LMAV's Profile

香港食小龍蝦嘅地方唔係好多，喺open rice 搵到卷福，決定生日試吓，可能係食辣嘢，入去見有三枱客，全部都係講普通話，我哋四個叫咗張嘉佳秘製小龍蝦(大)，醬汁好野味，好食但龍蝦size比較細，10隻＄268，服務員話之前係＄398，如果係$398就好貴，叫咗酸菜魚，魚湯好飲酸辣適中，魚肉唔夠鮮甜，叫咗水煮牛肉，牛肉份量好多，但水煮湯底唔香，大家都覺得好一股，仲叫咗雞，無特別。仲有刀削麵，我好鍾意，口感彈牙，煙韌。仲有麻辣豬耳，就不太入味。服務好好，服務員會比圍裙同埋手套，食小龍蝦不怕整污糟。…Read More

見新開張有燉三個鐘嘅燉湯飲，對係湯迷的我絕對係吸引，但裝修一般都入去試吓，叫咗個午餐＄35孜然蒜蓉蒸排骨餐加＄15元飲湯，飲烏髮養顔湯，個湯有色，聞落有濃郁藥材味，但飲落卻淡而無味😓😓😓，已加左鹽，但仲係唔覺得似飲緊湯，蒸飯ok ，排骨好似蒸咗內咁，色澤好差同咪份量少，配菜幾好食，好奇怪係用紙嘅匙羹飲湯，之後匙羹食唔到飯，要改善......服務態度殷勤👍，如果食物質素改善咗，我都會繼續幫襯💪💪…Read More

本人住港島，好少過九龍，好在住大角咀朋友帶路搵嘢食，試新開櫻之屋，非常滿足，絕對可以稱得上平。靚。正！最like 炸蠔勁多汁，佢哋推介面豉湯係廚師自己煮用蜆嚟煮湯底，真係好好飲，好鮮甜，有個朋友平時唔飲面豉湯嘅都清哂，仲試佢哋嘅刺身同韓式牛肉鍋，鰻魚飯都好出色。4個人食咗好多嘢都係600蚊超值，店員服務殷勤，唯獨坐位較細逼咗啲。掛住食，有啲嘢食都唔記得無影相添。這次偶遇，絶對會令我再去大角咀。等我下次再去，希望都可keep住咁嘅水準。…Read More