要笑笑就笑 's Profile

已經係第二次嚟食，今次飯前太飽了，食嘅嘢唔多，建議聚餐人數：4或以上我勁鍾意食泡菜，泡菜餅點都好食！不過太煙肉嘅存在未到改變到好多，同一般泡菜煎餅差唔多玉子燒入面有芝士，軟冧冧，好食！記得上次嚟，佢都係好多都好大份的，次次都食到好飽。兩次都有嗌米酒！韓國菜一定要有！😭🙏🏻又係一樣點都好飲的老闆娘好Nice ，不過今次唔喺到，希望再下次嚟食，見到佢可以吹下水啦🤣…Read More

午餐時段好多打工仔幫襯。餐廳環境唔錯，唔會好逼，所以坐得幾舒服。今次食咗青咖哩豬頸肉飯，作為午市套餐，包一份小食，但唔包飲品。豬頸肉整得好香，唔會太乾或者太油。小食炸雞翼都不錯。…Read More

位於尖沙咀的麻吉灶咖以台灣菜為主打，吸引不少喜愛台式風味的饕客。餐廳環境舒適，裝潢不錯，落座尚算舒適。但地方寬敞，服務員不能及時點餐及服務。然而，實際用餐體驗卻讓人感到略為失望，評價僅為一般。菜式中規中矩，不出錯，也沒有感到美味或驚喜。…Read More

午市食火鍋好開心🤣仲有得免費加鴨血同豆腐嗌咗二至三人套餐，啲丸好食！另外再嗌咗個綜合丸拼盤，都好食。菜就普普通通、不過不失不過肉就好一般，覺得都係丸嘅性價比最高！…Read More

最近油麻地開咗一間新嘅日式火鍋，見到好多人講，門口仲好多人排隊，排咗差唔多2個鐘先食到🥲希望之後有方法改善呢個情況今次四個人去食，四人枱都算闊落，坐得舒服講返野食！旺區嘅地舖嚟講，呢個價錢算係非常抵，最平$68都嗌到牛餐嚟食，仲有前菜不過，難得排到入去，就嗌咗另一個人氣No.3！250g肉加250g飯，以我嘅食量係十分飽，再有機會食嘅話應該150g飯都夠肉嘅質素對得住價錢，昆布湯底食到最後有啲太鹹，建議唔好最後先食菜🤣…Read More

本身見到有$8牛舌就想試試！地方都幾方便，雖然尖沙咀好多燒肉店，但呢間應該會再食！今次嗌咗唔少嘢，先講生牛肉他他！放上薯片度食，真係勁正！口感同味道都好好！😍😍然後係極九宮格，每一款牛都好好食，不過可能就係因為太好，食到最後係有少少油🤣🤣仲叫咗$8牛舌嚟試，對比之下就相對顯得有啲普通，但諗返佢嘅價錢，就非常抵食！8蚊喎！8蚊咋喎！而且份量完全合理，唔係做噱頭俾兩片你！🤪🤪最後朋友驚唔夠飽，嗌多咗個炒飯🤣叫做係幾香不過不失，但都有機會係我已經太飽🤣🤣…Read More

之前同朋友見到想食，講咗好耐終於食到！牛舌係一碟咁上，燒得好好食，本身同朋友share一碟，發現太好食嗌多咗一碟！飽都要加😭仲好貼心咁有椰菜解膩！至於，好多人好評嘅玉子燒都係真心不錯！一般嚟講，咁多人話好識就會拉高咗個期望，但佢就算咁高期望，都仲係覺得好食，應該就真係好好食🤣（利申平時唔係咁鍾意食雞蛋）惟一缺點就係，唔book枱真係未必有位食有時去開尖沙咀，突然間想食都好難食到🤣希望有機會搬間再大啲嘅舖🤣…Read More

已經係第三次食美滋鍋！喺旺角區性價比真係好高，就算係最貴嘅餐，食完都唔會好肉赤。更重要嘅係食物質素好穩定👍🏻👍🏻今次去食咗D餐，啲牛真係滑捋捋好好食，而且牛味好重自助蔬菜區都有好多選擇，希望之後會有水蓮😻飲品選擇都好多，不過分開咗兩個區域擺飲品，本身以為得一個，之後先知原來仲有另一個飲品櫃喺轉角位。甜品區嘅海鹽芝士奶蓋！十！分！美！味！完全就係出邊奶茶舖嘅芝士奶蓋！下次去可以自己DIY一杯芝士奶蓋茶🤣…Read More