777carmencc的個人專頁

Dinner time係新城市廣場覓食，見到呢間的二人餐menu都唔錯，咁又試吓菜😆二人前套餐 $398小肴 薯絲椰菜絲沙律份量太大份啦，真係成座山咁款🤣呢碟沙律的芝麻醬只係外層有，所以要mix埋先得。食落好清爽，都好飽肚，但唔係好食到薯仔，只食到椰菜絲。點心 豚肉小籠包(4件）+$18小籠包熱辣辣，味道都唔錯。素菜 蒜蓉炒西蘭花蒜蓉味好香濃，西蘭花食落都好爽口。主菜 西班牙極黑豚肉叉燒呢款叉燒勁好食，又夠厚身。第一眼望埋去見到外層好黑，仲以為又燶又硬，點知食落肉質非常軟腍，而且味道濃郁，好香好好食，呢碟叉燒勁高質👍🏻跟餐 擔擔拉麵擔擔麵好大碗，但味道都幾辣，唔係咁啱口味。餐飲 2x凍柚子檸檬蜜 +$5 凍飲一杯加$5，味道ok啦。呢款二人餐份量都幾多，兩個人其實食唔哂，食完勁飽，完全足夠三個細食的人去食。kikusan (沙田)沙田沙田正街18號新城市廣場一期1樓127號舖*上述文章只供參考及以當時價格為準…查看更多

杉玉愈開愈多，終於有機會搵到間就腳的去試吓佢的set lunch 😆天婦羅壽司定食（8貫） $88睇相就已經覺得好豐富，而且一舊水都唔使，感覺都幾抵食。壽司上的魚生都唔錯，三文魚同油甘魚好食，魷魚有d韌，但醋飯唔係好啱我口味，醋味好濃，唔係好食得慣😓天婦羅炸得好香脆，池魚啖啖肉，蕃薯勁好食，茄子都唔錯，另外有一塊好似係魚餅？🤔️唔敢肯定，味道都ok。跟餐 味噌湯好多蔥同海帶，味道鹹咗dd。午市茶碗蒸 +$1加$1就有茶碗蒸咁抵就緊係要試吓啦～碗底都有好多食材，有蝦、蜆、雞肉等，都唔錯。甘味溫紅薯 $17老實講呢餐的甜品最好食🤣蕃薯的賣相好精緻，食落非常香甜，口感軟綿綿，蘸d cream更正👍🏻杉玉 (沙田中心) (沙田)沙田橫壆街2-16號沙田中心3樓32A及69A號舖*上述文章只供參考及以當時價格為準…查看更多

餐廳有落地大玻璃對正維港，lunch去時好明亮，配埋好relax的音樂，感覺好chill好正😊鮮蝦配辣肉腸蕃茄長通粉 $138長通粉的sauce有好濃蕃茄味，仲加咗少少芝士，配通粉食好好食。蝦好爽口彈牙，辣肉腸唔太辣，配料有菇、翠玉瓜、紅椒，食落好有口感。跟餐 煙三文魚伴牛油果沙律煙三文魚同牛油果份量都唔少。煙三文魚味道濃郁，牛油果好軟腍，沙律菜好新鮮，呢份沙律好正👍🏻跟餐 餐包麵包外層好香脆，裡面好軟熟，仲熱熱哋。餐包唔係跟牛油，係跟他他醬，味道都唔錯，都幾特別。餐飲 熱紅茶是日甜品 榛子朱古力蛋糕 +$38Mousse食落好smooth ，表面的朱古力榛子醬味道好香濃，配海綿蛋糕好好食，旁邊的水果都好香甜🥰Briketenia (北角)北角渣華道123號北角匯二期2樓206號舖*上述文章只供參考及以當時價格為準…查看更多

同朋友係銅鑼灣行街，無意中搵到間木系裝修的cafe，咁就緊係入去打個卡啦😆Cafe的裝潢真係坐得好舒服，尤其欣賞佢的植物牆，感覺好relax😊澳洲牛肩肉配無花果多士 $128多士的賣相都幾精緻，一片片牛肉舖得好靚靚😍牛肩肉味牛味濃郁，配埋黑醋同無花果好好食。麵包夠哂厚身，食落又香又脆，好食👍🏻蘋果木煙燻西班牙黑毛豬鞍扒 $328豬鞍肉質超軟腍，無諗過咁大份咁厚身可以煮得咁鮮嫩，配埋墊底的蘋果一齊食更好食。舖面的藜麥好有口感，南瓜同翠玉瓜烤得好甜好juicy。16小時慢煮黑毛豬三層肉意大利麵 $168呢款意粉都幾有驚喜，點菜時以為係普通肉醬意粉，點知第一啖就食到有勁濃郁的芝士味，芝士仲可以拉到絲，超好食，簡直食唔停口🤩黑毛豬的油脂位好香好好食，皮好脆，豬肉位唔柴唔韌，都唔錯👍🏻MOZY Cafe & Bar (銅鑼灣)銅鑼灣蘭芳道11號地舖*上述文章只供參考及以當時價格為準…查看更多

係尖沙咀食lunch，今次食日本野😆呢間都見多人推介，果然抵食又高質👍🏻海膽什錦魚生飯 $102魚生飯勁大碗😮仲要片片都切得好厚，見到都好滿足🥰海膽同帶子味道好鮮甜，蝦夠哂大隻，肉質結實。北寄貝好彈牙，三文魚同油甘魚都係大塊厚切，食落肥美鮮味，好正。呢碗魚生飯都幾高質👍🏻跟餐 味噌湯正常發揮跟餐 凱撒沙律好多煙肉同麵包粒，sauce 唔錯。跟餐 茶碗蒸蛋蛋蒸得好滑溜，粒菇好香，碗底有蟹柳雞肉，都唔錯。跟餐 甜品 甜品係好精緻的三色糕，食落似紅豆椰汁糕，淋咗好香甜的芒果醬，都幾好食。德美壽司 (尖沙咀)尖沙咀厚福街8號H8 5樓*上述文章只供參考及以當時價格為準…查看更多

之前食過白布街店，見佢係朗豪坊開新店，咁就緊係要試下😆餐廳睇落唔算好大，裝修都幾光猛，Weekend lunch time去都唔洗等位，可以直入。寳雲酥柚子厚豬扒 $98豬扒同menu的相片一樣都係咁大塊，正呀👍🏻豬肉食落非常軟腍，表面個層寶雲酥好酥脆，仲有淡淡的柚子味，勁好食。墊底的蔬菜有薯角，雞肶菇同西蘭花。薯角香脆，雞肶菇好彈牙，都唔錯。唯一要講的係豬扒等得有少少耐。跟餐 田園沙律沙律菜正常發揮，但個sause麻麻地，寧願佢用黑醋或者和風醋。跟餐 桂花烏龍茶 楊枝甘露(細) +$36估唔到楊枝甘露有咁多軟糖同啫喱，都幾特別，聽落怪怪哋，但食落味道還可以。楊枝甘露仲有好多芒果同柚肉，但糖水底的芒果味偏淡。小點角落 (朗豪坊) (旺角)旺角亞皆老街8號朗豪坊4樓8號舖*上述文章只供參考及以當時價格為準…查看更多

之前餐廳bookmark咗好耐，終於去到😆餐廳的裝修好典雅，有大玻璃窗，好光猛，仲望到跑馬地馬場，氣氛好正😊好彩我12點就入座，中午12:15後都開始好多人，下次嚟要記住book枱。主菜 澳洲和牛面頰肉白菌短通粉配牛肝菌忌廉汁 $175通粉的賣相都幾精緻，而且聞落好香。呢款通粉都幾少見，食落都幾彈牙，配牛肝菌汁勁好食。牛面頰肉非常軟腍，味道濃郁。蘑菇煮得勁香，好好食，我仲食到淡淡的酒味。通粉睇落份量唔多，但意外地好飽肚，認真唔錯👍🏻跟餐 鳳尾蝦凱撒沙律蝦好大隻，肉質仲非常爽口彈牙👍🏻生菜都好新鮮好爽脆，sauce好香，蕃茄仔好甜🤩呢個沙律都幾高質。跟餐 粟米忌廉湯湯的質地唔算濃稠，味道唔錯，湯內有好多粟米粒，加d胡椒更好飲。跟餐 餐包勁欣賞餐廳的餐包，侍應會捧住兩款餐包任君選擇，有牛角包同蒜蓉包，我好貪心咁點哂兩款試吓😍牛角包非常酥脆，外皮一咬就碎開，牛油味好香。蒜蓉包勁濃味，而且好香脆，都唔錯。跟餐 熱紅茶Chez Bistro (銅鑼灣)銅鑼灣耀華街3號百樂中心21樓*上述文章只供參考及以當時價格為準…查看更多

Weekend係中環行過見到有間唔使等位的快餐，又見佢的烏冬好似唔錯，咁就試一試。岩鹽燒鯖魚配鰹魚湯大根讚岐鳥冬 $73鯖魚的外皮燒得有少少燶，不過味道都可以接受。魚肉就咁食有少少乾，但跟餐有個調咗味的蘿蔔蓉，魚肉蘸d蘿蔔蓉就好食得多。鰹魚湯好清甜，烏冬食落都幾彈牙。大根好大塊，食落好淋好juicy，勁入味👍🏻跟餐甜品 大福原來跟餐有甜品喎🤩抹茶大福表面的係椰絲，食落都幾煙韌，內餡都有抹茶味，不過唔算好濃郁，跟餐甜品嚟講算唔錯👍🏻跟餐餐飲 玄米茶九州豚湯野菜煮 +$16份量都幾多，有娃娃菜同冬菇，湯底都有少少味。廿一堂 (中環)中環士丹利街33號地舖*上述文章只供參考及以當時價格為準…查看更多

放假約朋友去呢間樓上cafe食lunch😊Cafe裝修好舒服，好chill，仲有戶外位，而且食物高質，認真唔錯👍🏻跟餐沙律 慢煮鴨胸柑橘田園雜菜沙律沙律都幾大碟，鴨胸肉都幾濃味，不過硬咗少少😅柑橘果肉非常香甜，沙律菜都幾新鮮幾fresh，so far 都唔錯。烤加拿大黑毛豬鞍 伴燒新薯 •扒蕃茄． 法邊豆．迷迭香燒汁 $158豬鞍好有驚喜，睇落勁大份勁厚身，但食落非常軟腍，好易咬開，配埋燒汁好好食👍🏻食到骨位要拎起咬，勁過癮😆薯仔烤得好香好軟綿，豆角都幾爽脆，蕃茄好多汁好juicy，呢份豬鞍真係好正😍欖油蒜片風乾蕃茄日本魷魚扁麵 $138意粉好有香草同橄欖油味，食落好香，魷魚份量都唔少，食落都好柔軟，完全唔韌，風乾蕃茄都幾有風味😋跟餐 熱檸水&茶Cafe Zense (銅鑼灣)銅鑼灣謝斐道460-462號楊耀熾商業大廈4樓*上述文章只供參考及以當時價格為準…查看更多

係海港城行街時見到呢間餐廳的menu有咖喱烏冬🤩未食過咁就緊係試下啦😆餐廳仲可以望到維港海景，可惜我唔係坐海景位😓吉列豬扒煮烏冬 $108（湯底轉招牌咖哩 +$10）咖喱湯底好香，都幾濃味，但又唔會好鹹。湯底仲有唔少腐皮，腐皮吸引哂咖喱味，好好食。烏冬好扁身，食落都幾煙韌，條條都蘸滿咖喱湯，都幾好食😋烏冬本身有隻雞蛋跟埋，蛋漿好香，烏冬蘸蛋漿味道極好😍好欣賞烏冬用瓷煲盛住，食到後面都仲keep到熱👍🏻吉列豬扒分開上，豬扒炸得非常酥脆，就咁食都已經好正，蘸咖喱湯底更加好食，豬扒更濕潤，又有好香的咖喱味。和風沙律 $38沙律都幾大碗，份量都唔少，沙律落滿咗和風沙律醋，食落好fresh，唔錯👍🏻山本屋 (海運大廈) (尖沙咀)尖沙咀廣東道3-27號海港城海運大廈3樓LCX 32號舖*上述文章只供參考及以當時價格為準…查看更多

深水埗開咗新餐廳🎉即刻出動嚟食lunch，本來諗住試一次先，點知好食都我連續食兩日😆餐廳氣氛好relax好舒服，仲有落地大玻璃窗，而且上菜都幾快👍🏻泰式香料䐁肉碎炒通粉(少辣) $78第一次嚟點咗通粉，通粉上枱時熱辣辣出哂煙，睇落勁吸引🤤點菜時侍應講明呢款通粉係辣的，我又想食又驚辣，咁就點咗少辣。食落唔覺得有辣，係吞咗落肚先係喉嚨感受到微微的辣，呢個辣度我勁滿意👍🏻通粉粒粒都好彈牙，味道濃郁，少少鹹，加埋肉碎勁惹味，非常好食。法式黑椒牛柳配溫室蔬菜 $88第二次嚟點咗牛柳，牛柳有3大塊，份量比想像中多。牛柳食落味道濃郁，肉質軟腍無筋，呢個價錢嚟講都幾高質。好欣賞牛柳的淡淡黑椒味，好好食，再蘸d黃芥末更正👍🏻蔬菜有翠玉瓜同紅黃椒，都好juicy好鮮甜，唔錯。跟餐沙律沙律同餐廳的擺碟好精緻，尤其係盛沙律的玻璃杯，太靚啦🤩Sauce係和風醋，唔錯。跟餐餐湯 雪燕粟米忌廉湯第一次嚟的餐湯係粟米湯，質地非常Creamy，食落有淡淡的奶香味，好正，仲有好多粟米同雪燕，勁有口感，無諗過雪燕同西湯咁夾。跟餐餐湯 雪燕周打蜆湯第二日再嚟時餐湯轉咗喎，轉咗蜆湯😮蜆的份量都幾多，粒粒都脹卜卜，味道都唔錯👍🏻跟餐水果好少可套餐會有水果跟，水果杯內有哈蜜瓜，菠蘿，火龍果，蜜柑同藍莓，都幾豐富，而且全部都好香甜，好欣賞菠蘿係新鮮菠蘿，勁甜🤣料理X空間 (深水埗)深水埗青山道3及5號建新大廈地下E 號舖*上述文章只供參考及以當時價格為準…查看更多

Weekend係旺角搵lunch食，路經呢間cafe時見到lunch menu都幾抵食，又唔使排球，咁就入去試吓。Cafe入面都幾大，坐得都幾舒服😌牛油果煙三文魚油醋汁沙律 $62以呢個價錢嚟講，煙三文魚份量都唔少，食落唔會勁鹹，唔錯。牛油果好軟腍，配埋水果凍乾同甜甜哋的燕麥粒都幾有口感，我仲食到一粒勁甜的士多啤梨乾😆沙律菜正常發揮，個sauce酸酸甜甜，還可以啦。法式紅酒牛面肉扁意粉 $88意粉上枱時仲出緊煙🤩牛面肉份量都多，有少少牛筋跟住，食落非常軟腍，味道夠哂濃郁，好好食。磨菇煮得好香，仲好juicy。意粉都好彈牙，條條都有蘸到醬汁，都真係食到淡淡的紅酒味。呢款意粉真係好正，勁有驚喜😍不過想講佢午餐份量唔算大份，肚餓的我一個人都隊到兩份午餐😆八〇 (旺角)旺角豉油街27號地舖*上述文章只供參考及以當時價格為準…查看更多

餐廳新裝修之後終於有機會再訪食lunch😆牆上面的黑白色繪畫依然勁有特色😍比目魚扒配味噌蟹籽忌廉汁 $148比目魚扒有兩大塊，都幾厚身。魚肉非常鮮嫩滑溜，魚皮都煎得好脆，中間的魚骨都好易去。薯蓉份量超多，食落非常creamy，配埋忌廉汁好好食，仲有脆卜卜的蟹籽🤩蕃茄仔好甜，西蘭花正常發揮。跟餐 餐湯 & 麵包椰菜花湯非常creamy，裡面有好多蔬菜，幾乎每一羹都有，感覺好足料。麵包邊烘得好香脆，麵包本身都有香草，食落好香。Lavender Dream (走冰) +$28飲到好濃郁的荔枝味同茶味，薰衣草味偏淡，成杯特飲似荔枝冰茶，好好飲，好啱我口味👍🏻ULURU (灣仔)灣仔春園街1-11號春暉大廈1樓*上述文章只供參考及以當時價格為準…查看更多

Weekend同屋企人去食semi buffet lunch😆今次搵到一間好抵食的餐廳，沙律吧+主菜最低消費唔使百五蚊，沙律吧同主菜都好高質，食得好開心呀🥰沙律吧 $98沙律有五款，唔算多，但每款都幾豐富，唔求其，而且refill都幾快。吞拿魚沙律好colourful ，魚肉都多，其他蔬菜都好清爽。通粉沙律都唔錯，呢款通粉平時都少見。南瓜沙律的南瓜同紅椒好甜。紅菜頭沙律都ok。凱撒沙律的生菜都幾新鮮，仲有麵包粉同煙肉，可以自己mix。炸物有薯條，炸雞同洋蔥圈，炸雞柳辣辣哋超惹味，食咗幾轉😆薯條洋蔥圈都好香脆。甜品有兩款芝士蛋糕，豆腐味同蜜桃味，味道我覺得ok啦，但屋企人覺得好好食。跟餐 蘑菇湯湯的質地都幾濃稠，睇落都好足料，味道勁濃郁，好飲👍🏻牛肝菌蘑菇意大利飯 +$48一上枱就聞到勁香，有好濃郁的黑松露味，未食都已經好吸引🤩粒粒飯都蘸滿醬汁，真係好好食，菇片亦唔錯。至於飯的質地，我覺得還可以，不過屋企人覺得偏硬😅香煎法式雞卷 配 西蘭花苗及薯蓉 +$68擺盤好精緻，雞肉食落好嫩滑，連皮都係脆脆哋，都幾有驚喜。薯蓉好滑，西蘭花苗的莖好爽脆，唔錯👍🏻The Grill Room (The Humphreys) (尖沙咀)尖沙咀堪富利士道6-6A號爵寓2樓*上述文章只供參考及以當時價格為準…查看更多

一大清早約個friend 食早餐😆今次去咗西營盤的呢間cafe，cafe開9am，好彩早入去，未到10點就好多人。佢早餐的menu都幾豐富，好多野揀😍全日早餐 $118超級欣賞佢的麵包，好難得食到咁正的麵包，麵包有大量亞麻籽同芝麻，所以食落好香好脆，呢款麵包好得我歡心。第二鍾意炒菇，勁香，好有蒜味，又夠哂juicy。蛋都幾滑，香腸好有香草味。薯餅都幾香脆，正常發揮。不過煙肉有少少鹹，還可以啦。士多啤梨可頌窩夫 $118士多啤梨窩夫的賣相好精緻，淋滿晒士多啤梨糖漿，睇落好吸引😍窩夫份量比想像中大份，而且都幾厚身，口感香脆，都好鬆化。雪糕的雲尼拿味好濃郁，士多啤梨同藍莓果肉好香甜，士多啤梨好好食😍可能怕食客覺得唔夠甜，仲有一小碗士多啤梨糖漿跟埋🤣黑芝麻杏仁奶特飲 +$48抹茶拿鐵(熱，杏仁奶) +$25黑芝麻latte的拉花係獅子🦁️so cute ☺️ 黑芝麻味道好香濃，都唔錯👍🏻抹茶latte的抹茶味道非常濃郁，但又唔會苦，非常好飲🥰Coffee by Zion (西環)西環西營盤第一街83號地下1號舖*上述文章只供參考及以當時價格為準…查看更多