holw01's Profile

朋友帶我慶祝生日，去到門口等候入座的人已擠滿。未入座見到環境已經旅行mode，好似去左外國餐廳一樣，遠睇有啲似迷你版Harry Potter入面個禮堂朋友一座低立即order最出名的青口，青口口味有幾種，但見每一枱都有叫，相信應該真係招牌菜，我哋最後叫咗白酒那一款。上菜時配有一塊大的蒜蓉包，十分惹味，點埋青口的汁簡直是絕配！不過我唔好青口的關係，朋友就負責清曬啲青口了之後上牛扒，係合格之上的水準！不過叫5成好似黎咗7成最超預期的係配菜薯條，薯味好重，最大鑊係佢脆卜卜，真係停唔到口，不停食心真係好熱氣。接住來的係海鮮意大利麵，呢啲真係有驚喜，個忌廉汁又滑又濃，帶子好新鮮，雖然煎過，但依然juicy，好滿足呢個！朋友話意粉個青口同散叫個青口味道係唔同嘅，所以唔使太擔心重複。再落去就食咗巴馬臣芝士雞胸，冇諗過碟雞胸咁大份夠4個人食，芝士好香，啱曬芝士控的朋友，雞胸完全無乾的感覺，恰度好處，整碟菜加埋個樣有啲似蕃茄芝士千層面呢個都係大堆菜式。最後叫左個龍蝦意大利飯。龍蝦汁濃郁，份量略嫌少，飯的部分僅足夠鋪滿一個平面，上面龍蝦好鮮味，還有好多膏不過我認為全店舖最應備表揚的是服務。全場所有待應做事十分勤快，感受到他們真誠與客人溝通。最厲害當然是當晚應該接近唱左10幾次的生日歌環節，部分店員更每次伴舞，真的敬業！絕對是慶祝生日嘅必選地方。別忘記order甜品，我哋叫左個waffle，都係夠4個人食架面頭的topping好似用蛋白和糖打出來，軟棉棉好似食緊棉花糖咁樣，配上滿曬榛子朱古力醬嘅waffle，真係無懈可擊，不過溫馨提示真係有少少甜。…Read More

家住葵青，見到葵芳有新打邊爐海鮮放題做到凌晨3點，借朋友生日來試，而且作為foodie當然第一時間試新菜為大家現場直擊。上到去，可能新開的關係加上有點夜，暫時未需要排隊，可以立即安排入座。我哋4位今日揀左最貴套餐D至尊套餐，即包含海鮮任食的那一個。坐低後大部分店員有禮，環境尚可，有點似北上打邊爐店的感覺，冷氣係夠的。湯底我哋揀咗花膠雞湯及麻辣湯，兩個湯底味道好濃，係唔錯嘅有海底撈嘅feel好期待好興奮走出去自助區，第一個驚喜來了！係極度失落，同宣傳品和想像相差太遠，自己可以睇返相。自助區食物寥寥可數，同埋都不太衛生。第二個驚喜亦都係最重點嘅食物牛肉。我哋食呢個餐呢係包含咗澳洲安格斯牛板腱、鮮切吊龍、西班牙五花腩片。首先，原來牛都是在自助區自取的，質素真的令我掉眼鏡，都係那句，睇返相片。咁牛肉質素存疑下，咁我就叫最令我期待嘅鮮切吊龍，戲肉嚟啦！佢話今日吊龍賣晒！你冇聽錯冇睇錯係賣晒！我哋好努力去跟店員指出入店開單時冇人講過賣晒，而且如果一早賣晒我哋應該唔會入嚟食。我哋就住呢個情況去問店員，店員就話因為係新鮮貨，所以賣晒就冇。然後就話送榴槤和椰青給我們補償，但係其實我哋係唔食榴槤，所以我哋婉拒，之後就有男店員出來調停，我表示係Foodie的身份試菜影俾網友分享，男店員竟然同我講：「你下次上嚟影相拍嘢提前預約，我執齊晒啲嘢俾你影….」真係聽到我眼都凸埋。海鮮方面係魚缸即撈的形式，大頭蝦夠大隻係推薦的鮑魚都可以的，蟹就大多數反肚，唔建議試。另外還有沙白蜆，其他單張上嘅海鮮任食暫時未見。咁無吊龍，唯有自助區的牛都要照食啦誰不知，驚喜只會越嚟越大店員話已經冇晒牛！係冇晒牛！一間火鍋放題冇晒牛！佢話賣晒！去到呢一刻我已經唔知自己仲可以食乜嘢，因為我本身唔食海鮮，係因為朋友食所以先叫海鮮餐。最後我而家只可以食生菜同出前一丁，但係包出前一丁個樣有啲古怪。最後有一個店員從雪櫃拿了四碟牛給我們，但之後真的賣完了。其實真係好失望同埋好嬲我真係冇諗過冇吊龍、仲要自助區啲牛都話賣晒，個店員話冇就冇，真係好差嘅體驗。在食材完全不足情況下仍然招待客人開單，特別我們作為顧客是看宣傳品上<特級肉類任食>及<高品質海鮮任食>來吃，真係難以接受。以放題店而言，有部份食材賣晒係合理嘅，不過並非重點牛肉，而且是強調最好吃的吊龍，在食材不足的情況下更加不應該招待客人，還有一點點質疑男店員的親自回應，如果有任何人對我親自的食評有所懷疑，歡迎親身嘗試，希望店主看過我的食評後會為大家帶來改善。公平啲講句我哋11點入座，不過佢開到凌晨3點。最後我真係食咗菜同公仔麵走了，四位埋單連加一（宵夜88折）$1153.86-叫朋友拎埋蛋糕返屋企慶祝就算，報告完畢…Read More

新開即試，食物份量足料的它們寫的招牌菜大多都價錢相當抵食令你想呢樣那樣都想試的感覺薯仔牛柳粒味道好食，不過牛就乾左啲，份量多搭救蒜蓉粉絲蝦就不要叫了最好酸菜魚抵食不過食完餐飯之後就見真章一直都係口渴口渴同喉嚨乾涸建議減返少少油和鹽份，實在味道大濃希望有改善…Read More

落雨濕濕，落去新蒲崗附近工作，順道朝下聖去呢間小cafe悠閑一下。店面其實真係較細小，搵個門口都搵左好一陣子，特別是和式的設計，淺色的木系會令人不神就miss左。入去的時候，其實內裏別有洞天，空間感高，令我有少少想念起到日本旅行時的小餐廳，感覺到慢活的生活。講返食先，我跟朋友二人各自叫左一個lunch set，是日餐湯係洋蔥湯，係我的飛佛而且好少餐廳會做的餐湯，味道濃郁，如果加埋蒜頭一齊煲，真係啱哂而家好易感冒的雨季，好好味😋主菜分別叫了香辣蒜蓉海鮮意粉，仲有雞皇忌廉意粉。老老實實，雞皇的雞麻麻地，有少少煎過龍的感覺，但意粉的質感值得一讚，唔會食到一口粉團的感覺，有咬口，配上咁穩陣的忌廉汁一定贏。至於海鮮意粉，可能個人喜好香辣，而且好香蒜蓉味，所以略勝一籌。飲品方面，當然叫左最吸精的富士山特飲！店員送來的時候真係精神為之一振，果然好靚。天藍色嘅富士山頂有厚厚的奶蓋，頂峯加上紅色爆炸糖，下面是藍色橘子味的糖漿汽水，絕對值得一試🤭朱古力mocha都實在太濃郁，不會過甜，跟lunch set可以半價👍🏻寧靜慢活的時間，看見一對孩子在努力溫習考試，閑聊數句，談吐有禮大方，偶然也有相互捉弄，然後向媽媽（應該是其一店員）告狀的時候，相映成趣。…Read More

最中意lunch食西餐，仲要係新cafe，即刻出發！剛好遲左食lunch，唔洗點排隊就入得了。環境闊落，但座位數量不多。食物方面有驚喜，我個人必食推介秘制流心蛋包，個包甜甜又鬆化，蛋漿好滿，配上洋蔥味好夾，比想像好味好多，必試！熱食叫左藍水晶蝦酸辣天使麵，一個男人食份量未必夠，但味道出色，唔洗落辣椒仔都夠哂味👍🏻沙律唔係好夠汁，雞胸比較鞋😅應該就唔會再食嘢飲清新可口，叫左杯blue bottle jelly fish，係蝶豆花加咖啡，中間夾雜左啲煉奶，但唔係好甜幾好味，花只係顏色嘅部份，冇乜花味。Hot mocha朱古力味濃郁，係近期少有又好飲嘅。不過提一提大家，暫時係未有套餐全部散嗌，同埋只收現金，仲有仲有，佢嘅餐牌係比較特色係手寫嘅，想測試吓有冇讀寫障礙，睇吓個餐牌就會知㗎啦。溫馨提示：服務態度真係必須改善，千萬開始紅就吊高賣。…Read More

新都會、葵廣食到悶鳥。今日行過少少去左葵芳邨對面金龍工業大廈試新菜。餐廳新開張，環境細細，但已經坐滿客了。*詳細介紹入相睇小結：場地唔係好大，但係環境舒適似cafe特別要留意可能位於工廠區，收下午4:30同埋啱啱新開張，人手唔係好夠，希望遲啲有改善啦性價比真心超高大家一定要去試吓最容易去嘅方法就係葵芳邨商場天橋穿出去一落就係二期大門口暫時只係收現金同八達通，大家要留意啦…Read More

一諗起小菜，香港人自自然然就會去酒樓，但食得多都好似有小小厭，今日我就一家人去左一間新開無耐的小菜館，即刻介紹下⬇️味道都的確唔錯，港式懷舊菜式都好多款，老人家去到應該都幾鍾意。餐廳入邊有三間房可以預訂，如果想食蝦多士同埋杏汁豬肺湯就要提早訂啦！我今日就冇訂房，坐外邊，座位都闊落，不過就燈光暗少少，唔知點解坐下坐下想瞓教，所以記住揀啲光猛嘅位。…Read More

過江龍蛋包飯之神滿天星嚟左香港一段時間，但一直都太多人都未入到去試下，今日終於食到了！今次兩個人食，但因為有商場優惠券加持，可以叫多幾款唔同的嘢食試下😝我係8點幾左右先去，所以剛好避開左人龍，唔洗好耐就能安排入座了。食評入相睇➡️➡️➡️小總結：環境坐得舒服，但內裏較嘈吵，不太適宜閒聊。主打的蛋包飯有好多款，有機會（唔洗排隊的話😂）再試下第二款，今次個汁真係唔係我杯茶。最重點嚟㗎，價錢方面就真心略貴嘅，用完商場嘅半價券都唔係話好值（真心覺得🥱），如果無券就要差唔多$800-900埋單了，不過如果趁疫情又無得飛大阪住，想望梅止渴都不失為一個好選擇。…Read More

呢幾日熱到出汁，最好就係食雪糕了🍦朱古力味大家就食得多了加埋我最愛的黑松露又點睇呢？今日同大家介紹近排hit爆排哂隊買的雪糕店👻一開蓋就完全無咩味聞到，有啲失望😞食第一啖的時候咸咸地好奇怪但食食下朱古力味越來越濃配上雪糕中間夾雜的朱古力碎黑松露就由主角轉為配角的角色了最重要杯裝雪糕雪住咁耐都仲可以保持絲滑的感覺就好味得多了👍🏻朱古力同黑松露的fans值得一試✌🏻不過想食的朋友就要快了，因為海港城分店好快會搬舖了😋😋…Read More

星期日放假又撞正一田大減價，被屋企小牛魔捉左去間靚靚cafe到chill下，見剛好新城市呢間唔洗排隊，又有溫泉蛋黃牛飯，就等我走入去食下介紹下俾大家😋但係由於啲牛送貨出現問題所以暫停供應🥹…Read More

芝士！相信係大多數香港人的至愛。今日要介紹的係位於土瓜灣的Pizza Monster。店舖麻雀雖小，但五藏俱全。其實本人本身就唔中意食pizza，因為又乾又熱氣又硬，所以無咩好感，但卻被發現店內有一個「拉絲」芝士比賽，就係咁就被吸引左來了。食評睇圖啊☺️☺️好啦總結一下！睇完之後係咪心思思好想食呢！我覺得舖頭雖然比較細，但係入邊裝修好舒服，其實都幾適合坐低慢慢傾吓計，店員同老闆都係好nice和熱情招待的。如果大家平時都係去某大品牌食pizza或者撒記，我真心覺得你可以試吓呢間，我拍心口保證佢質素更勝人一籌，而且價錢真係極具競爭性，至少我呢個麻煩人覺得好食，會再嚟！補充一句，如果舖頭用來切pizza的刀可以鋒利返少少，就perfect了🤭🤭…Read More

朋友即將離港，諗住她要吃中餐回味一番，誰不知她帶我去到另一個角落—東歐烏克蘭⋯⋯食評入圖睇‼️總括嚟講呢成間餐廳係好有特色，原來翻查資料之後先知道佢係全港唯一一間正宗烏克蘭菜，餐廳入邊一路播放住好輕鬆好親切嘅歌曲，令到你好融入佢哋嘅感覺，加上當地嘅特色佈置更加係冇得彈，餐廳嘅員工招呼好客有禮，呢幾但部份絕對加分！其實餐廳仲有更多經典嘅烏克蘭菜式，只係我仲未夠膽行出一步試吓，例如有兔肉、鹿肉等😅…Read More

屋企人買左團購，專程去試，等左唔係好耐好快有位。入到去一坐低，環境OK但出面拎的食物就麻麻地了。問問下原來團購唔包刺身的，要另外每位加錢 :( ，另外飲品每位加10蚊，為了唔令個爐出咁多炭屎，要加張牛油紙，另付$6 肉類無咩味，天時暑熱之下沒有放入雪櫃，飲品是葯水味的青蘋果汁，還有「康師傅」綠茶，真唔開胃，甜品係啫喱同好難食唔知咩牌子的雪糕。晚上返到屋企疴足一晚，立即見效，今早請病假，睇醫生証實食物中毒，我以後不再來。…Read More

期待左好耐的8度海逸buffet,但竟然未入到去就搞到我呢個有耳水不平衡的小伙子開始頭暈，可能因為配合8度主題的關係所以咁。行到入去，只見人山人海，枱與枱之間好迫，還有的是，我未試過去一個buffet嘈到好似街市咁的，直頭嚇死人，食咩都無胃口。講食那part,老實講，跟海逸其他幾間確實比下去，熱盤唔多，冷盤唔夠，叫做有長腳蟹同生蠔頂住。生蠔好肥美，值得一讚！但長腳蟹我唔夠人快，無食到。牛排異常美味，一啲都唔硬，正！甜品方面要大家失望了，因為不是太好吃，我只係每件試左少少，同埋個頭越食越暈，所以無幾耐就走。地方環境食物黎計，400幾一位係超級唔平，但因為會員關係，有8折，不過都300幾，不會再來了。…Read More

午餐極難食，豬頸肉炒飯濕到不得了！濕炒雞柳河仲難食過茶餐廳。諗住特飲會好些，叫左兩杯青檸蜜，好似水喉水出咁既味，唉，好難食！但我晚餐吃過係好食的，唔知點解下午咁…Read More