FanBaby's Profile

午餐時間，好多人，好彩好快就有位。一向都覺得佢嘅海南雞好味，雞滑得來唔會太淋，喜歡有些少咬口，可能有些人覺得鞋，我反而覺得有口感。知道有新菜式，特登去試，呢個泰式鴛鴦雞，一半是海南雞，另一半是炸雞扒（黑白配），真係幾絕配，泰式雞醬加埋黑豉油，呢個配搭更加冇得輸，黃姜飯唔油，好啱我口味，價錢公道，套餐價連熱飲都係$52，值得推介推介再推介👍又俾我發現有新收藏品，2張唱片和清仔公仔，呢幾件古董應該老過我，好似話1965年出品，好珍貴👍…Read More

光顧是幾次午餐，食物選擇算多，賣相有驚喜，今次我選了薯條前菜，熱辣辣，好味！主菜選了三文魚柳意大利飯，價錢接受，性價比高，食過幾次都覺得好滿意，不得不贊個咖啡杯👍…Read More

在公司附近，店舖小小，坐位唔多，唔算舒適，但都生意唔錯，我通常光顧越南菜館都是吃最傳統嘅生牛肉河粉，味道唔錯，份量算大，河粉滑，湯底也好味，可惜湯唔夠熱，未能把牛肉熨至最佳狀態。…Read More

之前食過午餐，幾好食，環境在美孚算唔錯，價錢唔係平，想靜靜地係唔錯嘅！今次來幫襯食早餐，平日早餐算抵食，餐飲可配特式咖啡，All day breakfast係最貴，其他由$58開始，最主要係佢可以免費配多款咖啡，所以感覺抵食。…Read More

光顧過唐人坊/清仔冰室好多次，食物質數穩定，價錢公道，負責人好人唔使講，近排還有抽獎活動，氣氛好正。今次訂食物到會，與家人在家中共渡節日，餐單有多款食品選擇、唔單止價錢親民，而且賣相相當唔錯，今次訂咗15-20人餐，$2238，份量足，有水準，簡簡單單、輕輕鬆鬆過了愉快的晚上。如果有8人或以上的聚會，想消閑又唔想煮，叫到會係唔錯的選擇。下次再同親友聚會，一定推介這店鋪👍，試下其他美食。…Read More

今次和朋友來到出前一丁主題餐廳，我選了豬頸肉拼雞扒撈丁，豬頸肉彈牙，雞扒嫩滑入味，超香嘅蔥油汁配撈丁好好味，份量夠大，好滿足。朋友選了全日餐，叉燒原味湯丁，火腿奄列配多士，叉燒唔乾，奄列有蛋香，多士正常發揮，出前一丁火候剛剛好，老闆講過每一碗出前一丁都是即叫即煮，所以能夠控制麵質可口，味道唔使講，都是靠包味粉，係人都知好香麻油味，差啲唔記得講佢哋杯奶茶和檸茶幾好味，茶味香又夠濃。整體我哋好滿意，算抵食，又可以欣賞精品，老闆好人又大方，一定會再來幫襯。…Read More

經谷友介紹，终於來到呢間餐廳，點解終於？因為之前來到因餐廳有大型到會而暫停門市堂食，而今次是有幸成功光顧。餐廳裝修不是豪華那種，是好有親和那種，好容易被吸引入去，裡面全是清仔装飾，擺滿清仔紀念品，十分整潔。餐牌唔算多食物選擇，主打泰式飯類及出前一丁麵類，由於是早餐時段，我選了三拼出前一丁，沙爹牛肉/餐肉/太陽蛋，沙爹牛肉味道香而不太濃，有層次而不會咸，肉質嫩滑，餐肉及太陽蛋正常，湯底混合了沙爹，味道和濃度剛好，整體滿意。…Read More