L12FIN's Profile

天氣開始唔熱, 食雞煲嘅季節又黎喇去左友人樓下嘅小店叫左個小辣雞煲,四個人一隻雞啱啱好.啲肉幾嫩滑, 辣度適中好惹味, 餸左我大半碗飯. 飲住可樂食雞煲真係好爽皮另外再點左d菜同小食, 估你唔到炸豆腐個皮咁脆入面咁滑, 熱辣辣好有鑊氣, 大推. 另外干煸椰菜花係友人平時點開, 真係幾好食, 辣辣地好入味. 時菜炒魚柳啲魚柳幾大條, 當日係炒菜心.小店黎講佢啲出品唔錯, 但坐位唔多, 有機會試下其他小菜. 一路食見佢外賣不停, 應該唔少街坊幫襯…Read More

疫情關係，停咗好幾個月出街食飯，而家情況好d，比自己出去唞吓氣。今日兩公婆嚟到銅鑼灣一間日式餐廳。午餐很抵食，由數百元至最貴omakase千多元。客人坐下後，師傅會先奉上小食、前菜和沙律。然後師傅會問問客人有什麼不吃，接著便會用當日最新鮮的食材逐件手握即制壽司，奉上每一件壽司時也會介紹是用了什麼材料和簡介口感，每一款都有種surprise。特別是炙燒沙甸魚，從來沒吃過，原來那麼好吃，油香滿溢像在吃和牛。北寄貝壽司不是平常紅色的那種, 而是真的生勾勾灰色的那一種，師傅奉上前再用手拍一拍、它還會動！還有難忘的就是那澎湃的海膽壽司用上了¼版的海膽去做每一件。吃畢十二件事壽司後，原來還有手卷、蒸蛋、湯和甜品，即使是男性也可以吃得飽飽！總括而言，材料新鮮、配搭清新、味道很好！非常有在日本的感覺！彌補不能旅遊的失落。…Read More

今晚本來係約咗一班中學同學過年前聚一聚，點知大家都忙著準備過年，不能出來，最後得返我同另一個朋友撐枱腳朋友見人小小就提議去食意大利菜，諗住靜靜地可以傾下計。這間餐廳位於TST East 海景嘉福酒店B2層，位置相當隱秘，環境裝潢都很異國風情feel, 絕對是情侶💑來談情的好地方！但可惜這次不是跟我honey黎講返食物，我地都覺得很不錯👍 我特別喜歡點餐後送上的麵包籃，麵包鬆軟綿密，是有麵包香的，這種質素在事面好難搵到，重點是這個麵包籃是免費的！其他還叫了Angus beef medium rare，廚師沒有煮得over, 剛剛好，而且有肉味酒類方面，我就不建議大家點有raspberry 嘅cocktail, 始終會覺得有藥水味:(但朋友點的紅酒佢就覺得ok!最後我地仲食埋甜品先走。總括來講，食物環境服務都很好，絕對推薦俾大家！…Read More

幾年前同老婆去英國旅行到訪過一次duck & waffle, 當時太遲book位淨係訂到凌晨12點嘅枱, 一路食一路中眼瞓完全享受唔到美食! 聽到佢黎香港開分店, 梗係要比多次機會試吓啦! 星期五放工七點幾成個場都係滿嘅, 最好預先訂位.我哋兩個人點咗四樣嘢, 第一樣到嘅係corn ribs. 賣相特別辣辣地好惹味第二樣係maple glazed cornbread, 個包外層甜甜地, 中間有啲青椒同粟米, 可惜青椒唔係我口味.第三樣係主角duck & waffle.鴨脾塊皮燒得脆, 加上流心鴨蛋, 兩樣鹹鹹地嘅食物加啲糖漿同窩夫一齊食係過癮最後上嘅係spiced ox cheek doughnut, 由於之前嘅菜式都係澱粉質嘅關係, 個冬甩淺嚐一下就夠喇. 建議大家唔好同一時間點太多澱粉類嘅菜式Relaxing Friday night! …Read More

以前食過北京老家，一直想食返搵唔到，原來搬左鋪了，咁啱經過加拿芬道望到，終於有機會再食多次！新鋪地方寬敞，每張枱中間都放置左一盤金魚，同以前一樣咁有情調！午市套餐只係$58，一款小菜，包前菜，例湯，白飯，仲有糖水，今時今日食個茶記都唔只！嗌左十款小菜share 食，糖醋排骨，魚片開胃，虎皮尖椒，麻婆豆腐辣度十足，蔥爆羊肉，四季豆鑊氣夠，但回鍋肉稍嫌油膩，涼瓜炒蛋熟左少少唔夠滑。整體食物質素都唔錯，最後仲飲埋碗紅豆沙先埋單！午市不妨一試！…Read More

今日去開中環，見前排都係打邊爐多，今日諗住食下韓國野無咁悶，一於就試下呢間之前一直想食既韓國餐廳！打開menu即刻點返個炸雞先啦，我地一行四人，先叫個UFO Fondue 芝士炸雞，可揀兩隻口味，就試下餐廳推介嘅芥末蜜糖同埋三重芝士，再點多個泡菜煎餅，魚片湯同埋韓式粉絲雞蛋卷。店員仲細心介紹只要注冊會員，non-alcohol drinks 買一送一， 咁著數就一於嗌多兩杯花茶飲下！講返食物先，泡菜煎餅煎得岩岩好，脆口得黎又唔會有焦味，泡菜唔會太辣，就算唔食得辣既我都無問題。韓式粉絲雞蛋卷裡面粉絲彈牙，配埋個醬汁都幾開胃，至於魚片湯就普普通通，不過都幾大碗幾多魚蛋。最後黎到期待以久既芝士炸雞，店員先細心幫我地將火鍋嘅三款芝士煮溶，我地已經急不及耐拎起炸雞點落去，芝士濃厚但都掩蓋唔到雞肉既嫩滑，油炸但唔油膩，食到欲罷不能。最後埋單free左兩杯飲品，慳左錢又可以食多餐！…Read More

又食火鍋喇，十日內已經第三次，肥死了。今次黎到街坊商場內嘅尚館，第三次幫襯，因為係質素唔錯嘅海鮮火鍋放題。 每人有一份海鮮一份靚肉一份刺身，其他配料（有脆鯇鮮牛等）都係任點任食，保證食飽飽！龍蝦係非常新鮮彈牙，應該係個龍蝦魚缸啱啱拎出嚟，非常正！服務非常貼心周到，主動加湯問你要不要飲品（任飲）同非常勤換碟，個個都係好笑容都好親切，係五星級服務態度，讚👍🏻👍🏻👍🏻…Read More

今日兩點鐘中環開會，咁早d出去食飯啦，去左isquare 三樓間忠孝東路，時間尚早，唔駛點等位就入得。三個人叫左三set不同午餐share 食，酸菜魚、四季豆同麻婆豆腐。每人附送小食一客，大家都揀左皮蛋豆腐，係細細件一口份量，味道不錯。另外餐飲叫左凍果茶，好飲。講返食物-麻婆豆腐比一般食店辣dd，好惹味，亦都好好送飯-酸菜魚都係辣嘅，魚肉好滑，同埋有好多「麻」，如果唔食得辣可能會受唔住，不過我就好啱胃口-四季豆就味道濃，好多肉碎，幾大碟總括好滿意，價錢又唔貴，如果近d公司就好了。…Read More

星期五，無無聊聊蕩到K11, K11 出名食店精緻，好唔好食就見仁見智今日先有位下屬同我講個商場有咩藝術博物館概念 (10萬個黑人問號？？？)，但行行下見到B1 有間茶記裝修得好「禪」，有日式竹林，風格出眾，又似似地件藝術品喎！入黎前reception 姐姐問我有冇book 位， 「下？ 茶記都要book？」, 好彩都算早黎有位，坐低後點左signature 祥仔吉列豬扒飯。等左5mins 到就有，但心諗快， 並唔代表好。外觀尚算唔錯，但聞唔到飯香 。茄汁同大家樂一哥焗豬飯有d 似， 但差別在於呢度個汁係凍既……亦都唔係炒飯底，唔合格! 好彩佢加左幾粒蕃茄仔，仲要去左皮，算幾細心再試豬排，切落去都夠鬆軟，吉列可謂岩岩好，炸粉冇over 到，豬排亦夠厚，夠冧。但都係衰係唔夠熱，而且食落有種似曾相識既感覺 - KFC 炸雞！ 點解呢？明明係豬排黎架最後杯奶茶都算ok， 以$108 lunch set 黎講，性價比係差d， 食物最基本都唔夠熱，但勝在環境乾淨企理， 都係個句，食物精緻，好唔好食就見仁見智…Read More

此店位於三坡坊，有間鶴立雞群嘅特色火鍋，專賣各種牛肉勺鑽嘅部位，店員帶我地到樓上雅座，裝修係懐舊嘅風格。桌面闊落，坐得舒服，有自助調味bar，特別在有支特制牛汁，個sauce 調出來係幾好食嘅。湯底有好幾款，order 左個鴛鸒鍋底，一邊清湯一邊沙嗲。火鍋料方面，剩係講牛都十幾廿款，另有少量海鮮同豬肉，牛以外真的選擇不多，不過冇所謂啦，因為呢間真係專做牛，有好多部位都第一次聽，睇圖叫，叫完都忘記左個名了。好幾款都好食，最有印象係肩胛翼板，好有牛味，五星推介！其實order 左好多款，不過掛住食有好多唔記得咗影相就食左。大家都食左tea先黎，四人埋單九百幾，食物有質素，都可以再幫襯。…Read More

臨近除夕，相約一班要好知己，係呢個落雨天，最適合打邊爐，同事推介厚福街有間台式手涮鍋，決定去試試！一入到門口，侍應便細心安排了房間給我們，即刻望一望菜單有咩食先！淨係湯底都有成5款選擇，對於有選擇困難症既我真係好頭痛，最後我揀左雞脾肉，娃娃菜，豆腐，配上沙嗲湯底！湯底濃郁，雞脾嫩滑，值得推薦！ 最重要係杯跟餐既飲品！目測有750毫升，而且不另收費！真係非常抵食！總括黎講，呢間餐廳午市性價比高，值得一試！…Read More

前兩日食過Hyatt tea buffet, 今晚就黎左Shangri-La 食buffet dinner ,今次一家大細四大兩小，不過小朋友三歲以下唔駛收費。一開始生蠔好多人排，咁我去食d魚生先。有七款（三文魚、吞拿魚、比目魚、八爪魚、甜蝦、油甘魚同墨魚），試左三文魚甜蝦，正常冇特別，不過擺得核突d。見到有即切北京片皮鴨又拎左 d ，好多人拎，師傅不停切，呢個幾好味，不過部分切得多肉得滯海鮮櫃檯有面包蟹、龍蝦、蟹腳等，面包蟹幾好，多膏，好邪惡。人少d去排即開生蠔，每次拎三隻，好瘦好細，呢個真係減分，我估十幾蚊一隻嘅蠔都好過佢、作為五星酒店俾三星酒店嘅下欄嘢好似孤寒左 d，好失望。其他美食有人喇沙配龍蝦鉗、BBQ、燉湯等等。啱啱小朋友食嘅有長通粉、多款芝士、熟壽司，順帶一提小朋友會有填色紙同顏色筆，呢樣加返少少分。甜晶有即製日式梳乎厘班戟、日式車輪餅及12款Häagen-Dazs雪糕等，雖然蛋糕種類不及Hyatt 豐富不過都係夠食飽十二月節慶價，埋單冇拆扣的話$758+10% per head 都幾貴，今年食過兩次lunch 都係差唔多食物，但價錢平一半有多，lunch 都有龍蝦的，晚餐只係多左超瘦生蠔，個人認為lunch 係非常抵食，晚餐就性價比較低。…Read More

今日boxing day, 節日當然要食好d，難得可以敝下家人自己約friend 食，一早起身食完個light breakfast 先去salon整整個頭先，十一點整到三點左右走得，經K11 商場最頂個層去Hyatt regency L層 cafe , buffet 3點半開始時間啱啱好。好肚餓先食幾件壽司刺身，司傅俾左三文魚腩位，好肥美，正！冷盤海鮮仲有蝦同青口但冇食到。行一個圈，仲有印度咖喱、西式薄餅、中式粉面、蘿蔔糕、海南雞飯、鐵板燒、燒牛肉等等，tea 黎講都唔少熱葷。要讚一讃個鐵板漢堡牛，好香好有牛味，食完一塊又再食多塊。食完熱野先係重點，甜品！呢度甜品有好多款，樣樣都想食，其中一個櫃仲要係同隔離逐件賣果個櫃差唔多，仲有一個應節聖誕造型蛋糕，太靚關係，半個鐘都冇人捨得切開佢，到臨走有人切左我先試吓，都好好味。食左兩round 甜品試到三分一都冇，不過冇quota 可用了，已經好滿足，留返下次再試啦。最後埋單有折，三百左右per head, 朋友們都覺得好抵食。…Read More

Merry Christmas!! 昨日平安夜難得黨鐵通宵梗係玩通頂，但係年紀大都瞓唔多，結果10點鐘生理時鐘響起，出發食個靚早餐!平時都比較like d 中式野，琴棋書畫樣樣精，連早餐都鐘意食蘿白糕，糯米雞。 但難得christmas, 梗係整番個西式早餐!講左咁耐入正題，經過門口見到裝修有d 懷舊北歐風，係我既style，就衝左入去呢間 Itamomo (睇個名知係意大利野，但唔知momo 點解，求解？)可能10點幾太遲，排隊人唔多，入到去被安排角落位，隔離坐左個岩岩跑完步既大肥佬，仲要係咁樣件背心，當堂冇哂胃口，諗住算la， 叫個 light breakfast, 咦？ 一個蛋牛治都$29，自己整可以整到5份。 既然聖誕節豁出去，豪食個「吉列魚柳厚多士豐滿 breakfast set, 都成$39， 當然同老婆d high tea 價冇得比，但對我呢d 窮L 文青黎講，真係要當埋Bunch 去食咁濟。等左5 min 就有得食， 吉列魚炸到金黃色岩岩好，咬落冇成舊粉，尚算鬆脆，無腥味，配埋個沙律醬一絕。 最驚喜係個多士，多士者，最緊要夠厚，夠脆，夠牛油香，呢度全部中，仲有加埋香草!早餐另一精髓係杯奶茶，可惜茶味唔夠香， 但overall 黎講都算係個滿意既breakfast, good!…Read More