annvnna's Profile

來過這裡好多次，老板員工服務態度越來越需要改善，食物價錢在土瓜灣區不算平，一份三文治三十幾蚊，一杯咖啡成50蚊，食既係小店温情，但係入到去完全不是這回事，一坐低就催你去落單，當你去落單又叫你等陣，其實我落單冇催過佢，佢可以搞掂手上既野先幫我落單，不用咁晦氣叫我等，搞不清楚我是去了茶記還是cafe…Read More

家人生日先食飯，諗住帶老人家食好啲，因為貪佢位置坐得舒服，茶式精緻。我地點了幾味餸，由於我唔係屬於相機食先既人，所以我冇影相，但係想講，影出黎既一定係好靚。我叫左荔枝蕃茄仔和皮蛋小食，每碟48蚊，但份量好少，皮蛋其實等如普通皮蛋酸姜，只係上盤較為精緻。另外點了酸菜魚，咕嚕肉，叉燒牛，冰糖攬角肉排和菠蘿炒飯。。想重申一次，呢幾碟餸上枱真係好靚好精緻，味道也不太差，但唔算係非常好食，例如，酸菜魚味道普通，唔係太特別，收98蚊，不過不失。叉燒牛係叉燒味既牛肉，老實講其實不太夾，而且牛肉好多根，老人家跟本咬唔開，肉排多骨小肉，味道ok既，但老人家咬唔到，所以我地先再叫多碟咕嚕肉，全晚最好食既就係呢碟咕嚕肉，好采有嗌呢味餸，否則全晚就冇亮點了。至於菠蘿炒飯沒有菠蘿，似乎係菠蘿炒飯既通病，而且𥚃面只得一兩隻蝦，冇乜料，但上枱就搞好多花神，影相打咭係一流既。最後，我地仲點了一碟上湯浸菜，普普通通菜一碟啦。總結係，呢間聚聚適合一班後生黎打咭，唔太適合同老人家黎，怪唔之個名叫gathering🤣🤣爭啲忘了講，我夜晚返到屋企成晚好頸渴，飲好多水都唔得，證明佢地落好多味精🙄🙄…Read More

黑糖沙冰底芋圓仙草，冰粒有點大，若果冰點做到沙冰咁細會好好多，冰粒未溶是，面層的仙草和芋圓會唔夠凍，等冰粒溶多左就好好味。奶茶底芋圓紅豆仙草就好好味，用茶底幾特別，係出面未試過。要提示一下，呢間店不收現金，第一次出街食野鋪頭不收現金…Read More

入枱安排混亂，book 5:15，係門口排左30分鐘先入到，QR落單一小時都冇野食，漏單程度同完全無落單一樣，自助區可以空哂架乜都冇，雪櫃用黎擺既。我地左B餐有海膽任食，但係佢話海膽賣哂，咁就唔好要我地食B餐啦，好過份。鄰座枱客聽見我地咁講，即時有反應，係到同鬧冇海膽又要唔早出聲，加了錢食B餐，仲要落極order都冇野食，我見佢地成枱汽水，應該飲汽水飽了。食飯嗰晚見有客人連自帶蛋糕都唔見埋，咁都得？我覺得呢間野似係想準備執笠，而家掠得幾多得幾多。總之呢間千其唔好去openrice評分最少要比一星，如果我比，我會比「零」…Read More

今日路過隨便進入這間餐廳，點了兩個普通韓國餐廳都唔會整得唔好食既菜，就是紫菜包飯和雞肉石鍋飯，一坐低侍應放低前菜，賣相一般，但味道更一般，好少餐廳前菜唔好食，這個一吃便估到黎緊兩道菜都唔會太好。之後來的石鍋飯和紫菜包飯，賣相不差，但兩個都冇乜味，食到一半已經唔想再食，沒有下次。…Read More

和朋友慶生辰，叫了一份牛扒和二人海鮮盤，牛扒煎得好香好林，值得推介。而二人海鮮盤若當主菜食的話，二人應該不夠飽，而且個汁比較濃，食唔出海鮮鮮味，但若用黎點墊碟的粟米就覺得好好食。整體計，食物係ok的，但不推介海鮮併盤。…Read More

管理不善，一個亂字，行到埋去冇人話你知堂食要攞票，以為大排檔就咁企係到等，點知要攞票。坐低左，叫極都唔係寫野，最終催左幾次齊。以上管理不善都唔緊要，如果食物好食都冇所謂，但係朱扒又鞋又油淋淋，凍飲啲冰就咁開蓋放係到，職員又落單又執枱，就咁用手申入去冰筒取冰，好唔衛生。一句講哂，真係冇下次。…Read More

已經去過呢間第3次，食物質素保持水準，可惜份量越來越少，叫左一碟豬肉138，得6片，一碟牛肉2百幾，得8片。。。其他手打丸非常彈牙，值得推介。。另外手包餃子好普通，同普通雲吞冇乜分別。。…Read More

呢間聽左好耐，只知以前要排隊食。。而家openrice可訂位，好方便。。。訂完睇食評，有人話待應態度好差，我尋晚食完又唔係喎，啲待應都幾好笑容。講番食物，我地三個人，只點左一碟牛，一碟護心豬肉同一個韓式煎餅，其實食完都夠，不過小朋友話豬肉好好食，我地就叫多一份護心豬肉，埋單要7百幾，其實都好貴下。。不過食物確實幾好食，係價錢貴左啲。。仲有，尋日去可能唔太多人，我地燒左2小時才埋單，埋完單去埋厠所先走都冇趕。。都好，仲驚要食個半小時趕頭趕命就唔好了。…Read More

原本想去隔離食米線，見佢呢到下午茶有肉燥飲同燒牛肉飯，就入黎試下，味道好ok，飯又夠熱，無諗過下午茶賣相仲咁靚。下午茶價錢又唔貴，30幾蚊一個餐兼有小食和飲品，抵食，下次都會再黎。。。…Read More

用wechat下單，減省使用紙張，值得一讚。訂座優惠條款規範太多，又要落訂金，又要早一日前與員工確認優惠才可使用，未試過訂座食餐飯要睇咁多字，又唔係团購，何必做到咁？係咪其實就係博啲客冇睇清楚條款就慳番唔比。。地方坐得都算舒服唔算迫，但餐廳樓底低，同枱傾計好似鬧交咁。…Read More