Chelsea723的個人專頁

今年嘅四、五月似乎比起過往都凉爽，令人心情亦更輕快舒暢，想搵啲chill啲嘅餐廳享受weekend。早排搵左個weekend夜晚，相約好耐冇見嘅best friend到大角咀Cobalt食飯，catch up下近況。入座隨即已經被溫暖嘅藍色包圍，見到鄰座三五知己同埋狗狗一齊食飯，對呢到嘅印象即刻加分 前菜我地揀左「土匪枝豆」，平時一個人係屋企都食到一大包鹽味枝豆，呢到用左孜然調味，又再點綴左枝豆呢款食材，辣辣地，好適合送酒，尤其想飲清酒！呢到酒嘅種類都唔少，老板亦好樂意介紹，但我哋揸左車所以今次就清談算了，留返下次再飲。朋友想飲湯，我哋一人試一款。我嘅洋蔥湯賣相好可愛，上菜時湯碗好熱，洋蔥經過長時間烹調糖化，味道濃郁香甜，面頭嘅芝士蒜蓉包中和返，變得更易入口，亦都冇咁滯～佢嘅甘筍湯也好似不錯由於我地兩個女仔都唔係食得好多，我哋嗌左兩個主食share。烤豬背骨肉質鮮嫩，配菜嘅薯蓉好味，兩個人食份量啱啱好！呢個意粉係全晚嘅點晶之作，麻辣牛肉扁意粉為我哋帶來驚喜。保留到香辛靈魂，但平時只食譚仔十小辣嘅我都承受到，同扁意粉好夾，令人越食越開胃食完晚餐後我地再留多陣傾計，呢一餐食得啱啱好、非常滿足，喺唔常去嘅地方發現一個好餐廳會令人更興奮，多謝Cobalt，我哋度過左一個quality weekend! …查看更多

放工想近近地食碗拉麵，本身無咩期望，但點知有啲驚喜！餐廳有種80年代日本風情，時下興復古，我都幾喜歡。不過如果佢地唔播中文歌會更有feel。放工想近近地食碗拉麵，本身無咩期望，但點知有啲驚喜！餐廳有種80年代日本風情，時下興復古，我都幾喜歡。不過如果佢地唔播中文歌會更有feel。講返食物，話明札榥拉麵，當然要食北海道名產拉麵啦，呢個蟹柳拉麵湯底麵幾夠味，雖然蟹柳係用冰凍蟹柳，但平平地，我覺得都可以接受。男朋友唔想食拉麵，嗌左鰻魚飯套餐，個鰻魚幾軟熟夠味！仲有佢地個set入面嘅茶碗蒸，因為太好食我成個搶左黎食hahaha另外仲有幾個小食，啲燒薯仔普普通通啦，不過凍豆腐好好食！因為塊皮脆脆地，但豆腐仲係好滑，又凍凍地，配上鰹魚汁，好味！仲有好多其他野食架，不過兩個人嗌唔到咁多間舖嘅裝修唔錯，門口仲有隻叮噹！…查看更多

同男友仲有兩個朋友約食飯，食咩先迎合到四個人嘅口味？又要就返大家係附近放工？Party食物就最啱啦，平時經過荔枝角成日見到呢間小店，一直想試下，今晚就試下啦。呢個餐$696加一，四個人每人唔駛200蚊，都幾抵玩！我地唔想諗食乜，所以決定係呢個set到揀。Pizza選擇唔多，我地揀左parma同黑松露果個，另外就揀左個意粉。佢頭盤都有兩樣，呢款大蝦沙律中規中矩，無咩特別，不過勝在份量夠，同埋生菜幾新鮮。呢份「堅水牛城雞翼」都真係堅大隻同堅好食，味道辣辣地甜甜地，係正宗嘅水牛城味！終於有得食main dish，兩款pizza之間我比較鍾意Parma，Parma 夠鹹香，又有啲新鮮火箭菜，再加埋mozzarella，成個配搭、材料加埋嘅味道好夾！其實黑松露都唔差嘅，不過比起另一個就失色啲啦。佢個黑松露味都幾濃！同埋真係要讚佢個pizza底勁好食，係煙韌到啱啱好，厚度亦都啱啱好！我唔鍾意太厚好似xxxxhut咁，亦都唔鍾意勁薄勁脆，佢呢個厚度我好鍾意！我食完以上嘅嘢已經飽到行唔郁，但佢地仲嗌多個意粉，果然係男仔！我就食左一條試下味，啲汁幾濃郁，creamy！想讚下呢到嘅裝修，佢啲畫全部同pizza有關，感覺都似有心創作，而且呢到啲燈光、擺設亦都好溫和，好適合三五好友聚會，推薦！…查看更多

雖然唔願意承認自己港女，但事實上小妹又真係全港九新界嘅打咭餐廳都去過咁濟，總之見到網上有人討論就即刻第一時間去暸解下！不過呢間有啲唔同，呢間雪糕店係我係佢未開果陣已經好想食，開左之後幾乎每次行朗豪坊都會食嘅雪糕，不過果陣係三四年前，仲係大學生唔會食貴野，所以嗌親都係食最平果個淨雪糕！閒日夜晚都係坐滿曬人，因為發現原來佢開始有埋鹹野食，可惜今次食飽飽先黎，下次一定要試下～今次舊地重遊，係帶男朋友黎食，佢本身都以為呢啲地方得個樣，我諗佢一定會有驚喜。我幫佢嗌左個蜜瓜雪糕set，跟餐仲有杯latte，而我就想試下士多啤梨芭菲，都要98蚊，以前嘅我一定唔會揀！拎完雪糕，梗係坐低，相機食先～講下味道，我嘅芭菲都係用左佢地最yummy嘅牛奶雪糕，食落好滑好重奶味，好似飲緊冰涼順滑嘅牛奶咁，而且佢真係人如其名，好creamy ah! 仲要唔會好甜！下面啲黃桃都唔係省油的燈，好甜，但同雪糕好夾，有種互相中和嘅感覺！男朋友嘅set跟左抹茶雪糕，因為我私心想食，同樣都係厚實而濃郁嘅質地，味道除左奶味仲有清新綠茶味，無錯，有種飲緊抹茶牛奶嘅幸福感！當然，成個set最值錢嘅一定係蜜瓜，想當年見到佢果款蜜瓜雪糕要成200幾蚊，仲有人食，我已經好好奇，今日試下呢個petite 版過下口癮，嘩，原來真係好好好好味，諗起自己舊年都買過日本蜜瓜俾屋企人，諗諗下200幾蚊其實都ok啦食完飲兩啖熱latte，個胃即刻暖笠笠，幸福Max男友都刷新左對港女打咭嘅印象，由其是呢間又好味又靚靚嘅餐廳，做個識飲識食嘅幸福港女真不錯！…查看更多

前排興睇avengers，我作為avengers fans都第一時間衝去睇啦，不過睇戲果日放工已經7點，又見得返一個鐘都無就要睇戲，食唔食啲野好呢？男朋友就話呢間冰室近近地，食個快飯啦，本身都無乜期待，點知一入到去，竟然有驚喜！係好多avengers嘅模型！好多iron man，連美國隊長個盾都係到！好滾動！相信老板一定係avengers忠實fans！我都未嗌野已經被呢到嘅擺設深深吸引，好少冰室咁有心架嘛。講返野食，我嗌左個海鮮板餐，價錢算適中，海鮮主要有大蝦仁、龍脷柳、魷魚等等，都係例牌野，個扇貝好彈牙，最有海鮮味！味道主要靠黑椒汁調味，意粉就不過不失，份量好夠，不過同黑椒汁唔太夾，我會想要燒汁多啲！仲嗌左份焗西蘭花，正正常常，芝士味都幾出不過食冰室都講求速度，平時食「炸炸聲」都等好耐，但今次都算快，可以趕得到去睇avengers！我見佢menu仲要炒公仔麵、咩麻辣麵、泡菜乜乜，好多選擇，下次有時間會再黎食！到時睇下老細有無再買新figure先…查看更多

最近開始練返瑜珈，有位印度老師食開素，佢話印度人其實好喜素，但香港好少地方有正宗印度素菜，唔知呢間算唔算係正宗呢？我都係抱住獵奇心態上去，不過上到去先發現生意興隆，咁大間舖都坐滿曬人，大部分係外國人，都有幾枱香港人嘅。睇大家個樣，好似好熟駕步咁。望住份menu，我都有少少苦惱，唔知嗌咩好。最後我地決定感覺行先，乜都試下！首先我地嗌左個「感覺炸圈」，佢呢個湯辣辣地都幾惹味，以我嘅理解就係要點呢舊「炸圈」落啲湯到嘅，口感幾神奇，係印度菜先有嘅口感。雖然算不上好啱口味，但都幾有風味！跟住呢個叫做酥炸大蕉油條，好食！呢兩舊炸物好大件，似足兩大隻雞肶，唔點醬嘅時候咬落脆卜卜，入面係濃濃嘅香蕉流心：點左yogurt醬，就無咁油膩，味道清啲。自己食完一大舊，都幾飽下架！之後就係主菜，我地要左薩拉維亞套餐，屬於南印度嘅風味，我google左佢地嘅風色係料理口味偏重，主要包含酸甜辣。一上到黎，我都嚇親，有咁多種咖哩、醬、湯俾你點，實在好難逐一介紹，不過有隻雜菜扁豆湯撈飯好惹味！值得一提，佢嘅飯唔係普通白飯，而係好似將米粉剪碎咁，米香味好重，口感亦好獨特！一場黎到試下印度甜品，不過一上到黎竟然咁綠，又俾佢嚇親！佢係「印度玫瑰糖漿雪糕」，佢既唔同平時食開嘅軟雪糕，亦都唔係Haagen Dazs 果種，佢似舊式啲嘅雪條，硬身啲，而且佢入面有啲nuts，食落都幾得意，不過就唔係好食到玫瑰同糖漿味啦，反而似開心果之類。一直都好佩服印度人咁識用唔同香料，整出來嘅野食都有種獨特嘅味道，同我地食開嘅酸甜苦辣係完全兩個system咁，近年越來越多人轉食素，呢間印度料理應該真係啱曬vegan啦，我有機會都會再黎。順便俾大家欣賞下佢個menu，好多野對我黎講都好抽象不過大家留意返印度餐廳枱面通常都有兩支水，通常都要收錢架，我唔知所以飲左添，下次都係嗌下野飲先！…查看更多

放題呢個熱潮好似十年前興起，貪佢乜都有得食夠過癮，不過宜家乜都話放題，間間餐廳都做放題賺錢，食物質素真係太參差，所以我近年都唔會輕易食放題。不過好彩我身邊無乜損友，學生時代第一次放題就係食有個「喜」字的，果然無伏，自此之後認住「喜」字黎食，就實無死。唔信？你自己諗下係唔係！:)前兩日男朋友話想食放題，但佢因為中學食放題中伏有陰影，我聽到即刻係我嘅字典到搵有個喜字的，希望可以重振佢嘅信心！呢間大瀛喜夠曬就腳，我地睇完戲去食，啱啱好。我地大概9點半入座，閒日唔係好多人，坐落都幾舒服。一黎到即刻拎野飲，兩排雪櫃夾住我，我仲以為去左七仔，雖然好多誘惑，但根據我嘅放題經驗，都係飲無氣嘅烏龍茶先，留返個肚大魚大肉。我係一個有原則嘅人，無論自動餐定放題，我都遵守規則先冷後熱，咁先對個胃好，咁我地就食兩輪刺身先啦。啲吞拿魚就幾普通，不過啲鯛魚同螺片都好新鮮，鯛魚肉質嫩滑。螺肉就夠曬彈牙，同埋帶子同甜蝦都好甜！不過我唔食三文魚的，所以無辦法comment。同場仲嗌左啲壽司，壽司質素都普普通通，不過推薦大家食火炙左口魚，如果唔係要留肚，我可以一直食左口魚食到飽。同埋佢個柚子味油甘魚，超級fresh，我同我男朋友都係咁讚同埋啲涼菜都幾好，芝麻豆腐同沙律都係幾開胃嘅starters。跟住就係啲炸野，天婦羅黎講，我淨係鍾意食素，炸蕃薯炸茄子呢啲啦，呢間嘅天婦羅都好夠脆。另外呢個紫薯波波，都勁好食，我明明果陣已經好飽，但都食到兩粒！正當我男友都飽到攤攤腰，想起身走，我即刻話：「咪住！」行左去揀甜品，甜品又係另一個胃，唔食返少少點算得上完整放題？呢間放題雖然無咩名貴雪糕食，但都勝在有得揀，好多充滿童年回憶嘅雪糕，最後我揀左枝紅豆冰，好滿足咁走了～男朋友都話我無介紹錯，佢話以後都會認住有個喜字先會入去了，仲話黎親旺角都會揀呢間大瀛喜，成功令佢放低對放題嘅陰影，好安慰，今餐佢埋單…查看更多

孖寶車仔麵，我細細個就食過。不過係葵芳果間。作為葵廣常客，呢個名真係充滿少女回憶，大個左已經好少食，結果前兩日晏就放lunch，無啦啦見到我地荃灣都開左間孖寶！本身我同同事都無留意呢間野，但佢門口每隔5米就擺一個易拉架，仲要搭左個好似青衣戲棚咁嘅棚架，我地真係嚇親，再睇真啲，嘩左出聲。19蚊一碗？！三餸？？？包埋野飲？！唔係呀嘛？？我地二話不說就入左去食，可能由於太平，小店入面都滿座，我地要等一陣先有得入去。趁等候時間睇睇個menu，都係啲車仔麵正路嘢。一間車仔麵好唔好食，就一定要食三樣嘢，豬紅、蘿蔔同埋佢個湯。整體黎講，豬紅有事先處理過，夠熟同夠味，蘿蔔始終唔算當造，有少少老，不過唔苦。個韮菜餃就普通左啲，皮太厚，啲餡又唔夠料。個秘製汁甜甜地辣辣地，湯底黎講就真係無文x果啲突出，不過都幾惹味，何況19蚊你仲想點？值得讚下係啲姐姐幾友善，我等位果陣佢仲主動叫我企入啲唔好曬親，雖然中午時間好繁忙，但佢地都無乜怠慢客人，我都食得幾開心，何況19蚊仲想點！同埋由於太平，我一星期食左兩次。第二次就試左咖哩魷魚、豬紅同滷水豆腐，豆腐都幾入味，不過咖喱魷魚另上同埋太凍，我個個唔太喜歡！Btw佢話原來佢地就係葵芳果間分店，唔怪得有種熟悉嘅味道！佢地話為左開業宣傳下就做呢個價，叫做益下街坊喎。我就覺得今時今日仲食到19蚊一餐有啲感動，我會支持呢間有心嘅小店！…查看更多

呢間開喺荔枝角嘅日本野，男朋友話想試，咁我就比次機會試一試啦！間鋪嘅裝修都幾有日本風味，同埋睇一睇個Menu都幾多類型嘅嘢食，有壽司、刺身、燒物等等，有少少似放題嘅Menu，不過呢度係冇放題食嘅。我嗌左一個海膽刺身飯，男朋友就嗌咗油甘魚刺身飯，價錢唔係好貴，唔使$100。海膽刺身飯就普普通通啦，因為個海膽應該係韓國海膽，所以味道就冇乜特別。不過比較加分嘅係佢個帶子好好味，好新鮮。其實佢嘅海鮮都係比較新鮮嘅。男朋友嘅油甘魚飯都幾好食，偷食左佢一塊油甘魚，超級新鮮好味，好想食佢個碗！我哋仲嗌咗炸餃子同埋炸雞翼，個雞翼有少少似翠香雞翼，不過兩樣嘢食落個味道都好似，不過不失。埋單要$224 ，覺得有少少貴，不過咁嘅價錢食一餐日本野又差唔多嘅，作為食過唔少日本嘢嘅架妹，深深咁明白咩係一分錢一分貨，如果下次有機會會再嚟食多次油甘魚飯，haha…查看更多

因為私人原因成日蒲黃埔，幾乎食勻所有黃埔美食，但唯獨呢間，朋友次次話不如試下，我都好抗拒，因為睇佢個門面，同埋睇openrice 啲comment ，都對佢無乜好感。上個星期五拎左附近「十二x」嘅飛想食酸菜魚，等極都等唔到，朋友話呢間都好食，咁算啦大家唔想等，就無謂掃興，一於試下佢。我地三個人，嗌左一碟餃，例牌酸菜魚同土豆絲。本身毫無期待，但食完竟然忍唔住覺得幾yummy。餃菜三鮮餃啲蝦幾爽，皮又薄，作為招牌的確可以試下酸菜魚就驚喜了！佢好夠酸，同埋入面加左粉絲，好入味！我地貪平揀左龍脷，口感一般，如果係桂花魚應該仲正！食唔到十二，食到呢個都幾安慰我地嗌左小辣，所以睇落好清咁，雖然唔辣，但佢炒得幾香，啲薯仔仲好有薯味添佢小炒配左兩碗飯，我地三個人share，啱啱好～發覺自己stereotype左佢，其實無想像中咁差，下次會再黎encore 酸菜魚…查看更多

同一個好耐無見嘅外國朋友食飯，佢竟然同我講想食呢間「車品品」，本身我都唔知間野食乜，黎到先知原來係$100紅豆沙本人！可能我真係孤陋寡聞，我無食過，一黎到嚇親竟然未開舖已經排到咁。好彩我地係第一round最尾一枱，lucky朋友話一定要食鮑魚同碗仔翅，我地一於食盡佢啦。凍鮑好爽口，最正係佢個汁，聽老板娘講用左花膠，貴野黎架，所以呢個價錢算係公道。食完舊鮑都唔捨得收走啲汁，我地仲自制鮑汁撈飯，飯都食多兩碗！跟住要講下個碗仔翅啦，果然名不虛傳！大大碗，料又足，啲冬菇都好多下，唔落醋都好食，不過我係醋王，無醋不歡～我地仲嗌左豬手又係勁yummy, 不過無影到相。呢個皮蛋都唔錯，個蛋黃流心好治癒！雖然$100紅豆沙被人鬧係玩野，但朋友話想試，佢係美國又無啖好食，我一於豁出去，捨命陪君子，兩個人share一碗紅豆沙——好彩兩個人share左，都幾大碗，我諗佢啲陳皮真係貴野黎嘅，但我就唔太識欣賞，太甘太苦，我食啲平陳皮得架啦！不過咩都試下囉，我觀察在座個個都嗌左碗紅豆沙朝聖，作為marketing 係幾成功了。老板娘嘅性格好熱情，不過始終小店好難招呼好周到，大家黎食就最好包容啲，唔係會好易燥～…查看更多

喺日本，架妹最鍾意就係去唔同嘅靚靚餐廳排隊食brunch，眾所週知嘅有egg n things, 情況有啲似港女食英式下午茶打咭咁，不過架妹最關心嘅一定係有無得食又chill又oishi嘅brunch！同男朋友約左食早餐，佢神神秘秘咁話有個好地方介紹，就係呢間&green啦。佢嘅間格好似日本嘅洋食餐廳，十分開揚闊落，但配合燈光又令人感覺有屬於自己嘅私人空間，配合佢地綠化嘅主題，餐廳入面都有好多大盆植物，成件事好relax！不過我地掛住chill，無乜點影環境相，大家要自己去現場睇吓啦！佢個menu選擇唔多，都係以鹹三文治同埋all day breakfast 為主，我嗌左一份all day breakfast ，而男朋友就嗌左烤雞三文治。等野食嘅時候先飲奶，涼涼地嘅天氣飲杯熱奶好治癒！同埋佢地嘅餐具，全部都好精緻，睇得出悉心襯過。呢到嘅 breakfast同普通英式嘅有些少唔同，有牛油果同煙三文魚，全部食材都好新鮮，牛角包都幾鬆脆。份量對我黎講啱啱好，唔會太heavy 。男朋友食嘅雞肉三文治，佢話啲肉幾嫩，我試左啖，覺得燒汁同雞肉果然係好朋友！非常惹味！多士脆脆地，口感好有層次，係會令人感到幸福嘅三文治呀。值得一讚係呢間餐廳有無障礙通道，大家可以留意吓。我仲睇到佢都有好多咖啡選擇，不過今次因為身體唔舒服無飲到，下次試下帶本書黎坐下，飲下咖啡都好。後來聽講原來呢間餐廳其實真係日本人開嘅，多謝佢令黃埔又多左個恬靜舒適的空間。…查看更多

Hello, 又到繼續尋找日本美食嘅時間啦！男朋友話請我食飯，我都要繼續食拉麵，可以睇得出我幾咁喜愛拉麵了。呢間金鶴拉麵門面係藍底金色logo，有種高雅嘅感覺。入到去有吧枱同卡位，以拉麵小店黎講，算係幾闊落，坐得好舒服。我地兩個都嗌左金鶴招牌拉麵，呢個白雞湯真係有雞味，飲落清甜，如果同我最愛嘅一蘭豬骨湯底比，可以比到8.97分！雞湯拉麵喺香港真係比較少見，而又做得咁出色，respect！值得一提係佢嘅牛蒡，日本高級少少嘅拉麵舖都會用炸牛蒡代替普通紫菜，除左增添獨特嘅口感，見到佢炸到金黃，似靜止嘅絲帶一樣，一捧到你面前，已經驚艷左你。店舖對於拉麵造型嘅講究，令我諗起日本嘅匠人精神，respect！我地都幾大食下，驚唔夠飽嗌多左煎餃，餃子皮幾薄，炸得幾好，不過算正常水準吧。最驚喜係佢啲筷子套，個個都唔同，好有日本風情畫feel，後來有位侍應想收走我嘅筷子套，我同佢講太靚啦我想收藏，佢好開心咁同我講佢地係特登揀架，即刻令我對佢地更有好感。respect !不過雞湯拉麵description 寫住食完唔會喉嚨乾，但我都係有啲口渴，大家要留意下啦～總結都係一間值得一試嘅拉麵舖！支持有心，重視細節嘅小店！P.s. 建議大家食完可以去試下佢地嘅廁所，十分優秀，係omakase等級嘅洗手間！…查看更多

Hi!又係我半個日本人呀！不過今次就唔係荃灣搵食，而係黎左旺角。一直都唔多鍾意喺旺角食飯，因為人又多又無乜餐廳選擇，好食啲又大排長龍，但我就覺得排隊就唔代表一定好食，唔駛排隊都可以係隱世美食。而呢間叫做「一生懸麵」嘅拉麵舖，就由個名開始已經俘虜左我個心。睇過下日劇都知「一生懸命」係解超級努力拼搏，民以食字為先，食呢個日文成語都食得好好。補充：最緊要唔駛等位嘛佢個menu同好多拉麵舖一樣唔多選擇，都係四款拉麵、四款沾麵，仲有啲小食，價錢都100蚊樓下。正當我苦惱食魚介定櫻花蝦，突然發現呢個期間限定嘅海膽拉麵，雖然最貴係佢，但返工狗咁啱出左糧決定要愛錫自己！等左無幾耐，拉麵黎啦！海膽份量好足，保守估計有1/4板，因為我食極都食唔曬！講下個麵，佢係幼身啲嘅麵身，但軟硬適中，但湯底就濃左啲，好濃郁嘅魚介湯，濃到似沾麵咁濟，再加上海膽本身就增加佢嘅濃度，睇下你個人口味啦！相反男朋友嗌呢個櫻花蝦沾麵，湯就比較稀，但味道好好，蝦同洋蔥配合得啱啱好，啲麵又淋左啲清檸汁，fresh好多！男朋友話幾好食！總括而言都係一間可以encore的小店，期待下次有新期間限定！…查看更多

荃灣日本野唔少，作為半個荃灣人，大至大大件三文魚，細至海膽手卷我都試過唔少，但係唯獨呢間，由內而外都係日本嘅味道！地點幾易搵，係荃新天地後面條街，啱啱推開道門，侍應哥哥就叫我請留步！點解？因為呢間舖係要喺門口自助買飛先！我作為半個荃灣人+半個日本人，果下突然好感動，竟然可以喺香港見到呢部機！其實成個購買過程都好方便，好似你喺汽水機買野飲咁，不過佢就要俾現金，但都唔駛擔心找續問題，因為佢寫明可以入返舖頭找錢。呢種細心，都好有日本風味！因為食lunch關係，唔想食太貴，我就嗌左最平果款拉麵，同埋放縱自己揀左波子汽水。埋單唔駛100蚊，都幾happy。買完野終於入舖，其實間舖裝修好簡單，有啲muji feel，坐得都幾舒服。飲支波子汽水都唔容易！因為太耐無開，同埋通常開蓋都會瀨野，我開極都開唔到，個侍應哥哥見到即刻幫手，服務態度可以再加一分！等左10分鐘，拉麵到左！魚介湯勁濃郁，木魚、筍全部都好足料，叉燒嘅肥瘦都啱啱好，可以算得上誠意之作了。不過魚介湯食到最尾有啲太濃味，好似食緊沾麵咁，要睇大家個人喜好啦。但係荃灣有間咁樣嘅小店，我都希望佢可以生意興隆，得閒放lunch可以去回味吓日本味道。…查看更多