食胃局局長's Profile

今日去左旺角行街，見到呢間食越南料理餐廳都多人食，於是決定入去食個午餐。餐廳環境舒適，裝修別緻，落完餐後好快就上菜。我哋叫左無骨酸辣鳳爪，呢款小食份量夠，鳳爪爽口，配上芹菜、洋蔥、蘿蔔絲一齊食，酸辣開胃。上湯灼田園蔬用左牛骨熬製上湯灼，每啖菜都食到牛嘅上湯味，健康得黎又好味。街頭香葉卷撈檬用左香葉包住碎豬肉，香葉卷炸得甘香鬆化，配埋清爽撈檬一齊食，好夾。軟殼蟹米紙卷好足料，外層係軟軟嘅米紙，內層係香口吧軟殼蟹，口感豐富。另外叫左兩杯飲品：牛油果沙冰清新解渴，每啖都飲到清香牛油果味，沙冰又整得好綿滑。凍越南滴漏咖啡飲落偏甜，但又保留左咖啡香味，有越南風味。總括而言，餐廳坐得舒服同性價比高，得閒可以再黎食。…Read More

今晚屋企無煮野，決定出街食晚飯，呢間餐廳嘅餐牌有多元化菜式同裝修別緻，好搶眼，附近比較少呢類餐廳，於是決定食呢間。一坐低，員工親切有禮幫我哋點餐，我哋叫左燒肉汁白切肉滑蛋飯，升級左配有餐湯同沙律。一放上枱見到白切肉大塊又夠香，每啖肉都充滿燒肉汁味，甜甜鹹鹹，滑蛋又夠香滑，配上飯一齊食一流！生煎豚肉斧頭扒可以配蒜茸汁或者黑淑汁，我哋選左蒜茸汁同配飯，呢個餐已包括餐湯及沙律。豚肉斧頭扒份量十足同厚身，食落去肉質嫩滑，夠鬆軟，味道好濃郁。沙律份量夠，餐湯係龍蝦湯，味道都啱啱好。總括而言，今日食得好滿足，餐廳環境坐得舒服，食物好味，性價比高。…Read More

是日本局長於土瓜灣街市熟食中心午餐，見此店有粉麵及飯餐等午餐提供，遂坐下一窺究竟。午餐$45有例湯及熱飲，凍飲加$2。本局長食豉汁蒸白鱔，連例湯及熱飲$55，都幾抵食。此檔侍應服務態度良好，點餐未幾已有例湯送上。是日例湯乃冬瓜湯，生津解渴。店內部分座椅為靠背椅，此次本局長靠在椅背，坐得舒適。未幾，蒸鱔、白飯及奶茶先後送上。蒸鱔好味，肉質彈牙，豉汁咸度適中，整體非常出色，本局長誠意推介。奶茶正常水準，不錯。…Read More

觀塘東廣場有好多小店可以選擇，見到呢間價錢抵食同佈置得好有日本拉麵小店感覺，於是同朋友決定食呢間。我哋叫左兩個拉麵套餐同兩款小食。黑蒜油豚骨湯叉燒拉麵，另加糖心蛋。湯底香濃，飲得出冇落味精，用心製作。糖心蛋流心又嫩滑，同拉麵一齊食，好夾。加埋套餐A滋味雞軟骨半份，雞軟骨份量都多。濃郁雞白湯叉燒拉麵，另加玉米同糖心蛋。湯底真係好濃郁，飲落好順口同香，唔油膩，配埋肥美嘅叉燒一齊食，好滋味。加埋套餐D日式餃子2隻，配上餃子汁啱啱好。兩款小食：炸魷魚鬚同蟹肉忌廉薯餅外皮都炸得好鬆脆，炸魷魚鬚食到陣陣魷魚香味，口感唔錯。蟹肉忌廉餅外皮飽滿，餡料軟熟。總括而言，我哋食得好開心，餐廳環境雖小但坐得舒服，食物質素唔錯同性價比高。…Read More

餐廳座位寬闊，頗有情調。人見人愛酸菜魚，侍應甫放下已聞到香氣撲鼻，令人食指大動。湯底足料，窩荀、酸菜、蘿蔔等皆美味，令整碟酸菜魚層次豐富。魚肉薄切，口感滑溜。寬粉煙煙韌韌，十分高質。燒椒皮蛋賣相靚，皮蛋呈金黃色，食落有濃濃皮蛋香，完全冇馬尿味，正。蔥油拌麵，擺盤精美，麵好食，硬度適中，不油膩。紅糖糍粑皮脆香口，甜而不膩，點埋黑糖風味更佳。一邊食酸菜魚，一邊飲酸梅同熱情果疏打，生津解渴。總括而言，餐廳食物質素高，本局長誠意推介。…Read More

我哋係旺角行行下街肚餓，見到呢間越南餐廳環境舒服同乾淨，餐牌又多選擇，決定食呢間。一入去，餐廳口員工好友善帶我哋坐低。我哋叫左餐牌推介之選:越南味豪華大拼盤，一上碟，見到個擺盤已經好吸引，超多款小食:軟殼蟹米卷、墨魚餅、蝦餅、魚餅、春卷、香葉肉卷，可以一次過試曬咁多款小食，每款都好足料、食材好新鮮，食到好滿足。珍寶火車頭湯河（1人用）可以一次過食到好多料，入面有牛肉、牛丸、牛腩、扎肉、蘿蔔等，湯底好清甜。豬頸肉撈檬嘅豬頸肉外脆內嫩，加埋撈檬一齊食，好夾。牛油果沙冰好好飲，每啖都飲到清香牛油果味，沙冰整得好綿滑，好解渴同清新，非常推介。總括而言，呢間餐廳性價比高，員工態度好，下次會再黎食。…Read More

今日去左旺角食樓上居酒居，餐廳空間寬敞，入面有好多日本海報、日本燈籠、偏木系裝飾，好有感覺。每枱都有玄米茶可以飲，餐牌有好多選擇，我哋叫左兩款小食，蟹肉忌廉薯餅及鹽燒厚切牛舌串，蟹肉忌廉薯餅外皮炸得剛剛好，入面料十足，好脆口。鹽燒厚切牛舌串用左鹽同黑椒黎燒，加埋肉質嫩滑同厚身，好濃郁。野菜鍋都有唔少菜，有白菜、豆腐、菇、蘿蔔……除了菜甜之外，值得一提係湯底，白色湯底有淡香甜之外，好順口，冬天凍凍哋黎食更加滋味。三文魚蟹籽飯會配上麵豉湯，食到三文魚同蟹籽都好新鮮，份量都足夠。火炙黑豚肉拉麵嘅豬骨湯底味濃，黑豚肉有驚喜，油脂同味道都好香，夾埋拉麵一齊食，好味。總括而言，呢餐食得好滿足，餐廳環境坐得舒服，食物質素唔錯，好適合再黎聚一聚。…Read More

今日放工想食下西餐，見到呢間餐廳嘅環境舒適，裝修別緻，於是決定晚餐食呢間，一打開餐牌發現原來中日西餐都有，好多選擇，我哋最後叫左一個二人套餐。套餐跟左沙律同餐湯，沙律份量夠，餐湯飲到龍蝦味，味道同稠度都啱啱好。主菜穀飼安格斯牛叫左五成熟，配扁意粉蒜茸汁，安格斯牛肉身厚同好鮮嫩，食落外脆內軟，每啖都好有牛味，配上翠玉瓜、粟米、蕃茄仔，可以解膩。千島海鮮Pizza好足料同皮好脆，Pizza上面平均鋪好海鮮、粟米料、煙肉、洋蔥、菇，連埋芝士食，口感豐富又好味。白汁芝士焗西蘭花入面仲有好多煙肉，融化左嘅芝士配上西蘭花一齊食，味道好香，健康得黎又好味。總括而言，餐廳坐得舒服同性價比高，得閒可以再黎食。…Read More

今日同朋友一齊去黃大仙食晚餐，呢間餐廳菜式多元化，有意粉/飯 、薄餅、肉扒、 漢堡、中餐......我哋揀左食家常便飯餐。士多啤梨骨配白飯：每啖肉都食到淡淡嘅士多啤梨味，酸酸甜甜，味道好夾，一d都唔油膩。咖哩牛腩嘅汁好香，牛腩好稔，配飯一流。兩個餐都配左一個中式湯：豬肉紅蘿蔔湯，味道清甜。我哋都叫左一杯凍抹茶鮮奶，抹茶味濃及香滑。最後叫左一個甜品:焦糖朱古力脆脆，三層朱古力配上最上層嘅焦糖，又軟又硬，增加唔同口感， 醒上菠蘿食，解膩。總括而言，食物多元化，環境亦十分舒適，可以黎食。…Read More

近日本局長聞說旺角有一自家製品牌點心舖，主打即點即做手作點心，遂於今日拜訪。先嚟一客叉燒包，金黃色嘅皮配上包内香味濃郁嘅叉燒，好食。黑松露北菇燒賣豬肉新鮮滑溜，味道甚佳。蝦餃皮薄餡靚，蝦夠大隻。馬拉糕租甜而不膩，包質鬆軟，又唔會太大嚿，啱啱好。豬膶腸好好食，豬膶味好香，而且口感順滑。鳳爪排骨飯排骨靚，鳳爪正，飯香。咁春卷十分足料，餡料堆滿成嚿春卷，吃來層次豐富，正。咸水角同炸北海道牛奶，賣相一流，香脆可口。後來，據本局長線眼了解，此店師傅於日本工作多年，並曾任香港米芝蓮酒店及酒樓主管，為堪與本局長匹敵之高手。總括而言，餐廳食物美味可口，環境寬敞衞生，店員服務態度主動有禮，為本局長推介之選。…Read More

今日放工去食火鍋放題，一掃工作壓力。我哋去了旺角淥鼎記，餐廳環境寬敞又坐得舒適。我哋叫了一個小寶套餐$228加一，湯底有好多選擇，最後揀了海皇海鮮鍋，味道清甜。每枱都會送上前菜:滷水拼盤、花生同串串蝦,可以食住等湯底黎。呢個套餐有三款安格斯可以點，仲有黑毛豬／羊肉片／鮮雞件／鯇魚片／手打丸等，我鍾意薄切安格斯封門柳，味道香濃，另外，手打墨魚丸都好好味，特別鮮同彈牙!自助配料同醬料吧有好多款同攞位整齊衛生，配料主要有丸／腸／魚片／水魷／鵝腸／鴨血/餃子/蔬菜......一定有鍾意嘅野食，而且配料新鮮。飲品櫃除了紙包/罐裝/汽水外，餐廳亦提供自家製飲品:竹蔗茅根同冷泡茶，我推薦自家製竹蔗茅根，清甜解膩。總括而言，價錢相宜，食物高質同多款，可以再黎食。…Read More

本局長是日與副局長信步走到長沙灣，見此串燒店裝修別緻，遂入內一窺究竟。餐廳採用QR code落單，點菜時有多芫茜、走蔥等選項，局長唔食蔥，遂統統走蔥。先嚟一客燒田螺，十分惹味。花甲粉湯底香濃，份量十足，應該有十隻花甲，但局長手殘影唔到。燒茄子好大塊，上鋪以大量蒜蓉，好食！至於其他串燒亦各具特色，串串都有水準，其中局長倆猶愛雞腎、墨丸、牛舌。雞腎質韌脆嫩，美味可口；墨丸燒至通體金黃，皮脆內軟；牛舌味道濃郁，甚具咬口。飲品方面有啤酒、紙包飲品、黃老吉等，仲有副局長至愛嘅椰樹牌椰汁，令副局長得以回味童年。總括而言，餐廳食物好食且價錢公道，局長倆強烈推介。…Read More

今日約左朋友去觀塘食日本料理，店鋪環境寬敞。我哋叫左推介之一：十二道風味，呢個菜式用酒杯盛住十二款壽司，特別得黎又靚。有d酒杯係魚生配飯，有d 係配沙律，魚生新鮮又份量足，又可以試多款味道，值得一試。另一道菜式鍋燒烏冬個鍋除左有烏冬外，還有一隻炸蝦棒、雞球、蔬菜、菇同蛋，好多料，天氣凍凍哋食完會暖笠笠。甲羅燒個蟹蓋放滿左蟹膏蟹肉同蟹籽，仲有一粒鵪鶉蛋，食前將粒蛋撈埋蟹膏入面，口感更豐富，啱曬鍾意食蟹嘅朋友。…Read More

今日約左朋友去灣仔食拉麵，雖然店鋪不算大，但坐得舒適。加上店員態度親切有禮，值得一讚！天氣凍凍哋，我哋各自叫了一碗拉麵，可以根據自己喜好選擇粗幼麵，胡麻王拉麵的拉麵份量適中，豬骨湯底味濃。叉燒份量大而厚，好抵食。黑武士拉麵多了一份黑蒜味，湯底會更顯濃郁，配上溏心蛋，更加好味。我哋另外再叫了兩個小食，芝麻手羽同冷豆腐，芝麻手羽（雞翼）香脆，肉質嫩。冷豆腐上面鋪了木魚絲及蔥，配上醬油一齊食，更有豆味。…Read More

今日約左朋友出來，我哋選了一間樓上Café，入面坐位舒適，仲有BOARD GAME供客人玩。我哋叫了一個2人餐，主菜有辣虎蝦意粉，除左有隻大大的虎蝦外，意粉入面仲有其他海鮮(青口)及蔬菜(洋蔥同青椒)，配上香辣的茄醬，非常滋味。另一主菜西西里pizza有辣肉腸、蘑菇、芝士，一切開一少塊，芝士就拉絲， 配上pizza上面的火箭菜，味道濃郁。炸蟹餅炸到外脆，點上甜酸醬，蟹味更加出。我叫了一杯水蜜桃紅荼，味道清甜。朋友叫了一杯翡翠朱古力雪芭，薄荷朱古力同cream一齊飲，香濃又滿足。…Read More