ltt bbg's Profile

本見到呢間店，賣嘅都係望落平平無奇嘅炒粉麵飯，唔太起眼，本身唔太大期望。叫咗個招牌粉米試下，一食之下真係好驚喜，好夠鑊氣。外賣到屋企，仲暖暖哋都好好食，屋企人本身話唔食，但試左啖，都話好好食要添食。份量好足，一個女仔應該食唔晒。配料豬肉、椰菜絲、午餐肉、魷魚都唔馬虎的，最鍾意佢啲椰菜唔係炒到腍晒，仲係好爽口脆身的，令到口感好好，而魷魚嘅咸香令成個米粉有提鮮效果。另外仲加咗炸雞翼，都唔錯，但唔夠米粉出色。下次想試埋佢嘅炒飯。加埋佢哋無味精的湯，每日都有唔同嘅湯品，真的好滿足的晚餐。…Read More

真係我食過最好食嘅格仔餅，兩位老闆會放到最脆嘅時候俾你，我試過行開咗一陣先返嚟拎，老闆仲唔好意思咁同我講話應該冧咗少少，但都仲係好好食！試過晒佢哋嘅繽紛樂味、原味花生、同埋抹茶，其實隻隻都好食！但私心都係最鍾意原味花生，一定一定要食加厚版！口感一流，食半個已經可以爆曬個肚。其他小食都非常用心，蘿蔔好入味，碗仔翅好足料，腸粉滑，加埋秘製辣醬，冇得頂！全部都係現場榨汁的。咁用心嘅小店越嚟越少見，大家要支持！…Read More

大榮華酒樓真係細細個就成日同屋企人嚟食，以正宗圍村菜和自家製點心出名。隔咗10幾年，到我帶返屋企人嚟食。老闆推薦咗當日菜式，魚下巴同埋燒鴨，另外仲點咗焗魚腸、炒菜、豆腐煲，我覺得全部不過不失。到大榮華當然要食豬油撈飯，係屋企人嘅係回憶，細個覺得好多油唔敢食，依家大個咗一試原來真係好鮮味。最後叫咗馬拉糕同水晶餃，奶黃配軟糯的馬拉糕皮，甜而不膩，好好食！食物唔算好出色，但價錢親民而且係老店，都值得一去啊！…Read More

1976年開業，一間有歷史嘅港式扒房。星期五晚上，七點去到，唔使排隊就有位，過咗一陣已經坐滿晒人。侍應全部都好有禮貌，好好笑容，倒汁落鐵板時仲提醒我哋小心，驚彈到我哋件衫。同朋友兩個都叫咗唔同嘅雜扒餐，朋友嗰個有羊，我唔食羊，所以叫咗有腸仔煙肉嘅雜扒餐。麵包鬆軟，好欣賞仲有微溫，有整熱過唔係凍冰冰的。呢類型港式扒房，最怕食到啲肉係有好大陣雪藏味同鬆肉粉味，但呢度嘅肉可以接受，當然唔好用高級扒房同比，但呢個價錢算係好好食。薯菜本身以為係薯條，點知係薯粒，但唔係就咁切粒就算，係有調味的，味道似薯仔沙律，就咁食唔點汁都已經好夠味。17號嘅11點至一點咩嚟㗎？幾點呀？ 11-1號呀唔緊要啦，其實佢都未必鍾意出街我哋唔好逼佢做啲唔鍾意嘅嘢。雜菜全部有炒過有調味，整體嚟講鐵板上面所有配菜都好用心，一啲都唔馬虎。另外飲品紅豆冰份量好足大大杯。期待下次再有機會嚟食！…Read More

聽講最瘋狂時段，要排個幾鐘頭先至買到的米芝蓮推介刈包。想試好耐啦，今日喺平日竟然見到唔使排隊。唔流諗就入咗去買試吓。刈包幾個口味都好吸引，最後選擇咗豬腩肉包，呢個可以話係刈包嘅經典口味，入面有大量芫荽，香氣十足，加入柚子醬，同埋酸菜，可以解除腩肉嘅肥膩感，我覺得呢個配搭好好，好清新。另外仲買咗個抹茶夾餅，一咬開入邊嘅流心醬流晒出嚟，少少一塊，但好足料，其實都好夠飽的。本身想試其他味都吃不下了，唯有等下次啦。…Read More

近朗展站，一間有唔少分店嘅麵包店，間唔中經過行過，都會入去擇返幾個包食，全部街坊價錢，麵包都大大個，飽肚又好抵！芝麻條同豬仔包一樣，但上面多咗少少芝麻，因為芝麻太少，所以唔夠芝麻香味，同一般豬仔包無分別，口感鬆軟，但偏乾同輕身。菠蘿包比芝麻包的唔感好，味道正常發揮忌廉筒呢一個最驚喜！忌廉筒，本身好脆，好厚實，中間嘅忌廉好滑，如果忌廉多啲會再好食啲，食到中間有啲地方係空心的。但整體好好食！蛋撻、蛋糕仔味道正常，勝在價錢好抵！…Read More

呢間甜品店係台中逢甲夜市開過嚟，環境以白灰為主，主要食仙草甜品。同朋友一共3人，排咗一陣隊就入到去坐，掃QR code自己落單，叫咗兩個仙草冰share。個刨冰令人好我驚喜，啲冰刨得好幼細，冰入面夾住仙啲仙草，令冰嘅口感係一絲絲，同平嘅刨冰好唔一樣。芒果奶蓋口味，最頂放有粒粒芒果加奶蓋，芒果有啲酸，但加埋奶蓋都中和到酸味，配料芋圓、地瓜圓、紅豆係分開另上。冰嘅最底下放滿燒仙草，好滑！另外焙茶奶蓋唔會淨係死甜，有芝士個種鹹香味又唔會蓋過焙茶味。…Read More

Bookmark咗呢暗pizza 好耐，終於有機會嚟試！位置就係Bakehouse對面，非常易搵！讓我們來品味他們的招牌Pizza，每一份Pizza都是由Fiata的廚師用大石爐，即叫即製作而成，餅皮有口感，又帶少少酥脆度，好有咬口，係平時連鎖店唔會食得到嘅口感，仲好有麵粉香。無論係經典的瑪格麗特披薩，還是Parma ham 披薩，每一啖都充滿咗意式風味，一個人絕對食到成個。Fiata Pizza的Tiramisu甜品無疑都係一個絕對要試嘅甜品。每一口Tiramisu都是由新鮮的奶油和口感豐富的蛋糕層所組成。口感綿密細膩，散發出濃郁嘅咖啡香氣和甜蜜的奶油滋味。蛋糕層融合了咖啡苦甜和奶油嘅柔和，為這道經典的義式甜品注入了無限的風味和層次感。…Read More

仲係網店嗰陣已經聽朋友說佢個可麗露好出色，咁岩經過門店，比佢玻璃櫃入面多款嘅達克瓦茲吸引住，買左好多款唔同口味！達克瓦茲係一款十七世紀嘅法國宮廷經典甜點，由大量的蛋白、杏仁粉、糖粉所製成的蛋白餅，經過烘烤，會形成外層酥脆、內部柔軟輕盈的特殊口感。呢間嘅達克瓦茲優雅，而且偏大粒，份量好足。外皮酥脆內裡軟綿，味道偏甜的。特別推薦嘅係抹茶口味嘅達克瓦茲，用咗日本小山園青嵐嘅抹茶，有濃郁嘅甘苦味，帶黎一種平衡嘅味道。另外，蘭姆葡萄口味係我最鍾意嘅！冧酒醃製嘅提子乾，帶有濃郁嘅蘭姆酒香氣同葡萄嘅自然甜味，風味十足。無論係外觀、口感定係味道上都十分出色。佢哋…Read More

Book左呢到嘅tacos night！11 Westside由Netflix烹飪節目《The Final Table》嘅墨西哥籍廚師Esdras Ochoa領導，當晚所點嘅所以菜式都非常滿意！環境方面都非常舒適，氛圍輕鬆愉快。試咗佢哋好多款嘅tacos，牛肉，炸蠔，同雞肉。佢哋嘅charred wagyu tacos絕對係一個必試嘅菜式，牛肉經過特殊的調味處理，肉質鮮嫩多汁，配上新鮮的玉米薄餅，加上牛油果同洋蔥，每一口都帶來豐富的口感和層次感。mango shrimp係另一款必食，蒜蝦，再配上新鮮芒果同牛油果，令人回味無窮。除咗tacos，仲點左guacamole，服務員會係你面前整，牛油果愛好煮必食如果你想要品嚐正宗嘅墨西哥tacos，11 Westside絕對係一個值得一試嘅餐廳。…Read More

我最近去試咗佢哋嘅點心，逸東軒嘅點心選擇非常豐富。特別推介佢哋鮑魚酥，酥皮的質地輕盈脆脆的，吃起來不會過於油膩，而且保持了鮑魚的鮮美口感，鮑魚的風味和酥皮的口感相互襯托，絕對令人驚艷。另外叫左燒味雙拼，脆皮燒肉同叉燒都非常出色，肉質嫩滑多汁，外表帶有微微的焦香，瘦肉和油花分佈平均，有淡淡的甜味，讓人回味無窮。至於片皮雞兩食是他們的招牌菜之一，絕對值得一試。皮薄脆而不膩，色澤金黃誘人。一口咬下，皮脆肉嫩，雞肉鮮美多汁。整體而言，逸東軒嘅午市點心質素高，味道出色。服務態度友善，環境舒適。不過，由於逸東軒係一間熱門餐廳，中午時間人潮較多，最好提前預約。如果你鍾意傳統正宗嘅午市點心，逸東軒絕對係一個不容錯過嘅選擇！…Read More

肥後屋係間位於銅鑼灣嘅日本菜餐廳，我最近去試咗佢哋嘅菜式，味道真係好出色！首先，我要讚揚佢哋嘅串燒，特別係芫茜雞肉，啲雞肉嫩滑多汁，加埋新鮮嘅芫茜，真係一絕！另外，佢哋嘅柚子清酒煮貴妃蚌同柚子汁燒蟶子都非常出色。呢兩款菜都好鮮甜，柚子嘅酸香同海鮮嘅鮮味完美結合，令人回味無窮。除咗串燒同海鮮，肥後屋嘅小食都值得一試。我特別推介佢哋嘅牛油蔥飯同胡麻菠菜卷。牛油蔥飯香氣四溢，每啖都好濃郁美味。胡麻菠菜卷則有獨特嘅口感，菠菜嘅清新同胡麻嘅香味相襯得恰到好處。燒棉花糖係肥後屋嘅招牌甜品，絕對值得一試。佢哋將棉花糖燒至金黃色，外脆內軟，配上甜甜嘅焦糖醬，好好食！整體而言，肥後屋係間令人滿意嘅日本菜餐廳。唔論係味道、服務定係環境，佢哋都做得好好。不過，要留意呢度比較隱密，所以最好提前預約。如果你係日本菜嘅愛好者，我絕對推薦你嚟肥後屋嘗試下佢哋嘅美食！…Read More

一直都好想過嚟試呢間餐廳，但晚上只限五人或以上先至可以book位。見到OpenRice有得book lunch 二人，仲送埋甜品，即刻諗都唔諗就book咗。一坐低職員佢啊禮貌問我哋係咪第一次嚟，介紹佢地嘅套餐，有沙律前菜、牛扒，薯條，薯條係可以無限refill的。先嚟麵包，不過不失。而薯條每次refill都係熱辣辣，好有薯味好好食，一啲都唔馬虎，加埋有3款醬點我食到停唔到，食左3碟。主角牛扒，我地叫左medium rare，上到枱個熟成程度係啱啱好，下面有盞蠟燭仔暖住牛扒，覺得太生的話可以慢慢等佢熱熟少少。…Read More

好鍾意食蠔！見到公司附近有專食日本蠔嘅餐廳就即刻去試。餐廳細細，坐唔到好多人，但裝修有日本嘅感覺，好warm！菜式方面，叫咗半打好多人介紹嘅罐罐蠔，其中三隻加芝士，咸咸香香，意想不到咁夾！原味無加芝士都好鮮甜，有海水味！跟住叫咗個山芋蠔鍋，本身見個湯底好清，以為會無乜味，但放咗材料入去之後，成個感覺好清新好甜好好飲！全程有服務員幫助放料入鍋！最後叫咗幾串串燒，同樣出色，推介茄子🍆同埋牛舌，茄子皮燒到個皮好脆！一定會再嚟食！…Read More

十二個人一整食，全部嘢都好精緻好好食，經理介紹我食嘅醉蝦撈烏冬同杏汁豬肺湯最驚喜，龍蝦伊麵但醉蝦撈烏冬喺其他地方真係食唔到。叉燒多汁有燶邊一啲都唔柴。其他點心都好出色，一定要多人嚟食，先至可以試多啲款！…Read More