firzen2046的个人专页

星期日下午2點黎到見到餐廳內都有唔少人，而且門口掛住米芝蓮推薦，甘相信唔會伏得去邊！一入門口已經聞到充滿香料味，真係急不及待想落單。馬莎拉羊呢個既醬會比較濃味，同埋食到有好少好少辣，但濃得嚟同羊肉都幾夾，因為本身羊肉都係重味既食物！椰奶咖喱蝦雖然見到外觀同上一個菜式差唔多都係好多醬，不過正如顏色所見係好唔一樣味道。呢個醬無馬莎拉甘濃，反而充滿椰奶既香味同埋甜味，咖喱唔會辣所以唔會搶左蝦既味道。我鐘意叫幾碟naan去玩埋啲醬一齊食，推薦大家一定要叫！香草滑燒雞上面碟碟都甘多醬汁既，當然想叫返啲干身少少既菜式，呢個燒雞份量都幾多，而且雞件大大舊食落啖啖肉！面頭個啲係香草碎，所以食落好滋味，仲有兩個醬跟配，如果點綠色呢個薄荷醬會有好清新既感覺。成餐最驚喜係印度既奶昔原來同平時個啲好唔一樣，而且仲見到有咸既奶昔！作為一個勇於嘗試既人梗係要試下，食落感覺似原咪YOGA加左盐，不過就濃左啲；至於芒果奶昔口感都係似YOGA，味道就正常發揮啦。…查看更多

落車行到嚟個門口見到大門冇開，撳咗一下就有人嚟開門呀！原來道門好型㗎，打開門就會變咗清光玻璃，關上門就變左磨砂玻璃！入到餐廳入面，首先見到一盞好大好華麗嘅水晶燈；再見到佢哋水吧嗰個櫃放左好多酒，加埋間暗黃燈光照射，即刻充滿左法式嘅情調！望到佢哋個Menu有好多個套餐選擇，亦都可以自己散叫！我就叫左個六道菜套餐$688（+10%）1. 法式濃湯-海解忌廉濃湯湯入邊有好多唔同嘅海鮮料，忌廉濃湯好滑；而且仲配埋一塊蒜蓉包，塊包焗到好脆好香！2.法式前菜-鯛魚刺身刺身味道有好清甜嘅感覺，一啲腥味都無！3.法式多士-金箔魚子醬多士呢個簡直係分量十足啊！你睇吓個魚子醬多到…仲有啲金箔喺面，簡直既豪氣又華麗！4.輕食-法式傳統鵝肝撻呢個撻可以講係最令我驚艷嘅一道菜，撻皮酥脆，蛋味香濃，鵝肝creamy!5主菜-慢煮西班牙黑毛鞍配焦糖蘋果豬鞍好香好嫩，肉質彈牙唔會鞋，配上焦糖蘋果有好清新嘅感覺，食口肉再食酸甜嘅蘋果解膩！6.甜品-Tiramisu濃郁芝士奶香味配上一層可可粉，口感細膩飽滿！單點1.蟹餅擺盤精緻，蝦餅表面好脆，內裏餡料足，蟹味濃且鮮！2.黑松露忌廉半熟帶子薏米飯帶子大大粒且嫩滑，而每一粒飯都被黑松露同忌廉汁包裏，薏米飯口感彈牙，有少少似硬身啲嘅芋絲，好特別！Sexy on the beach & Cinderella兩杯cocktails都係甜甜哋，充滿果香味，又好似置身係一個糖果樂園，飲完令人心情好開朗！…查看更多

今晚約咗朋友系元朗飲野，友人介紹了呢間芝加哥串燒酒場 ，可以一邊食串燒，一邊飲野傾計，呢間是一間清吧，比較優靜，裝修都幾靚幾Chill，特別吧枱嗰度好靚，啱晒我哋去打卡！。呢度既串燒款式都有好多樣，而且價錢真系好大眾化，系柑中高檔的環境下，竟然有低至10幾蚊的申燒，性價比真心好高。特別推介以下幾款︰炸拉斯水牛芝士條炸拉斯水牛芝士條嘅芝士味好濃郁，記得一定要趁熱食，如果凍咗嘅話就會少咗拉絲嘅感覺啦！原隻魷魚串魷魚香味十足，好有口感和鮮味。芝士柳葉蟹棒芝士鋪滿住蟹棒，啖啖芝士加蟹柳肉~宮崎去骨雞腿去曬骨，好脆口既皮，咬落去啖啖肉，好正~香蔥燒半殼扇貝燒完仲有少少湯汁，一啖飲落去好夠鮮味，而且個扇貝仲好嫩！…查看更多