MsWil's Profile

越南野同泰國嘢食得多，兩樣溝埋都食過，不過加多個西式食法就真係第一次了。炸雞翼新鮮炸得好香脆又保存到肉汁，上面仲有少少鹽調味，值得一試。水牛辣汁雞翼食完炸雞翼好想Encore，又想試新野就點埋個水牛城雞翼(我承認是雞翼控)😂，呢個味道比較濃味，雖然冇上面炸雞翼咁香口，但勝在個辣汁夠開胃唔太辣，算係個幾稱職嘅前菜。蒜片蜆肉意粉CP值高，蜆肉同意粉份量比平時多而蒜蓉份量啱啱好，沒有蓋過蜆肉原有嘅鮮味，扁意粉好有咬口，抵食👍🏼龍蝦汁帶子意粉帶子雖然得兩隻但勝在多汁，龍蝦汁覆蓋嘅意粉𥚃面仲有小蘑菇進一步吸收帶子同龍蝦汁，真係汁都可以撈埋！芝士奶蓋朱古力不算是最好嘅奶蓋，但夠大杯同多芝士！紅棗茶啱女仔飲，你懂的😏…Read More

最開心就係同三五知己一齊食飯啦！今次食潮州野！呢間梅花村小館係長沙灣，係地道傳統潮州菜。地鐵行過去都係8-10分鐘左右所以都好方便。聽聞呢度個大廚拎左第19屆中國金馬獎（飲食），果然臥虎藏龍！滷水鵝肝我好鍾意食鵝肝，但係平時食嘅都係西式做法煎鵝肝。滷水鵝肝就真係人生第一次食，本來以為會好奇怪，但係結果原來好好味。雙併鵝肉墨魚半肥瘦嘅鵝肉好入味，最有驚喜係墨魚片，煙銀得黎又食到墨魚嘅鮮味。黃金豆腐omg呢個真係整得好好，外層炸粉好薄唔會好油，裏面嘅豆腐非常軟滑，彷彿一擺入口就化開咗。經典美食煎蠔餅通常食到嘅蠔餅都係粉多蠔少，不過呢度係調返轉，好足料。椒鹽九肚魚呢個真係必點自選！九肚魚好嫩滑，好香好鮮甜，真係食唔停口。欖菜肉碎炒飯本身食完其他餸菜都已經飽飽地，不過呢個炒飯好香好有口感，忍唔住食咗一大碗。反沙芋頭人生第一次食呢個甜品，估唔到口感幾得意，鍾意食芋頭嘅人一定唔可以錯過。老闆話呢度仲可訂枱、包場，仲可以唱K、打麻雀，真係超適合一大班人食完飯可以直接有餘興節目！…Read More

平時係中環食飯都係西式野比較多，今日lunch黎左呢間好有格調既中餐試一試。裝潢格局既保留中國氣息，但同時又做得非常modern。lunch set $198有齊精緻點心，前菜，主菜同甜品。點心order左 FangFang蝦餃皇配玫瑰櫻花蝦粉🦐 蝦餃裏面包含好多隻蝦，餡料爽口彈牙。粉粿以玫瑰同櫻花蝦做搭配，食落非常清新。松露雜菌春卷🌯 松露香氣逼人前菜點左紅參鬚螺頭燉雞，足料滋潤靚湯，湯底好鮮甜好好飲。主菜點左芳芳豉油雞同琥珀黃金蝦配荷葉飯。荷葉飯用咗鮮菌同瑤柱一齊整，好香好好味。黃金蝦個蝦真係好大隻，又爽口彈牙，配上有鹹蛋黃口感層次更豐富。旁邊用蜜糖炒過既合桃好香口，食唔停！呢個豉油雞真係冇得頂！雞件非常嫩滑，完美地吸收左豉油的香味，但係完全唔會過鹹，味道控制得剛剛好。旁邊嘅豆腐都吸收左個精華好好食。而且份量都幾多，全部都係雞最好食既部位👍🏻👍🏻甜品揀左陳皮紅豆沙同生磨蛋白杏仁茶，兩款味道都好有水準唔會過甜，係成功既完美午餐ending。…Read More

今日無啦啦想食大排檔，諗起金妹記大排檔係銅鑼灣開咗新分店，一於去試吓。呢間新派大排檔，保留大排檔特色的大圓檯同鑊氣小炒等美食，但係環境非常乾淨企理，坐得好舒服。炒大蜆呢個好推薦！真係好大隻蜆無花無假，而且粒粒都有肉唔會上碟得d殼，$7x已經有好大碟好食得過👍🏻 而且炒得好惹味好有水準。椒鹽賴尿蝦因為得兩個人食，所以我哋淨係叫咗一隻試下。賴尿蝦好大隻好多肉，肉質厚實，feel到應該幾新鮮品質幾好，而且仲有蝦膏！！😱正呀！炸豬手外層既皮炸到好香好脆，咬落去就食到好有口感既豬手，而且d肉都算幾腍，而且唔會好乾，重點係唔會過於濃味。同埋真係好大碟好抵食，同朋友一齊食就最啱啦！乾炒牛河見到檯太都叫乾炒牛河，望落好似幾好食，所以我哋都叫左。平時食唔到嘅乾炒牛河通常都好多油，一係就炒得太乾，一係就太濕。呢度於乾炒牛河絕對水準之上，夠乾身但係唔會太乾，而且重點係一啲都唔油，唔會食到個咀立立令。👍🏻👍🏻…Read More

貓貓主題餐廳雖然無真貓不過有好多貓裝飾擺設仲有好多board game玩可以約埋一班朋友黎chill下🍻安格斯牛板胛🐂牛味好濃好入味 咬落好腍身伴碟有秋葵同薯蓉龍躉魚柳伴白酒牛油汁🐟餐廳每日都會去街市買新鮮食材所以係新鮮製造唔係冰鮮喔～但係煎得有d太乾浪費左塊龍躉/service就一般般明明日子食法國餐但係竟然一道道菜上仲要等超級耐😓但係又唔係爆場-🍽 Catee (@cateehk )📍荃灣楊屋道73號地下…Read More

最近中環開左一間日式燒物店，鍾意食日本嘢又鍾意試新嘢的我當然唔會錯過，捉埋男朋友一齊去試。店舖偏暗，頗有日式居酒屋的感覺，不過座位都既闊落。menu每款食物都用插畫方式畫出黎，就算睇唔明文字都可以睇圖畫，都幾細心。因為日本菜份量唔會好大，所以可以叫多幾樣。最滿意係牛舌同西京燒。牛舌算係厚切但係燒得剛剛好，而且好入味。西京燒的鱈魚亦都燒的好香好滑，魚油香令到食完都齒頰留香。不過吞拿魚尾就一般般，燒得太乾所以唔係太好食。幾特別既係食到中途全場熄燈，本來仲以為係停電，原來係遇上逢weekend先有既燒魚表現，都算係店舖特色之一🤣…Read More

一直都好想試美中鴨子，不過尖沙嘴分店長期都大排長龍所以一直都未有機會食。無意中發現原來屋企附近都有一間分店，所以就決定去試下。煎小黃魚整得唔錯，煎得好香脆，但係肉質依然keep到好嫩滑唔會好乾，而且都算幾大條。上湯茶樹菇豆苗都OK，不過略嫌口感過於硬，如果可以煮耐多少少會更好。滿心歡喜等左好耐既北京填鴨反而令我好失望😞 一見到個色澤已經覺得比平時食開既烤鴨淺色，以為係因為師傅要烤得啱啱好先係咁，結果一咬落去，肉質太乾，而且完全都太瘦，完全感受唔到烤鴨的油份。而且連包烤鴨的皮都整得太厚，完全無通透感覺，仲要係唔熱既。真心有d失望，希望只係個別事件/尖沙嘴分店可能會好d。…Read More

之前試過尖沙嘴同系列的Lobster House，覺得好好味，今次試下灣仔的Mr. Crab。餐廳裝潢都係好有特色，好有海洋感覺，依然有口水肩提供俾客人用，避免食的太興奮醬汁整到衣服🤣我地點左tailor made menu裡面既大龍蝦，然後要左當日special既蟹同蜆，同埋店員推薦既sauce。雖然只係點左3款，但係份量都幾多，而且隻蟹真係好大隻呀！蟹肉好多蟹膏好甜，配合埋個sauce好惹味，不過都幾辣，如果唔係好食得辣既人可以揀其他sauce。其他配菜例如粟米、腸仔，薯仔吸收晒個汁都好正！…Read More

越南粉係我經常都會食既野，所以香港大大小小好多間都食過。今次就試連鎖店錦麗，據聞評價唔錯。我點左個綜合粉同法式牛油雞翼。綜合粉係包括牛丸、牛肉、牛腱，啱晒樣樣都想食既人。湯底正常唔算特別濃郁，牛肉既份量最多，而且肉質好嫩滑。牛丸份量最少，只有3粒切半既份量，所以其實加埋等於得一粒半，不過牛丸真係幾彈牙而且肉味濃，似係自家製。如果牛丸份量可以多d就更好啦。牛油雞翼好香，而且咬落去好juice，肉質完全鎖住係裡面，唔錯唔錯👍🏻…Read More

早2日去完花墟買花之後實在太肚餓，忍唔住係附近搵嘢食醫肚。原來太子有好多美食，真係令人花多眼亂，最後揀左呢間山東餃子店，因為有我好鍾意既酸辣湯麵同餃子😍由於實在太肚餓，所以個餃子無影到相就已經食完哈哈。餃子有好多款選擇，皮薄餡多～酸辣湯麵一開頭見到個價錢唔係好貴本來以為唔係好大碗，結果一黎到第一個感覺係物超所值！因為裡面有超級多料，好正！個湯底酸酸辣辣好開胃，唔會過份辣所以好適合香港人口味。麵條吸收左湯底的酸辣味，好入味，真係忍唔住一口接一口。而且而家開始秋天，食完真係感覺暖笠笠得黎又唔會辣到出汗，very good！鍾意食酸辣既人應該會好鍾意～…Read More

最近有日本朋友黎香港玩，當然要盡地主之誼帶佢四圍遊玩。咁啱經過Gram，估唔到佢話想食，話想試下同日本總店的味道係咪一樣😆本來想點梳乎厘班戟但係已經賣晒，最後點左賣相同樣好吸引的意大利芝士蛋糕班戟。呢個Tiramisu pancake真係好正！pancake係好鬆軟的口感，每層pancake之間夾住軟綿綿的cream，以為會好甜好膩？！NO！朱古力脆脆同上面的咖啡粉中和左個甜度，令到你可以keep住食晒整份都唔會覺得太甜❤️👍🏻之前見到某個飲食短片對gram評價麻麻所以一直無試，但係今次食完我又覺得幾好食窩🤔 而且最重要係～我嘅日本朋友食完都話同日本總店的味道一樣，有真正日本人認證過最真實！😆😆有好得意既梳乎厘班戟公仔可以影相📸Menu 好多選擇～Tiramisu pancake!!!🥞 強烈推薦👍🏻…Read More

突然想食台式料理，於是捉左個朋友陪我去食位於旺角嘅老街。今次係我第二次食呢間小店，依然冇令我失望。我地點左lunch set既香酥排骨肉燥湯麵🍜同埋鹽酥雞肉燥便當🍱，每款都係$50左右連埋飲品，都幾抵食。試咗朋友嘅鹽酥雞幾唔錯，外層炸粉唔會好多，咬落去雞肉肉質嫩滑都幾juicy。我點嘅排骨都炸得幾好，唔會好油膩，外層的粉亦都算好薄。麵條好彈牙有咬口，落少少辣椒油配搭一齊食就更加好味～香港有好多間台式料理小店，我覺得呢間的水準算中上👍🏻…Read More

最近想食泰國船麵，於是同男朋友去左呢間係旺角的泰麵膳。同一般泰國餐廳唔同，呢間泰麵膳唔會有好多唔同品種嘅泰式食物，因為佢哋主打食船麵，不過亦都會有一些小食選擇提供。我點左個安格斯牛肉船麵，而男朋友就點左個豬肉船麵，另外加左一個豬頸肉小食。船麵湯底呈深啡色，感覺非常濃郁，不過飲一啖就發覺只有鹹味，香味反而千奉，令人有少少失望。麵底照樣揀左金邊粉，但係我覺得無上一次好食，少左彈牙的口感。好彩安格斯牛肉片口感幾嫩滑，挽回不少分數。…Read More

啱啱去完法國旅行，返到黎當然就係要約返班朋友們出黎聚會+派手信。我地選擇左去食一直人氣爆燈的美國過江龍Shake Shack。其實之前都食過一次，不過果次實在太多人排隊，又熱又多人所以已經唔係好記得個感覺，只係記得幾好食。今次下午時間去到唔算好多人，而且室外都有位坐就更加好feel。我地點左幾款漢堡，每個份量都好大，牛肉很厚肉質好嫩滑，啖啖肉感覺好正，而且就算有其他芝士等配料，都唔會蓋過牛肉味道，證明係用靚既牛肉去做漢堡。雖然食完覺得好邪惡，但係真係超級滿足！…Read More

國慶long weekend放假，於是約埋男朋友搵間cafe食野+嘆下休息下。因為唔係好肚餓，所以都係叫小食為主。好多小食唔記得影相就已經食左🤣，唯獨記得影呢個泰式香茅雞鎚，少少辣都幾惹味，而且唔會整得好乾身。其實佢哋有個西瓜草莓蛋糕好出名架，不過好熱門所以每日都係先到先得，賣完就無。今次咁啱已經賣晒，唯有下次早d黎食。…Read More