Ms. fat fat的個人專頁

好隨心去呢間拉麵店食第1次食店內簡潔10幾個位坐低之後內心掙扎要雞白湯好定醬油湯底好最後叫左醬油味果然無令人失望 醬油湯底有炒香過既感覺，完全唔會覺得單調兩塊肉軟滑唔會柴隻溏心蛋都好好食 蛋黃係靚靚橙黃色 拉麵質地岩岩好 唔會過淋飲多幾啖湯底之後，再試加左枱上既配料有福神漬同生蒜連埋拉麵一齊食兩樣都好味 🤤當日我食既鐘數係公假晏晝4點幾得我一個客真心覺得呢間拉麵店質素幾好 有誠意值得更多人欣賞…查看更多

開業好似有個幾兩月咁上下，竟然無一篇食評。增添一份神秘感🤓重陽節公假朝早，決定身先士卒。為鳳德人謀福祉去試伏🤩上到去walk-in 10點15分左右，等左10分鐘鬆d有枱佢裡面原來幾光猛，碗碟算幾乾淨，唔會油立立。初步印象比想像中好原來佢有朝早特價孖寶野。但去到10點25分就last order 我地咁岩坐低就無了。😅比大家參詳下點心紙兩個人叫左5樣野 鮮蝦菜苗餃，鳳爪，粉果，咸水角，炸雲吞我本身唔抱期望去食。味道中等以上少少。菜苗餃同雲吞幾好。其他就正常發揮。無特別160蚊兩條友,以公假黎講都可接受。出到去11點9左右埋單個下。都好多人等緊位。順帶一提，我諗住用tap and go,原來唔得，唯有用Alipay 總結：可以一戰😌安全🫡…查看更多

星期五晚約左幾個朋友去試呢間新餐廳食dinner，係即日中午先打去book，但可能新開無耐，竟然book到，開心間餐廳門面好colourful好光猛。座位之間夠哂闊落。裝修似渡假小花園坐得幾舒服～我地幾位美女食左好多野。另外仲叫左香港製造既啤酒🍻用蜂蜜做底，有唔同口味,本身唔太識飲酒，呢個酒精得4.5%，好岩小學雞飲，似有氣既蜜糖cider，甜味自然，幾refreshing,值得一試🫶…查看更多

見佢門面寫住「手工漢堡」既大字。非常簡潔。咁香口既野。新開點都要試下叫左個磨菇安格斯牛肉漢堡($58),另跟餐($15)要左汽水同黑松露薯條（黑松露另加$5）賣樣ok既。有個紙盒仔用報紙pattern既紙墊一墊。有feel wo。薯條係粗身個種。我鐘意食。點埋個黑松露醬。夠熱。好味😋。如果再比多d薯條就好啦。個包。份量都夠。牛肉幾厚。煎香表面之餘中間仲有少少粉紅。肉質新鮮。肉汁滴出黎。😍唔錯。包都鬆軟。但個人口味。如果塊牛既調味除左黑胡椒之外，再甜反的dur更好。其他既配料仲有磨菇。芝士。洋蔥。青瓜。同生菜。整體黎講。屋邨小店黎講。算有誠意。幾好。會再幫襯👍🏻…查看更多

去開觀塘就試下間野係咪咁掂叫左蔥花蛋三文治熱奶茶諗住食得輕營d 點知上碟係輕量tim比我想像中細份味道品唔錯包有塗牛油幾細心 ，蔥花連蛋咁食係唔錯既但如果再熱d會更好價錢連埋野飲要38 蚊 奶茶無特別整體性價比唔算高…查看更多

晏晝去開上環試下早排好似幾多人講既四季常餐Weekend 4，5點左右 客人唔多雖然滑蛋叉燒飯望落好吸引 但唔想太過份 叫個包品嘗下算個包好食值得推介既下午茶之選奶茶就無特別…查看更多

入長洲一遊晚餐求其揀左間餐廳叫左6餸 388仲有咕嚕肉同蒜蓉蒸蝦唔記得影咕嚕肉我覺得係咁多碟最好食蝦好細仲要開邊 味道不過不失整體黎講 服務非常有禮食物一分錢一分貨4個人每人唔洗一百可以叫到幾樣海鮮 就唔好expect 會有超好食既感覺 。但亦唔會覺得中伏。因為唔貴。普普通通食一餐當感受下海邊食飯都okay ge …查看更多

見個餐牌話個大廚係鯉魚門做過。加上d相既賣相同價錢ok所以黎試下打去訂枱問有無咩菜式要預先訂阿姐話最好海鮮都提前講定 ， 我訂星期六但唔係咩特別節日 ，無限時。阿姐話夜晚做一轉，唔會翻枱，可以一路食到尾。無切蛋糕費。 我地四個人食左椒鹽豆腐炸蝦丸脆豬手美極煎鮑魚花雕蟹蒸蛋冰鎮芥蘭同叫左個當日推介既乳鴿皇豆腐ok入面幾滑 外面個椒鹽味都做到。但可以再重口味d。會更歡喜 因為鐘意重口味所以又係煎炸野炸蝦丸。有十粒呢個幾好食 。香口。夠熱其實呢個豬手點蜜糖幾好味 但有屋企人話個皮硬左少少。 咁佢個皮又真係未去到好鬆脆。一咬就脆開個種開心。但佢個蜜糖味加埋黎食又真係其他地方暫時未食過。所以一試無妨。一上台就係呢個份量。每條菜都去左莖既表皮 。所以食起黎比相像中嫩。都唔錯。鮑魚都香口 界花之間有蒜粒 美極既鮮味都入到去 咬落幾彈牙 。乳鴿皇忘記影相。有人活太咸。可能我重口味所以還好。但可以唔叫無乜特別。影相幾靚。蛋滑既。但呢樣應該要做到反轉個殻 。無膏。最多肉係大蟹鉗但整體無太大驚喜。餐廳相一張 唔太大。環境唔好有太大期望。會有兩三粒蚊知不斷騷擾你。雖然係得個頭食都唔會expect 有裝修。但的確有改善空間。…查看更多

Happy Friday 試新野。見comment講dinner多。就試下佢lunch得唔得先。入到去係第一台客，有個大窗望到海景。有大沙發。播少少音樂。成個環境幾好。set lunch係湯或沙律跟一個main dish。我叫左湯(當日係南瓜湯,而沙律就係一塊煙三文魚同黑醋汁沙律菜) 同rib eye7成熟湯都幾大碟味道都okay但無話好突出。反而個rib一上就有驚喜。一黎比想像中大塊lol。二黎食落又真係幾好味喎。rib旁邊仲有d沙律菜同一d炒薯粒。顏色靚。份量剛好7成熟會煎到輕輕有少少脆邊，唔錯，但略嫌中間好似熟左少少。所以下次有機會會試下叫5成。肉質相信可以再嫩滑d。雖然set lunch唔包餐飲。但waiter都好好態度。叫佢比杯水都no problem ge,上菜個陣又主動問要唔要d mustard仲要有三款比我地揀。服務態度好好。如果想食好西坐得舒服d，呢到係個好推介。😗…查看更多

地址係克街6號, 去到見到點解係呀姐賣襪既?!...路痴好迷茫..原來係自己豬左...比D勇氣,,行前幾步過埋華星就係...哲平!!!yeay!!...去到係一個正方形舖面,,,左右各有7,8張坐位左右,,面璧既,,幾岩毒自午飯既人食~~無MENU放係'木台'..但係收銀處牆上有一大個MENU可以望到~~叫左醬油海鮮丼~80蚊~唔包野飲~雪櫃有飲品~樽裝烏龍茶10蚊,,下層有罐裝汽水5蚊~坐低好快有得食了~~佢係用黑色大膠碗上~~雖然唔夠美觀~~但節省成本都明既..無所謂..試下最重要既飯先~切得好大件,,平時D雜錦海鮮丼,,D刺身大概切到兩個指頭咁既SIZE~佢呢到係大1.5倍有多~~而且有反咁上下厚度~~加上灑左D蔥花同芝麻係上面~賣樣幾好幾豐富~~~刺身除左三文魚~吞那魚~仲有另一種魚(忘記名)~估唔到仲有細細地既鮑魚切粒~~印象中佢好似無蛋同青瓜等配料在內~~~整體味道唔錯既~~唔會覺得唔值中伏先~~但剌身可以再鮮甜d~~~而WAITER包括收銀都好有禮貌~下次可能會試下佢既炸雞丼~~60幾蚊~~都唔算貴~~~仲有...個到d冷氣唔夠行~~間野無門係開揚式~~外面一熱就應~~所以冷氣應該要改善下~~…查看更多

星期六晚黎呢到食睌餐，慶祝屋企人生日，因為想試下望住靚海景加叔八點幻彩詠香江，應該氣氛會幾好 (最好早d book,因為對海位大概得五六張)我地六點左右到，因為聽講d蟹有限，早到最穩陣坐底無幾耐就出去拎野食，第一時間去冷盤拎蟹，蝦，螺，龍蝦仔，青口，八爪魚同刺身,三文魚,劍魚(好似係)蟹得放四隻(每隻一開二)係冷盤，心諗都幾少 ,,,後尾發現其實佢地會refill既，好似食到後段都仲望到有少少蟹剩,,,個都係個句，早到都一定有得食講真,好似好多comments都話蟹多膏好味,咁膏的確唔少,,味都ok既,但始終係凍硬左，我都係食半隻左右無添食大路既三文魚刺身幾厚,雖然可以再鮮d同多魚脂d,但味道唔差既,,至少屋企人都有再拎多兩三次..其實仲有壽司同手卷,但完全無試,因為賣相一般：p之後試左d細細碟幾精緻既冷食,,欣賞佢地唔hea有蟹肉牛油果,,幾開胃 黑松露溫泉蛋蛋，清清地，有幾滴油香，嗯黑松露味有但唔重，試下ok既後來但多左一兩款，好似有個係八爪魚有d sauce底下有幾粒cheese呢d好在細細地樣樣試下又唔會好滯 :) 熱盤方面手切牛肉幾出色,,肉質軟，煮得岩岩好大概有七成熟,sauce有黑椒同燒汁揀，推介 !!天婦羅就一般，加上無蝦嫁 :( 有南瓜,茄子鮮菇，粉漿太厚，無味加無味,通常南瓜都甜但佢真係無味,,not good有夾到一試既個仲有..蒸魚,,幾滑幾好味橙煮鴨胸,唔夠入味釀蟹蓋，食到好似係魚膠多過新鮮蟹肉燉牛尾，焗唔記得咩薯都幾好食，，傳說話幾得既鵝肝醬多士我試左一塊，醬自稱自家整，都ok值得口痕試下,,芝士餅乾貪得意試下，有三至四款cheese,, not expert of cheese，，味道都係ok la唔錯,,另外仲有食咕嚕雞，羊，無飯有伊面,,呢D我就無乜食因為飽飽地，其實仲有其他款式，，都唔少嫁湯有兩款，南瓜同覇王花湯，一中一西屋企人話西湯甜左少少一般，中湯反而唔錯沙律菜都唔少,,,但都係大路既菜款，無乜特別甜品整體ok既但最愛無攝到，係牛角包布甸加埋溶左vanilla sauce yummy 都係推介之一水果好似得pineapple係甜,,西瓜密瓜大件但無味另外留意,,有細細盒既moven pick係雪櫃任拎good good總括黎講,,,加埋一三百六蚊一位唔算貴overall水準比預期好，無蠔食係預左，但整體食物味道都唔錯，賣相幾有heart，，而且飲品汽水同beer可以無限refill幾吸引，仲有沖既野飲就包一杯場內好似無乜內地人,本地人多，坐得幾舒服但海景其實比文化中心block左大部分lol唯一要彈下有名戴口罩職員相信個人躁底，佢成日自己up up下，有個moment仲聽到佢講頂，，同埋叉人老母當然係細細聲唔係當面個隻，但作為客人聽到會心諗乜料，我有同另一位職員反映，佢都知個同事有少少態度問題,有前科lol我希望佢早日康復，其他職員service都好係得佢怪怪地lorby the way,,食完竟然仲有COUPON送下次食有8折,,適用最多10人,,當然有condition,,e.g. 假日個D唔用得,,但唔expect會有個陣無啦啦比張coupon又幾開心WO~~…查看更多

星期五晚大約7點半3個人WALK IN堂食,咁岩有一張4人台走左~叫左Carbonara,,,意粉本身OK,有硬度,,但個汁唔夠多同包唔住意粉,,似係臨上碟先兜幾下汁..唔RICH..友人大感失望小食拼盤佢話無雞翼...(雞翼來貨咁緊張?!) 可用法蘭克福腸代替..最後決定放棄,淨叫一碟法蘭克福腸同一碟芝士條腸-唔得..份量OK但切得有D薄..質感好D粉粉地...法蘭克福粉腸?芝士條,,,嗯..入面D芝士似PIXXA HXT個D芝士批邊。實實地。個WITRESS默默放低左樽茄汁..但其實芝士條點茄汁唔多MATCH..黑松露野菌飯(忘記全名).朋友話飯比較可取..我就覺得正正常常..茄汁海鮮RISOTTO..都OK LA..每人叫左一杯野飲..我叫左朱古力沙冰..呢個又幾好飲WO..服務方面,,服務費有既,,但服務就無羅..去CAFE都係想坐耐D傾下計..但DWAITRESS間唔中就會過黎想收野...好趕時間咁..又無咩笑容..當然話唔洗收住,佢地就會默默走開..又無口話黑面既中間個飯耐未黎..叫左個疑似老細既人跟一跟..佢只係HEA底話:嗯.好呀...雖然唔係想佢誇張SAY哂SORRY,,但HERAT就明顯無嫁喇..打完場...中肯D講飲品唔錯,,飯味道OK..其他就可能會有少少失望…查看更多