nwt15's Profile

轉手之後已經買過一次, 以為未上手所以就畀多一次機會佢, 點知中晒伏... 上次個碗已經唔係大, 飯同刺身都係少, 估佢唔到今次仲衰過上次!!! 要咗一個三文魚親子飯($45), 首先佢一擺碗飯出嚟我已經覺得係細, 返到屋企一拎出嚟就見到個碗好似同大X 活下午茶嗰D 迷你叉燒飯咁大, 唔緊要, 只要裝滿都唔會好少, 點知佢竟然得半碗!!! 都唔緊要, 好食就得喇... 不過呢種幼稚嘅諗法食第一啖就已經消失晒, 飯爛仲要一舊舊!!! 三文魚夠晒冰凍, 不過都掩飾唔到佢冇味道, 三文魚籽都算正常, 但係都挽救唔到碗飯... 唉... 我都唔知講咩好, 大家睇完D 相自行判斷啦... 我諗我都唔會再畀錢佢賺...嗰少少飯畀3 枝豉油, 想人飲飽當冇事咩??? 包wasabi 更差...…Read More

呢間小食店係我其中一間至愛嘅食店, 冇套餐焗你飯嘢, 所以我每次都只會買一盒飯就算! 今日買咗個雞髀飯, 其實十次有九次都係呢味, 只係有時會食雜扒飯, 講返今日盒飯, 份量真係多到無得頂, 汁又多, 再加埋隻大雞髀.... 哇~~~~~ super 呀, 隻髀大大隻熱辣辣, 個皮炸到脆卜卜, 一扯開D 雞肉仲好多肉汁又嫩滑....再吃埋個黑椒汁飯, 人生大滿足呀, 呢個黑椒汁唔係普通嘢, 試一啖就已經畀佢俘虜咗, 黑椒配雞髀真係正!!!睇吓隻髀幾大, 真係食完大滿足過去咩呀!!!!…Read More

今日去買田灣區另一間壽司刺身外賣店嘅出品, 呢間小店位置都幾特別, 午飯時間都見有幾多顧客幫襯, 飯類選擇亦都較多, 又有即做壽司, 店面整潔, 價錢算係中上。買咗角切雜錦魚生飯, 個樣都算正常, 有壽司薑同醃蘿蔔, 仲有一大舊wasabi, wasabi 係屬於有料到嘅級別, 幾勁幾上鼻, 我都係撈咗半舊落D 飯度, 已經覺得好夠味; 豉油個味唔多得, 死鹹, 帶唔出刺身嘅鮮味...刺身主要係三文魚, 鯛魚, 青瓜同蛋, 其他嘅仲有劍魚(<5 粒), 吞拿(1 粒), 八瓜魚(1 粒) 再加一小撮蟹籽同蟹柳:(... 鮮味係有, 但份量唔算多, 同埋真係全部都似係頭頭尾尾嗰D 咁嘅樣...飯似係珍珠米溝普通米煮出嚟, 醋味唔算重, 份量算係剛剛好, 大食男士可能會覺得唔夠喉, 我食完就好似有D 略有所失嘅感覺... 成個飯好似硬係有D 違和感咁...不過呢間舖似係走高格調路線, 似係想做正宗日本料理格局, 價錢比較進取。…Read More

今日又去咗買三色魚生飯, 不過近期已經有分係正常size 定係迷你size 嘅刺生飯, 有得揀我一定係揀正常size...一如以往, 三色魚生又有少少唔同, 今次係三文魚, 鯛魚同希靈魚, 一樣係每樣兩片, 不過大片少少; 三文魚厚切, 新鮮, 味道唔錯; 今次D 鯛魚好好食, 而且又係厚切, 好味到我想即刻走去再買多個... 希靈魚就普普通通咁啦, 唔會話好腥, 味道唔錯... 個飯份量大咗, 所以好滿足, 刺身份量適中, 可能我唔係咁大餸, 不過如果可以多D 我都唔會介意嘅...包埋一罐汽水都只係$35, 靚女姐姐又有禮貌, 真係賓至如歸!!…Read More

今日去買咗個$25 嘅三色魚生飯, 佢特別嘅地方係嗰三色次次都唔一樣, 只係三色入面一定係會有三文魚, 其他兩種永遠都估唔到...今次畀咗三文魚, 鯛魚同魷魚, 每樣兩件; 三文魚厚切, 新鮮算大塊; 鯛魚同魷魚都唔錯, 飯係最好食嘅一環, 不過都係嗰句: 唔係日本米囉... 仲有D 壽司薑我都覺得好好食, 味道啱啱好, 可惜比較少...呢個飯食過幾次, 今次係特價飯, 之前D 魚生出現過吞拿魚, 劍魚腩之類, 總之差唔多次次都唔一樣...平, 就係平, 又唔係太差, 今次要畀個笑佢!!…Read More

一向都有幫襯呢度買魚生飯, 今日係近期裝修完第一次幫襯, 其實所謂嘅裝修只係換咗個凍櫃, 整到見唔到個刺身櫃...今日買咗個特價嘅角切魚生飯($25), 可惜入面只係得三文魚, 蛋同青瓜 , 同原價嘅差好多, 嚴格上嚟講只係一碗角切三文魚魚生飯, 好彩飯量依舊足夠, 醋味夠, 但唔係日本米煮成... 原價嘅係有好多種刺身嘅...再加咗一盒三文魚腩刺身($68), 腥味重咗D:(, 好似唔多新鮮又冇乜魚味, 不過夠晒肥美, 份量足夠...今次極其量只係可以畀個OK!…Read More

上次去旺角鋸咗次失敗嘅扒, 今日決定去銅鑼灣報一報仇!!!!去到餐廳門口, 望入去有好多位, 侍應即刻安排入座, 再睇一睇個menu, 個價同旺角有少少分別, 不過一樣有肉眼, 就叫肉眼!!!肉眼+紅湯+凍檸水呢個配搭係我嘅至愛, 個餐包就都係普通料, 不值一提, 之後個紅湯一到, 嘩... 正呀, 味道對板, 好味... 酸得嚟又有少少辣, 好呀!!!過咗一陣個鐵板都嚟喇, 塊扒大過旺角嗰塊, 同個哥仔講要黑汁, 淋落去等佢"吱" 完即刻開餐, 食條薯條先, 好脆, 仲要係粗波浪薯條, 索咗D 汁, 又脆又惹味!! 之後就係主角, 一切落去... oh... 又係筋??? 又中伏??? 大佬, 唔係咁玩我下話??? 切多少少, 好彩原來得好少筋, 切咗一塊仔入口... 好軟熟, 好有牛味, 而且唔難咬, 咬幾咬就可以嗗一聲就吞咗落肚... 點解同上次旺角嗰塊差咁遠嘅??? 今次係成塊都好正呀, 冇筋又淋添呀!!!!好快就KO 咗佢, 侍應就嚟幫我收嘢同問我要咩餐茶, 杯檸水冇咩好評, 夠凍囉...地方就真係企理, D 伙計又快手, 不過呢間有時會好多人又要排隊搭lift 真係幾煩... 但係都會再嚟!!! …Read More

每次經過都畀佢嘅牛腩牛雜香味吸引, 但係我今次並唔係食牛腩牛雜, 今次食魚皮餃魚紮河粉!!呢間街坊小店座位唔多, 最多都係坐到17-18 人, 坐多D 都得, 不過會好逼...檯面有魚露, 辣椒醬之類嘅調味料, 仲有我嘅至愛 - 冬菜...碗粉一到, 唔使諗, 落D 冬菜先, 再加D 佢哋自製嘅辣椒油... 正呀!! 跟住夾一舊魚皮餃試試, 皮較厚但係幾爽口, 味道好好...再試河粉, 一貫水準, 啱啱好, 滑身爽口, 好味!!!再食我最鍾意嘅魚紮, 面頭嘅魚肉好有魚味, 同入面嗰舊紅蘿蔔嘅味道好夾, 一齊食就產生好大嘅化學作用, 鮮味同香味充斥成個口腔... 之後再將D 粉同湯一齊送入口... 呀... 簡直將我融化喇, 湯應該冇落到C 父, 好鮮甜, 飲完都唔會話好口渴!負責樓面嘅亞姐收錢落單一腳踢, D 客一走就即刻收嘢抹檯, 成間舖都好乾淨, 地下又冇垃圾, 所以我好鍾意去食嘢... 下次再嚟過!!…Read More

不停搵好食嘅酸辣湯麵, 今日去間老舖試試...有下午茶餐, 正...先嚟杯豆漿, 好好飲, 好有豆味不過唔似係自己整, 可能係開水嘅...至於碗麵.... 唔合格, D 麵太淋, 我都唔覺我食緊麵, 一pat 嘢咁, 個湯冇咩辣味, 酸味就夠, 料好多, 不過D 味道有一種唔協調嘅感覺, 食到一半仲開始變水, 頂唔貴要放棄...老舖老伙計, 唔好打算有好好嘅服務, 不過呢度D 服務唔算差, 唔會話好冇禮貌, 問咩答咩咁囉...地方稱唔上污糟, 不過又唔係乾淨, 老舖嘛... 睇開D 啦...…Read More

路過Time Square 出於好奇所以上去試試, 上到去好多位唔使等即刻入座...打開個menu, 睇咗一陣, 一於叫以本舖名為嘅拉麵 - 一風堂拉麵一嚟到試咗個湯先, 幾鮮味道唔錯算係中上...麵我要硬身, 係可以嘅, 不過冇想像中咁好食, 唔會有驚喜...叉燒.... 係一塊肉囉, 總共兩塊, 唔特別, 又唔係唔好食...整體係普通, 如果要排隊我唔會去食, 而且座位坐得唔舒服又唔係平, 試過就算喇...服務真係唔可以唔服, 斟水, 送麵嚟, 放底單, 收錢都咁有禮貌, 真係good!!!…Read More

今日行過見人少少走去排吓隊, 原本係食細生腸細墨魚, 點知見佢寫住個牌話冇細墨魚... 咁即係我想食墨魚一定要食大啦, 咁我唯有食大生腸大墨魚!!!埋到去都唔好諗有咩服務同好禮貌, 店員問我食咩, 我就照落柯打, 之後問我要咩醬我答佢咩都要, 佢跟住再問多咗我一次要唔要甜醬同芥辣, 我就答多次咩都要, 佢仲要問要唔要膠袋, 我就緊係唔要啦...食物到手就行埋一邊慢慢食, 墨魚好好食, 入口爽脆唔會咬唔入, 真係唔可以唔服佢!!生腸都唔錯, 唔會太淋, 好咬口, D 醬汁又好味, 不過....... 食完好口渴, 有冇搞錯??? 以前都冇落咁多C 父, 而家咁重手都唔知做咩...今後應該唔會再去食, 食完實在太口渴!!!…Read More

一行到落去就有人招呼, 即刻有位跟手叫埋個餛飩麵+罐忌廉...唔使5 分鐘麵同飲品都送到嚟幾粒餛飩同以前一樣咁大, 入面依然係咁足料, 蝦又爽口, 真係冇得頂!不過D 麵鹼水味好似重咗D, 入口個感覺好怪, 習慣咗之後就冇咩問題, D 麵雖然係咁, 但係好彈牙好好食!食完之後再追加一碗牛肉麵, 不過就冇我想像中咁好, 牛肉味道單薄又唔夠咬口, 好在份量唔少, 心理上覺得抵D 咁...D 侍應姐姐做嘢好快手又好禮貌, 地方又乾淨, 價錢又唔算貴, 如果去開中環我諗我會再去食過!…Read More

忽然想鋸個扒, 唔使諗一定係平平哋嘅花園餐廳!上到去即刻有位, 睇完menu 就叫咗個肉眼鐵板餐+紅湯+凍檸水...餐包同紅湯一齊上, 個包夠熱好軟熟, 但係個湯好似冇以前咁好味, 而且D 料好明顯唔同咗...:(跟住個扒一上, 侍應問要咩汁, 同佢講咗黑汁, 點知嚟淋汁嗰個又問多次... 之前嗰個係唔係冇同佢講呢? OK, 呢D 小問題唔會影響我對呢塊扒嘅食慾嘅, 二話不說手起刀落!!! 咦????? 吓???!!! 切唔開嘅???? 嘩... D 筋好結實呀!!! 出盡力先切開一小塊, 一放入口.... oh no... 好似食橡筋咁, 係咁咬係咁咬先勉強吞得落, 我認為每塊扒都可能會有少少呢D 情況, 食落去就唔會再係咁, 點知..... 上天原來好喜歡作弄人, 成塊扒都係筋, 我就好似傻仔咁食咗一大塊橡筋!!!! 有冇搞錯呀!!!! 我印象中肉眼係好食過西冷我先叫肉眼啫, 你都唔好咁對我好唔好呀????好失望, 真係好失望, 搞到我杯檸水都冇乜心情飲, 今次冇辦法唔畀個喊佢... 下次去都係食番下午茶餐算喇...不過侍應做嘢真係快手, 收碟好快, 仲會抺埋檯!!…Read More

由唔由幾時開始, 我愛上咗宜家家居美食站嘅肉丸, 每次去親銅鑼灣都會心思思想去食...今日去睇少少嘢, 咁就順理成章去食番盒!一如以往嘅味道, 肉汁同果醬提升咗肉丸嘅味道, 5 粒一瞬間就被我消滅咗, 好味!!!不過盛載肉丸嘅盒沾上咗肉汁, 一拎上手就一手都係, 員工亦冇乜清潔汽水機附近嘅地方... :(…Read More

今日唔係好肚餓, 所以冇幫襯佢個招牌大雜麵, 只係食咗個3 餸粗麵蘿蔔: 一貫地出色, 甜... 唯獨是有一舊有根, 不過影響不大貢丸: 冇咩特別, 普通貨色, 唔知點評蟹子丸: :(超市貨, 食第一啖已經後悔, 相信會有其他嘢會比佢出色不過佢個湯底我覺得唔錯, 真係好飲, 有可能係師傅嘅威力, 唔理咁多, 好飲就得!!價錢雖然冇乜點加, 但係size 細咗, 生活迫人...…Read More