aufdenblatten's Profile

從未試過如此差嘅Omakase,午餐每人$1200都唔係問題,同朋友慶祝生日，難食先至慘，第一道前菜完全冇味，第二道蒸蛋，竟然熟到裏便全部都好似月球咁一個窿一個窿，心諗今次應該死緊，中伏！刺身嘅時候一睇就知道廚師刀工唔掂，從來未見過廚師係可以唔戴帽，廚房周圍仔細睇睇仲好污糟添。象拔蚌竟然係冇味，幾難先俾佢搵到條象拔蚌係無味，啲魚一啲鮮味都冇，食到第三四樣，已經係頂落去食完餐午餐，唔想朋友唔開心，俾啲食評老點左，一世冇下次！！…Read More

平時都有去大鴻輝樓上樓下打邊爐，見到呢間新開見到有好多好評，所以成家一齊九個人去食，點知中伏，啲相好似好乾淨，其實嗰度好污糟，見到啲刺身都唔敢食連小朋友都唔想食，已經叫$278+10%，啲牛肉完全唔掂，啲蠔仲要好腥，所謂嘅海鮮全部都係冰左，啲蝦霉食佢所謂嘅冷盤，泰式鳳爪啲鳳爪係冇味道只有雪味 ，成家人食咗2700百幾都唔知為乜，最後只有食個麵落啲菜就算，點知返到屋企已經肚屙，九個人有4個人肚屙，簡直封佢為全宇宙最難食嘅火鍋如果唔係冇得選擇連一粒星都唔想比…Read More

以前喺大角咀住嘅時候都有食過呢間粉面，已經覺得師傅好有心機整嘅雲吞牛腩都好出色，搬走咗之後都冇乜來過，因為近來要喺大角咀返工見到佢新裝修所以入去試吓，師傅仍然係嗰個，試咗lunch同同事嚟食，好好個個都讚，所以今晚來試晚餐。地方環境好清潔好靚，甚至乎醬汁擺設好細緻，成個格局唔同晒坐得好舒服，食物多咗好多款，一定要食炸魷魚鬚，不過唔記得咗影相，但係超好食因為好味所以覺得好抵，員工好有禮貌，冇諗過大角咀阿姐都識用iPad落單，上菜快…Read More

我同朋友帶兩個小朋友一齊去high T，食物水準唔錯，但係服務生態度極差，由我企喺門口問有冇位，waiter明明企喺度望住我，竟然唔應我，我以為我只講得細聲，所以再講多次，佢叫我等等就行開咗，我已經覺得怪怪地，到食物嚟嘅時候已經擺到成枱都係，佢竟然揸住碟野叫我自己執好張枱比個位佢放低啲嘢，哈～依間餐廳可以做到咁樣都真係⋯⋯「有管理質素」收起啲污糟碟嘅時候仲跌咗啲汁落去我啱啱shopping袋衫裏面，好彩只係喺個袋側邊，爭啲就掂到我啲衫，我望住佢，連sorry都冇聲，之後叫咗熱茶4杯，有3套杯碟都係勁污糟，叫佢哋換過D杯，仲慘過乜咁，都係唔好意思都冇，有料！…Read More

呢間餐廳係灣仔我幫襯過好多次，好好味食物質素高，價錢正常，環境靚，服務唔錯，所以好多朋友嚟到香港玩嘅時候，我都一定帶佢哋去灣仔分店。知道尖沙咀開咗間分店，仲可以欣賞夜景，同飲嘢，有朋友喺外國嚟，一心諗住帶佢哋去飲嘢先，訂咗位喺嗰度食飯。我幾個朋友到咗先喺佢地天台嘅open bar飲嘢，我到嘅時候都未坐低佢就一定要你喺樓下自己買一杯飲品自己攞上去天台先可以俾你上去,我話我已經訂咗枱食飯，朋友亦都差唔多飲完，就算我唔飲嘢都可以同朋友打個招呼掛，我已經同佢講我食晚飯嘅時候會開酒， 佢竟然堅持要我買杯嘢飲先可以上去。我真係連飯都唔想食，但係又唔想係我啲朋友面前搞到咁開心，就算！到我叫嘢食嘅時候，我叫左五樣嘢食四個人，睇佢似個經理問佢，佢啲食物夠唔夠我哋四個人，佢只係答唔知你哋想食幾多，食物到咗之後唔夠10分鐘，佢就突然間行過嚟問你哋夠唔夠嘢食我哋lastorder，仲有1分鐘你可以叫，我搭唔使，超級冇禮貌，過咗5分鐘我個外國朋友好想試佢哋嘅甜品，佢問個女侍應想叫甜品，個女仔好有禮貌叫我地等一等，點知離遠有個疑似經理嘅人又大聲講話頭先咪講咗last order囉,冇得叫呀我哋大家都話以後都唔會再嚟幫襯，點知我個女朋友去廁所之後，就同我講呢間餐廳真係不知所謂，企喺門口有個TB員工，竟然喺我睇女性鹹濕相，相當核突，奉勸大家都係唔好去，無謂貼錢買難受！…Read More

好少會去元朗嘅我，前日放假入去做義工，下午3點幾先食lunch,經過見到有間去食烤魚，我至愛食烤魚嘅男朋友，當然唔會放過就試吓，坐低姐姐好好招呼，地方乾淨，食嘢嘅時候仲有圍裙保護你件衫，真係好窩心我哋叫咗個大辣烤魚，姐姐仲驚我地食唔到估唔到咁好味，辣得好香條魚好新鲜，仲有好多配菜，唯獨是配料嘅新鮮牛柏葉有啲韌，鐘意食辣一定要試大辣，佢地d水果茶真係好好食，尤其草苺多多，平時我係絕對唔飲呢類飲品，不過試過就愛上，下次一定再幫襯…Read More