Shelbilam's Profile

睇完社交平台介紹就想試好耐，因為係日本人主理，拉麵店裝修同日本嘅拉麵店風格一樣，令人感受到日本嘅風味。點咗一碗特製拉麵，湯底咸度恰當，麵質好彈牙，配菜份量足夠;另外點咗5串串燒，雞翼、雞頸、雞腎、雞皮和雞腿肉，燒得好好食，好有風味👍🏻👍🏻😋…Read More

首先，講吓衛生同服務態度，侍應抹枱求其，啲椅，地下同BB椅都有食物殘渣，員工就多，但個個好似選擇性應你咁，睇到扮睇唔到，好似鬥唔做嘢咁，坐低好耐水都冇杯，點餐已經係全自動，啲侍應都可以個個匿喺水吧位🙄。。。之後講吓食物，點餐嘅圖片好靚，但上碟賣相完全唔掂，啲雞翼好似異品種，好似畸形咁，唔明點解可以俾客人食，啲西冷扒淨係食到鬆肉粉味，啲麻辣豬耳係求其搵啲辣椒油撈落去，總之係全部嘢都唔好食，整體好差，食到個人冇晒胃口。…Read More

一心睇完食評就慕名而來，見個menu啲圖都幾吸引，叫咗鯛魚片魚湯烏冬，鮑魚魚肚花膠魚湯烏冬，汁燒烏賊，真係好想講吓個魚湯，唔熱之餘仲要無味，何來魚湯專門店？啲鯛魚片一樣又係無味，另外鮑魚同我喺超市買罐頭鮑嘅味道無分別，加埋啲花膠魚肚落個魚湯度完全唔夾，好似無配搭過就將啲配料放埋一齊咁，再講吓個汁燒烏賊，上碟個烏賊根本係烚，無燒過嘅痕跡，唔知係趕收工定求其烚，真係好難食！如果慕名去食可以免，想求其食啲嘢建議自己煮都好食過佢！…Read More

本身朋友話見到排行第三嘅餐廳就諗住試吓，但真係好難食，好耐冇食過咁難食嘅野，我同朋友各點咗一份肉眼扒，5成熟，加$25有餐湯、餐包同餐飲，首先想講吓個餐包唔係整返熱，呢個都算，餐湯叫咗羅宋湯，連咁普通嘅羅宋湯都唔好飲又唔熱，之後到肉眼扒，味道完全係鬆肉粉嘅味，冇口感同牛味，食到一半中間完全係唔熟，生到食唔到要換，我同朋友果兩塊都係咁，餐廳仲要主打係食扒，價錢同食物成反比，到最後嘅甜品係一粒Brownie，食完一淡已經食唔落，真係請我食都唔會再嚟食😖…Read More

本身係walk in去都預咗等得耐，但唔係俾哂後期walk in嘅人入到未到我哋入掛，座位安排好差，再者，呢間店除咗係打卡店外，食物只有賣相，質素同價錢成大反比，體驗好差，有待改善⋯⋯…Read More

首先，呢間餐廳有個職員好有問題，某名30-40歲男職員服態度超級超級超級差，人生第一次見啲咁差既waiter ，大家入門口第一個應該會見到佢啲惡行，大聲呼喝客人及超級無禮貌，言語冇品會寸啲客人，落單時仲扮聾聽唔到，特登要個客講大聲啲講，同要求個客人要面向住佢講野，仲要西口西面，完全唔識尊重人，仲故意唔確認你openrice個訂位，等你冇得賺積分，行為好討厭又小學雞，單係佢既行為舉止同言行，已經唔會再想介紹俾任何人黎食。唔想受氣就唔好黎，因為服務態度差，野食又好一般，所以冇理由要食呢間餐廳。…Read More

本身諗住情人節食餐飯，個set $9xx(節日價)，諗住應該唔錯，但食完真係要劣評，第一，我地叫咗牛扒餐，咁塊牛扒冇味又苦，之後食完哂塊扒後個waitress 無啦啦放低個汁話係牛扒汁🙄，隔成15mins先知原來有牛扒汁未上，第二，我地叫完餐飲佢冇俾羹我地，之後我地話冇羹，佢就俾咗兩隻唔同size既飯羹俾我地篤檸檬🙄🙄，第三，最後上甜品又上咗2隻唔一樣既叉，係意粉叉同生蠔叉🙄🙄🙄真係忍唔住投訴，可以black list!!:(…Read More

見到咁多讚以為好好食，點知係非常普通既拉麵，可以媲美味千，點咗牛油湯叉燒拉麵同大盛拉麵，叉燒煲到散哂，湯又冇出色，另外點咗燒鯖魚，無特別好味，燒得有啲乾身，唯一好食係泡菜餃子雞翼。。但成間鋪太焗，可能地牢既關係。…Read More