心太硬's Profile

第一次幫襯估唔到食物咁差，仲可以有幾間分店原本冇諗住寫食評食到一半才影相留念連飲品都差利賓納檸檬梳打冇利賓納味，送到來時只有好少利賓納已心知不妙三色冰，綠豆黐到一舊舊，紅豆有幾粒偏硬蝦餅-超薄片冇彈性冇咬口，我以為食緊魚片無骨鳳爪-第一次見深色，隔離幾嚿炸魚柳灰灰黑黑，偏乾，似返炸蝦餅同鳳爪等得超耐，食完碟飯飲完嘢才送來，我仲以為冇落單唯一讚係門口女職員，不停招呼客人，一人做幾個職位蝦餅三色冰利賓納檸檬梳打鳳爪炸魚柳…Read More

仲以為只有我覺得服務態度有問題原來呢度好多人都領教過午飯繁忙時間剛過，一人食飯見有位想行去坐低我示意是否可以自己求其坐低，又無人應我，只眼望望埋到枱邊想坐低，餐牌都未睇，職員先叫出來（收銀）落單先小…..第一次來食，你估個個知你餐廳規矩咩？問你又唔應你又裝修到好似普通餐廳咁，原來要客人出嚟收銀櫃落單比錢先仲要叫檸檬茶又唔會有羹或者棍俾你，但見幾片檸檬係完整，原來而家飲檸檬茶係唔使篤檸檬食物可以，但服務態度就……..接受到可以幫襯…Read More

早排（忘記中秋節或農曆新年左右）睇電視介紹呢間餅店傳統食品。我就即上黎睇吓大家的食評是否相符，見多人推介雞仔餅。我晚上7:30左右買，仲係微暖，忍唔住即食一件，超正，果然真係好、好、好食，外脆內軟，煙韌，有咬口，喊甜適中。好彩我買咗一磅，可以慢慢嘆😋 難得來到，買埋叉燒酥和蛋散。但最愛都係雞仔餅🤤🤤🤤 隔咗一日食，都仲外脆內煙韌相中雞仔餅已食咗2日才記得影相分享，蛋散就未開。一定會再去買來食成為我去深水埗必去店之一！雞仔餅一磅$50叉燒酥$20/4件蛋散$30包…Read More

今日早啲食，避開食飯繁忙時間。所以一入到店內已經有最後一張卡位。一坐低，未叫食物，已有職員送上一杯鴛鴦味道的雪糕給同行的小朋友，大家超驚喜又開心🥳麵包好軟綿綿，不似其他店的漢堡飽，並只切開大半，不是2片，食起來中間的餡料不會移位，好方便。薯條好好味🤤夠粗壯，外脆內軟，夠味道（算多鹽）超多人推薦的開心果奶昔，我略嫌太甜，我自己飲一杯飲唔晒，投降啦呢度最正就係店內有部洗手機，可以用餐前及後都方便大家洗手！同行飯腳話呢間好食過Five guys…Read More

提早慶祝父親節雖然成日經過呢間飯店，知佢老字號我都係第一次來食，預早電話訂座，訂20:00，約19:40到，人唔算多，約7成客，被安排坐樓上雅座，後面2張細枱無人坐，環境光猛算乾淨，如果坐滿客就會迫及好嘈，因樓低矮唔覺唔覺點了9個菜，好彩唔大碟，大家都食得曬雞，羅漢齋，蒸魚可以留低其他…….試過就算👍🏻鹽焗雞入味，唔太肥👍🏻蒸魚，新鮮，豉油汁好味😋👍🏻羅漢齋，家人推薦👍🏻炸豆腐，家人推薦，但唔係我口味，我鍾意酒樓椒鹽豆腐粒多啲👍🏻炒通菜，不過不失😣炸大腸唔香唔脆，都係街邊店好食😣京都骨，咁啱我夾到舊肥肉⋯⋯😣中式牛柳，無口感，太冧，家人話梳打粉醃過龍😣煲仔蠔，蠔細隻，我仲以為磨菇食後係度睇到其他評語，話東江服務差，好彩我地無遇到，有2位職員（叔叔同姨姨）都好主動同我哋傾計，叔叔仲介紹菜式比我地，服務態度好滿意，仲話下次要再來食餸連1支啤酒5罐汽水盛惠$15xx…Read More

到佐敦搵食亂行，無意中行過這小店，被門口貼滿小菜的相片吸引，價錢實惠，款式又多，店內光猛整潔，又有位，即沖入去試吓先。服務員態度友善，主動奉上熱水，並提醒是非清水，已加入檸檬！西蘭花牛仔粒 $108味道可以，但牛柳粒算少，相中攤開已是一整碟份量，牛不韌，花爽脆魷魚鬚 $78外面的脆醬與平時食開的不一樣，呢度薄身的，佢配上特製醬汁，酸甜美味煲仔飯 $68可能有雞件，飯內多碎骨，但有飯焦食，好香口，有咬口…Read More

第一次食呢頭好多唔同食店，有好幾間都係食泰國菜，求其就揀咗呢間可能過咗食飯時間，人客唔算多，即刻有位坐，仲要卡位，尚算舒服，但中間大枱有點逼夾落單姨姨勁友善，主動介紹我哋食海南雞飯，話佢哋好出名，多人點食；及有追加小食，我哋怕食唔晒，猶豫應否追加，佢提我哋可食完餐才加單都可以👍🏻👍🏻最後我哋都無加，餐份量正常我見佢同隔籬枱落單，人哋四個人點兩個餐，另加兩杯飲品，佢都提醒客人，另外兩杯飲品收正價要20幾蚊一杯，可考慮食個餐😅以小店服務來講都算唔錯，唔會黑口黑面或十問九唔應影漏咗一個餐😅…Read More

本人實在太嬲啦！係呢度見到呢間餐廳食評唔錯，價錢合理，一心致電訂位同朋友慶祝生日，電話由男職員接聽，語氣已不太友善，粗聲粗氣，但我明白到這間並非咩高級餐廳，不可要求太多！因本人第一次光顧此餐廳，訂位時只係問多句︰我會同朋友慶祝生日，會唔會有..........他已即時截停並回應我︰無special offer喎！嘩.......我都未講完，我依家要求你送禮俾我咩？知唔知咩叫禮貌？叻唔切！就算你d食物幾好味都無用，咁既服務態度本人慶到要即刻係度 開戶口寫第一個寫評…Read More