bnw.foodies's Profile

晚飯後想食糖水，但見堂食人龍太長（約20人），於是排外賣隊（約6-8人），但豈料店內員工只顧招呼堂食客人，冷理希望外賣糖水的客人。 過了約20分鐘，所有排堂食的客人已經入座，甚至離開，而我們才剛剛排到隊頭可以叫外賣。 最讓人憤怒的是，負責添糖水的唯一一位員工竟然大部分時間（戴同一對手套）在清洗爐具，無視眾多排隊買外賣的客人。 最最最最憤怒的是，等到一肚氣終於買了碗加大「腐竹薏米芋圓」返到屋企後，發覺竟然冇！芋！圓！🤬🤬🤬…Read More

.📍 朝 𝙰𝚂𝙰..「今『朝』有酒今朝醉，明日愁來明日愁」，一見到《朝》呢個名就覺得同居酒屋好match，決定入去飲返杯，暫時拋開煩惱🏮 餐廳嘅室內設計簡約舒適，猶如喺日月星辰嘅照明下進餐，後來先知道呢個設計係帶出「朝」字代表日月，帶有偏向自然簡樸嘅意思🌖 .⚪️ 清酒煮蜆 🍶 - HK$58✏️ 我哋認為呢碟蜆嘅性價比好高， 一碟大約有八隻，雖然蜆殼唔算大，但蜆肉全部都漲卜卜，幾乎霸佔曬一邊殼嘅面積😚 廚師喺烹調之前亦都確保每隻蜆「嘔」得乾乾淨淨，一啲沙都冇🤣 個湯非常之清甜，飲落去有解熱氣嘅感覺，有理由相信廚師用上糖分較高、酒精比例較低嘅甘口清酒🍶.⚫️ 朝玉子燒 🍳 - HK$68✏️ 玉子燒一嚟到就聞到一陣蛋香味😙 廚師將整塊玉子燒切成六件，每件最外層同內裏每一層嘅黃色深淺幾乎一樣，一啲燶咗嘅啡色都冇，煎得好平均👍🏼 蛋亦都非常之滑，唔會太實亦唔會一夾就散開，煎嘅時間把握得好好😋 食得出有層次感 😍.⚪️ 北海道蟹肉糕魚干燒 🦀️ - HK$118✏️ 呢款小食係由一塊由魚干整成嘅脆餅🐟 以及一絲絲嘅蟹肉搭配而成，食落有一脆一軟兩種口感😲 小食嘅調味適中，唔會過鹹，好啱送酒🥃 唯一美中不足嘅係蟹肉堆積喺脆餅嘅中間，唔能夠每啖都食到蟹同魚，如果蟹肉可以平均分佈喺脆餅上面會更佳😆 .⚫️ DANIEL 蝦多士 🦐 - HK$128✏️ 蝦多士係呢間居酒屋嘅招牌菜，雖然叫蝦多士，但配料唔係淨係得隻蝦😍 而且望落去好豪華😆呢款蝦多士係厚多士上面放咗一隻原隻大蝦，再鋪上蟹肉同蝦肉，所有鮮味出曬嚟🤤 而且完全唔油膩，食完都唔會成口油😋.⚪️ 燒宮崎手羽 🐔 - HK$38✏️ 講起送酒嘅小食通常都會食雞翼😍 雞翼一串兩隻，外皮燒得好香脆，而入面嘅肉汁亦能夠鎖住到🤤 雞肉都好嫩滑，唔會燒到過咗龍😍.⚫️ 醬燒室津蠔 🦪 - HK$88✏️ 蠔嘅size算中上，燒完之後一啲都唔乾身，依然好多汁，而且食落覺得新鮮🤤 不過一碟得一隻真係唔夠喉😢..…Read More

.📍 女人街食飯公司 𝙻𝚊𝚍𝚒𝚎𝚜 𝚂𝚝𝚛𝚎𝚎𝚝 𝚂𝚒𝚔 𝙵𝚊𝚗 𝙲𝚘...香港街頭飲食文化，非大排檔莫屬😋 源於19世紀嘅街頭食肆，至到依家真係買少見少🥺 位於旺角嘅女人街食飯公司，將呢份街頭文化帶入商業大廈😯 令老一輩嘅人重拾記憶，令小朋友年青人體驗正要消失嘅文化😚 雖然搬咗入室內，但仍然能夠保留大排檔獨有嘅風味😍 .⚪️ 黑松露鮮蝦多士 - HK$84 (1件$28, 3件起）✏️ 呢碟係其中一樣必叫嘅小食😋 一嚟到真係好香黑松露味😍 每件蝦多士都有隻開邊大蝦一齊炸🤤 而即叫即炸嘅多士炸到表面好酥脆，入面鬆軟，食落亦都唔會成口油淋淋🤤 每件蝦多士表面都有黑松露，而隔離點嘅沙律醬都撈咗少少黑松露🤤 所以成間多士嘅黑松露味真係幾濃郁😚 我見嗰日差唔多枱枱都有嗌呢碟😍.⚫️ 豉椒炒大蜆 - HK$128✏️ 嚟到呢度見到menu有海鮮，就叫咗呢碟試吓🤤 呢個價錢嚟講份量都幾多，而且蜆嘅size俾我哋想像中大隻🤤 雖然好多人都話海鮮要清蒸先食到個鮮味，不過我覺得豉椒汁同蜆肉絕對夾😍 師傅將大蜆炒得好有鑊氣😋 豉椒汁都調得好惹味，辣得嚟唔會搶咗大蜆嘅鮮味🤤 要值得讚嘅係我哋食晒成蝶都冇食到有沙😛👍🏻 .⚪️ 香辣牛柳粒 - HK$128✏️ 落單嗰陣猶豫咗陣叫咩好，伙計就推薦我哋試吓牛柳粒🤤 我哋就試呢款辣嘅😆 呢碟同樣份量唔細😋 牛柳粒都切得幾大粒，粒粒都肉嫩多汁而且入味，完全冇韌到咬唔到嘅情況🤤 而牛柳粒下面有幾舊切開咗嘅冬菇，同樣好juicy好入味😍 呢碟辣得嚟唔會嗆喉，啲汁配埋白飯一齊食好夾🤤.⚫️ 生炸脆皮鴿皇 (1隻) - HK$98✏️ 想食啲肉又驚太大份食唔晒，所以就試吓呢度嘅乳鴿🤤 雖然一隻都唔平，不過真係有驚喜😍 乳鴿唔係整定晒，嚟到真係辣手，熱到完全攞唔起🤣 乳鴿比平時見到嘅大隻少少，師傅預先將乳鴿剪開4份，方便我哋食☺️👍🏻 乳鴿皮亦都炸得好脆，唔會太油，而且好多肉😍 雖然有配埋淮鹽同醬料，但我覺得乳鴿好夠味，唔洗點😋.⚪️ 招牌杏汁燉豬肺 (4位用) - HK$148✏️ 唔知點解，每次食中餐就好想飲湯😆 淨係湯佢哋都有5-6款🤤 今次就試吓佢哋嘅招牌杏汁豬肺湯😆 4位用嘅湯𢳂晒出嚟都有8細碗😍仲有一大碟嘅湯渣，真係好抵飲😍 湯水奶白色，未飲已經聞到好濃郁嘅杏汁味☺️ 第一啖飲落口幾甜，之後豬肉嘅鹹味先慢慢滲出嚟🤤 雖然有豬肺但一啲都唔腥😚 我哋覺得呢個湯幾滋潤，好啱食咗咁多熱氣濃味嘅餸菜之後飲😆.⚫️ 青島啤酒 - HK$28✏️ 嚟得大排檔，叫支啤酒飲係常識吧😆 啤酒嚟到之後伙計問係咪要兩隻碗，我哋諗，吓飲酒唔係用冰杯㗎咩🤔 之後店員擺低咗隻碗我哋先醒覺，原來呢度係用碗飲酒😂😂 碗入面仲寫住「勝」字，完完全全係飲勝🍻😆..…Read More

.📍 𝚃𝚑𝚎 𝙶𝚛𝚘𝚞𝚗𝚍 𝙺𝚒𝚝𝚌𝚑𝚎𝚗👣 西環西營盤水街47號地舖G/F, 47 Water St, Sai Ying Pun, HK..位於西營盤水街嘅西餐廳，藍色嘅舖面同店外嘅植物令餐廳更顯眼💙 餐廳入面以花花草草坐主題，加上藍白風格嘅環境相當舒服😚 除咗枱上嘅盆栽同埋牆上掛住嘅花草，每道食物都會以食用花作裝飾🌸 擺盤真係100分😍 嚟到可以有齊視覺同味覺嘅享受😍 另外小店亦都會定期捐錢俾鄰舍輔導會幫助殘疾人士，真係值得去支持!! 🥳❤️.⚫️ 巴馬火腿 (24個月) ·水牛芝士·蜜瓜 - HK$118✏️ 呢碟巴馬火腿擺盤好靚😍 佢將火腿捲成花形、加埋水牛芝士同蜜瓜波波圍圈隔住咁擺，望落去真係好似花圈😆🌸 呢度用咗24個月嘅巴馬火腿，呢款火腿食落去唔會好鹹🤤 通常鹹嘅巴馬火腿都係配甜嘅蜜瓜，而鹹嘅芝士就配甜嘅乾果，而呢間餐廳巴馬火腿竟然係配芝士🤯 我哋第一次試呢個組合，覺得出奇地夾喎😍 因為水牛芝士味道本身較淡，所以夾埋一齊食唔會過鹹😆 而蜜瓜本身爽口清甜，夾埋一齊食都唔錯😋.⚪️ 法式香草薯蓉焗脆皮田螺 - HK$128✏️ 我哋本身都好鍾意食法式田螺，見到呢度有得食就即刻叫咗😍 田螺總共有6粒🤤 田螺釀入脆皮入面，就算我影咗好耐相，隔咗一陣先食個脆皮依然保持到好脆身😍 香草味亦都好出🤤 我鐘意佢食落去唔會成口油🤤 薯蓉係放喺脆皮田螺下面，成粒連薯蓉一齊𢳂嚟食好方便🤤 一啖食晒咁多種味道🤤.𝟯 𝘾𝙤𝙪𝙧𝙨𝙚 𝙇𝙪𝙣𝙘𝙝 𝙎𝙚𝙩⚪️ 慢煮加拿大保濕豬鞍· 燒意大利雜菜 - HK$268🥣 𝙎𝙤𝙪𝙥✏️ 當日嘅餐湯係番茄牛肉雜菜濃湯，碗湯一嚟到已經覺得好靚😍 冇諗過餐湯都會有裝飾😚 餐湯嘅番茄味幾濃，濃得嚟唔會過酸🍅 而牛肉細細粒，一啲都唔韌，好易咬🤤 我哋好鍾意個湯入面嘅雜菜，平時我哋都唔會食晒，因為會太大粒同太硬，呢碗湯反而冇呢個問題😍 雜菜煮得好淋好入味🤤🥘 𝙈𝙖𝙞𝙣✏️ 我哋揀咗加拿大保濕豬鞍，喺佢哋ig見到原來呢碟係最近新加入lunch menu，所以就試吓🤤 呢碟同樣賣相好靚😍 除咗主角豬鞍同意大利雜菜，仲有啲花做裝飾🌼 豬鞍有三舊，真係好香🤤 豬鞍中間嘅位幾juicy幾嫩，但外邊嘅位乾咗少少，不過都唔會韌😚 而雜菜有3種唔同嘅蘿蔔同秋葵🤤 4款雜菜都好新鮮好多汁🥗 平時唔會點食菜嘅我最後都食晒🤤🍹 𝘿𝙧𝙞𝙣𝙠𝙨✏️ Lunch set本身包咗一杯花茶，我就額外加咗錢叫咗杯特飲🤤 因為喺ig見到啲特飲真係好靚好啱打卡🤤 我哋亦都另外嗌多杯飲品試吓😆🍋 LLB - HK$48 (lunch set 減HK$20)左邊紅白色呢杯LLB 其實就係 lemon, lime同 bitters嘅意思😯 其實就係苦酒青檸汽水😆 第一啖飲落去酸酸哋，好似可樂糖嘅味😂😂 雖然有苦酒但唔會苦😆 反而覺得好清新😚 杯入面嘅冰全部都圓姑碌😆 入面仲有唔同顏色嘅乾花😍 所以成杯飲品望落更加色彩繽紛，唔會太單調😍😍 我哋都係第一次凍飲飲咗成個鐘啲冰都未溶晒😯 所以飲到最後成杯汽水都冇淡晒🤤.🍍Tropical Island Soda - HK$58✏️ 右邊藍黃色嘅係由菠蘿、柚子同蜜糖整成嘅，我加咗$10轉咗做梳打😛 一開始飲第一啖真係好fresh好爽，好啱依家夏天咁熱嘅天氣飲😍 撈均杯底嘅柚子同蜜糖一齊飲亦都唔會好甜🤤 而杯上面擺咗一片乾菠蘿，既可以做裝飾又可以食用😆 呢杯同LLB一樣啲冰入面有乾花，顏色比起左邊個杯更加繽紛😍😍 兩杯飲品打卡一流!!🥳.⚫️ Crème Brûlée - HK$68 (lunch set 加HK$38)✏️ Crème Brûlée嘅面燒得好均勻，焦糖好脆😍 一𢳂起就裂開成好多塊🤣 而焦糖下面嘅燉蛋冰涼軟滑，甜度適宜，非常可口🤤 唯一唔好嘅係甜品上面嘅花同樹葉都係發泡膠薄片，掹起佢哋嗰陣，啲發泡膠會痴住啲焦糖🥺 不過撇除呢樣嘢，成碟燉蛋真係好好食🤤🤤..…Read More

.📍 𝚆𝚑𝚊𝚝𝚎𝚟𝚎𝚛 𝙱𝚊𝚛 & 𝚁𝚎𝚜𝚝𝚊𝚞𝚛𝚊𝚗𝚝. .成條廣東道嘅名牌舖頭不可勝數，但冇諗過會有酒吧或者餐廳😯 呢間位於尖沙咀廣東道嘅樓上酒吧餐廳，喺正海港城對面😆 餐廳嘅價錢喺呢個位置嚟講好合理，高質得嚟唔算貴😍 一入到去見到「人間煙火」嘅燈牌，而且又有好多 bearbrick同畫作☺️ 餐廳亦都有室外嘅位置，上去飲杯酒傾吓計都好chill㗎😍 .⚪️ 烤春雞配炸薯條 Roasted Spring Chicken w/ Fries - HK$188✏️ 烤春雞即叫即整要等20分鐘😛 而春雞一嚟到真係好香😍😍 而且好大隻，我哋兩個人share都覺得好多😆 一切開隻雞真係好juicy🤤 雞皮烤得好香口，雞肉都好嫩滑😍😍 可以話係我試過最好食嘅烤春雞☺️ 而拌菜有沙律同炸薯條🍟 沙律菜都算新鮮，用mustard做沙律汁真係好fresh😍 而薯條唔會好多鹽好鹹🤤 而且真係即炸，熱辣辣又好脆，成碟都好食呀😍.⚫️ 挪威煙三文魚牛油果義大利飯 Norwegian Smoked Salmon Avocado Risotto - HK$148✏️ 呢碟義大利飯有半舊牛油果🥑同三大塊挪威煙三文魚🍣，上面仲沈左啲芝士粉🧀 牛油果食落去真係好新鮮😍 完全唔會太淋一吉就爛，而煙三文魚亦都唔會一夾就散晒😍😍 義大利飯亦都煮得好好👍🏻 粒粒都有咬口，唔會有幾粒特別硬☺️ 加埋個sauce真係好creamy，就算一個人食亦都唔會覺得好漏🤤 呢兩碟main真係值得試😆.⚪️ Bubble Bee - HK$118✏️ 呢杯係餐廳嘅其中一杯 Signature Cocktail，雖然杯邊插咗塊菠蘿🍍 而杯Cocktail又係黃色，但其實佢係用荔枝甜酒、接骨木花酒、青檸汁同蘇打調製而成，完全冇菠蘿🤣 由於酒味唔重，飲落較重果甜味，似一杯甜度適宜有果香味嘅Mocktail，好適合女仔飲 🍹.⚫️ Keroro - HK$118✏️ 呢杯都係餐廳嘅Signature Cocktail，用咗奇異果甜酒🥝 蘋果汁🍎 同伏特卡調製而成，非常清新可口😚 飲品偏甜，烈酒味唔會太濃，果味同酒味平衡得幾好😋 適合鍾意飲 Long Island Iced Tea嘅你 🍸.⚪️ 格仔餅配雪糕 Nectar Waffle with Ice-cream - HK$78✏️ 甜品嘅賣相唔錯、雪糕算大球🍦 而且莓味醬料酸甜適宜、調配得唔錯🍓 但可惜四塊堆疊一齊嘅長條型格仔餅唔脆，淋得嚟有啲似 Pancake🥞 有小小失望😢 不過如果當佢係 Pancake咁食嘅話，其實味道都唔差🤣..instagram: @bnw.foodies…Read More

.📍 小黑糖 𝙱𝚊𝚛𝚘𝚗𝚎𝚜𝚜 ..⚪️ 小黑糖珍珠厚鮮奶 - HK$32✏️ 嚟到小黑糖就要飲佢嘅黑糖系列🤣 我呢杯黑糖珍珠厚鮮奶係用咗明治4.3牛乳、秘制黑糖精華汁同手炒黑糖珍珠做成😛 一攞上手黑糖珍珠係暖嘅，而且份量好多😆 可惜冇黑糖掛杯🥺 上面鮮奶部份凍凍哋，撈勻飲啱啱好🤤 珍珠好煙韌好有咬口，而且真係好重黑糖味😋 佢嘅冰塊係固定嘅，而甜度可以自己揀，今次我揀咗少甜，但對於我嚟講都係好甜🥺可能多珍珠嘅關係🤣下次要嗌微甜🤣 不過飲飲吓啲冰溶咗，成杯飲落去冇咁甜，好好多🤣..…Read More

.📍 𝙳𝚘𝚞𝚋𝚕𝚎𝚜𝚑𝚘𝚝 𝚋𝚢 𝙲𝚞𝚙𝚙𝚒𝚗𝚐 𝚁𝚘𝚘𝚖. .⚫️ Avocado Toast “2.0” - HK$128✏️ 擺滿配料嘅方形木碟就好似滿佈顏料嘅色盤，你可以隨你喜好將呢啲顏料擺上脆卜卜嘅麵包度🎨 黃綠色嘅係加咗橄欖油同黑椒嘅牛油果粒🥑 撈埋少量豆芽一齊食好新鮮🌱其餘嘅四款配料由下至上包括：橙色嘅係加咗七味粉嘅芒果肉，食落去酸甜同時帶啲辣味🥭 而棕紅色嘅係西班牙香腸粒- 香腸有少少乾同硬，但好在切得夠細粒，好容易咬😆 至於白色同淡黃色嘅，望落好似穿咗嘅荷包蛋，但其實係布拉塔芝士加蛋黃!🤩 四樣配料好似唔啦更，但加埋一齊又幾match!.When you enjoy this dish, you get to scrape edible “paints” from the square “palette” and smear them onto the crispy toasted olive bread🎨 The “light yellow green” was avocado slices🥑 - they were very fresh when mixed with sprouts🌱There were then the following garnishes, which matched surprisingly well with each other: The “orange” was mango pulp mixed with tōgarashi, and tasted sour-sweet and spicy🥭 The “brownish-red” was chorizo sausage cubes - they were slightly dry and a bit tough, but their small size made them easy to chew😆 Finally, the “white” and “yellow” together looked like a poached egg with broken yolk, but the former was actually burrata cheese🤩!.⚪️ Burnt Cheesecake - HK$68 ✏️ 呢件芝士蛋糕係咖啡店嘅另一碟Signature😋 蛋糕面焗到燶曬，凹凸不平，核突得嚟又好靚!🤣 要整一件好食嘅巴斯克芝士蛋糕時間要掌握得好好，先會整到外面好似焦糖，入面又有流心嘅感覺😯我哋件蛋糕一嚟到暖暖哋，食落去好creamy好重芝士味🧀 我哋喺Openrice見到其他人嘅蛋糕會有少少流心，我哋嗰件就冇乜啦😢 不過佢依然好好食😋.The Burnt Cheesecake is another signature dish😋. It was evenly tanned on top and burnt in spots - and was both ugly and beautiful! 🤣 The key to making a successful Basque cheesecake is perfect baking time - it should not remain in the oven longer than necessary to give the outside a caramelized touch and to keep the inside smooth and gooey😯The cake we had was warm when it was served, had an intense cheese flavour and was smooth and creamy inside🧀 We saw that some customers’ Burnt Cheesecake had an oozy centre. We weren’t lucky enough to have one with an oozy centre😢 but it still was very delicious 😋..instagram: @bnw.foodies…Read More

.📍 𝙲𝚘𝚣𝚢 𝙲𝚘𝚏𝚏𝚎𝚎..第一次嚟南豐紗廠行吓，無意中發現到呢間喺邊邊嘅餐廳🤣 見到價錢唔貴就入去試吓😋 餐廳環境唔錯，有梳化位坐得幾舒服😆 餐廳亦都有好多咖啡，不過隔離舖頭有奶蓋茶，所以我哋今次冇試到飲品🤣 .⚪️ Lobster Cappuccino - HK$38✏️ 我哋喺餐牌見到個名嚇到叫咗出聲「吓！龍蝦咖啡，咁核突？🤢」問咗店員先知原來呢杯係好似Cappuccino嘅龍蝦湯😯！店員會將裝滿龍蝦湯嘅小茶壺同埋裝住奶泡嘅玻璃杯分開上，當你將龍蝦湯倒入玻璃杯後，部分奶泡會隨即浮面，然後一杯「𝙇𝙤𝙗𝙨𝙩𝙚𝙧𝙘𝙘𝙞𝙣𝙤」就會呈現係你面前🦞☕️！龍蝦湯香濃幼滑，而奶泡就似Cappuccino嘅奶泡一樣咁厚實，奶味唔會蓋過龍蝦味😋 呢杯Cappuccino除咗好飲、同有得自己「調製」之外，仲好Instagrammable - 個茶壺仔同玻璃杯細得黎好得意😚！雖然份量比較小，只係略略多過一杯Double Espresso嘅份量，不過性價比好高😍 非常推介俾大家😍！.⚫️ Cozy Salad - HK$88✏️ 起初叫沙律嘅原因係因為俾個Test Tube吸引到🤣 呢度嘅沙律都係將醬汁放喺Test Tube分開上，俾食客自己倒落沙律，賣相唔錯而且有得玩下🤣 啲菜、牛油果同番茄都好新鮮，加埋個甜甜哋嘅熱情果汁之後感覺更加新鮮😋 我哋最鍾意嘅係啲乾果，佢哋係碟沙律唯一本身甜嘅食材，而且好咬口😚 沙律嘅牛油果唔多，但蝦有六片，整體嘅份量適中，食完唔會太飽又唔會唔夠食😊.⚪️ Scallop & Crab Meat Gnocchi - HK$108✏️ 喺香港有得食Gnocchi嘅餐廳唔多😯 每粒Gnocchi嘅軟硬度一致，都係比較軟身所以易咬，但我哋略嫌佢哋唔夠煙韌😗 食落口會有小小粉，不過撈多啲醬食嘅話又唔覺😉 賣相方面配料揀得唔錯，有白色嘅帶子、綠色嘅蘆筍、紅色嘅番茄、黃色嘅粟米，全部都係粒狀，同啲Gnocchi撈得好均勻，令到成碟都好Colourful😚 帶子粒算多，但由於佢哋同啲丸子撞色，肉眼睇冇咁容易分得清🤣 至於蟹肉呢其實係蟹肉絲，但份量唔算特別多，同啲醬撈埋一齊之後唔係好顯眼，食完都唔多覺食左😂 不過整體嚟講我哋覺得呢碟係幾好味，未試過Gnocchi嘅你可以試試✌🏼..…Read More

.📍 𝙳𝙰𝙼𝙰..呢間位於K11 Musea嘅純素雪糕店開咗咁耐，我哋終於去試🤪 店舖嘅軟雪糕由天然食材製成，冇人造色素😋 而且亦都冇牛奶，所以有乳糖不耐症嘅人都食得😍😍 雪糕色彩繽紛好吸引，而佢💩嘅形狀亦都令佢更吸睛👀.⚫️ 菠蘿+薑 - HK$42✏️ 呢款雪糕菠蘿味同薑味都好平均，唔會其中一隻味特別重😋 間唔中會食到一條條好幼細嘅薑絲🧟‍♀️🧟‍♂️ 雖然係菠蘿味，但食落去唔會好酸😋 第一次食薑味嘅雪糕，感覺好新穎🤪.⚪️ 朱古力橙 - HK$58✏️ 因為朱古力嘅關係，個雪糕望落去更加似💩😂 雪糕一食落去有一陣苦苦哋嘅朱古力味，之後先有陣陣嘅酸味😚 雖然雪糕不含牛奶，但都好滑身😆 呢款雪糕亦都係兩隻味道好平均，唔會太搶味😌..…Read More

.📍 唐宮小聚..🔸小小熊仔 - HK$49呢個係朱古力流心包，造型得意又唔會太甜🐻🔸黑金流沙 - HK$49入面係奶皇餡，死吉士多啲，唔算好流心🔸和牛啤梨 - HK$49 (黑椒和牛鹹水角)其實係鹹水角😂入面放咗黑椒和牛粒同洋蔥粒，食落去好野味🤤🔸非常山竹 - HK$49 (龍蝦汁、蟹肉)佢嘅外皮好似鹹水角，而入面就係龍蝦汁配蟹肉，好食🤤🔸臘味煲仔飯 - HK$69個飯雖然唔係糯米飯，但無論軟硬乾濕都啱啱好👍🏻 最正嘅係個煲仔飯好足料，用咗好多種臘味😋 整煲飯都好入味，唔需要加豉油或者其他調味料調味🔸糟滷醉蝦 - HK$79食落去係花雕酒加少少麻辣嘅味道，好特別好好食🤤🔸荷花蒸飯 - HK$99個飯好多配料，有鮮蝦、火鴨、雞丁同埋瑤柱，食落去唔會乾🤤🔸火焰菠蘿 - HK$119一上菜店員會燒著個菠蘿外皮🍍好靚🤣 入面係辣嘅牛肉加菠蘿，超惹味🔥🔸得意小豬 - HK$39豬仔係士多啤梨味嘅乳酪布甸，配上花奶食落去酸酸甜甜🤤 大落隻豬仔度仲會震震吓，好得意🐷🔸十三幺麻雀 - HK$49一開始以為係椰汁糕，但食落去有啲杏仁茶嘅味道🤔 啱影相打卡多啲😂🔸陳皮燉梨 - HK$39雪梨同水都好甜好重陳皮味，感覺煲左好耐 😍 由於製作需時，如果想食呢碟要早啲落單！我哋等咗大概半小時有多先送到 😯..💡 茶介每位 HK$10💡 人均消費 ~HK$200-300…Read More

.📍 𝚃𝚑𝚎 𝚃𝚊𝚒 𝙿𝚊𝚗..佢嘅晚餐時間可以揀第一輪或者第二輪，但因為食完個tea都已經4點幾🤣 所以我哋book咗第二輪 ~8:30pm。我哋大概8點鐘就去到，晚餐時間嘅人流相對下午茶少好多人😳 可能因為有兩個時間，而且主要都係得住客食，所以個環境好舒服好靜，隔離嘅枱都冇人坐😚 今次係一個 3-course嘅晚餐，包括開胃菜、主食同甜品，仲有一碟麵包😋 另外可以額外加配紅酒配翻當日嘅晚餐🍷 不過我個package包咗一支 champagne🍾️ 所以都冇加到.⚫️ The Tai Pan Dinner Market Menu - HK$698/ persons 🥗 𝘼𝙥𝙥𝙚𝙩𝙞𝙯𝙚𝙧𝙨🥣 Black Truffle and Wild Mushroom Soup✏️ 當日除咗黑松露蘑菇湯，仲有蘋果核桃沙律，不過個湯吸引啲所以我哋兩個set都叫咗湯🥣 侍應會喺你面前將啲蘑菇湯倒入隻碗到😚 個湯望落去好夠色，但係飲落去就比較淡🥺 黑松露同蘑菇味都唔係好夠，而且都係較為稀身🥺 碗湯本身配咗啲酸酸哋嘅菇，但係我都係覺得啲菇太酸🥲 唔係太鍾意，有啲失望🥲.🥘 𝙈𝙖𝙞𝙣𝙨🐟 Pan-seared Stone Bass✏️ 我哋其中一份main叫咗煎石鱸魚，真係幾好食🤤 鱸魚唔會煎得太老，而且魚皮好香好脆，咬落去真係好似外脆內軟嘅感覺🤣 食落去亦都唔會乾🤤 佢嘅配菜有炸牛油果，第一次食感覺好得意，好新奇嘅食法😳 隔離都有啲萵苣同少少洋蔥，味道都正常嘅🥩 Grilled Wagyu Flank Steak✏️ 第二份叫咗 medium-well嘅和牛，總共有3塊，比我想像中多🤣 廚師烤嘅時間掌握得好好，和牛冇血水，亦唔會好韌好乾，配埋佢俾嘅汁一齊食真係唔錯🤤 我覺得和牛隔離嘅薯蓉都係重點!!🤤 認真好好食好滑身😍 另外仲有紅酒啤梨，唔錯嘅😙 不過食到後面啲汁唔係好夠，所以淨係食牛會有少少乾😛.🍨 𝘿𝙚𝙨𝙨𝙚𝙧𝙩𝙨🧀 Coconut and Passion Fruit Cheesecake✏️ 雖然話有椰子，但係佢冇咩椰子味，反而百香果味重啲😍 加埋芝士味酸酸哋又幾好食。呢款係軟身嘅芝士蛋糕，所以食晒都唔漏🤤🍰 Murray Tiramisu✏️ 我見呢件蛋糕個名有Murray，應該幾好食😋 佢嘅mascarpone cheese係幾軟身，餅底都唔會太濕🤤 不過唔算特別出色🤪..📝💭 之前睇啲comments話 Murray嘅晚餐麻麻哋，但係我今次又覺得唔差喎😙 除咗個湯😂🤣 可能因為係換咗廚師👨🏻‍🍳質素好咗😂 主食比我想像中好食好多，而甜品都唔錯🤤 可能一開始冇咩期望，所以今次食完反而有啲驚喜🤣…Read More

.📍 𝙶𝚊𝚛𝚍𝚎𝚗 𝙻𝚘𝚞𝚗𝚐𝚎..The Murray 呢排出咗一個 staycation package，包咗下午茶、三道菜晚餐同埋第二朝嘅半自助早餐😍 除咗呢三餐，房間裡面嘅mini bar亦可以免費飲用果汁、汽水同啤酒各兩支🍺 我今次揀嘅package亦都送一支香檳🍾️好多嘢食又多嘢飲🥳最近酒店裡面有一棵百年老樹節果決明，望落去好似櫻花🌸 佢哋依家做緊個決明子主題嘅下午茶，甜品部份主要由水果同粉紅色嘅食材而成，好靚😍 而食客亦都會有印咗節果決明花嘅口罩套一個☺️ 個 tea set一嚟到，侍應會先介紹一吓節果決明，又會逐層逐層介紹有咩鹹點甜點😚.⚫️ Cassia Afternoon Tea - HK$698/2 persons (Available from 2:45pm-6:00pm)🍞 𝙎𝙘𝙤𝙣𝙚𝙨🥯 Plain Scones🥯 Honey and Orange Blossom Scones(With clotted cream, blackberry & lavender jam, peach and rose jam)🍰 𝙎𝙬𝙚𝙚𝙩𝙨🌸 White Nectarine and Peach Tart🌸 Yuzu and Jasmine Choux🌸 Strawberry Dacquoise🌸 Sakura Macaron🌸 Rose and Lychee Opera Cake🍴 𝙎𝙖𝙫𝙤𝙪𝙧𝙞𝙚𝙨🫓 Brie Cheese and Beetroot Tart🫓 Mango and Shrimp Pistachio Bun🫓 Black Truffle, Apricot and Chicken Roll🫓 Lychee, Curry Crab and Caviar Blini🫓 Smoked Salmon Mousse Éclair🫖 𝙋𝙧𝙖𝙣𝙖𝙮𝙪𝙢 𝘼𝙮𝙪𝙧𝙫𝙚𝙙𝙞𝙘 𝙏𝙚𝙖☕ Organic Green☕ Sencha Peach.📝💭 總括嚟講我覺得鹹點好食過甜點，個人最鍾意煙三文魚Éclair同蟹肉魚子醬Blini😍 煙三文魚蓉入面仲有啲魚子粒粒，食落去有唔同口感好得意🤤 至於甜點粉紅色係幾靚😚 不過對於我嚟講太甜🥺 我見隔離好多枱都食剩啲甜點，希望酒店可以改善吓🥺 btw我食食吓有個waiter過嚟問我需唔需要添啲鹹點，我先知道原來鹹點係可以任添，我都額外添咗幾件🤣 另外佢都包咗兩杯飲品，我哋揀咗熱茶，Organic Green 好清新有陣薄荷味，Sencha Peach就有淡淡嘅桃香🤤 佢係用茶包嘅，一樣都係可以任添熱水🤣 雖然係weekday但真係超多人，幾乎full晒😳 可能因為除咗staycation嘅住客，仲有啲食客係就咁入嚟high tea吓🤣 所以其實都好嘈吓🤣 而且張枱唔算大，個tea set擺低咗之後我哋就一直見唔到對方個樣，擋住晒視線😂😂😂…Read More

.📍 𝙰𝚗𝚘𝚝𝚑𝚎𝚛 𝙾𝚗𝚎..⚫ 流心芝士蝦多士 Molten Cheese and Prawn Toast - HK$70.⚪ 生熟牛肉粉 Raw and Cooked Beef - HK$84✏️ 我哋坐喺個開放廚房前面食嘢，望住佢地將一塊塊薄切生牛肉放上河粉度，再淋上熱湯。☺️ 但係當碗粉送到過嚟，啲生牛肉已經熟咗。雖然係咁，無論生牛肉定牛展都好淋好易咬開，應該係我哋喺香港食過其中一間最好食嘅越南牛河🤤✏️ We had lunch right in front of the open kitchen and we were able to see pieces of thinly-sliced raw beef being put on top of the rice noodles before the soup was poured into the same bowl. ☺️ When it was served in a minute, however, any raw meat had amusingly become cooked. That said, the tenderness of the beef was perfect and it was one of the best Phở we have had in Hong Kong. 🤤.⚪ 法式聖安娜泡芙 Saint Honoré - HK$56..…Read More

.📍 𝙾𝙿𝙿𝙰 𝙲𝚘𝚏𝚏𝚎𝚎 𝙱𝚊𝚛 𝚁𝚎𝚜𝚝𝚊𝚞𝚛𝚊𝚗𝚝 오빠커비바..⚪ 泡菜蛋漿熔岩炒飯 Kimchi Volcano - HK$158✏️ Oppa店員將泡菜炒飯、蛋漿、芝士碎分別送上。佢喺我哋面前倒蛋漿同埋落芝士碎，再用火槍燒溶啲芝士，最後將所有野撈埋一齊。🤤炒飯嘅調味同芝士碎嘅份量適中，食落去唔會好膩好濟。而且，Oppa 將成個炒飯撈得好均勻，食落去每啖都有泡菜、蛋同芝士，超級推介!! 😍🧀✏️ Oppa (waiter) separately brought the kimchi fried rice, beaten egg and shredded cheese to our table, where he performed the following steps before us: he first poured beaten egg onto the hot plate and sprinkled the dish with shredded cheese. Oppa then cooked the dish with a blowtorch and stirred the rice with our spoons. 🤤With just the right amount of seasoning and cheese, the Kimchi Volcano, was surprisingly not too rich or too heavy. It was also so evenly stirred that there were kimchi, egg and cheese in every mouthful of rice we took. We highly recommend this dish! 😍🧀…Read More

.📍 享慢煮意 𝙵𝚊𝚜𝚝 𝙶𝚘𝚞𝚛𝚖𝚎𝚝..⚫️ 龍蝦湯流心牛角包Signature Homemade Lobster Bisque Lava Croissant - HK$58✏️ 去呢間餐廳必嗌嘅係龍蝦湯流心牛角包，個包切落去嗰陣望住啲龍蝦湯流出嚟，感覺好治癒🤤 雖然成個牛角包入面都係龍蝦湯，但佢嘅外層依然維持到好鬆脆。✏️ The Lobster Bisque Lava Croissant is what you must order if you come to Fast Gourmet - it is delicious and it is satisfying to witness smooth and creamy lobster bisque spilling out of the Croissant when you cut it open.🤤 Although filled with lobster bisque, the outside of the Croissant remained crunchy and crumbly.…Read More