Bloggie's Profile

未聽過芽菜雞，入到間餐廳，見到張poster推介，咁就點嚟試下啦。呢碟芽菜雞，好抵食，有成半隻雞咁多，最鍾意就係隻雞係完全熟哂㗎，very very good。我平時好少食類似白切雞嘅菜式，因為好怕d雞仲有血色，但是呢碟芽菜雞，係全熟，一丁點血色都冇，超like呀! 而且d雞肉好滑，一d都唔會“鞋”，皮和肉之間仲有jelly layer, 唯一不滿的就是雞味唔算重，但亦無損我對這碟芽菜雞的喜愛，下次會再點的。通菜炒牛肉亦係另一碟佳作，牛肉一d都唔靱，雖未至於入口即溶，但好冧好易食，呢碟已經encore過好多次lu。…Read More

好耐冇嚟Teawood食飯，以前都經常去幫襯，唔知點解最近會少咗，冇所謂啦，今次去食返久違咗嘅蠔仔粥和煎鍋貼。鍋貼依然好啱口味，細細隻，個皮煎完後，濃嘅部位脆脆地，冇濃嘅地方就軟冧冧，一啖有2種口味，2種口感，而且內涵仍然juicy，呢度嘅鍋貼係必選嘅。蠔仔一向都是我的至愛，睇住餐牌，一見到蠔仔粥，唔使再諗，即揀。不過今次就有小小失望喇，就係鹹咗小小咁喇，除此之外，其他都好好。蠔仔飽滿大隻，粒粒都肥嘟嘟，啖啖蠔仔，每啖都覺得好滿足。如果鹹度輕番少少，就perfect喇。…Read More

好耐冇食過上海粗炒lu，因為怕太油，但是唔知點解突然想食，咁就點嚟食啦。碟上海粗炒份量唔算多，2人份量左右，有相對多及大塊嘅椰菜撐場，所以麵嘅份量唔多，主角和配角似乎交換咗。換個角度諗，有多d菜，感覺健康d嘅，亦無想像中咁油，okay ge。這個蔥油餅，I like it。外表好脆好香口，加埋表面上嘅芝麻好好味，令到整體上味道提升好多，內面包質仍然軟綿綿，只是蔥花略略少咗dd，如果再多d蔥花仲正。雞絲粉皮(半份), 芝麻、花生醬、加埋麻油做醬，好香好味。…Read More

今日中午食得太飽lu，到晚餐時仲未消化完，咁就搵d輕食啦，嚟呢間米芝蓮餐廳食碗牛腩麵，雖然只係食碗麵，話哂都係米芝蓮吖，自我感覺相當良好。一個字:“好食”。呢碗麵，麵質彈牙，qq的，好似意大利粉嗰d al dente口感，而且相當有中式麵香，唔錯。牛腩炆得好冧，好入味，牛腩肉唔會sip牙縫，又唔肥，作為輕食，係唔錯嘅。腩汁好濃郁，加喺湯底入面，令成碗麵加哂分。雖然唔肚餓，但是都可以全部食哂 (當然碗麵唔係好大碗啦)。…Read More

嚟呢間餐廳食飯，見到枱枱都有小籠包，唔通點小籠包係指定動作，我梗係跟風啦！呢籠小籠包都不負眾望，皮薄薄，熱辣辣，而且仲湯汁十足，一啖一隻，好好味唷！見到有蟹粉飯，就點嚟試下啦，飯本身就冇什麼特別，普通白飯一碟，不過蟹粉醬汁就好足夠。個蟹粉汁，入面有d蟹肉絲，蟹羔就略為小咗d喇，唔係好食得出，不過都算okay ge，只係小小鹹咗d，但都okay，下次都可以再點嚟食。雞絲粉皮(半份)，可以點半份，呢個安排好好，因為有時點一碟又太多，點半碟可以啱啱好。粉皮煙煙靱咁，一條一條咁嘟入口，加埋青瓜絲和雞絲，好好味。…Read More

可能係平日啦，酒樓都唔算多人，揀酒樓慶生，貪佢可以俾我地坐耐d，又可以大大聲，belibali都唔怕嘈親其他人嘛。話明生日飯，點可以冇壽包，1籠6個，大大個，入面唔單止有蓮蓉，仲有蛋黃添，上枱時仲有煙㗎！熱辣辣，香噴噴，好軟好味！淮山南瓜木耳，呢碟下次一定要encore，真係好健康好味。我一個人都自己包辦咗半碟呀。海鮮豆腐煲，份量足，抵食之作。菠蘿咕嚕肉，壽星嘅最愛，當然要點啦。平時我就唔係咁like呢碟，因為怕肥嘛。不過呢碟好得意，除咗有菠蘿，仲有桃添，而且d咕嚕肉都唔算肥，我都破例食咗2件呀。…Read More

入馬鞍山探朋友，朋友話同我去食泰國菜，於是佢就帶咗我嚟呢間泰式餐廳食飯。Waiters 嘅服務態度好，有禮貌。菠蘿海鮮飯，材料都足，當然係有菠蘿和飯啦，而海鮮方面，有squid，蜆仔，prawn，仲有肉鬆添。不過全部都唔熱嘅，只是微暖，有d失望。雞肉串燒好香，一碟有4串，粒粒雞肉都唔算細粒，有口感，都算抵食。燒豬頸肉，好香口，唔會spicy。點埋伴隨嘅醬汁，好野味。不過我就鍾意唔點醬，原味食都好好味。…Read More

It has been a long time not visiting Pizza Hut. Don’t know why I suddenly missed it that day. Accompanied with my sister, we went there enjoying an afternoon tea break. Club sandwiches and chicken wing, sussages and meat ball combo were ordered. Drinks were included.The chicken wing combo is my favourite and it is a must-order dishes. Though it is a simple snack, but just love the taste.Possibly the club sandwiches had been over-toasted that made the bread a little bit dry. The content was rich with chicken, green, tomato and egg. …Read More

由於午餐實在食得太豐富喇，放工之後仲飽飽，但是又唔可以唔食晚餐，點算呢? 食碗河粉都係相當唔錯嘅選擇。 餐牌上有麵、有飯、有小食。今次呢，就只是揀咗豬頸肉船河，等咗唔係好耐，碗河粉就出現喺我眼前喇。。。好豐富啊! 除咗主角河粉和豬頸肉之外，配角陣容包括豆腐pok，無渣蘿蔔，芽菜，同埋有葉嘅菜(唔識個菜名)，整體上碗麵一d都唔單調，最鍾意就係菜嘅份量唔少，呢個位真係要俾個like 佢先，而且河粉嘅份量都唔少㗎，唔會湯多過麵。豬頸肉都香口唔會太乾，而且仲有小小spicy, 好啱鍾意辣嘅人; 但係我最怕就係辣，對我嚟講就辣咗d喇。…Read More

好姊妹最鍾意周圍搵新嘢食，佢建議到這間新開嘅餐廳食飯，咁就陪佢去試下啦。晚飯時間，人流不多，睇睇餐牌等好姊妹揀，我就負責等食。天婦羅唔多油，炸得香口好味，特別之處就係有件炸魚，這是其他餐廳比較少有的。多春魚燒得唔會乾身，仍然有d juicy, 味道都唔錯。雞腎都好新鮮，好食，但是$36一小串，價錢略貴。和牛炒飯用上珍珠米，粒粒米都飽滿，煙煙靱，好咬口，味道都okay, 只是稍微鹹咗小小啫，和牛份量亦少咗dd, 如果可多番小小，咁就perfect 喇。整體上都唔錯，下次再去試下d壽司和魚生。…Read More

那天跟友人茶聚，網上見到這間餐廳的Tea set近日換了新款，於是便到這兒聊天。Tea set 共有11款咸、甜點，每款2件，放入這間3層高獨立屋，透明外牆，一目了然;大部份咸、甜點都是按一口可吃下的size 設計。 Tea set包2杯飲品，加15蚊可轉特色飲品。底層放置了螺絲粉，三文魚米紙卷和拿破崙。三文魚米紙卷內放入了蔬菜;拿破崙上放了藍莓，紅莓和一片奇異果;至於螺絲粉，則佐以蟹籽和蕃茄片。中層有青口，蝦薄脆和法包。青口配上了粟米和白汁焗;法包內釀入了葡汁蜆肉;而蝦薄脆就配上了牛油果醬。頂層甜點有吉士撻，紙傘小蛋糕，西柚啫哩，和迷你啫哩杯。西柚啫哩很特別，啫哩放在西柚皮上，彷彿像是個切開的西柚;而鬆餅就另碟送上。…Read More

約咗朋友們睇戲，睇戲前就喺戲院附近揾嘢食。抱住＜唔使急，最緊要快＞嘅宗旨，大家就揀咗嚟食烏冬。由於lunch嗰餐仲未消化完，我就點咗個輕食d啦，呢個“滑蛋蟹籽蟹柳烏冬”就最啱喺呢個moment喇！蟹籽and蟹柳嘅份量唔算多，又唔算少，啱啱好。但係......d蟹柳就散哂，可能係煮得耐咗d啦，鬆鬆散散咁，不過鬆散咗又好似份量多咗，雖然係咁，我都係比較鍾意實jeng d，口感好d嘛。 滑蛋都唔錯， 日式店嘅滑蛋間間都係差不多，不過呢碗內嘅係中上。烏冬彈牙，湯底唔會太鹹，幾好。好快order，好快上菜，好快食哂，好快走過隔離睇戲lu。…Read More

放工去尖沙咀行街街，行到攰，見到呢座大廈入口咁靚，見到呢間餐廳嘅相好靚，一於就揀呢間餐廳食飯啦!一開，即刻被呢個木製間隔吸引住，襯埋時尚裝修，感覺好特別。首先食個沙律開開胃，沙律賣相好靚，沙律菜好新鮮好甜，而且仲有好多三文魚子，甜蝦和芒果，好清新，好味！鵝肝多士好香，煎得啱啱好，鵝肝表面香口，內裡軟冧，加埋底下多士，好軟冧煙靱，好味！而且旁邊有好多沙律菜，感覺健康！海鮮墨魚汁飯，海鮮份量相當多，啖啖飯都有海鮮一齊食，墨魚汁飯好味，唔會太鹹，同埋海鮮一齊好夾。豬肋骨烤得好香，骨好容易拆，好入味。要留意旁邊嘅醬汁，係非一般烤汁，甜甜辣辣，原來係加咗薑汁和蜜糖，正！餐牌仲有其他選擇。…Read More

今日入咗沙田開會，放工後就順便喺沙田搵食。呢度有好多食店，各國美食都有，隨便入嚟呢間食番個西班牙海鮮飯。餐廳係A1 Bakery 開嘅，麵包當然出色。西班牙海鮮飯，加45蚊有餐湯，雪糕和餐飲，而且仲有佢地嘅招牌麵包和dressing揀添。是日餐湯係洋蔥湯，湯雖甜，不過就普普通通咁啦，不過不失。西班牙海鮮飯有2個size, 我怕浪費，所以點咗個細嘅，但係份量絕對啱女生食。海鮮份量都充足，有蜆，青口各2隻，蝦1隻，再加d墨魚片，不過飯就略為過冧。雪糕是vanilla 加oreo cookies crash, 口感味道都唔錯。飲埋杯咖啡，完美嘅一個晚餐。…Read More

同事提議嚟呢度食晏，順便可以講吓公司是非嘛。百頁卷，細細粒，一啖一粒，係一個好食嘅前菜。用百頁卷住d菜，好開胃，又唔會食飽肚，百頁淡淡地，可以清下d味蕾。醉雞好香酒味，雞肉嫩滑。嚟小南國梗係要點小籠包啦，皮好薄，餡料鮮甜，而且湯汁十足，一籠有5隻，唔夠分每人2隻，我喺同事專心八卦嘅時候，成功夾咗2隻。炒年糕好煙靱，薺菜碎同年糕一齊炒，菜嘅味道加上淡味嘅年糕，好好味。看似細細碟，但係我們可能掛住講，都食唔哂。甜品當然是必食㗎啦！椰汁紫米紅豆小丸子，呢個一定要試。唔會太甜，有椰汁香味，小丸子又好煙靱，是一道出色嘅甜品。桂花糕同都是煙煙靱靱，中間有桂花蜜糖，好味！…Read More