love.eat.piggy's Profile

自從冇係銅鑼灣返工就冇食過蕃茄仔啦😿蕃茄仔係我心目中TOP 1 既蕃茄湯！😍見到屋企附近mikiki開左新分店，梗係要幫襯。新蒲崗分店比起銅鑼灣大左好多，座位多左坐得舒服d。不過門面就冇銅鑼灣咁靚啦。落單scan QR code，原來有晚市套餐，包埋小食，飲品同甜品。百零蚊一個餐係mikiki黎講少貴，不過真係好食呀🥹😘我就叫左鰻魚蕃茄濃湯上海麵🍅鰻魚又長又大條，厚肉又冇骨，質地偏軟身唔係彈牙個款啱我口味，咁足料要讚👍🏻👍🏻小食揀左煙熏芝士，我以為係一細舊芝士好似西餐咁，點知係一大塊放係面😂煙熏芝士好香，可以拉到絲🧀上海麵掛湯能力一流😋一夾已到沾上蕃茄湯，啖啖蕃茄味。最值得推介係佢既蕃茄湯，濃郁程度同蕃茄蓉冇分別，超正💕💕完全唔係譚仔蕃茄湯底可以媲美到😹 唔鍾意食蒜同葱既朋友落單個陣可以走。甜品係tiramisu 蛋糕仔，酒味唔重，解凍啱啱好，唔係凍冰冰硬曬咁拎出黎。飲品都幾有誠意👍🏻我expect蘋果茉莉大紅袍係茶包沖出黎🍎估唔到有埋蘋果乾😍即刻心心眼左，浸淋左既蘋果乾漲卜卜，幾好咬。…Read More

食完楚撚記好失望，質素同土瓜灣總店差幾條街。食完唔夠飽又唔想俾多d錢佢賺，唯有係附近食甜品。好耐冇食過想甜嚐甜，之前淨係去過黃大仙同大角咀分店，估唔到西環間分店咁差☹️服務態度有問題，俾錢買難受😞同個阿姨講幾多人，佢話要等等唔洗攞飛。隔左一陣又問我地係咪等位，「排隊係呢邊架喎～」，d語氣好似小學訓導主任咁。咁我地排返適當既位置啦。落單想叫芒果西米露，佢話冇西米。我睇睇menu轉款冇西米既，個阿姨「都話冇西米囉」。我擘大自己對死人眼睇真d食材description，「真係冇西米架喎」，然後佢西曬臉係度擰頭。完全不知所謂。唯一讚得過係後生女侍應，餐廳廁所壞左主動話我知附近邊度有公廁，好人一世平安😊以後唔會再黎呢間分店睇人面色…Read More

The market每年都出榴槤下午茶🤗今年終於book位試下啦。網上訂座要先俾訂金，每人$100。Hotel Icon位置唔多就腳，尖東站一出要行十幾分鐘。餐廳座位比較逼，不過好好彩今日唔係太多客人，唔會每張枱坐滿曬。3點正準時入座，雖然一次過放大批客人入去，不過侍應仍然有禮貌地簡單介紹，提醒我地可以先拎榴槤雪糕食住先😉唔會帶完位粒聲唔出即刻走👍先上一客椰子榴槤燉湯。第一次飲，原本好擔心煲湯落榴槤會好奇怪，點知飲落清甜，唔會有榴槤味喧賓奪主😁加勒比海野生龍蝦尾🦞預先拆左肉，肉質實淨甚至有少少硬，室温唔熱。批發下午茶預左一次過整定，對熟食冇咩期望😂麥皮軟殼蝦，咬落少脆🦐泰式熟蝦杯普通。蟹肉魚餅配三文魚籽，努力扮fusion，不過效果未如理想，脆身多士加軟冧既魚餅同爆汁既三文魚籽，口感唔夾😕至於2條竹業包住既炭燒魚肉可以skip，食左一啖完全唔係我地口味。魚肉質地好似 霉左既鯪魚肉，賣相橙色一pat😢辣辣地好奇怪主題榴槤甜品🤗😘咁大個榴槤做裝飾幾有誠意😂榴槤斑蘭蝶豆花糯米飯💜藍色既糯米飯又靚又軟糯，斑蘭cream好香又重榴槤味👍榴槤椰子蝶豆花西米杯，椰絲好甜，杯size太細，榴槤蓉係底但係用匙羹食唔到😭 三款榴槤由淡味食到濃味😋只可以話任食D24榴槤雪糕最正！😍😂奈可食得太滯，每人食左一杯榴槤雪糕就收左皮😭😭除左榴槤雪糕，仲有godiva雪糕機任食唔嬲😆咸點較差，甜點唔錯。食過一次係咁先，$788 2位呢個價位同質素未吸引到我回頭喔😅…Read More

三一餃子黎到旺角啦😍從此旺角良心餃子舖又多一個選擇❤️舖頭空間感好大坐得又舒服。今日去到招牌餃子貳號同豆漿賣完☹️Menu好搞笑😂大合照❤️強烈推介三一炸雞🤩自家製，唔係叫貨加熱既垃圾😂炸雞夠juicy，炸粉啱啱好呀會太厚👍中環分店仲未有得賣架🤭關東煮係咩都有d加日本清湯，蘿蔔冇渣，魚蛋同獅子狗煮得好冧。湯餃係味噌蝦，偏咸帶有少少蝦既香味。黑白松露豬肉餃，松露味突出。粟米豬肉餃甜甜地👍最後就係扮大阪燒既特餃😎加左紫菜同木魚，感覺即係出曬黎😜…Read More

Last day先發現到新開既牛天神，唔通連個天都唔鍾意我😭天氣炎熱加上尖沙咀冇咩平靚正既餐廳，呢個月都帶飯。最後幾日同同事farewell出去食飯，先留意到六兩三對面開左牛肉丼飯🤷‍♀️❤️銅鑼灣未執既時候已經想試，可惜當年又唔近我舊公司😂自助落單好fun😂可以俾現金或信用卡👍食物只有牛同雞，選擇唔多啱曬，唔洗諗食咩。座位較少，lunch time要早d黎。擔心唔夠飽，叫左雙倍牛肉飯，送麵豉湯❤️估唔到個碗咁深，差d食唔曬🤗應該落左好多麵豉，麵豉湯勁濃味👍蘋果汁$20偏甜🍎枱面有凍水壺自己倒水😃 普通牛肉飯都係$50，質素絕對好過對面既火鍋店(menu轉黎轉去都係嗰幾味，冇鑊氣干炒牛河都冇得叫) 同隔離茶記(應該係個廚師中過covid後味覺弱左，幾次外賣都極咸，咸到食緊鹽咁) 。…Read More

遠征去將軍澳食手工pizza🍕💓有地頭蛇訂位同帶路😻全程跟住行就啱，雖然openrice話行8分鐘，但係商場穿黎穿去其實都幾易蕩失路(對我黎講😂) 侍應幾友善，介紹左今日餐牌上冇寫既菜式😂Hygge手工肉丸薄餅Pizza皮脆身得黎又煙韌。原本諗住斯文d用刀切，用九牛二虎之力都搞唔掂😂直接上手算🙂肉丸普通，味道一般，好食在餅皮💓點左少少buffalo wings既芝士醬好正😍慢煮和牛面頰配寬條麵麵質有d過冧，冇左種彈性既感覺。和牛面豬登超級正！又香牛味入口即融😋布拉塔水牛芝士第一次食水牛芝士，原本以為會流心🤔切開冇咩特別，就係比較軟身偏流質咁😂配上parma ham既鹹香同蕃茄仔既清甜😜水牛城雞翼🐥掛住ko塊pizza，雞翼都凍曬😭分左單骨方便食，炸完脆皮，甜酸辣都有d味道好豐富😋平時點開sour cream，今次有芝士醬好興奮😻🧀西芹無論溝咩都係咁難食朱古力燕麥凍冰冰🍫menu側邊加左含花生🤔估唔到花生味超重，搞到朱古力味冇定企☹️飲落好結好膩，建議落少d花生醬…Read More

大學個陣Gradtrip想去西班牙自由行，專登reg左2個sem上西班牙文🤗食完呢餐真係忍唔住講返句la comida Española es muy muy deliciosa!!😋❤️ 今個星期已經過左一半，係時候飲少少酒同食餐好獎勵自己～室內環境感覺優雅，好鍾意呢種深色系。每枱客人都有枱燈，增添一種温暖既感覺。Welcome drink 有sangria 同lemonade🍷🍋黎到西班牙餐廳梗係要飲出名既西班牙果酒紅菜頭凍湯💓平時好少飲凍既湯，估唔到味道唔錯。紅菜頭blend到好稠，好似飲緊紅菜頭蓉咁。面頭加左乳酪同杏仁碎，酸酸甜甜好開胃☺️西班牙脆包配烏魚子同白銀魚柳🍞呢個超級推薦！😍今晚最愛既菜式！平時食包一係驚太冧，一係驚太硬。今次打卡玩左咁耐仲keep住脆身👍烏魚子加忌廉，配搭出色， 鹹香味好正。魚柳配三文魚籽同樣相得益彰😋辣蕃茄醬馬鈴薯🍅🌶️賣相麻麻，唔鍾意d茄醬唧到一條條咁密密麻麻。不過佢地份量又控制得好好，每粒薯仔沾上少少啱啱好清得曬。薯仔粒外皮脆，入面軟糯👍香煎西班牙走地黃油春雞🐥切開見到肉汁😋雞肉嫩口，有三款不同醬料配搭。配菜既青椒仔有驚喜黑毛豬肋條肉燴西班牙飯燴飯濕度啱啱好，飯粒唔會太乾變硬，而且吸滿汁非常惹味。黑毛豬肉質結實😙甜品有tiramisu簡直係happy ending🎉酒味唔太濃郁亦唔會太甜，toppings有朱古力脆脆同脆餅。全家福❤️…Read More

海港城返工冇咩好食，難得同事唔食茶記，一齊試新野烏蠅館，點知食到最尾真係搵到隻烏蠅既屍體😭想食辣又唔食得辣，結果都係揀左唔辣既番茄湯🍅 $50任揀6款配菜，主食要另外加錢，個麵底唔包架。主食揀左煙韌既寬粉，好好嚼口👍配菜份量啱啱好，6種夠曬女仔食得飽。最尾個幾啖先見到烏蠅，同侍應講完佢話請杯飲品俾我。態度唔差，起碼有free返杯飲品😅希望衞生可以改善，食物唔差。至於下次仲會唔會幫襯？應該食曬附近黃店先會考慮再翻兜…Read More

下一站天后☺️放工同friend去居酒屋食野傾計。天后最出名既甜品舖甜姨姨對面，就係我地今晚既目的地 黑木亭居酒屋啦～店外燈籠同室內既畫非常之有日本風格，思鄉情懷出曬黎😭冇得去旅行唯有食多d日本野頂住檔先啦蜜桃烏龍熊仔茶 $58北海道士多啤梨牛乳乳酸 $48打卡必叫😍熊仔冰好可愛💞好似熊啤啤係飲品入面浸浴😂烏龍茶個杯加左少少玫瑰花瓣，飲落多左dd玫瑰香味🌹另一杯士多啤梨除左有熊仔冰，仲有朱古力彩針同棉花糖😜style好童真，甜入心。炸豆腐櫻花蝦 $68炸豆腐！簡單得黎好好食😊外面脆入面又唔會太乾身，加埋櫻花蝦既鹹香好好味。4件2個人share啱啱好。蟹甲羅燒 $98濃郁既蟹膏加蟹籽同葱，口感豐富，配麵包冇得輸☺️龍蝦八鮮木桶丼配鯛魚湯 $448萬眾期待既本月推介🤩因為有選擇困難症，所以每次揀野都會睇左special menu 或者seasonal limited先。所以佢有推介菜式就最方便😁星期一至四仲免費送磯燒鮑魚一隻😜幫你切埋片排到靚一靚，上枱個刻超興奮😉望落去非常足料，塞滿曬成個木桶，賣相又靚🤗最重要係咩呀？梗係食龍蝦唔洗碌殼啦😂廚師已經分好龍蝦肉鋪上丼飯，懶人恩物😉太多刺身既關係，侍應教我地放d料落碟先，之後就可以倒鯛魚湯做湯飯品嚐。夾都夾到攰，滿滿刺身鋪得曬成隻碟😂一啖刺身一啖湯飯 好正😉湯食趁熱食，唔好打卡玩太耐呀而家openrice訂座仲有優惠🤗…Read More

仲要試伏幾多間良心黃店☹️聽講活一鮮價廉物美，之前專登去北角分店食lunch，可惜個日唔食得生冷野，冇得試勁多人推薦既魚生丼。後尾叫左燒牛肉豆腐定食🐮牛肉份量足夠，白滑既豆腐灑左少少七味粉，令佢唔會太清淡。牛肉汁撈飯好食。如果住附近既話，不失為飯堂好去處。至於跨區專登去食就唔洗啦。今晚訂座去了大角咀分店。終於可以一試壽司set啦❤️滿心期待，點知小食已經好失望😭本身好鍾意食清酒煮蜆，我仲會飲埋個湯，甜甜地有酒味好正架。不過呢個清酒煮蜆連我唔飲酒都覺得冇酒味，好似滾水煮熟咁。最慘係有沙😭朋友食左一啖成口沙，即刻覺得好掃興😢埋單時店員問用餐感受，我直接話蜆好多沙。佢話我地早d出聲既話可以換😔😔原來食物唔好食可以換😭大家下次記得出聲反映呀~燒芝士年糕都好難整得唔好食😂 紫菜脆既話就好啦牛肉壽喜燒$128俾d cheap牛肉，幾塊豆腐，少少菜咁。食材太少1個女仔食完都唔夠飽。活壽司$148咩都有d，同壽司郎質素差唔多。食左一個鐘未叫埋單已經有店員叫我俾錢🤔可能有限時冇同我講。由成口沙開始已經冇心情，後來既食物未高質到挽回我對佢既印象分…Read More

上網見有post介紹jk brothers，於是book左枱慶祝母親節。好耐之前幫襯過尖沙咀分店，個陣放題有任食醬油鮑魚同醬油蝦，質素都唔差。估唔到今次惡夢般體驗🙄一入到去reception，話搵唔到訂枱記錄， 擾攘左一陣揀埋火鍋湯底就安排入座。點知遲遲未有qr code落單🙄我地催佢，店員淨係話電腦壞左出唔到單，完全冇諗過點解決，淨係識叫我地等等。呢個悲劇唔至發生係我地身上，隔離2枱客人等左半個鐘都冇qr code，即係"等等" 已經等左大半個鐘。放題個限時已經呃左我地半個鐘😢3枱客人一齊催佢，店員先話俾張紙我地寫想食咩，搞笑既係連有咩揀都無從得知，完全冇menu。再等左一陣終於識print張menu出黎，不過得一張…佢好似連幾多枱客冇qr code落單都仲未知🙄店長話每樣執d俾我地，一定會俾我地食齊咁多款。咁叫任食咩？隔離枱位爸爸話，咁埋單銀包求其執d錢俾佢得唔得😂最好笑男朋友行左出去同其他食客吹水，人地火鍋料到齊，係冇個鍋，等左好好好耐🙄最尾3枱一齊走人🙄但係已經破壞曬母親節氣氛，仲要臨時臨急walkin去其他餐廳😔完全唔知店長訓醒未。冇qr code賴電腦，冇電腦咪原始d一早print個menu囉，半個鐘前應該要做啦。火鍋我又唔明有咩咁難整，生肉生海鮮放落去，倒d湯就上得枱。災難咁非常失望😪…Read More

好好彩放寬左8人一枱後，即日whatsapp預約晚餐都有位😃餐廳座位唔多，一定一定要book枱！唔係就要排walkin等個半鐘啦。whatsapp訂座時已經feel到店員好有心，超好service🥰預先介紹每日有不同的dinner special，限量菜式可以預留。感覺好過5星期酒店staycation😂今日special有香煎鱸魚配白酒忌廉汁，西班牙慢煮黑毛豬鞍配薯條，燒三文魚頭鮫，醬燒比目魚群邊牛油果卷，同香辣白酒煮蜆扁意粉🍝每款都好吸引，眼闊肚窄唯有預留2樣先。坐左窗口6人位，6個人坐既話稍嫌逼，3個人就好闊落😉一坐低女店員拎個木牌仔黎介紹，態度好nice❤️黑松露忌廉蘑菇湯 $38好creamy又香黑松露味🥣Cider o'clock $484%酒精，啱曬平時唔飲酒既女仔😉不過我朋友話好苦🤔西班牙慢煮黑毛豬鞍配薯條 $248諗住切開易d share，估唔到廚房已經切好一片片好貼心😍豬鞍份量算少，不過肉質慢煮得黎好嫩滑👍薯條脆身好食🍟明太子蟹肉意大利粉 🍝Cream得黎唔會太膩，意粉質地正常，唔會煮得太軟或太硬。左口魚卷😍好鍾意呢個卷物，左口魚微微燒過，油脂出曬黎😋加埋沙律醬同照燒汁好惹味可惜用餐時間限時1小時15分鐘，傾計既話唔太夠。不過位置咁少食物又高質，快d食完俾下一枱客人都好💛希望佢長做長有😘…Read More

星期六係黃店泰然按摩完已經4點，每次按完都食漁場台風有d悶。上網搵到另一間黃店 樸一拉麵，點知中場休息，6點先再營業😢唯有再轉場到人氣極高既一生懸麵💛完全冇諗過4點幾都要排隊，前面有5-6個人，好好彩等左5分鐘已經有位😄近排有期間限定雪糕拉麵😂花生醬雪糕配辛辣湯底，之前睇creamy youtube話好正，大家可以試下🤣海老沾麵 $85 🦐 麵底冇得揀幾多gram，我食完仲係肚餓☹️😂半熟蛋崩左一細忽，蛋味唔算好重。叉燒半肥瘦，微微炙燒過。沾麵湯底好咸，食到中途開始口渴。湯底冇咩特別，唔係蝦湯底，只係面頭加左好多櫻花蝦。撈埋櫻花蝦食口感更豐富👍整體黎講質素唔會令我想黎第二次☹️暫時仲係漁場台風三間分店世一。下次再試埋樸一拉麵先…Read More

屯元天唔知有咩韓國料理，上openrice叫到呢間韓米，經openrice落單，揸車外賣自取時間啱啱好。原來雅都商場入面有個gogo mall food court，餐廳都唔少。埋單差唔多$200，一拎上手已經覺得份量唔夠☹️牛肉拌飯，質素普通，唔夠醬汁撈均食炒粉絲便當，得2-3塊薄豬肉片。年糕煮得好冧，少少煙韌，個甜辣醬麻麻地，唔似平時炒年糕個隻味🤔小食有炸紫菜粉絲卷，同炸餃子。外賣食炸物預左唔好味😂牛肉飯團不過不失，比便當同拌飯更好。好失望既泡菜煎餅😢雖然幾多泡菜，得個辣，煎餅太粉。不推薦。食過咁多間bingo and cook既泡菜煎餅最深刻❤️…Read More

連放4日復活節假期，好想去小島又驚逼餐死。同fd黎呢間moontone就啱曬，當去左長洲😂自從長洲開左長洲角酪，就成為我每次去長洲既必食item🍧一早online book左位，準時去到未full house，walkin客人唔洗等位。所以話去打卡cafe千祈唔好一開業就衝過去，熱潮過左先去會舒服好多☺️聽講以前好難坐到塌塌米，今日去仲有2張冇人坐。真係純粹打卡靚少少，又要除鞋，張枱又矮認真唔方便😢環境幾靚，中間一棵大樹🌲可惜又踩中我既底線，衞生不太好☹️所以冇俾笑哈哈。餐具自助，我拎既時候有個姨姨啱啱拎d新既刀叉出黎refill。已經揀佢洗完再抹完既刀，攞到返自己位先發現另一面有好大舊漬🙄再出去拎過，點知另一個客人都係相同情況。希望清潔方面改善下☹️All day breakfast $118 大份幾抵食，有大啡菇，半個蕃茄，煙肉，一塊煙三文魚，兩條腸仔，炒蛋，多士，硬既薯巢同萬惡既茄汁豆。賣相唔錯，2個女仔share都幾飽。角酪卷蛋💙藍色好靚，味道正常。…Read More