snowannie78's Profile

7點前落單，落單之後等左半粒鐘先嚟第一個小食：名古屋風味雞翼（$62）雞翼似乎無醃過/醃得唔入味，食落無乜鹹味，得少少甜味，好奇怪，呢個價錢可以話係搶錢！然後上第二個小食：薄切蔥花鹽燒牛舌（$79）牛舌完全唔覺有燒過，懷疑只係隨便攞煎pan煎過下，然後灑啲鹽同擺蔥花，又係搶錢之作🙄之後再等多20分鐘（落單後等咗50分鐘🤯），終於上主食：味增北海道十勝產豚肉丼（$112）簡單嚟講就係現成味噌煮豚肉，質地同煲湯豬展差唔多，唯一可取之處係啲肉都算多，夠塞飽你，但係你諗下係煲湯豬展🫣個人認為浪費咗食材。最後係：黑豚生薑燒定食（$184）一睇已經嚇一嚇😵‍💫 我未食過豚肉生薑燒係咁煮法，而且完全見唔到生薑，只係見到一粒粒疑似用嚟沖飲品嘅調味薑粒，真係好shocked 🤯🤯🤯 食落肉質都係煲湯豬展，味道令人非常失望。四個字：不知所謂！！！最後係難食到食唔完啲嘢，埋單加一後$480，簡直係搶錢！！！歡迎大家試伏☺️…Read More

晚餐叫咗明太子蛋包意粉($96)，加$28跟餐配涼菜同埋熱嘅紫薯牛奶。明太子蛋包意粉嚟到賣相幾唔錯，但係食落中伏！隻蛋同埋意粉係完全無味道，應該係無落到鹽。同waitress反映，佢完全無表示，最後唯有問佢攞樽鹽同黑椒自己加返落去，先叫勉強食得落😅😅😅 另外值得留意嘅係呢碟意粉落嘅明太子份量比起其他西餐廳少好多（其實由顏色已經睇得出），所以食落真係無乜明太子嘅味道，唔講真係唔知原來呢碟係明太子意粉……大佬講緊成百蚊一個意粉，咁嘅質素真係你食埋我嗰份😑😑😑 無下次！…Read More

等位等咗好耐終於入到去，叫咗牛肉壽喜燒同埋一碗五穀飯。個壽喜燒一望就知overcooked，撈蛋食諗住會滑啲，點知隻蛋都幾腥下，然後個壽喜燒汁又太甜，牛肉又鞋，夾埋真係好唔掂......所以唯有直接倒咗啲蛋入個鍋度，不過都無咩用，好彩有叫飯，唔係真係甜死。埋單嗰陣想飲多杯茶先走，好有禮貌咁同個有鄉音嘅服務員講咗2次唔該可唔可以加啲茶，結果佢幫其他台嘅人加，就係唔幫我加。然後佢走過嚟同我講用餐時間個半鐘要我離開，但係我明明食咗1粒鐘都未夠，真係離晒譜🙄🙄🙄…Read More

Lunchtime嚟食咗個網燒牛肉定食，啲網燒牛肉係平時打邊爐嘅肥牛，因為淋咗太多醬汁搞到太鹹，end up鹹到唔夠飯送😵😵 最唔ok其實係個環境，一行入去已經煙霧彌漫，勁大陣油煙味，食完個lunch行出嚟全身都係油煙味，陣味keep咗成日🤢🤢…Read More

因為呢度嘅lunch set可以加生蠔，所以特登嚟試下。End up係得生蠔ok，其他嘢食真係好麻麻🥲🥲性價比太低啦！而且Lunchtime只係得1個waitress serve全部客人，無乜服務可言🤷🏻‍♀️🤷🏻‍♀️生蠔嘅味道係ok嘅，不過size細咗啲碗湯份量好少，麵包太淋我唔識欣賞，只係食咗半塊牛扒味道一般、有筋，個source好鹹，配菜係蘿蔔、椰菜同薯仔粒，蘿蔔太生甜品都ok嘅，因為主要材料係香蕉，不過份量又係好少…Read More

成日經過呢間店都聞到好香嘅烤雞味，所以今次打算試下，takeaway咗半隻雞加個湯同焗薯角。湯同薯角味道都幾唔錯，特別係薯角，烤得恰到好處，而且香草好入味，係值得買嘅。不過身為主角嘅烤雞真係難食到令人極度失望，嗰半隻烤雞完全係烤過龍，食落又乾又鞋又無味。為咗唔好浪費食物，我唯一諗到嘅方法就係撕d雞肉落嚟放入個湯度一齊食，不過最後因為太難食嘅關係我都係食唔晒，食完呢次之後我絕對唔好再去呢間店買烤雞！…Read More

同屋企人嚟食晚飯，總結係服務唔錯，但係嚟呢度食cake算啦，其他嘢唔使晒錢試。炸魷魚拼洋蔥圈：味道正常日本南瓜海鮮忌廉意式燴飯：完全食唔到南瓜味，好淡，海鮮得嗰幾舊蒜香帆立貝煙肉意粉：意粉同帆立貝都係無咩味，要自己另外落鹽先食得落風乾火腿黑松露忌廉意粉：只有黑松露嘅香味，但係飯又係無乜味，要同風乾火腿食先勉強食得落日式南瓜菠菜忌廉意粉：媽咪之前食過覺得好好食所以今次特登再order，結果非常失望，因為同南瓜飯一樣都係無南瓜味，好淡，同佢上次食嘅差好遠豬仔骨：因為有醬所以味道終於正常返，係成晚唯一ok嘅主食Lemon Cheese Tart：推薦👍🏼檸檬好開胃，好食！赤肉蜜瓜北海道煉乳慕斯蛋糕：蜜瓜好refreshing，好creamy，幾唔錯士多啤梨芒果蛋糕：士多啤梨同芒果都酸，麻麻哋日式紫蕃薯蛋糕：紫薯味道一般般埋單6百幾蚊，真係完全唔值呢個價錢，下次齋買cake算🤷🏻‍♀️…Read More

見近排好多人推介，夜晚食完飯同fd特登嚟試下，因為我哋都好鍾意食芋圓。排隊排咗20分鐘，先落單俾錢後入座。我哋分別叫咗雙芋鮮奶凍加薏仁同埋芋圓紅豆湯。呢碗雙芋仙草奶凍加薏仁（$49） — 首先份量問題，賣相唔差以為好多好滿，其實個碗比較細，更驚訝既係下面仲墊咗層冰，d冰完全無味道，「糖水」都唔甜無味道，感覺店家無誠意又唔老實。芋圓口感ok，得果幾粒尤顯珍貴，不過無乜香味囉。芋泥同珍珠味道正常。d仙草本身味道唔差，但份量太少（因為下面有一大舊都係冰）而「糖水」無味，順帶一提個奶都係無味，變左清水浸仙草... 再加埋d水汪汪既薏仁，講真$49你食埋我嗰份。呢碗芋圓紅豆湯裡面有芋圓+小丸子+珍珠，d珍珠同小丸子咬落都係淋嘅，一d都唔煙韌，小丸子真係好難食，好似食緊麵粉漿咁，咬咗一粒即刻吐咗出嚟，食唔落🤢 我碗嘢得3種料，2種都係難食嘅，即係我齋食芋圓加d好稀嘅紅豆湯就$45，都係嗰句，你食埋我嗰份。總括而言，我明白喺尖沙咀區店家既價錢唔能夠同台灣比，但味道做唔好，份量方面又取巧搵笨，真係非常唔推薦，唔會再幫襯。…Read More