kayse's Profile

今日係同同事一個禮拜一次既飯盒會🤣通常我地都會帶飯或者叫外賣起公司一齊食，一齊食晏吹下水同互通下消息咁🤫有間滷水野起附近想試好耐，梗係要拉埋佢地食啦人多又可以試多啲款😋同埋lunch食滷水都幾特別，幾有新鮮感🤤我地呢次叫左4盒外賣，份量多到有啲出乎預料😳基本上食滷水應該要叫既我地都叫左，有滷水鵝翼、鵝片、豬耳、豬手、豆腐、紅腸同蛋，好豐富好滿足，一解想食滷水既恨🤗野食唔錯，幾好味，啲野食整得好入味，嫌唔夠既話佢都有問使唔使要額外既滷水汁，同埋價錢起呢區黎講係非常合理，都是值得再食既一間餐廳👍🏻…Read More

今日放假同男友去大嶼山坐纜車，遊完昂坪之後落返東涌食野。因為東薈城都塞滿遊客，所以我地就去左隔離既富東商場搵野食。估唔到呢個細細既商場都有幾多選擇喎，行左一陣之後，我地入左間食韓國燒烤既鋪頭，叫燒肉時代。發現原來拍拖以黎係第一次食韓燒，入到去見佢啲裝修都幾新淨幾有特色，招呼我地既兩公婆係韓國人都幾有禮貌(應該係老闆無誤)，第一感覺唔錯呀。一場黎到食韓燒就梗係叫多啲野食試下啦，我地叫左一份雜錦燒肉拼盤(有雞、牛、豬、扇貝，肉質味美，係有級數既肉，好味！)，一個五花肉石鍋拌飯，一個牛肉炒粉絲。出乎意料，竟然好好食喎😳估唔到起東涌都食到禁有水準既韓菜，有friend入東涌既話值得推介👍🏻最後，因為份量太多，係食唔晒既🤣🤣…Read More

一行四人試下稻香新出既椰椰芝麻雞煲，晚市時段都係$90蚊一隻雞上枱已經聞到陣陣椰香味，另外仲有青桔仔同沙薑醬，幾特別👍🏻隻雞幾大隻，肉質嫩滑👍🏻湯底幾出色，加上椰青水清甜解解暑之餘又滋潤感覺冇咁罪疚青桔沙茶醬好惹味，配雞肉又或其他肉類都好食👍🏻另外叫左啲配料質素都唔差👌🏻賣單每人都係百幾蚊，超正！…Read More

長輩生日到這餐廳晚餐，餐廳於酒店內，裝潢大方，一行4人被安排到卡座:)茶水巾芥每人$11，很喜歡雨前龍井的清新茶香，下次嘗嘗這兒的烏龍:)餸菜方面點了一隻片皮鴨($350)、上海粗炒($78)、八寶辣醬(是日半價$39)、一口小籠包($58)及雲白肉($76)。先上冷盤雲白肉，肉片脂肪和肉分佈均勻，肥而不膩，最難忘其秘制醬汁，辣度適中，配上陳川粉味道一流!再來一口小籠包，一籠有八個，咬一口湯汁滿溢，湯汁鮮甜，且皮薄饀靚，立即便吃清光!味道是所嘗過的小籠包中數一數二的!十分推介周一至周四每天都有一半價推廣，周二是八寶辣醬，第一次點這個菜，八寶即蝦仁、雞肉、豬肉、腰果、青椒、紅椒、豆腐干等，還有什麼忘記了這餸配飯一流，像回鍋肉的煮法，不是很辣，半價值得一嘗! (但若是原價不會再點，沒什麼特別)整晚最不滿意的便是上海粗炒($66)，味道太咸且太油膩，亦沒什麼配菜:(萬眾期待的片皮鴨終於登場! 分成二碟鴨肉，配有24件薄餅!鴨肉不算很多，但肉質尚算細嫩，皮亦很脆，配上熱辣辣的薄餅、青瓜及醬料，最特別是加上生蒜，味道特別突出! …Read More

星期日下午茶時段到訪這餐廳已成了慣常動作，一個月總要來一兩次，原因無他，只因這裡的下午茶太超值了!2人點了一客三文魚蟹子魚生飯及一客牛肉湯烏冬，皆配有2隻餃子及麵鼓湯!太餓了忘記拍照，魚生飯有4片三文魚及少量蟹子，魚生雖不算厚切，但也算肥美有緻，加上蟹子及wasabi，味道很是不錯，再想想這只是$43，簡直超值!牛肉烏冬也很好吃，烏冬滑溜，牛肉亦不老，湯底甜甜的，一貫的日本烏冬口味而且不用加一，埋單只是$86，這樣抵食的日式下午茶往那找呢?…Read More

假期到愉景灣走走，午餐選了位於D'deck的Zaks. Zaks內有2層，下層座位分有室內室外,夏日炎炎故選了2樓靠窗位置.一坐下店員便介紹夏日餐牌，若點指定菜式會贈送杯1杯applecider.2人點了一客蜆肉意粉($150)及一客漢堡(juicy juicy burger $165),贈送1杯applecider.上餐時才發現食物份量十足，且賣相精緻! 餓了很久的我們立即開動!蜆肉意粉很多蒜蓉，配上牛油及白油令意粉很香，沒有油膩感，且口感細膩，加上很多蜆肉(大概有40-50隻)，我倆都吃得津津有味漢堡點了5成熟，一看到不自覺發出“哇哇”聲，因漢堡比我手掌還要高，且配有沙律和粗薯條，十分抵食!咬落漢堡驚覺果然沒改錯名，非常JUICY!肉汁不停湧入口腔，配上青瓜、蕃茄、生菜及秘制醬汁，十分好吃點漢堡送了1杯applecider,故未有再點飲品，總括而言Zaks食品水準很高，且份量十足，比起其他歐陸西餐廳之性價比高出太多了，下次定再光顧!…Read More

一家人黎到小曼谷食下泰國菜，卜唔到位要walkin,等左15分鐘就有位。好熱點左杯青檸菠蘿沙($36)，好正!!酸酸甜甜，飲得出係用新鮮菠蘿整，沙好綿，勁解渴主菜方面點左鐵板豬頸肉啫通菜($68)，油左啲，但鐵板上熱辣辣都好好味，好多豬頸肉，個人想菜多啲之後就係燒安格斯牛排，都幾份，7成熟到，味道都幾好但無乜特別，下次應該唔會點。仲有咖哩炒大蜆($148)，個咖哩汁實在太正，要黎點薄餅同飯一流啲蜆好大隻，數過有11隻xd 好味仲有點左一份芝士薄餅同一份炒金邊粉，炒金邊粉勁細份又少餸，下次唔會叫，叫多碗白飯配咖哩汁仲好…Read More

係九龍城食完晚餐，就行過黎食甜品😋經朋友推介呢間必食窩夫!雪糕係gelato,好有十幾隻味揀!點左2份大窩夫加2球雪糕($70)，雪糕揀左蜂蜜糖脆，開心果，特濃朱古力同埋士多啤梨。推介蜂蜜糖脆👍👍👍好香蜂蜜味，仲有啲焦糖係入面，又唔太甜，同waffle好夾佢個waffle係超級鬆軟，好香，同出面一般食到嗰好唔同，無得頂呀!…Read More

新開香港地每日都排長龍，今日放假就排左陣終於試到!新餐牌係茶記黎講都叫幾貴，點左個常餐，龍蝦湯叉燒意粉配炒蛋多士($56，凍飲+4)。不得不說個龍蝦湯意粉好好味，湯底好濃郁好有龍蝦味，我要啲湯黎點多士好正!! 同場見好多人點特飲，下次要試試😄…Read More

係附近按完摩行過黎見到幾多人食就入左黎，2個人點左一個咖哩蟹、一個薄餅、一個芝士蝦丸同埋一杯芒果沙最推介嘅係咖哩蟹，一見個樣已經知道一定好味,有一隻嘅份量，好大碟,勁多咖哩汁(汁入面應該好多蛋)，配白飯同薄餅食簡直一流😋😋😋 如果辣多少少就perfect,靜係個汁都食到2碗飯!…Read More

中午落大雨，近近地去公司附近飲茶!3個女仔叫左個2人set ($429),諗住唔夠再嗌埋佢個鳥籠鳳梨穌，點知個set已經夠晒飽!最鍾意佢個紅棗茶，好香好好味!2人set包括2個湯(好大碗)、2款小食(揀左雞絲粉皮同埋鴨)、睇住流奶(流沙包)同一籠八戒(又燒包)、仲有櫻花蝦炒飯同上海油菜!飲完湯後，就上頭盤雞絲粉皮，呢個粉皮好正，配上濃郁麻醬，成碟清晒!之後係鴨件，辣辣地味道唔錯，不過就油左啲。。最可愛係2籠包，賣相精緻，奶黃包真係會流奶! 好cutie!…Read More

平時黎開華星都係食佢個常餐，今日夜晚黎可以點到佢嘅燴意粉(好似4點/6點後先供應)，真係一試難忘呀😍😍😍平時食茶記如果有燴意粉都會點，但華星呢個係食左禁多間入邊最好食嘅!個意粉有啲微焦嘅味，配埋好多鮮蕃茄同豬排，真係可以成碟食晒! 下次晚飯時間要再去過…Read More

知道有百變小櫻主題，一早book定位! 話晒都係童年回憶呀嘛😍入到去周圍都係百變小櫻嘅裝飾，有小櫻，小狼，哥哥同雪兔❤野食方面唔係禁多選擇，但全部都係同角色人物有關的，賣相都幾靚，但味道就真係麻麻。。點左個芝士肉醬飯($69)，就係好普通嘅肉醬上面加塊星型芝士。。之後就係肉醬意粉($69)，得好少餸，好似自己係超級市場買樽醬再加火腿腸仔敢嘅味，都食得落嘅，無咩特別姐。。飲品點左基路仔芒果沙($35)，呢個算係所有餐點入面最好味，同埋基路仔嗰樣太得意啦😍仲有知世嘅薄荷凍飲($32)，呢個好難飲，好似藥水敢，要溝埋啲cream先飲得落。。甜品叫左pancake ($49) ,一睇個樣就。。。食落塊pancake勁硬，麥當勞熱香餅好食好多!每樣餐點都可隨機抽一張紙杯墊!總括而言，可去影下相懷念下小櫻，但唔好expect啲野食好味囉，平如無特別主題一定唔會再去。 …Read More

經過見到入面幾多人就走入去食晚餐，入面差唔多8成吧台位，好似得2張4人枱。叫左一個普通拉麵同一個沾麵，加一隻糖心蛋。十分推介沾面，粗麵加埋熱辣辣嘅湯底好好味! 配埋勁辣芽菜好正!食完再加清湯飲埋湯底，yumyum😋而普通拉麵就一般，係好幼嘅拉麵，個人唔鍾意食太幼嘅拉麵。…Read More