紹的榮式燒雞扒。到達時，已是9:20分，她也差不多打烊了。而我們又是最後一枱客，心想不知還有沒有聞名的雞扒飯供應...幸好，皇天不負有心人，廚師還是為我們送上了一客熱騰騰的雞扒飯:)。雞扒燒得香脆，一點也不油膩。伴飯的配菜，酸酸的，也蠻開胃。由於已是入夜時分，我們叫廚房給我們'半飯"好了。所以，整體來說，食物份量也足。唯一美中不足的地方，是食物品種選擇示算很多，如能夠多一至兩款相關的招牌菜，便真的是名符其實的"特色小店"!…Read More

看了數篇Toast Box嘅食評，早已蠢蠢欲動，一試聞名已久的咖央多士。看著廚師小心翼翼地弄著一片片的麵包，早已涶涎三呎。當多士送到時，已急不及待的把它送進口裡。多士夾著熱暖牛油在口中溶化的感覺，簡直非筆墨所能形容。多士、牛油和咖央份量比例恰到好處，而咖央的口感豐腴但又不會過甜。南洋咖啡加煉奶，味道和口感雖然沒有港式茶走的香滑，但作為早餐飲料，感覺也蠻清新。唯一美中不足的地方，是套餐一定要跟兩隻雞蛋。雖然雞蛋也做得好吃，但畢竟膽固醇還是很高。這麼好吃而又高膽固醇的東西，簡直就是魔鬼給我們最大的誘惑。…Read More

因工作關係，有機會到元朗走一趟，經同事引路，便第一次來了氹仔餐館。今次點了黑椒雞扒飯，黑椒汁頗惹味，雞扒也煎得香脆，而且並不油膩。雖然地方空間較少，但以食物水準及價錢來源說，算是一個不錯的午膳地方。…Read More

第一次來到Zoe，試了她的Banana Chocolate Pie。整體味道和口感也不錯，但$30一件小小的蛋糕仔，確實貴了些。最特別的發現，是她的cappuccino。Cappuccino的泡沫，彈力驚人，待我放完糖後，泡沫竟然可以回復原狀，絲毫沒有破壞泡沫的圖案。這可真是Zoe的咖啡獨特之處:)。…Read More