moisellemc's Profile

今晚我地打算去筲箕灣東大街一帶揾野吃~; 係呢度見到有間素食餐廳, 打算到此一試, 點知由屋企步行去東大街, 行咗成條東大街都揾唔到....幸好記得有食客影既相, 係近地鉄店B2出口, 跟住係賣糕點果條小路行入去, 因當時天黑, 果到都幾黑/暗吓...到最後都找到了:); 見佢地門口放咗D外賣既食品, 齋老味, 炒麵等, 又有2餸咁... 見到仲有盒蕃茄炒蛋添喎(呢味放在店外, 真係少見~~若天氣熱會否變壞呢????)我地一行4人, 入去餐廳, 得2枱客3-4人, 當時食飯時間8:00PM, 可能當晚係平日, 冇乜人掛...呢度既款式都幾多選擇, 少油, 幾健康咁, 因為之前去其他齋店, 都係碟野多油多'執'咁, 比較難消化...; 佢地有D套餐幾多選擇架~:), 個價錢比一般素菜館平啊~:)叫咗個2人套餐: 芙蓉炒蛋, + 紅燒鰻魚(我好喜歡吃架~, 呢度好有紫菜味) : 牛肉炒芥蘭因屋企人咳, 不叫酸野, 炸野及辣野:(我地今次點的不算多, 但都吃得好飽呀~, 我地雖然4個人, 叫咗個2人套餐(包2白飯, 湯, 及甜品), 佢地好好人, 俾咗4碗湯呀, 係'赤小豆煲粉葛'湯呀~正呀 , D煲湯既肉都係素肉呢架, 好好味... (hheee, 同我呀媽煲既有得揮啊~)後來仲有甜品, 係南瓜西米露呀, 好味呀, 雖然只得2碗, 但每人吃少許都夠呢~好滿足的一餐啊哈, 原來見小報, 個大廚以前喺灣仔'東方小'奇'園做架...唔怪之得D素菜咁有水準呢下次吃素菜又多個選擇啦; 唔錯唔錯...~~…Read More

成個西灣河, 得呢間又細又管理差既麥當勞, 冇法啦, 打算買個巨無霸外賣餐, 好耐冇吃, 想吃呢間麥當勞已多年, 佢裝修完後都係咁迫, 佢地既買野方法好差, 又唔指示邊條人龍係買野, 又唔指示企埋一邊等攞食物, D人就一大批咁, 又唔排隊, 人又多, 人手又唔夠... ; 得個'亂'字...; 只係外賣1個餐, 就等左好耐........ 那時已是晚上8:45pm左右... 帶住肚餓既心情, 拿外賣番屋企享用... 個'巨無霸'餐啦~:(當打開個包盒, 一貫見到放到材料好亂既巨無霸....., 但冇影響我用膳心情... , 不過, 我當拎起個麭, 就見到D生菜.... 及有粒...棉花與生菜一起.... , 嘩, 幸好我每次吃時, 會揭開個麭塞番D生菜入麭入面, 亦會自已疊好個麭先吃.....今次發現有棉花在內都好吃驚, 檢查成個麭, 先吃....因當時好肚餓了...唯有照吃, , 幸好吃完冇事....但以後吃麭要好小心.....…Read More

呢間　＂大壽司’店係西灣河好出名，　由剛開張到現在，都係我地家庭既飯堂:)，不過每次去親都好驚。。。因為要等開耐位～食咗好多塵先入到去～今次呀哥去咗攞飛先，跟住我地就去完Jusco Shopping完就行落吃，不過去到都要等多8-10mins .....:(；　呢次係佢地裝修後第１次堂食，同埋加咗價添～～。。　加咗價去咗＞＞＞部份食物價錢啦；食物工具換晒啦；還要加多extra 5%service charge!!!!!!入到去，慣咗去洗手，清潔完就施施然去叫東西吃啦～（因街外好多塵！）:(開飯啦，　今次3個人叫咗............２客三文魚壽司三魚文都大塊，不過以前就更厚架，Ｄ飯仲有微温架，現在佢地三文魚壽司都要用’時價’，今晚($21)客；　例牌會叫碟加州卷($30)，佢地整得都好好味，好大卷，會好飽肚呢～～清清地麻～　天婦羅蝦壽司　好好味架，抵吃$20客，Ｄ蝦係熱食及好爽口架，外面用不到呢個價錢吃到呢個質素既天婦羅蝦呢。。　豆腐沙律（$28/small)，清清地，可除同餐油膩食物～　鹽燒三文魚魚頭($48)，大碟抵食（本地叫水撥$38仲抵食，不過賣晒咋）好好味，又有骨膠原及Omega 3麻～！今晚都吃得好飽　食食吓先見到墻上貼咗話逄1-5市，六，日收多5%服務費！！！:(；　真慘。。食物加咗價，又要收多5%，通脹威脅埋身呢…Read More

上次喺open rice 揾食, 順道要出去小西灣, 咁就睇吓呢頭有什麼東西吃啦, 見到呢間野, 食潮州菜, 有D興趣, 咁就1行3人入去吃, 不過地方就真係超細, 環境都幾差, 家庭式經營, 有位小朋友招呼你, 不過佢就成日望住個電視~; 而廚房只有佢既父母(潮州人)呢2位大廚負責啦, 所以會慢工出貨~ 地方只可放4-5張小枱...講番食物, 第1次去, 冇影相, 還記得吃咗: 1. 煎蠔餅(好大碟, 好多蠔及有蠔味!!!) +加碗白飯先吃得完. 2. 糊椒豬肚湯(屋企人喜歡!嘩, 佢地仲話係出面吃不到咁有肚豬味既咸菜豬肚湯喎, 好正好足料架, 同時亦好大碗, 若外賣就價錢一樣, size 就會少好多啦); 3. 招牌菜, 叫咗碟沙爹肉片沙河(又係屋企人好like 呢味, 佢地話出面炒唔到咁款及味道喎~) 4. 叫咗碟炒芥蘭, 不過好細碟又好多油, 貴咗D, 不過好脆...:( [總括嚟講, 都唔錯, 會再光顧的]屋企人對呢間野念念不忘, 加上又係順道入嚟小西灣吃飯, 當然要再次光顧啦....(好趁佢地還未搬麻....)****************************************今次1 行2人, 叫的不算多, 趁時間尚早, 入去吃咗先, 7:30咗右, 冇人, 今次點上次賣晒既煎韮餃, 都幾好味, 其實同出面吃的差不多, 不過好抵, $20碟, 熱騰騰的~吃完都飽咗... 今次叫, 海鮮沙爹炒河..., 今次大碟左呀, 可能上次遲及多人掛... 不過D蝦就梅咗, 墨魚就好爽口呀~ *** 其實用沙爹炒偏咸, 下次可叫佢少咸呢~ 一嘗招牌菜, 蠔仔粥, 好足料, D粥雖然不是綿既粥, 當然係潮州粥啦, 飽肚D, 亦不會像出面吃既蠔仔粥咁揾笨啦~ 唔怪之得咁多人叫啦...叫咗3碟野, 但2人吃得好飽呀~~ .. 用善其間, 陸陸逐逐有人入嚟吃, 都full 架喎, 大部份人叫既同我地差不多...都係呢幾味... 總括嚟講, 佢地既食物係偏咸, 味濃, 不過家庭式嚟講算做得唔錯, 份量有D菜式好大碟呢, 佢地既蠔仔餅就做得唔錯, 送飯一流, 好味過你去外國既馬來西亞既煎蠔餅, 亦都好味道廟街果D.... 可以值得一試的~今次好可惜, 早去到, 咸菜糊椒豬肚未冧, 冇得吃呀.... (友人係專程去吃的....可惜...:()佢地會做埋呢個6月(晚市時段) 之後會結業, 搬去邊仲未知.....若要吃, 會係呢個月再去架呢~:)…Read More

當日選呢間吃日本放題, 一來佢地新開啦, 好似唔係咁迫咁(我都好驚座位太過擠迫); 2來見食評都幾好, 食物質素應該唔錯掛... 最後, booked 咗呢間, 同埋 同條街既'大X' , 結果上咗去呢到啦~ 講講個環境, 成間店成"L" 型, 有3間房, 及大聽位; 而房內就好似'K' 房咁, 一半係個長sofa位, 一半係坐椅, 可坐12人咁, 都幾迫架, 會比較靜D... ; 事前訂位, 同果位姐姐講, 要窗口位同要環境好d既枱, 點之, 當日佢帶我地入去, 直行轉右, 直入, 好入果間房, 入到去, 嘩, 間房再擺咗5張枱, 好迫咁喎, 個窗都拉埋廉, 冇野睇.... :( ; 我地當時入去坐, 已有2對人係到吃緊, 佢地好快就埋單, 呀, 原來呢度係任吃3小時, 唔理你幾點入來的... .; 我地坐到遠離廁所, 因廁所好近門口位, 同埋好迫...) 點野吃, 有8張點餐紙, 見佢D字體梳梳落落咁, 都唔係太多東西點呢... 汽水任飲, 我就冇無, 媽媽點了忌廉... :頭盤, 當然係點d冇咁heavy 既東西吃啦 -- 魚生, 刺生..... 都經鮮喎, 仲有冰係下面架, 保鮮架, 經細心~沙律有幾種, 而田園沙律就幾fresh同埋幾開胃, 我叫了2次呢.. 有海膽手卷, 當然要試啦, 有海膽味, 好鮮 佢地既'焗' 蠔幾好味, 用沙律醬配洋蔥, 火腿粒焗, 好好味, 點了幾輪呢...所有炸物, 不是很好味, D 炸粉好硬 D 羊架, 好un, 好難吃, 牛粒都係咁... 壽司都麻麻, 佢地冇生既scallop, 只有熟的配壽司, 不過, 凍的, 不太好味, 炸蝦壽司隻蝦係凍的, 仲有油益味添.... 一般壽司就普普通通... 佢地有隻叫.. 酸甜蘿蔔乾漬物之類, 係白蘿蔔薄片嚟架, 好好味好開胃, 我地叫了4-5碟呢... 水蟹粥, 少許蟹, 有蝦, 不過梅的, 粥底冇乜味,:( 及烏東, 細細碗, 滑滑的 見到人地吃鹽焗白果, 自己又點, 不過不是太好味, D白果有D 苦啊..:(; 最後, 點生果, 問佢生果有什麼, 佢地就話, 有橙, 西瓜, 楊桃, 就會隨廚師執呢, 不過我堅持要吃西瓜, 係張點紙度寫西瓜, 哈, 師傅就係俾西瓜我地呢, 幾好呢, 旁邊果家人聽到我地咁點, 佢地都係咁點呢, 好好笑呢最後埋單, 佢地會送, 一人一口荔枝雪糕羅米糍呢, 好好味...~整體都唔錯, 3個鍾入面, 都可以點晒大部份食物, 但唔知係咪飲得太多茶, 好肚漲, 好飽, 錯點要嘔住走....…Read More

自從柴灣開了好幾間新食店, 由一個食物沙漠到宜家食店林立及繁榮之際, 經過一輪試吃新店後, 又重回番永利呢間酒樓, 冧住'好耐未來過, 加上好似平過新開既福喜麻' , 就去飲吓茶啦:)星期天, 好多人飲茶, 加上又係吃中午飯繁忙時間1:00, 攞咗飛等咗15分鍾... :(由於像平時飲茶般普通時間, 所以忘記影相....再次來飲茶,發覺佢又'裝修'過呢............ (其實! 一間酒樓若果肯花錢去裝修, 呢間酒樓都會肯改善佢地不足之地方呢...)同屋企人去吃, 一行四人, 叫了6樣點心 + 碟炒野啦~:) 义燒包 -- size大個咗, 似稻香味道:); 义燒腸粉-- 皮不薄, 但依然很滑:);; 炸雲呑 -- 依然好脆 及用大蝦:);: 鷄扎 -- 配料入味, 不道係冇'魚肚'; 馬拉糕, 好味, 係呢道先有傳統既馬拉糕咋~: 新野-- 叫北京蘿蔔大包, 幾好味, 外形好似煎堆咁, 面前好多芝蔴, 內裏有蘿蔔絲, 熱吃好鬆脆; 鮑魚鷄絲炆伊麵, 幾大碟, 幾入味同埋冇乜油咁:)整體嚟講算唔錯, 本來有叫燒賣, 不過佢冇嚟到, cancel 了, 因為太飽啦....; 原因之一係... 佢地嚟點心既速度快咗, 好快就嚟齊點心, 跟住就有炆伊麵, 之前我地試過D野食等好耐同埋係逐碟逐碟咁慢吞吞出嚟囉... services: 佢地收碟快, 加茶都OK，　可能佢地人手多咗，部長多咗呢～還有還有...呢樣gimmick 幾好~ 就係要安在原位叫部長埋單, 佢地會段人頭各送一包 'TEMPO'既紙巾一包~及有嚓嚓優惠咭....呢間酒樓雖然係做街坊生意, 但總算唔錯, 不算太貴, 食物質素唔錯啦, 又有電視看, 個場都好開揚架...集團式嚟講都幾好...:)…Read More

當日去完黃大仙, 再到九龍灣行吓同埋找東西吃啦~行行吓就見到呢間叫上海婆婆店, 見到都有人坐喺入面, 再轉頭去番呢間試吓啦~~一行3人, 6:45PM 入去, 當時sofa seats都full咗, 算. 坐中間位; 環境比較暗, 牆上的bb 樣, '好恐怖"! 見時間倘早, 都咁多人吃野, 此店應該幾好吃掛~幾一輪商議, 就叫咗:1. 麻辣粉皮; -- 份量少; 有少量麻辣味, 不辣// 普通.2. 小籠包; -- 皮薄, 幾好味(一籠四件) // 好吃.3. 素菜包; -- 外面好少吃到, OK, 個包皮好軟// 好吃.4. 紅油抄手; -- 普通, 蒜味少, 用餛飩皮包的. 5. 婆婆担担麵; -- 個碗好大, 係有花生醬味, 味道係四川担担麵, 最欣賞佢個麵底, 係正宗担担麵, 唔似得外面所胃既担担麵好捻果種, 好捻果種麵就令人越吃越濟胃同埋最差係好易發漲!!~~! // 呢個担担麵好吃..---- (再叫);6. 芽菜鱔糊; 佢地話正!! 因外面吃到既同等價錢, 份量既少, 不過佢地話, 呢度既鱔,真係黃鱔, 同埋份量都幾多,(我只吃芽菜..~~) 7. 黑醋排骨; 好濃味既黑醋味, 排骨偏咸, 麻麻啦8. 2碗白飯. -- 個碗已細, 佢仲添到個碗既水平線, 仲有D 白飯好硬呀!!!!! 佢地要改善吓啦..果碗飯仔都$8.一碗呢!!!! (因不想叫炒飯, 好多油, 同埋好飽了~~)* 由於掛住吃野, 忘記拍照....* 食食吓, 7: 15pm左右, 已聽到外面好多人等位及叫飛啦~*吃得很飽, D茶都幾好飲.; 個'打包' 既合係微波用既圓包來的, 好細少好cutie 呢~…Read More

我吃過既蛋糕店, 都覺得呢間既紙包蛋糕係,最好吃 = 不太甜, 有蛋味, 外形大, 最緊要係鬆軟!!!!! 價錢仲要係$3.0 (已加咗價,之前係賣$2.50啫~) ; 佢係我既早餐首選!另外, 佢既蛋撻都OK 架~:)…Read More

今次係我第1次選擇sunday lunch buffet, 之前冇吃過因Sunday通常都係睡得晏,或者去飲茶啦麻, 飲得多都嘔, 見爸爸今個sunday 有假,所以就叫埋呀哥請爸媽一起去吃個Lunch buffet, 見地點都Ok 方便(其實最緊要係個地點方便!!因要早上乘車而又不用走遠路麻....2來呢間應該係前大華既酒店, 之前就去過佢既neway 唱K, 之後就俾novotel 收購再裝修啦, 幾新既裝修就帶父母來見識及品嚐吓lunch buffet 啦...~):)* 澄清: 因剛起身, 未開胃, 所以今次就對食物冇乜要求~ 但求帶父母舒服D,去吃吓其他野~*我地一行4人, request 近food area, sofa seat, 'BUT', 千祈千祈唔好ORDER全都SOFA SEATS, 佢地個SOFA SEAT DESIGN 好STUPID! 及對於四位客人每次出去帶食物都要起身讓對方出入時, 就知佢個設計十分不便, 最好就2位座sofa, 2位座椅子就算~~!!!!!!!由於冇吉枱, 吉既枱就係呢全4位sofa 設計位....算~! 只不過辛苦2老啫!!!!:(食物款式真不多, $100多元既價錢, 相信差不多, 但都好多人吓喎~~1) 刺身部:３款：　三文魚，蟹柳，條魚（唔知什麼魚～）２）前菜：東南亞式：泰式粉絲，麻醬豆腐等:(３）沙律：　菜，蘿白絲，紅腰豆，粟米等，都幾多配料（一般酒店如此～:)）４）生果：　款不多，只有西瓜，不甜:(，哈密瓜，整個蘋果。５）海鮮：　蝦（我吃果２隻勁多沙！！！）青口６）ＳＵＳＨＩ：　５－６款，隱陣都係吃加州卷，或三文魚刺身，因佢既飯就實咗ｄ～７）川菜及越式小吃：义燒粉皮及札肉小檬粉。。。８）麵包部９）中西湯：西湯味濃及甜，伴意粉ｏｋ～１０）粥：　好搶手，　父母吃了２大碗，但我就遲咗試，冇晒啦１１）豬腳彊及一律５－６款小菜熱食＋咖哩系列。１２）意粉：　師傅即炒及牛扒（不過我覺得很生，吃咗一半）:(１３）另一邊：甜品部：　佢既無花果蓮子糖水幾受歡迎，幾潤喎:)－甜點以蛋糕為主，亦有ｐｕｄｄｉｎｇ，啫哩及老婆餅，雀Ｘ雪糕。。。１４）門口放咗２枝果汁，因要收錢的，冇人囉～１５）１點後，見到有咖啡，茶，大量檸檬，熱水供應～（不過咖啡好淡味）＊總括而言，食物種類一般，味道一般啦～；員工友善，開頭收碟加水快，後來就冇人理，最後都照顧番～:)＊我地係最遲走架，因呀哥成１：３０ｐｍ先到，淨係等佢吃就耐啦，不過佢地就冇趕著走，只係話２：３０問我地仲出唔出去攞野食，因佢地要收拾東西～（唉！吃到咁遲都係第１次）＊父母話幾多野吃。。（我就覺得好一般，不過不失～）＊呀！題外話：餐廳門口個ＰＲ　ｓｔａｆｆ個女仔好似係無綫既演員來的，幾ｎｉｃｅ佢仲俾張意見書我地填添～～冇乜興趣影食物照，只影人物相～…Read More