第一次寫食評，感覺有啲差，同替哩間鋪頭可惜，忍唔住要寫第一篇食評。食過哩間嘢係唔差嘅，份量足，價錢覺得都親民，可惜店內人手嚴重不足，第一次食係落鋪頭直接落單外賣，已經見店內得一位姐姐仔，外賣放到周圍都係，黎到搵外賣嘅人要自己入去搵，好亂，企左係門口想叫外賣嘅人連想叫外賣都叫唔到，姐姐仔亦未有時間理會，等左15分鐘未有理會，啲人都走曬，其實我覺得如果真係已經唔可以落單，可以同門口嘅人講聲，唔使人哋等咁耐，又唔知落唔落到單。我亦等左15分鐘就走左去另一間，後尾返轉頭見到姐姐仔無咁忙，就去再問多次可唔可以叫外賣，先好好彩比我執到個尾彩，我叫埋個外賣就關門啦，老實講，食物真係唔錯，但服務真係0。第二次想打電話叫外賣，電話一打即刻通左，但叫我等陣，一等就等左10分鐘，電話另一頭全部係職員不停接待客人嘅聲音，甚至有人落單外賣都聽得好清楚，但就無人理過我等緊電話，最後收左線😔其實真係好差，都係個句啦，邊有食店叫打黎外賣嘅客人等10分鐘都唔理會嘅呢？接唔到單可以早講，唔係無止境等待，食物再好，價錢再親民，但咁嘅服務唔會再幫襯。希望店主可以改善，如果唔係就太可惜。…Read More
Thai a Rai Food
2021-04-01
The above review is the personal opinion of a user which does not represent OpenRice's point of view.
Like
Dining Method
Delivery
D位同大排擋差唔多,我哋坐左係馬路邊,所以特別凍!個日係同個同學仔聚舊,好想打冷咪黎食囉~我哋兩個叫左3個菜1個羹湯啫啫雞煲
雞肉入味而且嫩口,不過得幾塊,全部都係蒜頭同D肝椒鹽九肚魚
