yuen1204's Profile

之前成日黎呢間餐廳幫襯ga~其實係慈雲山區黎講佢嘅價錢係比較貴....不過佢d小菜係幾有特色嘅~我多數係晚飯時間去食~最鍾意食椒鹽鮮魷+原汁時菜牛腩煲~講真佢地d水準好唔穩定!!我試過食d 椒鹽鮮魷係炸到勁乾, d 時菜牛腩煲嘅牛腩係臭ga!!!!仲要唔只一次係咁!!!!! 仲有佢果度有個樓面ar嬸態度超惡劣 (瘦+綁馬尾ga)...平日堂食時叫佢攞d 嘢or抺下枱佢都黑口黑面!!!! 有一次我打電話去叫外賣, 叫時菜牛腩煲問佢時菜係咪有生菜揀時, 佢竟然好無禮貌咁話:[麻鬼煩! 要我行去睇! x]....跟住仲cut左我線, 咁我即刻打返電話落去, 今次係佢老闆接電話, 咁我就同返佢老闆講la! 點知佢老闆話佢不嬲係咁ga wor....嬲到我呢!!!!!我而家係比錢食飯, 而唔係比錢你黎受氣ga low!!!!!我發誓我以後都唔會幫襯呢間垃圾餐廳!!!!!!!…Read More

Today 係suki 生日~我又唔記得準備禮物wor (晨咁早10點幾係邊度揾禮物...我又要趕返工...)....咁啱路過sogo, suki又鍾意食朱古力, 咁諗住買盒好嘢送比佢la, 本身我諗住買Godiva, 因為出名ma~要送禮梗係送d貴嘢la~點知個sales掛住理d大陸有$客, 完全唔理我...攪到我等左勁耐...真係把鬼火!.....咁見到佢附近都有間係賣手造朱古力嘅counter, 咁咪過去睇下low~個counter 都幾細間....叫 valrhona, 我記得聽朋友講過呢個牌子d朱古力攞黎做蛋糕好好味, 但我真係唔知佢原來有專門店~我一行埋去個sales就好有禮貌咁問我想搵咩朱古力?? 我話想送比朋友,要搵d黑朱古力, 佢就介紹左d 鐡盒裝比我, 一盒$115....我話咁細盒但係都幾貴wor...貴過Godiva...佢話呢個牌子嘅朱古力係法國手造ga~係外國好出名, 但因為無咩點宣傳所以香港無咩人識, 但佢保證一定好好食....跟住佢仲請我食左粒白蘭地酒心朱古力~~~~~真係好正~~~~~跟住佢再請我食多粒黑朱古力~個sales真係好好人~d朱古力又好味~~~so我最後buy左2盒18片裝嘅黑朱古力 (70% and 80%)到左夜晚終於送左2盒朱古力比suki~佢一收到即刻開黎食~仲讚我識買~原來佢以前係外國讀書時都有食過valrhona d 朱古力~佢話好好好鍾意食~佢都唔知香港原來有得買~所以超開心~哈哈哈~咁下年佢生日我唔使諗送咩low~再送返朱古力比佢就唔使煩la~~~…Read More

元朗好似有好多好食又出名既牛丸...之前食過嘉麗園...我覺得一般, 尚可啦! 咁諗住試下勝利牛丸啦...之前飲食男女寫到佢好勁咁, 咁我滿懷希望同BB去食我地叫左一碗牛丸米 (我本身諗住食麵...點知佢話係油麵, 我真係O 咀...一間咁出名既麵舖竟然得油麵囉! 而家食車仔麵咩!!) 同埋一碗牛腩麵...加碟油菜...碗牛丸米賣相麻麻...唔緊要...咁呢間野以牛丸大王自稱...D丸好味咪得囉! 點知D丸入口好 "鞋" , 好難先吞到, 完全唔覺得佢彈牙, 質感死實! 牛味一般, o係街市買急凍牛丸仲好食過佢! 仲要唔知係咪因為天氣太熱, 佢D牛丸有D酸味! 個湯底就味精開水! 我自己煮仲好食過佢! 跟住到碗牛腩麵, 佢大大隻字寫住係五香牛腩, 但我唔覺有五香味囉, 南乳味就有! BB 食第一舊o個陣都覺得 "嘩! 乜咁濃味既? 唔通太入味?" 但再食多幾舊之後就越來越口渴, D味精超晒標! 個湯底黑到墨汁咁...飲左一兩啖真係頂唔住...再加埋碟超鹹油菜簡直 "攞你命三千!" 求其o係街邊食碗十蚊牛腩麵都好食過佢! 我真係好唔明, 點解D人會覺得佢咁好食, 其實D人係咪因為佢出名先至覺得佢好食呢? 定係因為佢出左名所以先咁難食呢?仲有o個度D人既服務態度好差! 咁可能出名係囂D囉! 我地坐o個張枱有一大張抹布擺左o係度, 好污漕架, 有漬有頭髮有麵碎, 濕淋淋...咁我地一個短髮既員工 "可唔可幫我地拎開呀?" 佢一臉不悅咁張塊布掉過隔離張枱囉! 咁唔通我叫佢拎開塊布呢個行為好過份? 塊布o係正我地前面, 唔係要我地攞黎伴碟掛??? 咁佢呢問舖都好衛生喎! 怪唔之得咁 "出名"啦...服務又 "好"...衛生 "仲好"...食物味道 "頂呱呱" 抵佢出名啦!! 可以入選做"香港米芝蓮餐廳" 囉!!!…Read More

個老板每次o係門口都好熱情, 同肥B都入過去幫襯幾次... 都係食晚飯小菜...價錢比起泰昌算平... 但水準一般... 最好食都係風沙雞中翼... 但係一講佢外賣就把鬼火! 有次同細妹好肚餓懶得煮飯於是諗住打電話叫外賣... 諗起之前食過堂食都OK啦, 加上佢真係好平, 於是就叫左 "黑椒雙扒飯 (雞扒 + 豬扒) 多汁 同埋茄子班腩飯加兩杯熱好立克... 大概20分鐘度送到我屋企... 我細妹一打開盒飯就話 "佢比錯飯我, 豉汁黎既???" 我叫佢食啖...係黑椒就黎, 之不過點解會有紅辣椒粒o係入面既??? 咁我細妺再食D扒, D扒係凍架!!! 同埋塊豬扒係"鞋"到媽媽聲!! 咁我仲笑佢 "扺你死啦, 叫D咁碟頭既飯..." 點知我o個碟仲衰!! 當我同細妹滿懷希望咁打開盒茄子班腩o個陣...有煙出架喎, 咁即係熱啦! 我同細妹每人拎左件茄子食...都係凍既...我細妹仲要同我講 "臭既???" 但我o個件冇事...我仲同佢講 "係你錯覺咋???" 咁我又食左件魚啦...好似o係雪櫃啱啱拎出黎咁...我唔明點解盒飯會有煙出囉!!! 可能淨係得D飯熱!!! 最惡夢既係跟住我食既每一件茄子都係臭架!!! 即係得我頭先第一件食o個件係正常!!! 佢D 野食最好味既其實係佢o個兩杯好立克...夠熱, 味道啱啱好...但係之後我地亦都再叫多一次 (因為泰昌D外賣盒同杯要加錢...而昌記...我屋企冇佢既外賣紙....) 咁我地經過上次既教訓就決定叫D 更加大路同埋應該唔會點難食既野...今次我地叫左咖哩牛腩飯同咖哩肉片飯... 諗住攬住一齊死.... 今次盒飯係熱既, 但係冇咖哩味囉!! 牛腩少同 "un" 囉...肉片係冇味, 但係佢D薯仔係好食既...因為係炸過既薯角...比起上次既, 今次雖然都唔係叫做好食, 但係冇上次咁垃圾!!! 而佢D 野飲都係好飲既...經過呢兩次後, 再加埋佢堂食實在普通, 我決定以後只會o係逼不得已既情況下先會考慮幫襯佢囉!!!…Read More

聽人講呢間野D野食唔錯...今日就一於去試下...由於係接近十點先去...所以間野唔算太多人...一入去就見到個伙記坐o係度食緊野...冇問題...人地都要開飯於是我同GF就去左搭枱...坐到咁上下見到一枱人走左諗住坐過去啦...點知o個個伙記好快咁坐左過去...我都未見過一間食肆D伙記會同客爭位坐...咁都算喇...既然係咁...我同GF就坐左去個伙記開頭坐既位度...叫左一個pizza(淨係記得配巴黎汁...唔記得左個名...)同埋一個三文魚焗飯...上菜既速度都算快...個pizza就一般...不過唔係好明隻汁點解叫巴黎汁...至於個焗飯就唔錯...食完唔會好滯...整體上味道都好味...不過唔知點解食到咁上下竟然有個伙記坐o係我地張枱度對住我地o係度"撩牙"囉...我GF話睇到佢咁即刻飽晒食唔落囉...最唔明既係...點解呢間野要收加一...…Read More