or#tm66553872's Profile

平時喺Pure做完gym間唔中都會喺Nood Food買嘢飲，今日上完group class叫咗杯C-Energiser，但唔知點解杯嘢飲個味道同之前飲開嘅唔同咗🫠🫠明明材料係有菠蘿橙士多啤梨，平時會咬到啲士多啤梨核同打碎咗嘅生果粒粒，但今日杯嘢飲完全冇生果味，反而係有一浸蔬菜味😂😂😂打開個杯蓋睇一睇，好杰身，比平時深色，懷疑職員係唔係俾錯咗我🥲飲完到最後見到杯底除咗冰粒未打碎之外，仲有啲大大嚿一粒粒嘅野，我放入口試下但食唔出係咩嚟，總括嚟講唔知飲咗啲乜🥲🥲…Read More

今日做完gym, 試左佢地個tailor made smoothie，base 加3份配料$45，價錢平過superfood smoothie。我揀咗skimmed milk + banana + +raspberry + cranberry，另外再加多咗一份chia seed，埋單$57 (明明menu 話加一份nuts & seed 係加$10, 但staff 話要收$57, anyway, 無同佢理論)Smoothie味道不錯，偏淡帶有少少香蕉甜味，食到有少少香蕉粒，但係唔係好食到有chia seed, 我打開個杯望過都真係唔多覺有，如果佢俾多少少會開心啲。整體嚟講我覺得呢個item 幾好，可以自由選擇鍾意嘅口味，但感覺上好似細杯左過superfood smoothie🤔🤔…Read More

平時去Pure經過nood food都覺得啲嘢食好色彩繽紛好吸引，今日放工去做gym之前冇時間食嘢，於是去買咗一個紅粉菲菲芒果乳酪。杯乳酪有三個layer，最底層係奇亞籽mix咗芒果果泥，中間嗰層係低脂乳酪，食得出加咗蜂蜜，用蜂蜜去加甜味感覺好健康，最頂層係granola，仲有幾粒新鮮藍莓，mix埋一齊咁食成杯嘅口感好豐富。杯乳酪食落去酸酸甜甜咁，忍唔住食完一啖又一啖。佢個份量唔會太多，食完都唔覺得太Heavy，下次要試埋其他口味!…Read More