cannotstop's Profile

星期六既晚市唔算多人，價錢中規中矩，兩個人叫咗個台中手工雞滷肉飯便當，同埋藥膳花雕排骨手工麵，叫咗小食屏東麻醬雞絲同麻辣臭豆腐，飲品嗌咗黑糖薑母茶同芋香珍珠奶茶。上菜速度非常快，員工親切藥膳手工湯低偏淡，但係排骨煮到夠腍，手工麵麵質非常好。便當有齊湯小食主食，貢丸紫菜湯幾好飲，鴨血幾滑，藥膳雞卷藥膳味都夠，滷肉飯中規中矩:)黑糖薑母茶夠濃，芋香珍珠奶茶係細個飲開嗰隻芋香味，整體7/10，想食台灣嘢可以去食…Read More

夜晚基本上唔使等位，附近有泰國餐廳又有呢間，最尾揀咗呢間食。入面好光猛，坐得好舒服，服務員好親切，打開個餐牌大部份都係台灣菜，不過都有啲港式嘅嘢例如雞煲。本身想試佢個豆腐花，聽講係用日本方法去整，不過嗰日冇得食。最後決定嗌個雞煲同埋炒豬肉，豬肉佢係用腩片唔會太瘦，不過不失。然後食咗個半隻嘅麻辣雞煲，叫咗少少辣，個汁好惹味食完嗌咗番薯粉朔晒啲汁好邪惡，但係個雞肉唔夠滑，所以係靠個汁去補救，做會員有$40折扣，所以為返二百幾蚊…Read More

朋友食過帶我去食，之前要等，但係晏咗去夜晚九點去到唔使等，一打開門燒烤嘅味道撲面而來，師傅得兩個，燒得好專心。入面氣氛好好，侍應好Nice，唔算太迫，嘢食好食，但係要等好耐先上到枱，不過佢會逐啲逐啲咁樣上，吹吓水食吓嘢啱啱好，兩個人冇飲酒淨係叫咗一杯嘢飲埋單699 ，食完唔算好飽，但係好食😁紫蘇雞卷好食燒丸子好食入面芝麻餡雞皮都燒得好食月見好失望呢條街附近有其他唔少嘅日本餐廳，下次會試整體8/10…Read More