Line's Profile

已有兩個多月沒有一家四口外出用膳，今次揀咗個星期三，出來吃餐西餐。雖然這間餐廳已開了一段時間，但我哋都係第一次惠顧。。。一家四口，叫咗兩個二人餐，主菜點了四款：pizza係薄脆型，小朋友很喜歡，只係啲腸有點辣，佢哋走哂啲腸；意粉點了忌廉三文魚菠菜意粉，不錯，creamy得嚟唔太油膩；慢煮牛肩肉，比想像中淋，連唔多愛吃牛的小朋友都話好食；最後仲有個慢煮烤雞，啲肉都幾juicy。連埋餐湯，同跟餐的温泉蛋雞肉沙律，今餐相當豐富。最後仲試咗件Elmo蛋糕,係多層士多啤梨mousse cake. 真係大滿足！…Read More

星期日中午約十二時正，好幸運無需等位，一行四人，兩大兩小，分兩張枱坐。環境整潔，點菜和上菜均非常有效率。由於有小朋友，沒有點太多辣的食物，點了肉骨茶大雜錦，椰香咖央多士，沙嗲串燒，怡保雞絲湯河，馬來西亞拉茶和桔仔話梅水。很地道的馬來西亞味道，值得推介！肉骨茶的中藥味聞起來很香，飲落又唔會好重中藥味。我特別喜歡串燒和拉茶。杯拉茶真係好滑。餐牌上其實仲有好多美食，例如砂鍋老鼠粉，咖哩麵等，下次一定再去試吓其他美食。…Read More

抗疫期間，又要保持社交距離，又想少搭交通工具，又唔想外出午膳，又想飲足料靚湯?當然call湯直送喇! 約埋兩三個同事一齊訂，足料靚湯加自選細飯就準時送到! 今次叫咗個竹蟲草花燉唐排竹絲雞加黑椒雞扒飯，超滿足。個黑椒汁功勁野味，飯盒細細，有五件雞肉，食埋湯入面啲肉就好飽喇，因為湯料都有四件唐排，同三件竹絲雞㗎。最滿足都係飲到靚靚燉湯，又香又清甜。呢段時間，除咗保護好自己，仲要對自己好啲，飲多啲靚湯，有助保持身體健康呀！…Read More

對於好少入元朗的我，在外出工作期間找到這間鋒哥廚房吃午餐，我真係好幸運。約1pm,人不多，叫咗個咖哩牛肉飯午餐。個咖哩真係超好味，唔太辣，又唔太肥膩，牛肉多過薯仔，超like.午餐仲有個中湯跟，真係好滿足。…Read More

Sunday lunch at around 2pm, most restaurants in the area are closed. We passed by and see Miso Box open, so we came in for a quick lunch. We ordered Fried chicken wings and Seafood & spring onion pancake. This is our family's first trial of Korean style fried chicken wings, crispy outside with juicy meat inside, really delicious. The pancake was also great. My kids loved both dishes a lot!…Read More

轉眼間，石門京瑞廣場已開幕一段時間，Whitewood Coffee是其中一間我在石門最愛的餐廳。嚟過好幾次，今次一次過分享之前吃過的美食。。。下午茶來說，嚟嘆返杯咖啡，食佢個pancake 或ice cream toast,都係非常治癒😊。如果來食brunch, 佢嘅All Day breakfast 好豐富，pasta亦做到 Al Dente.在石門來說，價錢不算經濟，但食物味道不錯，最喜歡他的咖啡☕，每一杯都有拉花，連外賣的也有。餐廳以自助形式運作，客人可先搵位，然後到counter order食物及付款，然後就可以安坐耐心等候食物送到你的面前。食物製作需時(例如個pancake係要等約20分鐘)，但係值得等架!🤗…Read More

第一次訂湯直送的燉湯套餐做lunch,有驚喜喎!今次叫的係西洋菜陳腎燉唐排湯，一打開個蓋，就聞到好香的西洋菜同陳腎味。個湯超足料，有原粒瑤柱，非常清甜。套餐仲跟一個飯，今次揀咗個清清地嘅涼瓜菜莆圃煎蛋，個蛋煎得好靚，飯量不多，啱哂keep fit一族。雖然套餐只係跟一個細飯，但係食個飯連埋個燉湯做午餐，真係超豐富，超滿足。可以安坐工作地點食到咁健康美味的燉湯套餐做lunch, 超讚👍👍👍! 一定會再encore!…Read More

晚餐，同老公撐枱腳。很久沒有到Megabox吃越南菜。選這間餐廳，因為早前在Megabox拿到一張這間餐廳的肉碎生菜包免費coupon.兩個人，叫咗四樣菜和兩杯飲品，菜出得非常快，味道不錯，服務也很貼心!最好味的，是免費那一道菜，肉碎是甜的，配有應該是薄荷葉磨成的汁，等別!…Read More

難得放低BB同老友記食餐飯, 一於盡情食!!!話說好多同事同朋友都話THE ONE有好多餐廳, 自己又未嚟過, 所以就揀咗嚟THE ONE 搵食... 喺openrice搵咗一陣, 同朋友商量好, 就決定嚟呢間餐廳食小籠包...早一日嘗試打電話嚟訂位, 原來只係接受訂房, 其實一概walk-in...約間上七點多到餐廳, 攞票等張兩位枱, 只係三張枱, 就等咗半個小時有多...餐廳入面有點迫... 待應一般都很有禮...等咗咁耐, 都有啲肚餓, 所以都叫咗好多嘢食... 金牌小籠包 ( 一籠六個, 皮好"yin en", 唔易穿, 但係皮又唔算厚) 菜肉生煎包 (一pan六件, 略覺得煎得唔夠香) 塘醋排骨(原本以為嚟錯咗, 因為個樣實在係一碟生炒骨!!!)上湯豆苗(還可以吧!!! 但係略貴)韭黃鍋貼 (呢個係後加, 個面係有點脆)雖然好似都有幾多人等, 但係都唔會趕客, 我同個friend一邊食, 一邊傾, 最終坐咗兩個小時先走...…Read More

有朋自遠方來, 經商量後, 決定帶他們來這裡吃大閘蟹...今次係第一次食大閘蟹宴, 我哋一行十三人, 叫咗個十二位餐...個人本身唔多好食蟹, 但係啲蟹粉確實好鮮...估唔到, 地點看似不太方便, 郤是滿座, 好多枱都係食大閘蟹,只係...服務方面, 可能人手問題, 換碟較慢...…Read More

好多人好多人...有一段時間冇嚟譚仔食嘢, 今日突然心血來潮想食譚仔, 所以自己一個人由公司行去譚仔...由公司行去譚仔, 大大話話都要成十幾分鐘... 大家可想像我有幾想食...今日午餐叫咗: 豬肉米線+5小辣麻辣湯底我平時少吃辣, 5小辣的湯底就剛剛好, 少少辣, 辣到耳仔有少少痕, 但係又唔會辣到食唔到好鍾意啲豬肉, 大大片但係又唔"鞋"口... 土匪雞翼(細)其實食譚仔, 唔多唔少係因為掛住佢的土匪雞翼... 仲記得我第一次嚟食呢隻雞翼時, 我同事提我, "記住要咬爛啲芝麻喎, 好香架!!!" 要等10-15分鐘都ok凍檸茶一個人食, 其實有啲太飽...不過好滿足...…Read More

好耐冇食自助晚餐... 話嚟試吓呢間酒店的自助餐好耐, 講足成年, 終於都嚟到喇!今次係同一班同事嚟食, 係一餐farewell飯...我哋一行七個人, 原本訂枱係訂6:45pm, 但係最終7pm先到, 不過因為都唔係好滿, 所以都仲有留枱俾我哋我覺得整體上食物都唔錯:冷盤: 主要係食刺身, 海鮮同parma ham... 刺身同海鮮都好ok...即燒燒烤: 要咗串燒牛串同埋一隻燒汁蝦,同事們大多有吃羊架, 佢哋話好好味呀熱盤: 都幾多款, 試咗炒季豆, 西蘭花蝦球, 紅咖哩鴨肉, 泰式炒肉碎等... 仲有燒味同湯麵都冇試甜品: 食咗五款cake/pie, 最喜歡嗰個係香蕉朱古力批配caramel, 係好香,好好味... 仲有好味的雪糕... 都冇肚食waffle 喇飯後仲有杯茶...整體嚟講, 我覺得啲食物的確唔錯! 服務方面,甜品師傅同燒烤部廚師的風趣, 但待應們大多是比較年輕, 笑容滿面, 但略欠經驗... 星期一至四嚟會平一點, 用恒生白金咭仲有10% off...…Read More

想嚟呢間餐餐好耐, 但係每次嚟都好多人, 今晚都係要等位, 不過待應話下一張大枱就到我, 再加上老公同BB都未嚟到, 咁就等吓喇!間餐廳做緊北海道蟹腳套餐, 咁我哋就叫咗個二人餐, 有:龍蝦湯 (較為咸咗啲)牛油果沙律(個沙律汁酸酸哋, 好醒胃)串燒雞肉(啲肉好淋, BB都食到, 不過略甜)黑椒牛柳意粉(少少辣, 好野味,只係牛肉少咗啲)海鮮醬北海道蟹腳米pizza (幾特別, ok好味,感覺上冇一般pizza咁香口,亦都冇咁油膩)oreo餅碎軟雪糕配大菜糕(呢個味道就淡啲)餐飲 - 凍檸水如果未試過,都可以考慮一吓...不過價錢略貴...…Read More

雖然我唔係snoopy 或者charlie brown的fans, 但係好鍾意呢間cafe的decoration.今次同老公同bb一齊嚟食個late lunch...老公order咗個jumbo size的熱狗, 我最鍾意食的雞翼, 一個fruit salad, 同埋一杯wide berry frappa.個熱狗, 真係好jumbo, 食完個熱狗都七成飽喇! 我諗如果個熱狗包係熱的話會仲好食...碟雞翼, 我哋都等咗一段時間, 可能已經唔係第一次食, 冇第一次嗰次食咁好味, 味道好似淡咗啲啲如果唔係同bb嚟, 我諗我一定會試佢新出嗰杯chocolate caramel coffee!兩個人食咁多嘢, 唔...飽到冇機會食cake... 下次要再嚟食個tea先得! …Read More