qhoqho's Profile

突然想食酸菜魚，於是上網搵到間呢間餐廳～餐廳嘅座位都算多，望到海景，而且座椅都幾舒服，可以坐低同朋友慢慢傾吓計。我哋一行四人，點左土豪份嘅酸菜魚，青瓜同手撕雞～青瓜酸酸地幾開胃，手撕雞配芫荽略鹹，配白飯食應該比較適合。主菜土豪份嘅酸菜魚真係好大盆呀！見到有三個魚頭應該係三條鱸魚嘅份量！辣度我哋點左微辣，食落啱啱好，非常㘃味～另外我哋每人叫咗一碗白飯，啲湯非常之適合撈飯食，好暖胃魚片冇骨，適合我呢啲懶人食餐廳服務都唔錯，喜歡酸菜魚嘅朋友值得一試！…Read More

難得約咗朋友食飯吹水，於是揀咗間食日本吉列牛既餐廳試新嘢～環境方面唔會太嘈同坐得舒服，枱與枱之間有一定距離，適合傾計。店員服務態度都唔錯，上菜時有介紹吉列牛可以燒25-30秒先食第一次黎到，點咗安格斯盛合、明太子雞翼同鰻魚飯。我哋根據店員既建議，將吉列牛放係鐵板上燒咗約30秒，牛肉食落一啲都唔韌，肉質比想像中嫩，值得一試明太子雞翼都好味，熱辣辣，入面好足料。鰻魚飯都冇失望，鰻魚都係岩岩燒好，可惜個飯暖暖哋唔夠熱。…Read More

為慶祝生日，我哋專登揀咗一間新餐廳食晚飯。聽朋友介紹有間餐廳有款爆炸糖烤鴨，於是決定試吓新口味～餐廳環境唔錯，座位寛敞，又唔算太嘈，仲有海景睇，坐得都算舒服我地點左全隻烤鴨、濃湯水餃、金沙鮮魷魚、宮保帶子球同埋蛋白杏仁茶。水餃唔太乾，湯飲落無乜味精，幾清甜～金沙鮮魷上面有咸蛋黃醬炸香，非常惹味，不過食咗兩三件已經有啲膩同少少飽。宮保帶子好厚身同大粒，味道偏辣，鐘意食辣既可以一試。重頭戲係期待已久嘅烤鴨，總共有三種食法。第一款係烤鴨胸配爆炸糖同藍莓醬。第二款係烤鴨肉配芥末醬。第三款係傳統食法，配搭洋蔥、青瓜同醬汁。個人認為第一次試爆炸糖食法幾新穎，口感幾特別，出面比較少見。第二款配上芥末醬都唔錯，估唔到味道食落幾配搭。最後甜品叫左蛋白杏仁茶，味道唔錯唔太甜，但size 有啲細。另外值得一提係服務態度唔錯，職員有主動介紹烤鴨食法…Read More

某日經過天后一間越式小店，打算試下新餐廳。餐廳既裝修幾特別，幾有越南風味。但坐位較少比較窄。點左一碗蕃茄蟹肉湯麵，個人認為湯底味道偏淡，蟹肉同配菜份量偏少，麵底食落似米粉，食完有點不夠飽。…Read More

今次同朋友試左旺角一間文青小店，餐廳唔算太大，晚飯時段都坐滿人。由於唔係太肚餓，所以淨係點左兩款餸，本身餐牌上只有長通粉配吞拿魚，經查詢後，店員很好地幫我地改為煙三文魚，煙三文魚長通粉味道OK，不過份量較少。另一款點左網上較多人推介既芝士黑松露薯條，薯條厚身，配上芝士同黑松露醬幾㘃味，但食得多有啲膩。…Read More

難得一班朋友約食飯，終於約到食cheesecake factory啦! 可惜我地夜晚7pm 先拎飛，所以等左兩個鐘先可以入座總共點左四個餸加一件cake香辣爆炸雞角、烤蒜雞肉蝴蝶粉、炸蝦意大利幻麵、辣肉腸薄餅 & 士多啤梨芝士蛋糕🍰 炸雞角好大粒，味道幾特別，入面係雞絲，食落辣辣地。雞肉蝴蝶粉都唔錯，好creamy蝦意粉上次食過覺得好好食，所以今次再點返，蝦加蘑菇配埋香草，非常㘃味辣肉薄餅相對比較普通，不過都唔錯。士多啤梨芝士蛋糕都幾好食，唔會太甜。不過每碟份量都較大，所以幾個朋友黎食最適合，可以試多些菜式…Read More

午餐試左一間位於金鐘既泰國菜，環境幾大，坐得幾舒服。點左素菜炒金邊粉、菠蘿雞肉炒有機糙米飯、柚子沙拉、牛油果軟殻蟹米紙卷。素菜炒金邊粉既粉幾好食，但由於較少配菜，個人認為配蝦既味道會更加㘃味，呢款素菜炒金邊粉應該適合素食者。菠蘿雞肉炒有機糙米飯既米偏硬，較難消化，所以個人認為一般。柚子沙拉幾清新，但菜式比較普通，價錢略貴。最好食都係牛油果軟殻蟹米紙卷，牛油果配軟殻蟹真係好好味，軟殼蟹大大件，啖啖肉建議中午book 枱先去，可以唔需要等位。…Read More

週末約左朋友去九龍城食厚pancake，好彩唔需要等太耐就可以入座。點左一份all day breakfast 🥞 同厚pancake配草莓🍓 All the breakfast 味道OK, 有包埋兩塊厚pancake。草莓pancake 味道唔錯，不過好快就食完。如果唔需要等位，都可以試下。…Read More

經朋友介紹下，知道九龍城有間食越南法包好好食既小店，於是專登上門拜訪下。餐廳既空間感較大，感覺似cafe比較relax。點左一份慢煮五花腩麵包，份量好大，有四件五花腩夾係麵包中間，賣想吸引五花腩好入味好鬆軟，食落味道好豐富，有蘿白絲同青瓜，加上類似千島醬既醬汁味道，非常惹味，食半份都巳經飽。個人認為價錢方面略貴，但仍然值得一試…Read More

旺角真係大部分時間逼滿人，想搵間好食又唔太多人既地方真係唔容易。最近發現一間位於朗豪方附近既樓上小店，食物好食又可以坐低傾下計～由於唔太肚餓，點左一碟鮮露筍蕃茄乾黑松露忌廉汁天使麵同一杯布蕾黑糖珍珠鮮奶。天使麵都幾大碟，黑松露配上忌廉汁好好食，不過呢款係素菜料理，所以比較配菜簡單。另外，個人認為黑糖珍珠既奶味偏重，所以覺得普通。剛好今次點既兩款食品都偏膩，應該點水果茶比較清新。順帶一提，上次試過炸軟殼蟹牛油果包，超好食，值得推薦…Read More

每次路經太元樓都見到好多人食，於是約左朋友一齊試食呢間京川菜。由於平日既人流唔算太多，不用等位就直接入座。餐牌上有好多不同種類既菜式選擇，最後決定叫擔擔麵，小籠包，糖醋魚塊，賽螃蟹春卷同高力豆沙。擔擔麵大大碗，帶有好香既花生醬味，辣辣地非常惹味。小籠包皮薄多汁，都唔錯，可以一試。賽螃蟹春卷味道相對其他食物較淡。糖醋魚塊甜度及酸度適中，非常適合配白飯食，好食！甜品方面，點左一份高力豆沙，入面有香蕉同紅豆蓉，上面加上糖粉，唔太甜，好食…Read More

午餐時段又黎到同事介紹的韓國餐廳～之前已經試過兩三次，每次食都覺得好好食我同朋友點左兩個午市套餐（配白飯）鐵板辣豬肉同辣豆腐豬肉湯。上正餐前當然要食前菜啦～呢間餐廳既前菜算比較多款式，二個人都起碼有四至五碟前菜。每次黎都總會有少少唔同嘅款式同驚喜，今次既薯仔甜甜地好入味好好食！食完所有前菜仲可以添加一兩款前菜添而主菜方面，鐵板辣豬肉係我每次黎都必點既餸，辣辣地甜甜地，烤得剛剛好，非常惹味另外，男伴點左辣豆腐豬肉湯。試左少少都唔錯…Read More

夜晚約左朋友食飯，朋友介紹左位於西灣河既燒味鋪～雖然餐廳入面坐滿食客，但等候時間唔算太長，大概等左五分鐘就有位入得。餐牌上好多選擇，但黎到燒鵝餐室當然要點最出名既燒鵝脾啦（由於個人比較偏好食湯麵，所以將飯轉左做米粉）。另外，再叫左一碟例牌叉燒加$8 轉做例湯。例湯係花生眉豆雞腳湯，好甜好好飲燒鵝脾既賣相非常吸引，而且食落肉質鮮嫩多汁，醬汁方面甜甜地唔會覺得太膩，非常值得一試另外，叉燒幾大碟，唔會燒得太燶或太乾，都好好食呀！…Read More

係紅磡同男伴睇完戲，經過一間韓式小店，見到價錢唔貴，於是入去試下新餐廳。小店入面座位唔多，大概十三至十四個座位左右，牆上貼了不少食物照片。餐牌上既菜式選擇算多，但可惜無我想食既海鮮煎餅於是點左紫菜包飯同辣炒豬腩肉飯。下單後，老闆俾左兩款前菜，有荳芽同泡菜。由於我對荳芽無乜興趣，所以無試，但泡菜唔太酸係好食既。紫菜包飯材料豐富，味道唔錯唔會太乾。辣炒豬腩肉飯都好食，辣度適中，豬腩肉加上其他配菜同白飯一齊食好惹味開心可以食到好味既平民韓國美食。下次會再去試下其他菜色…Read More

放工後去左觀塘搵好野食聽聞日升中心多餐廳選擇，於是睇左幾間鋪頭既menu，決定試下呢間多國菜快餐。餐廳門口幾闊趟，有大大個menu 可以選擇食物。為左提高點餐速度，門口旁邊仲有自助點餐機俾食客自己落order，非常方便。另外，Menu 上都幾多唔同嘅菜式選擇，價錢唔太貴，最後點左照燒雞配珍珠飯（跟餐嗌左杯咖啡）同埋水牛城雞翼。餐廳入面位置非常多，地方舒適，而且某啲bar 枱位有插頭位可以差電。等左大概5分鐘，已經可以去counter 拎食物。個人認為照燒雞配珍珠飯有驚喜燒雞嫩滑，日式醬汁甜甜地易入口，啲飯確實係日本珍珠米，好好食配菜方面，仲有玉米粒同雲耳。另外，水牛城雞翼熱辣辣新鮮出爐，味道酸酸辣辣開胃又好食。咖啡香滑都唔錯。係附近返工不妨一試…Read More