涼美's Profile

本身好鐘意食蛇羹，所以見到有蛇羹鋪都會試下，食過幾間蛇羹，有啲自帶胡椒味唔太啱食，有啲個羹有蛇骨要食得小心啲食得冇咁爽…暫時食過幾間都係太子呢間蛇王兄最啱我食。見今日一家大細都放假，兩大一小就突登走出太子食蛇，個仔見到門口啲蛇都驚驚唔肯食…我就同太太食一大一細餐，個羹唔會自帶胡椒味又唔會有好重藥材味，個羹好多料啖啖肉食得好爽。個飯就可以免費轉雞飯，啲雞好滑個飯好好味，而個湯就重藥材味，湯有藥材味ok好好味。…Read More

一家人五大一細第一次試呢間台式火鍋，訂左星期四既晚上七點半，到達見到坐無虛席～ 坐低選湯頭，多選擇，臭臭鍋一定要啦（可以再臭啲😖）另選素菇湯底比小朋友～開動啦～ 肉片類，豬、牛、羊、脆鯇片 好味。肉丸類好多選擇，仲有其咩鵝腸呀響鈴山根豬紅其他好多野😂飲品又多，甜品雪糕又多😋行出去簡野食覺得好熱鬧😂😂😂兩個鐘我試唔晒咁多款，食到飽飽～～五大一細八百幾免加一明碼實價👍👍大滿足～成餐唯一覺得唔好既就係啲位太窄，六人坐啲袋都唔知擺邊到好，再凍啲著埋大褸就會更迫……Read More

團購兩位興生日！啤酒汽水串燒刺身任飲任食兩個鐘，但...串燒：真係全部都冇乜味，只食到鹽O既咸味。刺身：碟底d冰溶晒，d刺身比水浸到又梅又淡...壽司：d飯勁「削」...團購價都唔想再去，唔好話原價仲要3xx...係咁!!…Read More

是日都係同太太行完花壚,今次行過多一條街試下鐵板超~呢間鐵板超我印象好似開左好多年,今次試下尐午餐~~去到唔洗等,可能仲算早啦,坐低就點左兩個餐~比目魚&帶子餐跟麵鼓湯&白飯~另太太唔太鐘意麵鼓湯就要左杯凍奶茶~(我有兩個湯)比目魚幾滑唔錯,帶子好香牛油味,兩個味道都唔錯,但一上菜食第一啖好似已經灘凍左咁...唔夠熱.....:(白飯....有尐生米...:(麵鼓湯....竟然甜O既.....真係估唔到,一間食日本料理O既麵鼓湯&白飯質素可以咁...睇過其他食評,睇黎呢間都係得鐵板燒有尐保證.....是日小插曲...上菜時上左兩杯凍奶茶,同位小姐講黎多左,咁佢收走一杯,跟住落單O個位小姐就即刻話覆單問我地話兩杯....第一,位小姐就冇覆過單O既.唔知係咪佢自言自語蚊滋咁聲o個尐係覆單...第二,竟然當住個客係到駁咀...?!有尐咁o既侍應佢尐野再好食都唔會再去!!…Read More

同太太行完花壚咁o岩見到呢間餐廳,望下入面格局唔會坐到好迫咁,就入去舒舒服服坐低食餐午飯~~午餐有7,8款 ,主菜加一杯健康飲品(有柚子蜜,雪梨茶&咸檸蜂蜜)加$10 有餐湯&餐包,另加$15有廚師沙律~我地要左大蝦柚子天使麵&無骨春雞半隻,加磨菇忌廉湯&蕃茄什菜雞湯...?!(唔記得名)個天使麵係泠麵,磨菇忌廉湯有種好特別o既味,幾好味~( 孤陋寡聞唔知係咩味 :( )兩個餐包..............包底濕濕地...應該係倒汗水:(飲品要雪梨茶&咸檸蜂蜜...個咸檸蜂蜜..好淡...:(下次會試下晚餐~~~想舒舒服服坐低食餐飯,呢到唔錯~:)…Read More

間鋪都幾偏僻...我唔係去睇模型都好少會行O個頭...我經過幾次都好想試,但次次都係食飽先經過...今次終於有機會啦~同太太叫左辣肉醬熱狗餐+迷你漢堡熱狗餐+吉列薯茸腸仔~個熱狗都幾大隻,見到已經流口水~包面烘到脆脆地，入面軟熟~好味~~~迷你漢堡_熱狗餐,包迷你但用料足~條熱狗腸同D菜爆晒出黎...個漢堡都唔差肉香口加埋個汁酸甜好正~辣肉醬熱狗呢....又係好味,不過食食下覺得...點解D肉醬唔辣而係條腸辣o既....薯條,外脆內軟正啊~我最鐘意食粗身O既薯條,吉列薯茸腸仔~香口O既吉列腸仔,另一種風味~好掛住D薯條,會再去~~…Read More

同事約食飯,9 個人食咩好,諗下諗下,我話放題啦,一班人食開心d,好似見到有間2千円係旺角,好就試呢間~~打電話定位,打左好多次終於打得通(可能好生意)~~定左6點~食兩個鐘問有冇咩生日優惠?冇冇酒精飲品當日6點準時到達,即刻有位,全場好多人滿坐低就開始點菜啦,好款式~第一輪,飲品,我點罐裝,有保正.刺身上菜最快,刺身...都係放題果d啦...不過赤貝刺身就切到變赤貝碎...其他菜慢慢陸續出現,熟食d味道都唔錯,9 個人可以試多d野~跟住發現上唔齊d菜,算!再點過第二輪~~入左單,等等等......一碟....一兩碟.......一兩碟....第二輪都唔齊...跟住想點第輪,但驚第一二次d漏單突然出現食唔晒所以叫人跟下d單先....但一去不返...算啦....照入單啦....跟住繼續係慢同漏單o既情況之下上菜....食食下有人同我地講Last Order...ok 咁入最後一轉單啦.入左單就等左好耐先上兩碟野..等多陣就叫話埋左單先...我話有好多野未黎喎跟跟d單啦~佢話好,咁我地都比錢埋單先....跟住d態度開始變啦...我問返個話跟單個黑衫人,問d單點,佢就好不耐煩地:講!點左d咩講啦!!.......跟手講返兩三樣啦,條友聲都唔聲走左去.上左兩樣仲差炸蝦未黎,開始比人清晒台面d野,d同時就講話咁樣都仲可以漏單....??之後有個黑衫女人同我地講:黑衫女:你地快d囉喎,要交台啦!!.....話我勁嬲,上菜慢係你地,漏單又係你地,最後叫我落返單又係你地,最後要等要漏單都係你地!!而家轉頭叫我地快d??不如叫我地唔好食即刻走啦~!!黑衫女:咁講啦,仲差咩?!我 :炸蝦!黑衫女:幾多?我 : 10黑衫女: 你地得9個,我地比唔到10隻你喎!!我: (心諗咁都仲要寸我??) 你而家1隻都比唔到我啊9 隻~!!黑衫女: ......(走左)跟住上埋食完勁嬲走人!!總之本身食品方面還可以,漏單上菜慢就唔知係有心定特登....同事就話商業手法~呢d都算.最火係最尾口講都仲要漏仲要叫我地快d真係紅衫待應清台清得好快.但有點手忙腳亂,經常聽到跌野聲,上菜時同一碟菜可以倒瀉d汁兩次係同一個位....好彩同事兩次都冇淋到...d位好迫擺唔到太多野~可以一試~係咁~…Read More

4號同老婆慶生日,之前諗去邊到食晚餐好~跟手就黎開飯睇下,睇睇下就睇到呢間好似食評唔錯,於是就決定試呢間啦~~ 星期六晚去到唔洗等位,環境幾舒服,坐低後睇左陣食咩好,之後就點左~ 木瓜蝦沙律 (睇到多人推介所以試下,真係唔錯,D木瓜好清甜)唔食木瓜o既我都覺得好食~ 肉醬千層麵 (好耐冇食過千層麵,好味啊!) 西冷牛排 () 兩個人食,食到好好飽,多一個人食會o岩o岩好~~好想再去食~~…Read More