pandappy's Profile

之前在調景嶺分店食過，對一粥麵印象麻麻。但佐敦這家分店卻令我完全改變看法。呢間同其他分店唔同，有人送餐去你張枱，食完才俾錢的。我晚上八時多去，落單時我叫雲吞麵，有位女待應竟然主動提醒我有宵夜餐。之後，八點半，佢仲主動過嚟幫我落單。我叫了雲吞麵+生菜（$34）、咋咋（$7）。食物唔錯，生菜很嫩。其間，有男待應主動送上熱水一杯。而埋單時職員亦好有禮貎講多謝之類。令人覺得有賓至如歸嘅感覺。值得再去。…Read More

晚飯叫咗三個餸，真係無一個係ok！！- 叉燒例牌（$68） - d肉又瘦又鞋、味道又淡！- 枝竹豆腐火腩煲（$88） - d枝竹勁硬！- 節瓜粉絲煲（$68） - 節瓜又係好硬，好似未煮好就攞出嚟咁！味道又淡茂茂⋯食完餐飯，立即有頂住個胃嘅感覺！食物差之餘，服務又差。完全無問我哋飲咩茶，但又收茶錢！嚟完d餸，唔叫佢都唔攞d飯出嚟！仲有衞生都麻麻，d碗油淋淋，攞另一個就好鬼多塵喎⋯ 完全明白點解星期五晚，附近其他間間要等位，而佢哋就大把位⋯ 同前面d評論一樣，感覺中伏！失望！！無下次！！！:(…Read More

最近偶然都會嚟大本營食飯，睇openrice 見呢間評價麻麻，一直都無試。但之後經過見店鋪頗大，藍白色裝修，好似幾舒服咁，今日終於嚟俾個機會佢，試吓晚餐。我哋叫咗2個晚餐套餐，包湯及飲品。滷水拼盤配香菇肉燥飯（$67）鹽酥豬排香菇肉燥飯（$62）再加肉燥扒A菜（+$14）整體味道好好，而且份量非常足夠。我算大食，我哋兩個人都食唔哂。同openrice有d食評所講（如話份量細、唔好食、服務差等）幾有出入，令我感到非常意外，所以決定要為佢平反一吓。餐湯算足料，幾好飮，好夠熱，唔係茶餐廳稀稀嗰種。兩個餸都唔錯。滷水拼盤好多款嘢食，例如鴨舌、豬頸肉、豆腐、蛋、白蘿蔔等，樣樣都有2件或以上，可以share嘢食。另外鹽酥豬排都幾香口，下面仲有好多菜，如乾扁四季豆、茄子等。早知唔使叫多個菜都得。肉燥飯我覺得好味，但老公話怕肥，佢話下次要走肉燥。另外，環境算好整潔，食具枱櫈、牆壁都好新淨。服務ok，唔覺得有咩問題。價錢又唔貴。以後會再嚟食～…Read More

星期五晚，間間都排晒長龍，唯獨呢間唔使等位…蟹拑（ 2隻$50）皮超靭！靭到好難咬開。估計係唔新鮮，好可能係翻炸。粉包（$30／2件）超細嚿！！但味道算正常，夠熱。蟹肉粉絲（$85？）粉絲味道平平。蟹肉無乜味。反而兩隻蝦唔錯。軟殻蟹沙律（$60？）我覺得咁多碟得呢碟Ok。份量夠，加埋魚露都幾好味。可樂$2x， 椰青$3x。呢度勝在唔使等位，但唔好對食物嘅味道抱太高期望……Read More

乳鴿味道ok, 但比較瘦. 啫啫介蘭, 韮菜煎餃, 同干炒牛河都幾好味. 薄餅都ok.  但炒飯就太硬.炭燒蠔普通, 我唔太鍾意食.有個魚頭連麵幾抵食.  大大碟, 又唔腥.…Read More

見正記滿座，所以我試下呢間。呢間冷清清，但裝修ok 。叫咗個午餐「沙爹金菇牛肉炒河」。d河粉係好碎、係斷開哂架！d汁無沙爹香味！肉好鬼多筋！金菇得好少！食咗兩啖已經無胃口再食！叫咗可樂，竟然要加$4！餐牌寫送熱飲，凍飲加$2，落單侍應又無講話可樂要加錢。而且餐牌上熱飲同可樂係同價，唔明點解要加錢，仲要係$4，凍飲都只係加$4咋嘛！我問侍應，佢話係公司規定，我覺得實在太唔合理喇！一定無下次！！寧願去麥當奴食仲好~…Read More

想試泗益，但原來星期二放假。唯有試吓隔離呢間。叫咗牛腩河、雲吞河、咖喱魚旦、咖啡同奶茶。除左魚旦，其他都等左非常耐。魚旦唔夠熱，只係暖。又唔彈牙。河粉無乜特別，但貴。成三十蚊一碗。奶茶唔掂。咖啡普通。埋單要83蚊。好唔抵。一定無下次。…Read More