strawberry1001's Profile

難得記得今日係拍拖紀念日，又係星期日，往年我地都係食d平平地既buffet就算，不過今年唔知點解咁豪氣，一生人要豪一次咁，走左去，識左廿幾年，但係入都唔敢入去食既半島酒店食飯，希望唔係一生人唯一既一次啦.....由於無一早預備，所以係等到嗰日既朝早先打黎book位，第一次打去，話今晚full晒，本身好失望架，唯有打多次去，問佢可唔可以去到等下有無人無到啦，點知今次佢話有位，不過得番9點半，是但啦，照殺，到中午左右，佢又打黎話今日有人cancel左，問我地可以幾點去，嘩，發達，最後我地都confirm左7點半到......坐底睇左一陣menu，之前無睇過係有咩特別推介，所以我地叫左個Gooseliver - $240.00 同 Salad Chesa - $140.00，呢兩款都係一般，唔算差既跟住我地叫左Mushroom Consomm - $110.00 同 Barley Soup - $120.00，個人一時無乜特別發覺有咩分別，但係佢一上之後，覺得兩款都好特別，真係同出面既唔同，我地再後加兩杯GL Clarendelle - $230.00，真係特然間變左上等人咁....再黎主盤 Cheese Fondue - $190.00，主要係芝士同麵包，若果食得晒既話，我諗我地會好飽食完之後，跟住就上 Rack Of Lamb - $330.00，之前食開，就算好特別既餐廳，都好小可以整到無蘇味，但係呢到唔同，無蘇味之餘，d肉仲好好味，真係好正雖然今日唔係生日，但係見到好多人都會叫呢個 Chalet Suisse - $135.00，我地又問過佢， 係咪寫咩字都得，佢話係，所以我地就叫左一個，加happy anniversary 2010，今年真係超級特別同開心....…Read More

好多人都認為愉景灣通常都係一對情侣慶祝紀念日先會黎食飯既地方，但係我地今次一行8日，全部都未試過特登入黎飯既朋友，為的是希望同朋友慶祝生日，可以每次都一大班人，去一些大家都未去過既地方品嚐一下各地美食.....揾好野食，梗係上openrice架啦，比揾到呢間好多人都讚，咪去試下囉，早在一個月前已經訂左位，但係當時天氣仲涼，所以就訂左室外，貪佢可以睇煙花，但係到出發前早兩日，發覺夏天已經到啦，諗住改番去室內，先發現原來佢地二樓都可以望到煙花，但係可惜已經full晒！準時7點去到門口，因為係世界杯期間，好多住係愉景灣既外國人，都會出黎一齊睇波，所以好熱鬧，不過我地去到發覺，就算坐地下既室內，都係無乜冷氣，因為佢既設計算係open！可能愉景灣都自係一個多外國人住既地方，呢間餐廳，比我印象就係，看似識講中文既華藉人仕，原來剩係識講英文，看似只懂英文既外國人，原來識講中文架喎！由於有個唔識中文既華藉人仕，係我地隔離等我地叫野食，而我地之前又無做功課，用英文問佢有咩好介紹，佢竟然話"no".....我地唯有自己再睇下啦，睇左好多menu，最後叫左下面幾個餸！1. ZAKS Nochos ($90.00)2. NZ Mussels In Alio-Olio Pepperocino ($95.00)3. Smoked Salmon Salad ($95.00)4. Roasted Spring Chicken (Whole) ($130.00)5. Grilled Baby Back Ribs $250.006. Spaghetti Bolognaise ($95.00)7. Fettucini Carbonara ($105.00)8. #9 ZAKS House Special ($100.00)9. Stella x 2 ($45.00 x 2 =$90.00)10. Chocolate Pudding ($55.00)由於openrice只可上傳8張相，仲有Zaks nochos 同 spaghetti bolognaise都上傳唔到！柬幾個黎介紹下先;ZAKS Nochos 好似牛仔片咁，但係佢配埋d芝士醬汁，又有另一個味道Roasted Spring Chicken 隻雞燒得好靚，入口又爽Grilled Baby Back Ribs 係我食過咁多間最好食既人間，好入味，真係值定推介NZ Mussels In Alio-Olio Pepperocino呢個就普普通通，唔係太入到味#9 ZAKS House Special個pizza好正，我不嬲都覺得，pizza永遠都係得pizza hut味，但係黎到呢到，食落真係有d外個feel...最後我地因為有自己帶cake去，所以本身無叫到 "心太軟", 但係因為佢知我地有朋友生日，所以另外囉多個黎（不過後尾睇番，原來唔係送既）無所謂啦，朋友就個晚達成左想一得二既夢想啦！個識講中文既外國人，幫我地點蠟蠋時，仲同我地講笑！其實基本上，以上10項都好好味，係出附意料中咁好味，好多時認為係愉景灣食野，都唔方平同埋大份，我地8個人，叫左骨同雞都驚唔夠飽，但係呢餐實在令大家都好滿意，埋單7個人比8個人錢，每人都係$200總結黎講，人多食呢間，價錢真係底好多，因為好似Roasted Spring Chicken咁，半份都要$85，而一份只需$130，人多又唔怕食唔晒！下次有機會，真係要同另一半黎試下呢到浪漫既環境，不過我下次一定要坐二樓！…Read More

勞工假期既關係, 同朋友帶埋狗狗一齊入去南丫島玩番一日, 行到6點幾, 本身無食埋飯既打算, 但係出番去又驚好攰, 所以就留係到食番餐好既....本身想去碼頭附近兩間海鮮檔, 可惜滿座, 唯有走入少少, 去到呢間, 又有seaview, 可以同狗狗一齊坐出面, 決定一試叫左個4~6人餐...紅燒乳鴿兩隻 - 味道ok, 無諗過係呢到, 都會有乳鴿食到白灼蝦 - d蝦都好食喎, 夠新鮮清蒸游水海鮮 - 今日係家鄉油菜 - 好大碟既菜心, 新鮮紅燒豆腐 - 都係好大碟, 味道唔錯豉汁炒蟶子 - 好新鮮, 又夠大碟唔知係咪之前食過都唔係太好食, 定還是呢到真係....比預期中好, 因為開初諗住, 價錢唔貴, 會唔會無碼頭個d咁好新鮮呢, d野食, 會唔會好少呢, 不過係完全出付意料之外, 個人覺得, 個seaview仲好過碼頭個邊, 有機會入黎, 一定會再幫襯…Read More