我第一次寫食評，就寫尋晚gathering ，朋友話試下中餐gathering，有人介紹去上海街“好兄弟”。 行到黎見到鋪仔細細以為水平都一般，點知食完有驚喜！（唔係講笑，試過你就信）特別要介紹以下幾道菜：1.蒜蓉蒸蟶子同椒鹽瀨尿蝦皇入黎時見到門口擺左好多海鮮，所以先叫個蒜蓉蒸蟶子同椒鹽瀨尿蝦皇。我平時只食蝦同魚，其他海鮮唔食，今次朋友叫到極力推介先試下。蒜蓉蒸蟶子同椒鹽瀨尿蝦皇，食落唔腥仲好鮮甜，好入味，真係估唔到。2.避風塘炒蟹仲有個避風塘炒蟹。咁岩得咁Ｑ，我岩岩係星加坡返黎，試過當地辣蟹，水準只係一般。今次有幸又食，上菜時睇個賣相一般，但食落就知好入味，老闆應該落足料！3.椒鹽鴨舌之後我老朋神神秘秘叫左樣野──椒鹽鴨舌。賣相似肉條，食左一啖，好好食，而且食落口感唔錯，又夠味。如果一早同我講係鴨舌，我一定唔食！不過食完真係番尋味。4.芥末排骨最好野一定係"芥末排骨"，一定要推介。以為食日本野先會食到wasabi，點知老闆用黎整排骨，所以真係好新鮮同特別，又夠spicy！5.避風塘雞中翼－入味，即整，夠脆6.蛋白蒸蟹－唔腥7.蒜茸炒芥蘭、8. 砵酒生蠔、9. 香煎蝦餅－不錯呢間鋪雖然細但真係大疊夾抵食，夠鑊氣，真係食得過。真心覺得"好兄弟"好食，而且店內所有員工又nice，食到十二點都未趕我地走。所以我為左支持老闆，真係要開個account寫個食評送俾佢，加油老闆！…Read More
The above review is the personal opinion of a user which does not represent OpenRice's point of view.
1
Date of Visit
2013-05-09
Dining Method
Dine In
