Jola Mok's Profile

當日男朋友生日，他提及想食生蠔，知道這間餐廳的生蠔性價比高，於是揀了這裡。我們叫了兩個set lunch, 打算向侍應了解一下不同生蠔的分別，再決定點那一款。誰知侍應竟然話唔知道，睇師傅當日挑選，亦無意再問廚師，淨係話該款生蠔原價每隻$39（知道這間餐廳不是非常高級，但以生蠔出名，理應也知道每日生蠔推介是甚麼吧？😅當生蠔來到時，亦冇介紹進食次序/ 醬料配搭）最後我地叫了推廣的$120 六隻較高質的生蠔，共兩款，一款叫Carlingford ,另一款忘記了，兩款都非常新鮮，口感亦豐富，其中一款較清甜；另外再叫了半打$10生蠔一試，雖然明顯較細小，但亦非常新鮮，性價比的確高。至於set lunch的蝦意粉質素一般，蝦有殼但侍應亦無提供碟盛載蝦殼😅 最後到離開餐廳嘅時候才發現吧枱前有當日不同生蠔的名牌及展示，但也只是一個名字，無更多介紹。因此整體而言，雖然生蠔的確不錯，但整個用餐體驗不太理想，希望員工服務態度有改善，會嘗試其他分店。…Read More

今晚同三位朋友睇完戲搵野食，朋友推介呢間越南餐廳，於是一齊去試吓～三位朋友不約而同點咗牛腱肉湯河，我就點咗烤豬肉湯河，大家再share 米紙卷烤豬肉湯河係豬肉同湯河分開上，好貼心，唔使整到成碗湯好肥膩，而且碗烤豬肉份量好多！湯河有特別嘅調味粉，同香蔥等等嘅配料好夾朋友分咗一件牛腱比我試，肉質好腍鬆軟👍🏻職員服務態度都好好，教我哋慢慢撕開米紙卷塊葉嚟食。老闆仲好好，因為年近歲晚，仲特別送咗一碟甜品俾我哋食！四款唔同味道嘅糕🩷有椰汁紅豆糕、馬豆糕、紫米糕、同芒果糕，都好好味😋因為星期日晚上唔算太多人，佢都比我哋傾到接近打烊☺️好有人情味…Read More

今晚放工同男朋友經過，一路諗緊食咩好，就被親切嘅侍應姨姨熱情推介晚餐，見到餐牌上嘅和牛漢堡扒煎蛋飯賣相十分吸引，於是就點左呢個晚餐～～侍應姨姨好快就拎左兩碗無味精嘅中湯，（記得有西洋菜、豬展等）無一層油喺面，感覺健康好多😃碟飯賣相同相片相似，漢堡扒肉質juicy, 有少少黑椒味，好開胃！兩隻煎蛋邊都有少少脆，好香口！（抱歉無特別影到相）之後我地叫左兩個甜品，侍應姨姨好好，推介我哋點單球疏乎厘，只係$28，點兩份都平過雙球😝於是我哋一人點咗一份，一份係焦糖咖啡味，另一份係海鹽芝士味，兩份都非常出色！面頭嘅cream 滑而不漏，疏乎厘好有空氣感，完全唔實👍🏻性價比真係超高！估唔到一間看似普通嘅小店食物質素咁高！特別要一讚呢度嘅侍應姨姨服務態度好好，好耐心推介唔同嘅食物迎合客人喜好，而且都好細心，好有家庭式經營嘅感覺，同客人有講有笑，充滿人情味，實在係很好嘅用餐體驗，會再次幫襯！…Read More

餐廳剛剛完成裝修，今天和朋友來tea，食物質素依舊高水準：）窩夫外脆內軟，自家製草莓果醬果肉豐富。店員非常貼心，如果第一次到餐廳會為你簡介食物和點餐步驟，今日朋友帶了3歲的兒子來，還特意預備兒童用餐具，很細心♥️ 現時環境經營餐飲業實在不容易，會多支持💪🏻…Read More