tobbiepoon's Profile

6大3小食晚飯，6:30到達後，有位男侍應已經黑口黑面咁問我地食咩，間餐廳價位都唔係平，呢度又唔係大排檔，可唔可以態度好d？同埋發覺當晚好多侍應似炒散。點了8個菜，起菜好快，頭5道菜已經唔使半個鐘到齊，等到直至8:10，我地追問幾次3道菜幾時有？問左幾位侍應，先有一個回覆：係咪起得菜？我地話從來無安排過叫起菜。之後我地取消其中一個，另外兩個照上。埋單果陣，收左BB茶錢，我問點解，個女人答：佢3歲呀嘛。我答：佢2歲咋喎。同埋個2歲小朋友因為身體不適，成晚只係食白飯，同埋等到8點半先上的上湯時蔬。再過1分鐘，我發現原來比左訂的$500無扣，但已埋左單，過左卡數。我比返過數紀錄佢地睇，最後等左好耐，卡機取消唔到，佢比返$500現金我。如果客人無留意，就比多$500了。雖然食物好食，但服務態度太差，唔會再有下次，貼錢買難受。…Read More

山長水遠咁入元朗，比左deposit留位食dinner。去到餐廳安排角落2個位，都唔緊要。原來個師傅係遠處張枱整壽司比我地，全晚師傅都係同我地零溝通，因為佢同一時段要照顧10個客人。漬物只有酸薑，要望住師傅好耐，佢先問我地要唔要苦瓜，見到其他人有食蘿白，但師傅都無問過我地。海膽ok, 壽司刺身都不太新鮮，鮑魚雖然冧但無鮮味，連最後的魚湯都無味，到上生果，有粒芒果係酸既其實$1600一位，無服務都算，成餐食物質素都麻麻地，真係好失望😩…Read More

頭先係葵廣買ET鹽水雞，落完單，先見到個男人係個廚房位置，點解成個頭濕曬，先發現佢個頭有泡，下？！洗緊頭？而個廚房位置對住門口，咩料呀🤢有無諗過衛生問題呀？！…Read More

充滿期待到西村食晚飯，但估唔到酒店餐廳的服務係咁差，同出面旺角服務質素差唔多。首先落單果陣，同侍應講要牛油果軟殻蟹卷，旁邊個經理同個侍應好細聲講牛油果冇架，要加錢，但個侍應冇同我地講照落單，我哋立即問佢「咩野要加錢？」侍應先答我地「餐牌冇牛油果軟殼蟹卷，如果要牛油果加＄60」。點解咁都可以唔同客人講呢？之後每一個侍應serve我哋都黑口黑面,特別係位經理。西村食晚飯唔平，6位都食左$4千幾，但唔值得換來咁嘅服務質素。😡重有間餐廳有蚊，同行的朋友比蚊咬。…Read More